HAGAI 1 Popüler Kutsal Kitap Ayetleri

Paylaş

Tondũ ũcio Jehova Mũnene wa Ita ekuuga atĩrĩ, Wĩciriei wega ũrĩa mĩthiĩre yanyu ĩtariĩ. Nĩmũhandĩte irio nyingĩ, no mũkagetha o tũnini, o na kũrĩa nĩmũrĩaga irio no mũkaaga kũhũna; ningĩ kũnyua nĩmũnyuaga, no mũkaaga kũnyotoka, o na ningĩ mwĩhumbaga nguo, no gũtirĩ ũkũigua ũrugarĩ. Ningĩ ũrĩa ũthũkũmaga ekagĩra mũcara wake mondo ndũrĩku ihoro.

Nĩ kaba mwambate kĩrĩma-inĩ mũgĩre mbaũ, nĩ getha mũcoke mũnjakĩre nyũmba, nĩguo njoke ndĩmĩkenagĩre, o na njĩkĩrĩrũo; ũguo nĩguo Jehova ekuuga. Nĩ gũcaria mwacaragia uumithio mũingĩ, mũgĩkĩona o mũnyinyi; na rĩrĩa mwainũkirie ũcio mũnyinyi ngĩũgũrũkia na mĩhũmũ yakwa. Nĩ niĩ Jehova Mũnene wa ita ngũmũũria atĩrĩ, Ndekire ũguo nĩkĩ? Ndekire ũguo nĩ ũndũ nyũmba yakwa noyo ĩĩikarĩtie ĩhaana ta kĩĩgĩĩgĩ; no inyuĩ-rĩ, mũhũgaga mwerekeire nyũmba-inĩ, o mũndũ erekeire nyũmba-inĩ yake.