HEBREOS 5 Popüler Kutsal Kitap Ayetleri

Paylaş

Xalla ni śuma ćhheriki chawk źoñinakźtaćha, ninakaki juchjiptayi śiśśa, niźaśa ninakaki ni śumanaka niźaśa ana śumanaka phalśñipanź śiśśa.

Niźaśa anćhukki aźqaź ti taqunaka nonźa niźaśa anśkamaki thaxiñi khiśtantaćha; ans anćhukki ni Yöś ćhhultaqkiśtan phaśil näśuk taqunakźtan wiltaź thaxiñi pekćha. Niźaśa anćhukki ni śuma ćhheri khiśpacha upa quśśiś khissinćhukćha, niźaśa anćhukki ni lichi likhśtanćha. Niźaśa ni lichi likhñinakaki tshi piś ichñi wawaźtaqaśśa, ninakaki ni werar juchjiptayś anaź atasaćha.

Niźaśa Criśtuki Mati khikanpacha, ti yoqkiś t'aqhiśiźku ni kaś katoqchićha; xalla nuź śumanaka päźku, nïki ni kaśñinaka watay watxapa liwrïñi khissićha

Ni Criśtuki ti yoqkiś qamkan kalaru xorźtan niźaśa muspa qaxźtan Yöśkin mayiśichićha niźaśa rokt'ichićha, ni Yöśki ni tikhśikiśtan liwrïś aśśiśtaćha; neqhśtan nïź kaśñiź khen Yöśki ni nonśićha.