Башталганы 14
14
Аврам ла тогус каанныҥ јуу-согужы
1Бу Шинардыҥ кааны Амрафел, Эласардыҥ кааны Ариох, Эламныҥ кааны Кедорлаомер, Гоимниҥ кааны Тидал башкарып турган тушта болгон. 2Олор Содомныҥ кааны Беруга, Гоморраныҥ кааны Биршуга, Адманыҥ кааны Шинавка, Цевоимниҥ кааны Шемеверге, эмди Цоар дейтен Бела каанга удура јуулажып баргандар. 3Бу беш каанныҥ черӱлери Сиддим ӧзӧктӧ бириккен. Эмди ол јерде Тусту талай. 4Содомныҥ, Гоморраныҥ, Адма ла Цевоимниҥ каандары он эки јылдыҥ туркунына Кедорлаомерге баккан болгон, је он ӱчинчи јылда тӱймеп чыккандар. 5Он тӧртинчи јылда Кедорлаомер бойыла јаҥыс кӱӱн-санаалу каандарла кожо биригип, Аштерот-Карнаимде рефаимдерди, Хамда зузейлерди, Шаве-Кирьятаимде эмимдерди, 6куба чӧлди јакалай Эл-Паранныҥ јуугында, Сеирдиҥ кырларында јаткан хоррейлерди оодо соккондор. 7Оноҥ олор Эн-Мишпат (эмдиги Кадеш) јаар буруп, Хацецон-Тамарда јуртап јаткан амалектердиҥ ле аморейлердиҥ јерлерин ээнзиредип койгондор. 8Содомныҥ кааны, Гоморраныҥ кааны, Адманыҥ кааны, Цевоимниҥ кааны ла эмди Цоар деп адалган Беланыҥ кааны олорго удура чыгып, Сиддим ӧзӧктӧ јуулашкандар. 9Анайып, беш каан тӧрт каанга – Эламныҥ кааны Кедорлаомерге, Гоимниҥ кааны Тидалга, Шинардыҥ кааны Амрафелге, Эласардыҥ кааны Ариохко удура јуулашкан. 10Сиддим ӧзӧктӧ дезе сары тӧгӧттӱ оролор болгон. Содом ло Гоморраныҥ каандарыныҥ јуучылдары качып, бу оролорго тӱшкен, тирӱ арткандары кырлар јаар качкан. 11Јеҥӱчилдер Содом ло Гоморраныҥ ончо јӧӧжӧ-байлыгын, аш-курсагын алып, јӱре берген. 12Анайда ок Содомдо јуртап јаткан Аврамныҥ јеенин, Лотты, олјолоп, оны ар-јӧӧжӧзиле кожо апаргандар.
13Тирӱ арткандардыҥ бирӱзи еврей Аврамга келип, не болгонын јетирген. Аврам ол тушта эрмен агаштыҥ јанында аморей укту Мамрениҥ јеринде јуртаган (Мамре ле оныҥ карындаштары Эшкол ло Анер Аврамла кожо бой-бойлорына болужар јӧптӱ болгон). 14Јеени олјодо деп угала, Аврам оныҥ айлы-јуртында чыдап ӧскӧн, јуулашкадый ӱч јӱс он сегис кижини јууйла, ӧштӱлерди Данга јетире сӱрӱжӱп барган. 15Тӱнде олорго табару эдип, оодо соголо, арткан калганын Дамасктаҥ тӱндӱктей Ховага јетире истешкен. 16Ол ӧштӱлериниҥ ончо тоногонын, Лотты, оныҥ ар-јӧӧжӧзин, ӱй улусты ла олјолоткондорды кайра јандырып экелген.
Мелхиседек Аврамды алкаганы
17Аврам Кедорлаомерди ле оны јӧмӧгӧн каандарды оодо соголо, јанып келедерде, Содомныҥ кааны Шаве ӧзӧктӧ (эмди Каандардыҥ ӧзӧги дейтен јерде) оны уткуган.
18Салимниҥ кааны Мелхиседек Ӧрӧ Турган Кудайдыҥ абызы болгон. Ол колында калаш ла кызыл аракылу чыгып, 19Аврамды алкап, мынайда айткан:
– Теҥери ле јердиҥ Јайаачызы, Ӧрӧ Турган Кудай Аврамга алкыш берзин! 20Ӧштӱлериҥди колыҥа табыштырган Ӧрӧ Турган Кудай алкышту болзын!
Аврам тапкан-јӧӧгӧниниҥ онынчы ӱлӱзин Мелхиседекке берип ийген.
21Содомныҥ кааны Аврамга айткан:
– Меге улузымды берип ий, тапкан-јӧӧгӧниҥ бойыҥа артсын!
22Аврам каруузын јандырган:
– Ӧрӧ Турган Кудай Кайраканга, теҥери ле јердиҥ Јайаачызына, колымды ӧрӧ јайып, чертенип турум: 23сенеҥ нени де албазым, керек дезе, учук та, ӧдӱктиҥ буужын да. «Мен Аврамды байыттым», – деп, сениҥ айдар аргаҥ јок болзын. 24Меге не де керек јок, јӱк мениҥ улузым аш-курсагына чыгарган чыгымынаҥ ӧскӧ. Мениле кожо јӱрӱп јуулашкан Анер, Эшкол ло Мамре бойлорыныҥ ӱлӱзин алзын.
