MARKA 13 Popüler Kutsal Kitap Ayetleri

Paylaş

Ani khlai hi khrip bo nisi khe naisle nang. Thikhabo, yaohonthao sosi sere khah lao nang, bo se ning sogo jao ma se.”

Nalaibo girikhi salaihi bi dada dong lah, bede thikhade bo basain ar bubli khe nisi mithiya.

Ar nisi remjao hi nisi khe bisar khoh ha lang khabo, snadi grao khe thi ma thihi nisi waimu da nang. Bo bubli sophai baha, snadi grao khe ning thi ba, bo nisini grao niyahi, Bese Gathar ni phrang phaiyaba grao ja ma.

Habsao ar nokhasao jam lang nang, thikhabo ani graothai de jam nang niya.”

Thikhabo, bo basain ar bubli khede Bupha khe garhide sorgoni deglaraobo, ar Basabo, saosibo mithiya.

Ode, jbah jang jbah ni grao gublungyaba khe nisi khna hi nisi da gmang. Bo buthu de sophaima ning, thikhabo jamma nede niya kho.

Odebani, nisi grik hi dong lah, noh bubra bakhali sophai phin ma, sainbli habo ja la phu re, hor habo ja la phu re, daono gisi habo ja la phu re, phorong habo ja la phu re, nisi mithiya. Ode niyakha la srap phaiphin khade, nisi thuhi dongba khe bo nu nang. Snadi grao khe ang nisi niha sainthi ba, khrip niha ang sainthi ba se, girik hi dong lah.

Jadi gibin jang jadi gibin jbah ja nang, raji gibin jang raji gibin jbah ja nang, hathan gibin gibin ha banglama phai nang, asari galai nang. Bo buthu de sao go mane saba lai se ja ma se.

Thikhabo, yaohonthao ni basain sophaiya sani sagang ha, hamba graojma khe sainthi ma nang ma.

Gabang subung Krista ang ning thihi ani bumu lahi phaima se, ar gabang subung khe thokhi nang.

“Odebani, nisi mirik hi dong lah. Nisi khe remhi bisardar niha lang nang. Hamba graojma khe sainthi mane nisi ani bumu ni khlai hi hojarao ar Rajarao ni sagang ha song nang.

Bede thikhade Krista mosolrao ode gorasali mosolrao baigo nang, bonsi gmang thaosisi sin phnu hi khusi dang nang. Blai khade saikho jaoyarao khebo thokhiphu mani khlai hi khusi dang ma se.

Bo dukhu ni basain ni yaohon hade sainbo andar ja lang la nang; ar dainbo jna nang niya kha. Nokhasao ni phrang sathrai buthu garai nang ar nokhasao ha raothai buthu smao nang.