मत्ती 25 Popüler Kutsal Kitap Ayetleri

Paylaş

तेभै दैणअ मुंह धर्मीं राज़ै तिन्नां लै ज़बाब, ‘हुंह खोज़ा तम्हां का सत्त कि ज़ुंण तम्हैं मुंह दी विश्वास करनै आल़ै होछ़ै का होछ़ै भाई-बैहणी मांझ़ै कसा एकी संघै बी किअ, सह किअ तम्हैं मुल्है।’

“तेऊए मालकै बोलअ तेऊ लै, ‘शाबाश, हुंह हुअ ताह करै खुश तूह आसा राम्बल़अ और भरोस्सै करनै जोगी टैहलू। किल्हैकि तंऐं किअ थोल़ै दी विश्वास। मुंह बणांणअ तूह खास्सी च़िज़ो मालक और तूह हणअ मुंह संघै मेरी खुशी दी साझ़ू।’

किल्हैकि सह हरेक मणछ, ज़ुंण तेऊ का आसा, सह तेता करै बधिया बर्ताअ करी ज़ाणें तेऊ लै दैणअ होर और ज़ेतरी तेऊ ज़रुरत आसा तेऊ का हणअ तेता का खास्सअ। ज़ुंणी मणछै बधिया बर्ताअ नांईं किअ; तेऊ का मांगणअ सह बी पोर्ही ज़ुंण धख ज़िहअ तेऊ का होए बी।

“बिऊंतै रहा किल्हैकि तम्हां का निं एसा गल्लो थोघ आथी कि सह साईत केभै हणीं ज़ेभै हुंह फिरी एछणअ।

किल्हैकि हुंह त भुखअ और तम्हैं दैनअ मुल्है खाणां लै। हुंह त नचिशअ और तम्हैं पणैंऊंअ मुखा पाणीं। हुंह त परदेसी और तम्हैं दैनी मुल्है आपणैं घरै रहणा लै ज़ैगा।

“तेऊ मालकै बोलअ तेऊ लै, ‘शाबाश, तूह आसा मेरअ भरोस्सै जोगी टैहलू तुबी रहअ थोल़ै दी विश्वासी, तुबी बणांणअ मुंह ऐबै खास्सी गल्लो मालक, और तुबी हणअ मुंह संघै मेरी खुशी दी साझ़ू।’

हुंह त नांगअ और तम्हैं दैनै मुल्है बान्हणां लै झिकल़ै। हुंह त बमार और तम्हैं की मेरी हेर सभाल़। हुंह त कैद खानै दी बंद किअ द और तम्हैं आऐ मुंह सेटा लै हेरा सभाल़ा।’