Matius 27 Popüler Kutsal Kitap Ayetleri

Paylaş

Jaa tolu ncimonou', mekio'-imi Yesus napasimuku mpo'uli': ”Alata'ala-ku! Alata'ala-ku! Napa pai' nupalahii-a?” Hi rala basa Yahudi: ”Eli! Eli! Lama sabakhtani?”

Nto'u toe, kain porini–olo' to tetoe hi rala Tomi Alata'ala muu–mule' mobika' ntongo' ngkai lolo-na rata hi une'-na. Ria wo'o linu, pai' watu bohe paheka'–heka'. Wori' daeo' mobea-mi, pai' wori' tauna to monoa' ingku-ra owi rapotuwu' nculii'.

Oti toe me'au tena-i Yesus napesukui, pai' modupe'-mi inoha'-na.

Tadulako tantara hante tantara–tantara doo-na to mpojaga Yesus, me'eka' lia-ramo mpo'epe linu pai' mpohilo hawe'ea to jadi' toe. Ra'uli': ”Ana' Alata'ala mpu'u-i-tawo'!”

Tebua'-mi eo, muu–mule' mobengi hobo' hi ngata toe rala-na tolu jaa.

Napekune' tena Pilatus: ”Ane wae, kupopai-imi Yesus to rahanga' Kristus?” Metompoi'-ra omea: ”Raparika'-i!” Mepekune' tena-i-pidi Pilatus: ”Hiaa' napa sala'-na?” Rapesukui lau-mi mejeu': ”Parika'-imi!”