Uluk 20
20
Be bii Ujeso gbe le ikeb ima
(Mat 21:23-27; Mak 11:27-33)
1He liti ken nyọng Ujeso a maa hwọ bendi he Ushọm Unim, u bun kisọm kinunung de be, bekandi bishang Unim le bitisha Iten, le abe he kubọng be be ukem ken be hwaa le he, 2bii he le, “De li, le kung wo be le ikeb angi wo shi biwọm bimen i? Ayang a ka-a ikeb imen i?”
3Ujeso a fan abe le, “Mi bii amen kibibi ken ukpọng. Ma de-m, 4Ujọn a maa wa bendi umbwo he ikeb angi Unim a, ha angi undi-gye a?”
5Be maa fel tyang le bende le, “Li ha fan le ana? Gbe li de le Ujọn u maa wa bendi umbwo he ikeb Unim a, Ujeso u bii li le fe kibang ki tan le shi li bọng ha Ujọn ye? 6Ukpọ gbe li de le Ujọn a maa wa bendi umbwo he ikeb angi undi-gye a, bendi aben be ba maa akọ gwa li, likọye be bọng le Ujọn a ma yi utye-ugie kisọm Unim a na afọng.”
7Be ha fan le, be ngye he kipi ikeb imen ana i be ye.
8Ujeso a de be le, “Mi ọ mi da amen undi angwu a ke-m ikeb angi mi shi biwọm bimen i ye.”
Ityang gbe le bendi abe be nde gbe le utia undi
(Mat 21:33-46; Mak 12:1-12)
9Ujeso a kung de bendi ityang anyin, “Ungikye ususo a ma nam utia, kwan ikwan angi be bung agbe angi shi kutyo. A kung utia ana ke bendi le be nde gbe le he. A ha bo ndo litan le kwu ha gbe kigbe. 10He kunyọng ahwu ikwan angina i wum, a sọm ubọyi uma hwaa le bendi abe be nde gbe le utia le u kpe ukpo uma be ke-e. Bendi abena be kwu-e kpam, ndo he tem abubwo. 11A mbee sọm ubọyi ususo te. Bendi abena be kpam he ikwun, shi-e a fel ibia-ibia, ndo he tem abubwo. 12A mbee sọm ubọyi angwu lekie. Be do he ufe ọ titi, be mbee ndo he.
13“Ugyang utia a de le, ‘Mi shi na a? Mi ba sọm unwa-agi lityam. Ki shi na ana, be ba ka he ufe ife.’
14“Bendi abe be nde gbe le utia ana be nde-e, be de bende le, ‘Angwun na u be zi lishi lima, ma li gwu-e he utia angwun u fel utyan.’ 15Be ndo he le ha utia, be le kwu-e gwu.”
Ujeso a ha bii abe be gyo he le, “Ugyang utia u nya sha abe na a?” 16A tem le shi fan le, “U la gwa bendi abena tem kpa bendi besuso le be nde gbe le utia.”
Nyọng ahwu be gyo ashin, be de le, “Unim u bọng ye.”
17Ujeso a nde be kpọ, a bii le, “Ashi be ma fee he kushia Unim le-iti le,
“ ‘Kukọ ahwu bendi abe be tye ushọm
be swan ahwu,
kufe na ku tem fel kwu ushọm naa gen,’ ki ze le ana#20:17 Agyam 118:22, 23?
18Undi uyang-yang angwu a mbu pwọm ha he likwu kukọ kumen ana ku ba bun he ate-ate. Gbe kukọ kumen ana ku mbu kpo he, ku kpo mbyọ he.”
19Bitisha Iten befe le bekandi bishang Unim be ma kee le be kwa Ujeso ha he abwo-abwo likọye be ngye le a maa bun ityang anyin gba le befe a. Be maa shel bendi na be kwu-e.
Ujeso a kọng gbe le ukpanda atyele
(Mat 22:15-22; Mak 12:13-17)
20Be maa fel kang he be nde libwo kwu-e, ma ma sọm bendi he kundyel le be shi bikpe-ashi le be yi bendi kigyang a. Be ha ndyeb abwo ha bendi besuso le be le tyọ Ujeso he be gyo ashi u kọng. Pisoye u fan mbeb he be kwu-e le ke usu angwu u nde gbe le kubọng kubel. 21Bendi bemen i be kung de-e le, “Ukandi, li ngye le biwọm abi wo kọng le abi wo hwọ bendi bi yi kigyang. Li ngye le bendi puu be yi a kitaa ken, wo hwọ bendi puu kigyang gbe le kukwo Unim. 22De li ashin, Iten ityan i bọng le li tye ukpanda ke Usu ukandi angwu he Urom a, ha li tye ke-e ye?”
