Maako 6 Popüler Kutsal Kitap Ayetleri

Paylaş

Bantu banji-banji bakali kuunka akupiluka, cakuti basikwiiya tiibakakonzya kujana ciindi cakulya. Nkaako Jesu wakabaambila kuti, “Atweende kubusena nkotuyooba tolikke tukalyookezye aasyoonto.”

Jesu wakabaambila kuti, “Musinsimi ulalemekwa kuli koonse pele kutali kwabo, kati kaluzubo lwakwe, amumukwasyi wakwe mwini.”

Jesu naakazwa mubwato, wakabona bantu banji-banji, mpoonya wakeetela akaambo kabo, nkaambo bakali mbuli mbelele zitakwe mweembezi. Wakatalika kubaiisya zintu zinji.

Taakwe naakacita limbi milimo iitondezya nguzu, ccita buyo kubikka maanza abantu bace bakali kuciswa akubaponya. Jesu wakagambwa akaambo kakutasyoma kwabo. Nkabela wakainka kuminzi yoonse yakazingulukide kuya bwiisya bantu.

Jesu wakabweza zinkwa zyosanwe answi zyobilo, walungumana kujulu, walumba Leza amane wazikomona akupa basikwiiya kuti baabanye bantu, azyalo nswi zyobilo bakabaabanya mbubonya. Lino boonse bakalya bakkuta. Basikwiiya bakabwezelela bufwefwelenga bwazinkwa abwanswi bwakalekwa, bakazuzya zisuwo zili kkumi azibili.