Башталганы 16
16
Сара ла Агарь. Измаилдиҥ туулганы
1Аврамныҥ ӱйи Сара бала таппас болгон. Ондо египет укту Агарь деп кул ӱй кижи болгон. 2Сара Аврамга мынайда айткан:
– Кайракан меге бала бербей јат. Барып, мениҥ кулымла кон: айса болзо, ол меге уул таап берер.
Аврам Сараныҥ сӧзин уккан. 3Сара ого бойыныҥ кулын, египет укту Агарьды, кул ӱйи эдип берип ийген. Ол ӧйдӧ Аврам Ханаанга келгенинеҥ бери он јылдаҥ ажа берген.
4Аврам Агарьла кожо јадып баштаган, удабай, келин барланып, бойыныҥ абакай ээзин јабыс кӧрӱп баштаган.
5– Мениҥ јабыс кӧрдиргенимде сен бурулу, – деп, Сара Аврамга айткан. – Мен сеге кулымды бердим, ол дезе барланала, мени јабыс кӧрӧр болды. Бис экӱниҥ аайы-бажыска Кайракан чыккай.
6– Кулыҥныҥ ээзи – сен. – Аврам каруу јандырган. – Оны канайдатан эдиҥ, бойыҥда.
Сара Агарьды кыстап баштаарда, ол оноҥ кача берген.
7Кайраканныҥ ангели куба чӧлдӧ Шур јаар барган јолдогы кутуктыҥ јанында Агарьды кӧрӧлӧ, 8айткан:
– Агарь, Сараныҥ кулы, кайдаҥ келдиҥ, кайдаар барып јадыҥ?
Онызы каруузын јандырган:
– Мен Сара ээмнеҥ качып барадырым.
9Кайраканныҥ ангели айткан:
– Ээҥе бурул, оныҥ сӧзинеҥ чыкпа.
10– Сениҥ калдыктарыҥды ума јок кӧп эдерим, – деп, Кайраканныҥ ангели айткан, – олорды тоолоп то болбозыҥ.
11Кайраканныҥ ангели база айткан:
– Сен барлу. Уул бала табарыҥ. Оны Измаил деп адаарыҥ, нениҥ учун дезе Кайракан кыйын-шыраҥды уккан. 12Уулыҥ улус ортодо јерлик эштектий јӱрер. Ол ончозына удура, ончозы ого удура болор. Ол карындаштарыла ӧӧркӧжип јӱрер.
13Агарь оныла эрмектешкен Кайраканды: «Мени Кӧрӱп Турганды мен чын кӧрдим эмеш пе?» – дейле, Оны «Сен – Эл-Рои», – деп адаган.
14Оныҥ учун Кадеш ле Бередтиҥ ортозында ол кутук Беэр-Лахай-Рои деп адалат.
15Агарь Аврамга уул бала таап берген. Аврам Агарьдаҥ чыккан уулын Измаил деп адаган. 16Ол тушта Аврам сегизен алты јашту болгон.
Айни замон обунашуда:
Башталганы 16: АЛТ
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Башталганы 16
16
Сара ла Агарь. Измаилдиҥ туулганы
1Аврамныҥ ӱйи Сара бала таппас болгон. Ондо египет укту Агарь деп кул ӱй кижи болгон. 2Сара Аврамга мынайда айткан:
– Кайракан меге бала бербей јат. Барып, мениҥ кулымла кон: айса болзо, ол меге уул таап берер.
Аврам Сараныҥ сӧзин уккан. 3Сара ого бойыныҥ кулын, египет укту Агарьды, кул ӱйи эдип берип ийген. Ол ӧйдӧ Аврам Ханаанга келгенинеҥ бери он јылдаҥ ажа берген.
4Аврам Агарьла кожо јадып баштаган, удабай, келин барланып, бойыныҥ абакай ээзин јабыс кӧрӱп баштаган.
5– Мениҥ јабыс кӧрдиргенимде сен бурулу, – деп, Сара Аврамга айткан. – Мен сеге кулымды бердим, ол дезе барланала, мени јабыс кӧрӧр болды. Бис экӱниҥ аайы-бажыска Кайракан чыккай.
6– Кулыҥныҥ ээзи – сен. – Аврам каруу јандырган. – Оны канайдатан эдиҥ, бойыҥда.
Сара Агарьды кыстап баштаарда, ол оноҥ кача берген.
7Кайраканныҥ ангели куба чӧлдӧ Шур јаар барган јолдогы кутуктыҥ јанында Агарьды кӧрӧлӧ, 8айткан:
– Агарь, Сараныҥ кулы, кайдаҥ келдиҥ, кайдаар барып јадыҥ?
Онызы каруузын јандырган:
– Мен Сара ээмнеҥ качып барадырым.
9Кайраканныҥ ангели айткан:
– Ээҥе бурул, оныҥ сӧзинеҥ чыкпа.
10– Сениҥ калдыктарыҥды ума јок кӧп эдерим, – деп, Кайраканныҥ ангели айткан, – олорды тоолоп то болбозыҥ.
11Кайраканныҥ ангели база айткан:
– Сен барлу. Уул бала табарыҥ. Оны Измаил деп адаарыҥ, нениҥ учун дезе Кайракан кыйын-шыраҥды уккан. 12Уулыҥ улус ортодо јерлик эштектий јӱрер. Ол ончозына удура, ончозы ого удура болор. Ол карындаштарыла ӧӧркӧжип јӱрер.
13Агарь оныла эрмектешкен Кайраканды: «Мени Кӧрӱп Турганды мен чын кӧрдим эмеш пе?» – дейле, Оны «Сен – Эл-Рои», – деп адаган.
14Оныҥ учун Кадеш ле Бередтиҥ ортозында ол кутук Беэр-Лахай-Рои деп адалат.
15Агарь Аврамга уул бала таап берген. Аврам Агарьдаҥ чыккан уулын Измаил деп адаган. 16Ол тушта Аврам сегизен алты јашту болгон.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025