23Ujeso a ngye beshu bebel, a ha de be le, 24“Ma tyung mi ukwudi. Lishi ayang le lizen ayang, bi yi nyin?”
Be fan he le, “Angi Usu ukandi he Urom a.”
25Ujeso a de be le, “Gbe ki yi na, ashi ki yi ashi Usu, ma kung ke Usu, ashi ki yi ashi Unim, ma kung ke Unim.”
26Ha he liwu bendi, ki yi le ashi a kọng shang he be kwu-e ye. Be ma fel kwu kpọ, ki kwu abe he kuhwo na a fan abe ashin.
Awum-ale le he lihwu le libee
(Mat 22:23-33; Mak 12:18-27)
27Bendi Isadusis be bọng le undi u wum le he lihwu ye. Bendi le he liwu libel be be hwaa le Ujeso. 28Be de-e le, “Ukandi, Umosis a ma fee uten ndọ li le, ‘Gbe undi a hwo tyang ungye faale unwaa, ki yi kpe-kpe le unwaa-nam u kpeb kung ungye-uhwuu ana he ubu unwaa-nde angwu a hwo u nim ye.’ 29He kunyọng kususo, ki ma yi le bengikye bedyọng-ifee abe be ma yi bebwaa-nam bende. Angwu gbel a kpeb ungye. A hwo tyang he faale unwaa. 30Angwu a pwọm le he, a kpeb kung ungye-uhwuu ana mbee hwo tyang he. 31Angwu lekie kitaa kimen. Ki shi fe bebwaa-nam bende bedyọng-ifee ana nya kitaa ken. Puu ubel undi-undi a kpeb he hwo tyang he faale unwaa. 32Angwu ungingye a ha hwo. 33He kunyọng ahwu be be wum le he lihwu, ungingye angwun u ba kwa ungye ayang a, gbe befe a puu bedyọng-ifee be kpeb he, hwo tyang he?”
34Ujeso a fan abe le, “Bengikye abe he igye anyin be kpeb bengye, bengingye be gye abee. 35Ukpọ bendi abe be kpe le be wum le he lihwu abe be be kwu he igye angi i be le ha, be tem ba bee abee ye. 36Be ba fel nya ana idengel Unim a, be hwa ye likọye na bebwaa Unim be wum le he lihwu. 37Umosis a tyung ngwọng le bendi be ba wum le he lihwu. He kiteng kushia ashi a fee gbe le ukwan angwu kinde ki ma mọ a ko Ada le Unim angwu Ebraham, le Azik le Ujekọb.#20:37 Ligye 3:6 38He kunyọng ahwu a kọng ashin, bendi bemen ana be hwo he agwo ma, ukpọ be yi bewum he ashi Unim. Ashin ki tyung le u yi Unim bendi abe be yi bewum ngyọ igye a.”
39Bitisha Iten besuso be de-e le, “Ukandi, wo fan nya del-del.” 40Be ma tem mba lityam bii he bibibi ye.
Unwaa ayang u yi undi-likpan
(Mat 22:41-46; Mak 12:35-37)
41Ujeso a bii abe le, “Ki nya sha na a, be de le Ukristi a fel unwaa Udebid? 42Be fee he kushia Agyam le Udebid a kọng le,
“ ‘Ada a de Ada ugi le,
“be kwu ha ami kubwo lizen
43kpam mi gbe shi bendi-linaa begang
kidem ashi wo pwọm abee.” ’#20:43 Agyam 110:1
44Udebid a ko Ukristi le Atyam. Na ki nya shi Ukristi u tem fel igia ima?”
Uteb gbe le bitisha Iten
(Mat 23:1-36; Mak 12:38-40)
45Nya ana bendi abe be sho ha be maa gyo Ujeso, a de bendi-utung bema le, 46“Ma baa kuhwo-men le ha bitisha Iten. Ki nyin abe le be shi agbada tan he kate he bendi be ko abe le bekandi. Be kee bidem abi be ndọ bekandi bendi he ishọm Unim angi be kwu awu ọ, he bipam ọ. 47Be kpa bengye-uhwuu biwọm za. Be kọng ha Unim gba kigbe he bendi be de le be yi bendi benunung a. Be ba kpa kingie hwa bendi abe be teng puu.”