Айни замон обунашуда:
Башталганы 14: АЛТ
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025
Башталганы 14
14
Аврам ла тогус каанныҥ јуу-согужы
1Бу Шинардыҥ кааны Амрафел, Эласардыҥ кааны Ариох, Эламныҥ кааны Кедорлаомер, Гоимниҥ кааны Тидал башкарып турган тушта болгон. 2Олор Содомныҥ кааны Беруга, Гоморраныҥ кааны Биршуга, Адманыҥ кааны Шинавка, Цевоимниҥ кааны Шемеверге, эмди Цоар дейтен Бела каанга удура јуулажып баргандар. 3Бу беш каанныҥ черӱлери Сиддим ӧзӧктӧ бириккен. Эмди ол јерде Тусту талай. 4Содомныҥ, Гоморраныҥ, Адма ла Цевоимниҥ каандары он эки јылдыҥ туркунына Кедорлаомерге баккан болгон, је он ӱчинчи јылда тӱймеп чыккандар. 5Он тӧртинчи јылда Кедорлаомер бойыла јаҥыс кӱӱн-санаалу каандарла кожо биригип, Аштерот-Карнаимде рефаимдерди, Хамда зузейлерди, Шаве-Кирьятаимде эмимдерди, 6куба чӧлди јакалай Эл-Паранныҥ јуугында, Сеирдиҥ кырларында јаткан хоррейлерди оодо соккондор. 7Оноҥ олор Эн-Мишпат (эмдиги Кадеш) јаар буруп, Хацецон-Тамарда јуртап јаткан амалектердиҥ ле аморейлердиҥ јерлерин ээнзиредип койгондор. 8Содомныҥ кааны, Гоморраныҥ кааны, Адманыҥ кааны, Цевоимниҥ кааны ла эмди Цоар деп адалган Беланыҥ кааны олорго удура чыгып, Сиддим ӧзӧктӧ јуулашкандар. 9Анайып, беш каан тӧрт каанга – Эламныҥ кааны Кедорлаомерге, Гоимниҥ кааны Тидалга, Шинардыҥ кааны Амрафелге, Эласардыҥ кааны Ариохко удура јуулашкан. 10Сиддим ӧзӧктӧ дезе сары тӧгӧттӱ оролор болгон. Содом ло Гоморраныҥ каандарыныҥ јуучылдары качып, бу оролорго тӱшкен, тирӱ арткандары кырлар јаар качкан. 11Јеҥӱчилдер Содом ло Гоморраныҥ ончо јӧӧжӧ-байлыгын, аш-курсагын алып, јӱре берген. 12Анайда ок Содомдо јуртап јаткан Аврамныҥ јеенин, Лотты, олјолоп, оны ар-јӧӧжӧзиле кожо апаргандар.
13Тирӱ арткандардыҥ бирӱзи еврей Аврамга келип, не болгонын јетирген. Аврам ол тушта эрмен агаштыҥ јанында аморей укту Мамрениҥ јеринде јуртаган (Мамре ле оныҥ карындаштары Эшкол ло Анер Аврамла кожо бой-бойлорына болужар јӧптӱ болгон). 14Јеени олјодо деп угала, Аврам оныҥ айлы-јуртында чыдап ӧскӧн, јуулашкадый ӱч јӱс он сегис кижини јууйла, ӧштӱлерди Данга јетире сӱрӱжӱп барган. 15Тӱнде олорго табару эдип, оодо соголо, арткан калганын Дамасктаҥ тӱндӱктей Ховага јетире истешкен. 16Ол ӧштӱлериниҥ ончо тоногонын, Лотты, оныҥ ар-јӧӧжӧзин, ӱй улусты ла олјолоткондорды кайра јандырып экелген.
Мелхиседек Аврамды алкаганы
17Аврам Кедорлаомерди ле оны јӧмӧгӧн каандарды оодо соголо, јанып келедерде, Содомныҥ кааны Шаве ӧзӧктӧ (эмди Каандардыҥ ӧзӧги дейтен јерде) оны уткуган.
18Салимниҥ кааны Мелхиседек Ӧрӧ Турган Кудайдыҥ абызы болгон. Ол колында калаш ла кызыл аракылу чыгып, 19Аврамды алкап, мынайда айткан:
– Теҥери ле јердиҥ Јайаачызы, Ӧрӧ Турган Кудай Аврамга алкыш берзин! 20Ӧштӱлериҥди колыҥа табыштырган Ӧрӧ Турган Кудай алкышту болзын!
Аврам тапкан-јӧӧгӧниниҥ онынчы ӱлӱзин Мелхиседекке берип ийген.
21Содомныҥ кааны Аврамга айткан:
– Меге улузымды берип ий, тапкан-јӧӧгӧниҥ бойыҥа артсын!
22Аврам каруузын јандырган:
– Ӧрӧ Турган Кудай Кайраканга, теҥери ле јердиҥ Јайаачызына, колымды ӧрӧ јайып, чертенип турум: 23сенеҥ нени де албазым, керек дезе, учук та, ӧдӱктиҥ буужын да. «Мен Аврамды байыттым», – деп, сениҥ айдар аргаҥ јок болзын. 24Меге не де керек јок, јӱк мениҥ улузым аш-курсагына чыгарган чыгымынаҥ ӧскӧ. Мениле кожо јӱрӱп јуулашкан Анер, Эшкол ло Мамре бойлорыныҥ ӱлӱзин алзын.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Российское Библейское Общество, 2025
© Институт перевода Библии, 2025