BaRoma 12 Popüler Kutsal Kitap Ayetleri

Paylaş

I bi ti ikuus yin nggɔn azatse kang awo, won yin Adakunom na a shesheng kuyiring yin ni nggɔn yin. Na anɔng wu, i da kyem imara yin, ni rēn yin ikyɛng fɛ́ Adakunom shim, idɔng fi i se gyat, ikyɛng ishim, i ti se yɛɛt.

Nek anɔng ábaruneng, in tsin ra awon ni iyin nek angmishish fɛ́ Adakunom mi nye, nasap nrɔm yin tɛ kunang kutset, kuyɔng fi ku se jɛrɛ, ikyɛng fɛ́ Adakunom shim, nek anɔng e yet irèn iya ntong abik yin in fɛ́ atsak.

Nye yin ifeng nek ite iyɛ yin, nye yin akabɔk ayɛt mgbang, ras yin awon kaaki izen.

I bi won yin anyas na a ya awɛng naton yin awo, tit itek fi iras yin ni i ya awɛng naton anyas.

Di te yin ice ni ishim barunyining, nesek yin bafidang iratek aza ice yin.

Won ishim yin ni i yet ifɛ́ atsak. Rayin ikyɛng fi i yet imaan e; di fit yin ni idɔng fi i yet itek.

Ki i da nye, ki nek ikyɛng fi ingɔn da nye wu, nye kusot kukyang na akaangan.

Ábaruneng, i bi tirik yin anyas na anyas awo, tit ni won yin Adakunom bi ki tarang yin ne ni izen naman wu, nek i se ni ijɛk ye, “Itarang kutomong anyas yet inaan, imi bi ka ba tarang,” aTisa wu a fɛrɛng anɔng.

Te yin nyɛk ni kutomong yin, i bi sot yin bafɛ́ arut awo, ra yin kutomong Adakunom ayɛt abik.

Nek itek fɛ́ Adakunom mi di nɔɔk, in shim in ki tak yin ngma yin fok, da akak bi mak nye kukaa fi ku naat agap wu awo, tit na a nɔ ni nhwyɛ wu ni irèn fɛ́ a di yɛrɛ ice wu, na a sas ice wu kpaf ti inɔɔk atsak fɛ́ Adakunom ku nɔɔk.

I bi tarang yin bayɔng fɛ́ ba ki nye yin anyas, na anyas awo. Nye yin yɛɛt ni ikyɛng fi i da nye yin, fi i da se gyat ashon banet ngma kusum.

Nyes yin kusot kukyang na bafidang. I bi kok yin ice yin garang awo, mon yin ice yin na bayɔng fɛ́ ba se aben ni iyin, i bi sok yin ice yin ti i got yin bakak itsɛ́ng awo.

Ifɛ̀ Adakunom ti i fɛ̀ ye, “Ke afidang ifa ngɔn foos nzong, ya ni wu; ke a foos iyɛ ngash, ku nɔɔk ashi isɔ. Na anɔng wu, i da sot ti i tsin ku korok aca-rong ni ice wu.”

Di tes yin itek sak na bayɔng fɛ́ ba ki nesek yin mgbang, ka ba tes yin mo itek, da kawɛy awo. Nyes yin ifeng gung na bayɔng fɛ́ ba se ni ifeng, nyes yin kafa kawe gung na bayɔng fɛ́ ba se ayɛt kafa kawe.

Kabasa yin ikyɛng fi i bɛ̀ yin ne banet Adakunom fɛ́ ba se dang ikyɛng, shashang yin batsen na nasa yin.

Kyɔn tɛ fɛ́ kaangan yit di bɛ̀ nkap irɔm zizɛɛt, wat nkap e bi ntomong na zizɛɛt-zizɛɛt, i se kpaf anɔng ayɛt Anet-Isheshek, iyit fi in se yit dot, in mi sot yit kurɔm kuzining, kaakye azining yit yet kukap afidang.