Башталганы 15
15
Кудай Аврамла јӧптӧжӱ тургусканы
1Бу керектердиҥ кийнинде Аврамга кӧрӱлте болгон, ол Кайраканныҥ сӧстӧрин уккан:
– Коркыба, Аврам. Мен – сениҥ куйагыҥ. Сеге улу кайрал болор.
2Аврам айткан:
– Мениҥ Ээм, Кайракан! Сениҥ кайралыҥ меге не керек, менде бала бар эмес. Мениҥ айыл-јуртымды Дамаск јеринеҥ Мешектиҥ уулы Элиэзер энчиленер. 3Сен меге бала бербедиҥ – бастыра јӧӧгӧним кулыма артар.
4Је Кайракан Аврамга мынайда айткан:
– Јок, сениҥ энчиҥди ол албас, сениҥ каныҥнаҥ бӱткен бойыҥныҥ уулыҥ энчиленер.
5Кайракан Аврамды айылынаҥ чыгарып, айткан:
– Теҥериге кӧрӱп, јылдыстарды тоолоп болорыҥ ба? – деген. – Сениҥ калдыктарыҥ ончо кире болор!
6Аврам Кайраканга бӱткен, бӱдӱмјизи учун Кайракан оны чындык деп актаган. 7Кайракан Аврамга айткан:
– Бу јерди ээлезин деп, сеге берерге, сени Ур Халдейдеҥ бери экелген Кайракан – Мен! – деген.
8– Мениҥ Ээм, Кайракан! – Аврам айткан. – Бу јерди ээленетенимди мен кайдаҥ билерим?
9Кайракан айткан:
– Меге бери ӱч јашту уй, ӱч јашту эчки, ӱч јашту куча, кӱреҥ-чоокыр кӱӱле ле кӧк-чоокыр кӱӱле экел.
10Аврам тындуларды экелеле, талортолой кезе чабала, бир келтейлерин экинчи келтейлерине удура-тедире салган. Куштарды кезе чаппаган. 11Кускундар эт чокыырга учкулап келерде, Аврам олорды ӱркӱдӱп ийген.
12Кӱн ажа берерде, Аврам уйкуга бастырткан; бу ӧйдӧ ол коркышту тыҥ коркымчыга алдырткан.
13Кайракан айткан:
– Билип јӱр, сенеҥ таркаган албаты ӧскӧ ороондо тӧрт јӱс јыл јаман кӧрдӱртӱп, базынчыкта јӱрер. 14Је Мен олорды базынган калыкты кату каруузына тургузарым. Мыныҥ кийнинде сениҥ калдыгыҥ ол ороонноҥ ар-јӧжӧӧлӱ чыгып, баргылаар. 15Сен дезе кӧп јаш јажап, ада-ӧбӧкӧлӧриҥниҥ јерине амыр јӱре берериҥ. 16Калдыктарыҥныҥ тӧртинчи ӱйези ойто кайра бери келер, нениҥ учун дезе аморейлердиҥ кинчектери эм тургуза ажынгалак.
17Кӱн ажып, бӱрӱҥкӱйлей берген. Бу тушта кенейте ышталып јалбыраган кызу казан ла от-јалбыш кӧрӱнип, талортолой кезе чапкан тындулардыҥ ортозыла ӧткӧн. 18Ол кӱн Кайракан Аврамла јӧптӧжӱ тургузуп:
– Египеттиҥ суузынаҥ ала улу Эфрат сууга јетире јерлерди: 19кенейлердиҥ, кениззейлердиҥ, кадмонейлердиҥ, 20хеттердиҥ, периззейлердиҥ, рефаимдердиҥ, 21аморейлердиҥ, ханаанейлердиҥ, гиргашейлердиҥ ле иевусейлердиҥ јерлерин калдыктарыҥа берип јадым, – деп айткан.
Айни замон обунашуда:
Башталганы 15: АЛТ
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Башталганы 15
15
Кудай Аврамла јӧптӧжӱ тургусканы
1Бу керектердиҥ кийнинде Аврамга кӧрӱлте болгон, ол Кайраканныҥ сӧстӧрин уккан:
– Коркыба, Аврам. Мен – сениҥ куйагыҥ. Сеге улу кайрал болор.
2Аврам айткан:
– Мениҥ Ээм, Кайракан! Сениҥ кайралыҥ меге не керек, менде бала бар эмес. Мениҥ айыл-јуртымды Дамаск јеринеҥ Мешектиҥ уулы Элиэзер энчиленер. 3Сен меге бала бербедиҥ – бастыра јӧӧгӧним кулыма артар.
4Је Кайракан Аврамга мынайда айткан:
– Јок, сениҥ энчиҥди ол албас, сениҥ каныҥнаҥ бӱткен бойыҥныҥ уулыҥ энчиленер.
5Кайракан Аврамды айылынаҥ чыгарып, айткан:
– Теҥериге кӧрӱп, јылдыстарды тоолоп болорыҥ ба? – деген. – Сениҥ калдыктарыҥ ончо кире болор!
6Аврам Кайраканга бӱткен, бӱдӱмјизи учун Кайракан оны чындык деп актаган. 7Кайракан Аврамга айткан:
– Бу јерди ээлезин деп, сеге берерге, сени Ур Халдейдеҥ бери экелген Кайракан – Мен! – деген.
8– Мениҥ Ээм, Кайракан! – Аврам айткан. – Бу јерди ээленетенимди мен кайдаҥ билерим?
9Кайракан айткан:
– Меге бери ӱч јашту уй, ӱч јашту эчки, ӱч јашту куча, кӱреҥ-чоокыр кӱӱле ле кӧк-чоокыр кӱӱле экел.
10Аврам тындуларды экелеле, талортолой кезе чабала, бир келтейлерин экинчи келтейлерине удура-тедире салган. Куштарды кезе чаппаган. 11Кускундар эт чокыырга учкулап келерде, Аврам олорды ӱркӱдӱп ийген.
12Кӱн ажа берерде, Аврам уйкуга бастырткан; бу ӧйдӧ ол коркышту тыҥ коркымчыга алдырткан.
13Кайракан айткан:
– Билип јӱр, сенеҥ таркаган албаты ӧскӧ ороондо тӧрт јӱс јыл јаман кӧрдӱртӱп, базынчыкта јӱрер. 14Је Мен олорды базынган калыкты кату каруузына тургузарым. Мыныҥ кийнинде сениҥ калдыгыҥ ол ороонноҥ ар-јӧжӧӧлӱ чыгып, баргылаар. 15Сен дезе кӧп јаш јажап, ада-ӧбӧкӧлӧриҥниҥ јерине амыр јӱре берериҥ. 16Калдыктарыҥныҥ тӧртинчи ӱйези ойто кайра бери келер, нениҥ учун дезе аморейлердиҥ кинчектери эм тургуза ажынгалак.
17Кӱн ажып, бӱрӱҥкӱйлей берген. Бу тушта кенейте ышталып јалбыраган кызу казан ла от-јалбыш кӧрӱнип, талортолой кезе чапкан тындулардыҥ ортозыла ӧткӧн. 18Ол кӱн Кайракан Аврамла јӧптӧжӱ тургузуп:
– Египеттиҥ суузынаҥ ала улу Эфрат сууга јетире јерлерди: 19кенейлердиҥ, кениззейлердиҥ, кадмонейлердиҥ, 20хеттердиҥ, периззейлердиҥ, рефаимдердиҥ, 21аморейлердиҥ, ханаанейлердиҥ, гиргашейлердиҥ ле иевусейлердиҥ јерлерин калдыктарыҥа берип јадым, – деп айткан.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025