MARCOS 5 Popüler Kutsal Kitap Ayetleri

Paylaş

Jesusaki näkiś khichićha: –Kullaka, am Yöśkin thapa quśśiś khen ćhhetintamćha. Ni am konkiśtanaki źetchipanim khekićha xaśiki kuntintu oqa.

Niźaśa ni źoñinakź taypikiś tsha lä źon źelatćha qhalu piśkchiś watha lhokh thawqs konchiś. Niźaśa na źonki añcha t'aqhiśśinćha niźaśa wakchi qullñi źoñinakźkin oqhlaychinćha, neqhśtan näźa źelinś thappacha mirchinćha; niźaśa inapanqaś näźa źelinś mirchinćha niźaśa na źonki tshanti lä khissinćha.

Ni orapacha ni lhokh thawqsñiki ćhawqhchićha; neqhśtan näźa xañchikiś ni konkiśtan źethchi naychinćha.

Neqhśtan Jesusaki na uśha qhara tanźinźku chïchićha: –Talita cum, (ni taquki tuź khićha: “Amkiśl chiyućha, uśhalli źäźna”).

Jesusaź na źonakź nuź chiyan, ni Jairo khita judiu jilirź qhuykiśtan źoñinakaki thonchićha, na uśha ephźkin chï: –Am uśhki tikhśinćha, ¿qhaźtikśtanam tira ti thaxiñi źoñźtan parlasaxo? Jesusaki ni źoñinakaź niźta maśnan ana nonśićha, neqhśtan ni chawkh timlu jilirźkiś khichićha: –Amki ana tsuka; Yöśkin thapa quśtanqaś khe.

Ni yenqhichiś źoñiki chiyatćha, Jesusaki nïźkiś khichićha: –¡Yanqha, ti źoñźkiśtan ulna! Neqhśtan Jesusaki ni źoñi pewkśićha: –¿Ćhhul thüchiśśam amxo? Ni yenqhaki qhäśićha: –Weth thüki tama khitaćha, niźtikiśtan werhnakki tamćha.