Айни замон обунашуда:
Uluk 20: KUIL
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 20
20
Be bii Ujeso gbe le ikeb ima
(Mat 21:23-27; Mak 11:27-33)
1He liti ken nyọng Ujeso a maa hwọ bendi he Ushọm Unim, u bun kisọm kinunung de be, bekandi bishang Unim le bitisha Iten, le abe he kubọng be be ukem ken be hwaa le he, 2bii he le, “De li, le kung wo be le ikeb angi wo shi biwọm bimen i? Ayang a ka-a ikeb imen i?”
3Ujeso a fan abe le, “Mi bii amen kibibi ken ukpọng. Ma de-m, 4Ujọn a maa wa bendi umbwo he ikeb angi Unim a, ha angi undi-gye a?”
5Be maa fel tyang le bende le, “Li ha fan le ana? Gbe li de le Ujọn u maa wa bendi umbwo he ikeb Unim a, Ujeso u bii li le fe kibang ki tan le shi li bọng ha Ujọn ye? 6Ukpọ gbe li de le Ujọn a maa wa bendi umbwo he ikeb angi undi-gye a, bendi aben be ba maa akọ gwa li, likọye be bọng le Ujọn a ma yi utye-ugie kisọm Unim a na afọng.”
7Be ha fan le, be ngye he kipi ikeb imen ana i be ye.
8Ujeso a de be le, “Mi ọ mi da amen undi angwu a ke-m ikeb angi mi shi biwọm bimen i ye.”
Ityang gbe le bendi abe be nde gbe le utia undi
(Mat 21:33-46; Mak 12:1-12)
9Ujeso a kung de bendi ityang anyin, “Ungikye ususo a ma nam utia, kwan ikwan angi be bung agbe angi shi kutyo. A kung utia ana ke bendi le be nde gbe le he. A ha bo ndo litan le kwu ha gbe kigbe. 10He kunyọng ahwu ikwan angina i wum, a sọm ubọyi uma hwaa le bendi abe be nde gbe le utia le u kpe ukpo uma be ke-e. Bendi abena be kwu-e kpam, ndo he tem abubwo. 11A mbee sọm ubọyi ususo te. Bendi abena be kpam he ikwun, shi-e a fel ibia-ibia, ndo he tem abubwo. 12A mbee sọm ubọyi angwu lekie. Be do he ufe ọ titi, be mbee ndo he.
13“Ugyang utia a de le, ‘Mi shi na a? Mi ba sọm unwa-agi lityam. Ki shi na ana, be ba ka he ufe ife.’
14“Bendi abe be nde gbe le utia ana be nde-e, be de bende le, ‘Angwun na u be zi lishi lima, ma li gwu-e he utia angwun u fel utyan.’ 15Be ndo he le ha utia, be le kwu-e gwu.”
Ujeso a ha bii abe be gyo he le, “Ugyang utia u nya sha abe na a?” 16A tem le shi fan le, “U la gwa bendi abena tem kpa bendi besuso le be nde gbe le utia.”
Nyọng ahwu be gyo ashin, be de le, “Unim u bọng ye.”
17Ujeso a nde be kpọ, a bii le, “Ashi be ma fee he kushia Unim le-iti le,
“ ‘Kukọ ahwu bendi abe be tye ushọm
be swan ahwu,
kufe na ku tem fel kwu ushọm naa gen,’ ki ze le ana#20:17 Agyam 118:22, 23?
18Undi uyang-yang angwu a mbu pwọm ha he likwu kukọ kumen ana ku ba bun he ate-ate. Gbe kukọ kumen ana ku mbu kpo he, ku kpo mbyọ he.”
19Bitisha Iten befe le bekandi bishang Unim be ma kee le be kwa Ujeso ha he abwo-abwo likọye be ngye le a maa bun ityang anyin gba le befe a. Be maa shel bendi na be kwu-e.
Ujeso a kọng gbe le ukpanda atyele
(Mat 22:15-22; Mak 12:13-17)
20Be maa fel kang he be nde libwo kwu-e, ma ma sọm bendi he kundyel le be shi bikpe-ashi le be yi bendi kigyang a. Be ha ndyeb abwo ha bendi besuso le be le tyọ Ujeso he be gyo ashi u kọng. Pisoye u fan mbeb he be kwu-e le ke usu angwu u nde gbe le kubọng kubel. 21Bendi bemen i be kung de-e le, “Ukandi, li ngye le biwọm abi wo kọng le abi wo hwọ bendi bi yi kigyang. Li ngye le bendi puu be yi a kitaa ken, wo hwọ bendi puu kigyang gbe le kukwo Unim. 22De li ashin, Iten ityan i bọng le li tye ukpanda ke Usu ukandi angwu he Urom a, ha li tye ke-e ye?”
