Tizaret 49 Popüler Kutsal Kitap Ayetleri

Paylaş

Aṭṭebel n temenukela, éd yeqqayem ɣor kél Yehuda, Wr éd yemmukkes ǧér éḍaren ennét, ar ahel wa-d éd yas Šilo, was éd elkemnet ellametén.

Yusef hund ašek itarewen s ǎǧut, ašek itarewen s ǎǧut iwaren téṭ n aman, Éẓlan ennét okayen aked elxiyaḍen. Eḍlement, eǧerent, ekyeḍent, wi ǎmosnén messawsn n tiɣayiwén.

Beššan yekna oḍuf i tǎɣayé ennét, fesusen ifassen ennét, dɣ terna n Ǎmeqqered wan Yaƹqub, Ǎmǎḍan, Étǎq n Israyil, s Messineɣ n tik, éd key yennej ! S Ǎneddabu, éd key yeburek s elbaraka n iǧennawen win afella, d elbaraka n aman wi-d efelnén ammas n ǎmǎḍal, d elbaraka fol éfef d tesa n tuntawén.

Yehuda, ayet-mak éd hak eǧin tamulé. Éd ternud ihenǧa ennek, dg tik éd enhin datk. Yehuda, ǎbaraḍin, tǎmosed hund aher meḍriyen, wa inaqqen a yermes, ḍeffer adih éd yeqqel édeg ennét. hund aher, yeǧen, hund tahert, mit éd isenkerin ?

Ruben key, ǎmahwarin, key wa ekreheɣ émér-d ǎmoseɣ ǎmali, key a yoǧeren dɣ serho, key a yoǧeren dɣ terna. Tameskaled hund anǧi yohalen, ǎbas éd tumased wa yezzaren, édét tehreyed tik dɣ édeg ennét, édét tessǎxremed tafteqin.