GENESI 21 Popüler Kutsal Kitap Ayetleri

Paylaş

MORENA o ne a tshegofatsa Sara jaaka a buile; MORENA a direla Sara, ka fa a mo solofeditseng ka teng.

Modimo wa utlwa lentswe la mosimane. Moengele wa Modimo a bitsa Hagare a le kwa legodimong, a mo raya a re: “Molato ke eng, Hagare? Se boife, gonne Modimo o utlwile lentswe la mosimane fa a leng teng. Nanoga o tsee mosimane, o mo tshware ka letsogo, gonne ke tla mo dira setšhaba se segolo.”

Sara a nna moimana, a belegela Aborahame ngwana wa mosimane mo botsofeng jwa gagwe ka nako e Modimo o neng o e mmoleletse.

Sara ene a re: “Modimo o ntiretse setshego; mongwe le mongwe yo o utlwang o tla ntshega.”

Mme Modimo wa raya Aborahame wa re: “Se kgopisege ka ntlha ya mosimane le ka ntlha ya lelata la gago. Utlwa lentswe la ga Sara mo go tsotlhe tse o di buang nao; gonne losika lwa gago lo tla bidiwa ka Isaka.

Fela le morwa lelata ke tla mo dira setšhaba se segolo, ka gonne ke ngwana wa gago.”