Uluk 19
19
Uzakiyọs undi angwu u kpe ukpanda
1Ujeso a ma le gbe he Ujeriko. 2Ki ma yi le ungikye ken angwu be maa ko le Uzakiyọs ha. A ma yi ukandi angwu u kpe ukpanda a, u shi undi-kingbeb. 3A maa kaa he u nde Ujeso, he u ngye kitaa undi ashi u yi. A maa nda he ye, likọye bendi be ma sho ha kaang, u shi undi ugem a. 4A ha buu gbe tyang liwu bendi abena le mbo so he ukwan ukandi angwu be ko le usikamọ he u nde Ujeso, gbe ki ma yi le Ujeso u gba he kukwo kumen ana a.
5Nyọng Ujeso abe fel ha he kipi ukwan ana u yi, a bel ashi nde Uzakiyọs gye ha he kusi, a de-e le, “Uzakiyọs, shul be he itang akikye, likọye ha awo ushọm na mi le kwu kunyin.” 6Uzakiyọs a shul be he itang nya kukwo-kukwo be kọng le Ujeso, u kpe-e le igọ gye he ushu.
7Bendi puu abe be nde ashina be keb inem anem-ale le ungikye angwun a gbe le u la ngyọ he ushọm undi-kiban.
8Uzakiyọs a die le naa Ujeso he kushu de-e le, “Ukandi, gyo mi. Mi kung biwọm bigi puu hwọ he biteng bifee, mi kung likwu ken ka bendi-likaa. Gbe mi ma shi undi zi, mi fel hwee undi angwu ha bwan bee kugbe kande.”
9Ujeso a de-e le, “Likpan kunyọng li fel ha bendi abe he ushọm ugang angwun kunyin, likọye wo ọ wo yi unwaa Ebraham a. 10Mi Unwaa Undi-gye, mi be he igye anyin le mi kee abe be nim, mi kpan abe a.”
Ujeso a bun ityang gbe le unde
(Mat 25:14-30)
11Bendi abe be ma gyo he be ma fel gim le, gbe Ujeso a wu he Ujeruselem wuwu ana ki fel kunyọng ahwu kiteng kusu Unim ki be. Gbe Ujeso a ma ngye ashi be gim, a kung ityang bun de be he u shi ki nung abe gbe le kunyọng ahwu Unim u fel Usu. 12A de le, “Ukandi ken a ma kam le u gya litan he kubọng ahwu ku yi le kigbe kaang he be le kwu-e kusu, u ha tem be. 13Ma ukpọng u ha gbe, a ko bendi aki bema, bendi lihwo. A ke undi-undi ugaa ukwudi. A ha de be le be shi ushi le unde umen ana kpam nyọng he le he kipi u gye.
14“Bendi bema be maa tel he. Be ha sọm bendi-gye ha le de ukandi angwu u kwu-e kusu le ‘be kee le ungikye umen i u kwu usu ubel ye.’
15“Ma na ọ, be ma kwu-e kusu. A ha tem be he ushu. Nya kukwo-kukwo a ko bendi aki bema abe a ma ke be unde le be be he u nde lifem libel.
16“Ukpi-kikwu undi abe de-e le, ‘Ukandi, mi shi ushi le ugaa ukwudi angwu wo ma ke-m. Lifem angi li be le ha, li yi igaa ikwudi lihwo.’
17“Atyam a de-e le, ‘Wo shi dii. Wo yi undi aki ununung a. Le gbe wo shi aki angi zang lityam ken, mi sha-a wo fel usu abọng lihwo.’
18“Angwu lefee u be de-e le, ‘Ukandi, lifem angi li be le he ugaa ukwudi angwu wo ma ke-m li yi igaa ikwudi idyọng.’
19“A de angwun le, ‘Mi sha-a wo fel usu abọng adyọng.’
20“Angwu lekie a be. A de atyam le, ‘Ukandi, nde ugaa ukwudi ugang. Mi bwọ he fe he kihwọm ndọ a. 21Mi shel a likọye wo yi ukaa-ukaa. Wo kpa kung biwọm le ha bendi abi bi yi bigang a ye, wo zi biwọm bendi likọ-likọ.’
22“Atyam a de-e le, ‘Wo undi aki ubibi, igie igang igyang na i be le libi ka-a. Wo ngye le mi yi ukaa-ukaa. Mi kpa kung bendi biwọm abi bi yi bigi a ye, mi za kiwọm undi likọ-likọ. 23Kibang a, wo ma te le unde angwu mi ka-a le fe he ubank ye? Hang nyọng ki yi i, mi tem kpa unde ugi le lifem.’
24“A ha de bendi abe be ma yi naa ha le, ‘Ma kpe kung ugaa ukwudi angwu u yi le he ke undi angwu u yi le igaa ikwudi lihwo.’