23Ujeso a ngye beshu bebel, a ha de be le, 24“Ma tyung mi ukwudi. Lishi ayang le lizen ayang, bi yi nyin?”
Be fan he le, “Angi Usu ukandi he Urom a.”
25Ujeso a de be le, “Gbe ki yi na, ashi ki yi ashi Usu, ma kung ke Usu, ashi ki yi ashi Unim, ma kung ke Unim.”
26Ha he liwu bendi, ki yi le ashi a kọng shang he be kwu-e ye. Be ma fel kwu kpọ, ki kwu abe he kuhwo na a fan abe ashin.
Awum-ale le he lihwu le libee
(Mat 22:23-33; Mak 12:18-27)
27Bendi Isadusis be bọng le undi u wum le he lihwu ye. Bendi le he liwu libel be be hwaa le Ujeso. 28Be de-e le, “Ukandi, Umosis a ma fee uten ndọ li le, ‘Gbe undi a hwo tyang ungye faale unwaa, ki yi kpe-kpe le unwaa-nam u kpeb kung ungye-uhwuu ana he ubu unwaa-nde angwu a hwo u nim ye.’ 29He kunyọng kususo, ki ma yi le bengikye bedyọng-ifee abe be ma yi bebwaa-nam bende. Angwu gbel a kpeb ungye. A hwo tyang he faale unwaa. 30Angwu a pwọm le he, a kpeb kung ungye-uhwuu ana mbee hwo tyang he. 31Angwu lekie kitaa kimen. Ki shi fe bebwaa-nam bende bedyọng-ifee ana nya kitaa ken. Puu ubel undi-undi a kpeb he hwo tyang he faale unwaa. 32Angwu ungingye a ha hwo. 33He kunyọng ahwu be be wum le he lihwu, ungingye angwun u ba kwa ungye ayang a, gbe befe a puu bedyọng-ifee be kpeb he, hwo tyang he?”
34Ujeso a fan abe le, “Bengikye abe he igye anyin be kpeb bengye, bengingye be gye abee. 35Ukpọ bendi abe be kpe le be wum le he lihwu abe be be kwu he igye angi i be le ha, be tem ba bee abee ye. 36Be ba fel nya ana idengel Unim a, be hwa ye likọye na bebwaa Unim be wum le he lihwu. 37Umosis a tyung ngwọng le bendi be ba wum le he lihwu. He kiteng kushia ashi a fee gbe le ukwan angwu kinde ki ma mọ a ko Ada le Unim angwu Ebraham, le Azik le Ujekọb.#20:37 Ligye 3:6 38He kunyọng ahwu a kọng ashin, bendi bemen ana be hwo he agwo ma, ukpọ be yi bewum he ashi Unim. Ashin ki tyung le u yi Unim bendi abe be yi bewum ngyọ igye a.”
39Bitisha Iten besuso be de-e le, “Ukandi, wo fan nya del-del.” 40Be ma tem mba lityam bii he bibibi ye.
Unwaa ayang u yi undi-likpan
(Mat 22:41-46; Mak 12:35-37)
41Ujeso a bii abe le, “Ki nya sha na a, be de le Ukristi a fel unwaa Udebid? 42Be fee he kushia Agyam le Udebid a kọng le,
“ ‘Ada a de Ada ugi le,
“be kwu ha ami kubwo lizen
43kpam mi gbe shi bendi-linaa begang
kidem ashi wo pwọm abee.” ’#20:43 Agyam 110:1
44Udebid a ko Ukristi le Atyam. Na ki nya shi Ukristi u tem fel igia ima?”
Uteb gbe le bitisha Iten
(Mat 23:1-36; Mak 12:38-40)
45Nya ana bendi abe be sho ha be maa gyo Ujeso, a de bendi-utung bema le, 46“Ma baa kuhwo-men le ha bitisha Iten. Ki nyin abe le be shi agbada tan he kate he bendi be ko abe le bekandi. Be kee bidem abi be ndọ bekandi bendi he ishọm Unim angi be kwu awu ọ, he bipam ọ. 47Be kpa bengye-uhwuu biwọm za. Be kọng ha Unim gba kigbe he bendi be de le be yi bendi benunung a. Be ba kpa kingie hwa bendi abe be teng puu.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.