Mga Taga-Roma 7 Popüler Kutsal Kitap Ayetleri

Salamat sa Dios pinaagi sa atong Ginoong Jesu-Cristo! Busa mao kini ang akong kahimtang: gialagaran ko ang balaod sa Dios sa akong hunahuna lamang apan ang akong lawasnong kinaiya nag-alagad sa balaod sa sala.

Nasayod ako nga wala gayoy maayo nga ania kanako sa akong pagkatawhanon. Kay bisan may tinguha ako sa pagbuhat sa maayo, dili ako makahimo.

Dili ako makahimo pagbuhat sa maayo nga buot kong buhaton apan gibuhat ko hinuon ang daotan nga dili ko buot buhaton.

Kon gibuhat ko ang dili ko buot buhaton, nagpasabot kini nga dili ako maoy nagbuhat niini kondili ang sala nga ania kanako.

Busa nasayran ko kining usa ka balaod: sa higayon nga buot kong buhaton ang maayo, ang daotan hinuon ang akong mabuhat. Gikahimut-an ko ang balaod sa Dios sulod sa akong kasingkasing.

Busa kon gibuhat ko ang dili ko buot nga buhaton, nagpaila kini nga uyon ako nga matarong ang Balaod.