1 जोहन्‍ना 5 Popüler Kutsal Kitap Ayetleri

Paylaş

होर, हाम्हां आसा परमेशरा सम्हनै इहअ निहंचअ कि, ज़ै हाम्हैं प्रभूए मरज़ी दी मांगे तै शूणां सह म्हारी।

ज़ै हाम्हां का इहअ थोघ आसा कि ज़ुंण हाम्हैं मांगा, तेता हेरा परमेशर शूणीं तै आसा हाम्हां का इहअ बी थोघ कि ज़ुंण हाम्हैं मांगअ सह हेरअ हाम्हां लै तेऊ दैई बी।

म्हारी परमेशरा संघै झ़ूरी आसा अह कि हाम्हैं मना तेऊओ ई हुकम अर तेऊओ हुकम निं हाम्हां लै कठण आथी। ज़ुंण बी परमेशरे लुआद आसा, तिंयां निं संसारे होरी लोगा ज़िहै काम करदै। हाम्हैं ज़िता तिन्‍नां सोभी गल्‍ला का ज़ुंण परमेशरे खलाफ काम करा। हाम्हैं निं संसारे बूरी गल्‍ले बशै पल़दै किल्हैकि म्हारअ विश्वास आसा मसीहा दी।

ज़हा दी परमेशरो पूत बस्सा तेऊ का आसा सदा रहणैं आल़ी ज़िन्दगी अर ज़हा दी परमेशरो पूत नांईं बस्सदअ, तेऊ का निं सह ज़िन्दगी बी आथी।

हुंह लिखा ऐहा च़िठी तम्हां लै एते तैणीं कि ज़ुंण तम्हैं परमेशरे पूता दी विश्वास करा, तम्हां का लोल़ी इहअ थोघ लागअ कि सदा रहणैं आल़ी ज़िन्दगी तम्हां लै।

हाम्हां का आसा ऐहा गल्‍लो थोघ कि ज़ुंण मणछ परमेशरा का आसा पैईदा हुअ द सह निं पाप करदअ अर तेऊ डाहा परमेशर बच़ाऊई अर तेऊ निं सकदअ सह कदुष्ट राख्स छ़ुंहीं बी।