25“Be de-e le, ‘Ukandi, ufe a fel le igaa ikwudi lihwo ma.’
26“A de be le, ‘Mi kee le ma ngye le undi uyang-yang angwu u yi le kiwọm na Unim u mbee be ke-e he u fel le shi ki go, ukpọ undi angwu u yi le kiwọm ye, ake u yi le ke zang ọ, Unim u ba pan kpa kung he ake. 27Bendi-linaa begi abe be ma kee le mi kwu usu ubel ye nyin, befe, ma be le be gwu abe he atọng-shi agi.’ ”
Ujeso a gye he Ujeruselem na usu
(Mat 21:1-11; Mak 11:1-11; Jọn 12:12-19)
28Ujeso a mbee le ashi a maa kọng ha abwo, a ha gbe tyang abe gbe gye he Ujeruselem. 29Nya ana a maa ndu wu he ishokwo Ubefeji le Ubetani he liten ukwel angwu be ko le Olif, a sọm bendi-utung bema, abe befee, gye he kushu. 30A de be le, “Ma gye he kubọng ahwu ku yi he kushu ana. Ma la wa ha, ma nda ushọm kukaa-inyia ahwu undi a wa pwọm ahwu ngye ye, tyuu ha he ungwu-likọng. Ma pel ahwu be le hwu. 31Gbe undi a bii amen atan-lengi angwu ma pel kung ahwu, ma de-e le ki fọng Ada le hwu.”
32Bendi-utung bema bemen befee ana be te le nde kiwọm kiyang-yang nya ana Ujeso a de be. 33Nya ana be maa pel ushọm kukaa-inyia ana, bendi abe be yi le hwu be bii abe le kibang a, be pel kung ahwu?
34Be fan le, “Ki fọng Ada le hwu.”
35Be be le ushọm kizaaki ana ke Ujeso. Bendi-utung Ujeso be kung bihwọm bibel shi ashi he item, be kwu Ujeso abwo mbo kwu ha. 36Bendi be kung bihwọm bibel kie le kukwo le kukwo he Ujeso u pwọm kizaaki gbe ha.
37He kunyọng ahwu Ujeso a ma fel kpee-kpee gye he Ujeruselem he kipi be shul ukwel angwu be ko le Olif nyin, bendi abe be ma tye kwuo pwọm he, be ma keb Unim apee-ale le igọ. Be gaa pee he he biwọm bikandi puu abi be nde. 38Be maa pee le,
“Unim u ke usu kukwun angwu u be he lizen lima ufe Ada Unim.#19:38 Agyam 118:26
Ikwun i kwu he kusi lifung-atabe, ipee i kwu ke Unim.”
39Iferesis isuso le ha he liwu i kung de Ujeso le: “Ukandi, de bendi-utung begang be naa le kihwee.”
40Ujeso a de be le, “Ma ngye le gbe bendi aben be kwun atyung, akọ a kpa abe lishi gaa pee Unim.”
41Ujeso a mbee die fel kpee-kpee gye he Ujeruselem a nde kubọng, u fel kya bendi abe ha, 42de le, “Ayang a kpe le ma ngye kukwo ahwu ma kung shi be le ikwun ọ! Ukpọ ma nda ahwu kanaa-anaa i ye. 43Kunyọng ku ba le ha ahwu bendi-linaa bemen be be kaa kel-kel fe men le ma tem gbe be he igye ye. 44Be be gwu mbee amen puu, be kem ban biwọm puu. Kukọ ken ọ ahwu ma tye ugying, ku ba ngyọ pwọm he likwu undema ye, likọye ma ma ngye kunyọng ahwu Unim a sọm Undi-likpan le he u kpan amen ye.”
Ujeso he afee Ushọm Unim
(Mat 21:12-17; Mak 11:15-19; Jọn 2:13-22)
45Ujeso a gye he afee Ushọm Unim le ndeb le bendi-ushi le ha he Ushọm Unim wu he igye. 46U de be le, be ma fee he kushia Unim le-iti le, Unim a de le be ba ko Ushọm uma le kiteng ushang akele.#19:46 Azaya 56:7 Ukpọ be shi-e a bel kiteng ashi be ndyel zi kazi.#19:46 Ujerimaya 7:11
47Ujeso a maa hwọ bendi he Ushọm Unim mbee ati. Bekandi bishang Unim le bitisha Iten, le bekandi kubọng be kee le be gwa he, 48ukpọ be ma nda kukwo ahwu be gwu-e ye, likọye bendi puu be maa gya kushu gyo he. Be kee le be gyo he teng likpe ken ọ ye.
