MARKO 16 Popüler Kutsal Kitap Ayetleri

Paylaş

Ɔ́tɛyi mǝ nkǝ, “Bisu kawunsiǝ kenke lǝ bebe Onanto eto Ditiki Sɛɛ nǝmǝ ditsya bitǝ betidi ba kenke.

Nya Onanto ebutǝ bafokanɔfɔ lǝ mɛɛ, ǝsuǝale beyifo ayanisa kpǝ. Boola awɔnɔ bua lǝ mɔ diye ǝsuǝ. Bɔɔtɛyi belebele kpǝ bia benyi. Nya lǝ bǝmuǝ owa nye bǝnǝ kenii, yembuyifo mǝ kabua saa. Lǝ bǝtǝkǝ befimfi anii, boomuǝ ale.”

Utidi wǝ lefo Ditiki Sɛɛ nǝmfo ɔnɔ nya utǝ bǝǝflǝsǝ wǝ ntuu, Onanto ebufi wǝ abua ɔtsyǝ wǝ. Nya utidi wǝ dimamfo ɔnɔɔ, Onanto embofo wǝ.

Nya wǝ batɔnkpe létsyilama nlebe saa kenke bátɛyi Ditiki Sɛɛ nǝmǝ. Nya Onamute ǝmǝ dísiǝ ko mǝ ɔ́wunsǝko mǝ nya béyifo ayanisa nnya lete bǝ mǝ ditiki nǝmǝ eyifo ɔnukualɛ ɛyɛ lǝ ayanisa kpǝ nnya béyifo ǝsuǝ.

Nya okosobi ǝmǝ lɛtɛyi mǝ nkǝ, “Biante sikpi! Nyi minkǝ Yesu Nasaretnyǝ ǝmǝ bɛnlɛ bɔbɛbɛ, nwǝ básɔ báfakǝsǝ lǝ uyikabie ǝsuǝ. Umbǝ mfo! Ótaka okpe nkpǝ! Bebe! Mfo bálabesǝ wǝ nɛ.

Se bántɔɔ, bákatɔ mǝ bǝtsyuǝ bǝnkǝ, “Owoe buunyǝ lɔminansǝ leba kplɛ nǝmǝ lǝ kudi komǝ eto kɛnyɛ utǝ bo?” Bátɔ mǝ ǝsuǝ nko itsyise leba nǝmǝ amɔ tinti. Nya se bésu bédufǝ mfóo, bǝnyǝ bǝnkǝ futsyǝ ébubǝ ɔ́minansǝ leba nǝmǝ lǝ mfó. Nyaso se bédufǝ kudi komǝ kafoo, bǝnyǝ okosobi utsyuǝ se únsi lǝ kodiani. Nya ónkpe awu nnya diflubi futututu! Difufu ǝmuǝ mǝ.