Kolosianenge 2 Popüler Kutsal Kitap Ayetleri

Paylaş

Paldavá, syr tumé udžindlé Isusós Xristosós syr Ras-Devlés, adiáke tumé i dživén dro jekhipén Lésa, Javén bi kunipnaskire (tvarda) dre Léste i barjon pir patiaibén dre Léste, syr tumen sykliakirdé, jačénpe dre patiaibén parikiribnasa.

Dykhén kučes, sob (kaj) nijékh te na zlydžal tumen patiaibnastyr filosofijasa i xohaibnasa, savé pridumindle manušá, i savé sčhude pe svetóskire dúmy, a na pe Xristosóskiro sykliakiribén.

I tumen, savé sys mulé dre tumaré gréhi i dre tumaré-ločakiro občhinyben, Devél otdžidiakirdiá khetané Lésa i otmekciá amaré saré gréhi; Jov otparudia sykliaibnasa saré priphenybená Zakonóstyr, so sys čhindlé vastésa, savé sys proti aménde, i Jov ukedyja davá saró, i primardia les ke trušúl

Pal-dová so dre Léste dživéla Devlýtko pherdypen dre manušýtka masá pir dúho (fáno), i tuménde isyn pherdó džiibén dro jekhipén Lésa, Savó isyn Šeraló pe saré baré rande i svetoskiro zoralypén

Mek nikón te na sendinel tumen pal xabén ci pal pibén, ci pal vari-savó svénko, ci sávato (subóta), Saró davá isyn sýrby zer (tienjo) doléstyr, so javéla angíl, ne čačipén isyn dre Xristosóskire Masá.