Məco 19 Popüler Kutsal Kitap Ayetleri

Paylaş

Yezu zɛ̃̀ n nyǐ bi, n wɔ̀ bɛ: “Numbyíní bə rə̀myɛ́ yàlà zhe yé, sə Yi wɔ̌ kɔn gakó.”

Yezu zɛ̃̀ n súlí n wɔ̀: “Èta, bə̀ kʼê tʼâ la lyì bə̀lyè yál yé. Bə̀ bʼa mù dwã nɛ bə jǐrh kɔn rə̀dù. Kɔn dɛ̀bɛ́ Yi gə co dwã nɛ, sə numbyíní bə̀ká pɔr rɛ yé.”

N wɔ̀ bɛ: “Á gwẽ̌ yə̀ kɔn dɛ̀bɛ́ bə̀ kɛ̃ Yi zɔ̀mɛ̀ rɛ́ sɛ́bɛ́ rɛ́ wẽ́ mó kàrmə̀ nà? Bə̀ kɛ̃ rə̀ wẽ́ bə wɔ̀ bə̀, kùr-ju yi ní, ‘Yi wɛ̀rhɛ́ numbyínsí, bal ǹdə́ kɛ̃,’ rə zɛ̃̀ rə̀ wɔ̀: ‘Rə̀myɛ́ yilə, bal mɔ́ mà n yẽ̌ ń da ǹdə́ ń ná nɛ, n jòm ǹdə́ ń kɛ̃ mɔ́, sə bə̀myɛ́ bə̀lyè y ga bʼa mù dwã nɛ bə jǐrh kɔn rə̀dù.’ ”

Yezu zɛ̃̀ n wɔ̀ bɛ: “Yẽ̌nə bə̀sɔ́ná bɛ́ nɛ bə bə̀ à sono, sʼá bə̀kʼá cə̀r bè yé, bə̀ Arəzana tənà y wɔ́ lyì byɛ̀bɛ́ bə̀ nyɛ̌ ǹdə bə̀myɛ́ ta mɔ́ nyâ.”

Byɛ̀bɛ́ bə̀ wɔ́ nã́yə́ə́ bé mó nánzhəzhɔ̌ mʼa jǐrh nánkwaá, sə byɛ̀bɛ́ bə̀ wɔ́ nánkwaá bɛ́ mɔ́ nánzhəzhɔ̌ mʼa jǐrh nã́yə́ə́.”

Sə lò mɔ̀bɔ́ gakó ǹ zhǐr ń yẽ̌ ǹ kɛ̀lɛ́, ǹdə́ ǹ da-byâ, ǹdə́ ǹ nəkwá, ǹdə́ ǹ da ǹdə́ ǹ ná, ǹdə́ ǹ byâ, ǹdə́ ǹ kálsɛ nɛ àmyɛ́ kùr tó yilə, ǹ bʼâ ká nə rə̀myɛ́ gakó twər zɔ̌m, ń jà ǹ bʼâ nə cəl nyǔ mə̀ tʼâ la zhɔ̌ wẽ́.

Yezu wɔ̀ mɔ̀: “Ǹ gə nə́ ǹ yâl ń yə̀ lyì-ècɛ̀n námpúm, sə́ vò ń kwè kɔn dɛ̀bɛ́ ǹ zhe mó gakó ń yè, ń pə rə̀ wársɛ́ nə̀mwà nɛ̀, sə́ ká kwɛ̃̀ ń bə̀ ń tó ne, sə́ yẽ̌ bə̀ ǹ mʼâ nə nə̀cɛ̀ndɛ̀ dɛ̃̌ Arəzana wa.”

Yezu wɔ̀ mɔ̀: “Byè yil ǹ nə́ ǹ bwə̀rh nè kɔn dɛ̀bɛ́ rə̀ càn shò-kwã nɛ́? Cɛ̀nɛ̀ cə́bal wɔ́ mə̀dù sásá. Ǹ gə nə́ ǹ yâl ń zù nyǔ mə̀ tʼâ la zhɔ̌ wẽ́, sə́ zwẽ Yi nyə́ né.”

À kʼâ nʼâ wə̀l ába: yómó gə la gã̀-məshǐm bɔ̀l w tó o lyɛ̃, kʼâ wɔ́ nàná du nə̀cɛ̀m-bal gə la Arəzana tənà y wẽ́ zú.”

Sə à nʼá wə̀l ába: lò mɔ̀bɔ́ ǹ gə zhɔ̃̀ ǹ kɛ̃, ń ká jí ń dõ, e jʼà də̀ fwə́l ǹ kɛ̃ mɔ́ fwə̂l, sə́ lwar bə̀ wɔ́ fwə́l ǹ nə́ ǹ fwə̀lə́.”

Yezu zɛ̃̀ n wɔ̀ ń kwã-lyì bí ni: “Zhə̀nà, à nʼâ wə̀l ába: nə̀cɛ̀m-bal Arəzana tənà y wẽ́ zú mʼa yə̀ zwini.