AMarkus 6 Popüler Kutsal Kitap Ayetleri

Paylaş

Nek kudot banet fɛ́ ba nes, nɛ ba tsees, i sak ba kyem ba sɛ kawat iyak awo, aYeso fɛ̀ ni iba, “Bɛ yin in tse yit narɔ fɛ́ ka se wiin, nɔng in da tsin in fɔɔn yit.”

AYeso fɛ̀ ni ba, “Kaangan a nesek atan iratek, tit bafi iwɔp wu, nɛ bafi izit wu, nɛ bafɛ́ ari wu kyɛk fɛ́ ba ku byɛs.”

Ni izen fɛ́ aYeso wuruk ni kukyɛ ashi me, a di kudyɛng banet e, a fok angmishish ba, nek ba se ti itsamang fi i se vit anek. Nek anɔng, aYeso kpa ka ba tees nkyɔrɔk dot.

A kyem a ra ntomong abes azɔng awo, nkum bafi nrɔk gyet fɛ́ a di saas mbɔk ni ba, a ka ba tes kyang. A ku te kpɔrɔk, na vit inɔɔk atsak bà. Ama anɔng, aYeso teng a kat na naban nwɔp na tees banet ifɛ̀ Adakunom.

A sok ágbang akpam atoon e, ni ìzos ifaa me, a sok ayisi sak azanɛn, a nɔɔk ifeng na Adakunom, a kpa bushung akpam e. A ma nɔɔk bafi imɛɛs wu ne, na ba kabasa banet e. A tɛ a ka ba kabasa ìzos ifaa me bà. Ngma ba, ba ya, ba hwyas. Ama anɔng, bafi imɛɛs e tusung akpam, ni ìzos fi ituk, ba sɛ nakɔmɔng kusɔk abe afaa.