फलिप्पी 3 Popüler Kutsal Kitap Ayetleri

Paylaş

भाईओ, मेरै दिलै निं एही आथी कि हुंह मुक्‍कअ तैहा गल्‍ला ढाकी, पर सिधअ एक काम करा हुंह इहअ कि ज़ुंण गल्‍ला पिछ़ू आसा छ़ुटी गई दी तिन्‍नां बिस्सरी करै लागा हुंह आजू एछणैं आल़ी गल्‍ला बाखा लै हांढदअ। हुंह रहा कबल्‍लअ नशाणैं बाखा लै ठुहर्दअ लागी ताकि मुंह तेते नांम स्वर्गै परमेशरा संघै सदा रहणअ भेटे, ज़ेता लै हुंह परमेशरै मसीहा ईशू दी आसा शादअ द।

हुंह च़ाहा मसीहा समझ़णअ अर परमेशर मुंह दी बी तैहा शगती करै काम करे ज़ेता करै तेऊ मसीहा मरी करै ज़िऊंदअ किअ ताकि हुंह तिहै दुख ज़िरी सकूं ज़िहै मसीहा दुख ज़िरै अर तेऊए मौतो साझ़ू हई सकूं। ईंयां सोभ गल्‍ले आशा आसा एही कि परमेशर मुंह बी मरी करै ज़िऊंदै करे ज़िहअ तेऊ बाहिदअ आसा किअ द।

पर ऐबै बछ़ैणा हुंह मसीहा ईशू अर तेता पिछ़ू ज़िरा हुंह तिन्‍नां सोभी गल्‍लो घाटअ बी। हुंह समझ़ा इना सोभी गल्‍ला बृथा ताकि हुंह सिधअ प्रभू ईशू मसीहो हई सकूं

ईंयां सोभै गल्‍ला ज़ाण्हिंआं ती मुखा एही कि ईंयां आसा मेरै फाईदे पर मंऐं समझ़ी ईंयां गल्‍ला आप्पू तेता पिछ़ू घाटअ ज़ुंण मसीहा मुल्है किअ।