Айни замон обунашуда:
Uluk 19: KUIL
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 19
19
Uzakiyọs undi angwu u kpe ukpanda
1Ujeso a ma le gbe he Ujeriko. 2Ki ma yi le ungikye ken angwu be maa ko le Uzakiyọs ha. A ma yi ukandi angwu u kpe ukpanda a, u shi undi-kingbeb. 3A maa kaa he u nde Ujeso, he u ngye kitaa undi ashi u yi. A maa nda he ye, likọye bendi be ma sho ha kaang, u shi undi ugem a. 4A ha buu gbe tyang liwu bendi abena le mbo so he ukwan ukandi angwu be ko le usikamọ he u nde Ujeso, gbe ki ma yi le Ujeso u gba he kukwo kumen ana a.
5Nyọng Ujeso abe fel ha he kipi ukwan ana u yi, a bel ashi nde Uzakiyọs gye ha he kusi, a de-e le, “Uzakiyọs, shul be he itang akikye, likọye ha awo ushọm na mi le kwu kunyin.” 6Uzakiyọs a shul be he itang nya kukwo-kukwo be kọng le Ujeso, u kpe-e le igọ gye he ushu.
7Bendi puu abe be nde ashina be keb inem anem-ale le ungikye angwun a gbe le u la ngyọ he ushọm undi-kiban.
8Uzakiyọs a die le naa Ujeso he kushu de-e le, “Ukandi, gyo mi. Mi kung biwọm bigi puu hwọ he biteng bifee, mi kung likwu ken ka bendi-likaa. Gbe mi ma shi undi zi, mi fel hwee undi angwu ha bwan bee kugbe kande.”
9Ujeso a de-e le, “Likpan kunyọng li fel ha bendi abe he ushọm ugang angwun kunyin, likọye wo ọ wo yi unwaa Ebraham a. 10Mi Unwaa Undi-gye, mi be he igye anyin le mi kee abe be nim, mi kpan abe a.”
Ujeso a bun ityang gbe le unde
(Mat 25:14-30)
11Bendi abe be ma gyo he be ma fel gim le, gbe Ujeso a wu he Ujeruselem wuwu ana ki fel kunyọng ahwu kiteng kusu Unim ki be. Gbe Ujeso a ma ngye ashi be gim, a kung ityang bun de be he u shi ki nung abe gbe le kunyọng ahwu Unim u fel Usu. 12A de le, “Ukandi ken a ma kam le u gya litan he kubọng ahwu ku yi le kigbe kaang he be le kwu-e kusu, u ha tem be. 13Ma ukpọng u ha gbe, a ko bendi aki bema, bendi lihwo. A ke undi-undi ugaa ukwudi. A ha de be le be shi ushi le unde umen ana kpam nyọng he le he kipi u gye.
14“Bendi bema be maa tel he. Be ha sọm bendi-gye ha le de ukandi angwu u kwu-e kusu le ‘be kee le ungikye umen i u kwu usu ubel ye.’
15“Ma na ọ, be ma kwu-e kusu. A ha tem be he ushu. Nya kukwo-kukwo a ko bendi aki bema abe a ma ke be unde le be be he u nde lifem libel.
16“Ukpi-kikwu undi abe de-e le, ‘Ukandi, mi shi ushi le ugaa ukwudi angwu wo ma ke-m. Lifem angi li be le ha, li yi igaa ikwudi lihwo.’
17“Atyam a de-e le, ‘Wo shi dii. Wo yi undi aki ununung a. Le gbe wo shi aki angi zang lityam ken, mi sha-a wo fel usu abọng lihwo.’
18“Angwu lefee u be de-e le, ‘Ukandi, lifem angi li be le he ugaa ukwudi angwu wo ma ke-m li yi igaa ikwudi idyọng.’
19“A de angwun le, ‘Mi sha-a wo fel usu abọng adyọng.’
20“Angwu lekie a be. A de atyam le, ‘Ukandi, nde ugaa ukwudi ugang. Mi bwọ he fe he kihwọm ndọ a. 21Mi shel a likọye wo yi ukaa-ukaa. Wo kpa kung biwọm le ha bendi abi bi yi bigang a ye, wo zi biwọm bendi likọ-likọ.’
22“Atyam a de-e le, ‘Wo undi aki ubibi, igie igang igyang na i be le libi ka-a. Wo ngye le mi yi ukaa-ukaa. Mi kpa kung bendi biwọm abi bi yi bigi a ye, mi za kiwọm undi likọ-likọ. 23Kibang a, wo ma te le unde angwu mi ka-a le fe he ubank ye? Hang nyọng ki yi i, mi tem kpa unde ugi le lifem.’
24“A ha de bendi abe be ma yi naa ha le, ‘Ma kpe kung ugaa ukwudi angwu u yi le he ke undi angwu u yi le igaa ikwudi lihwo.’
25“Be de-e le, ‘Ukandi, ufe a fel le igaa ikwudi lihwo ma.’
26“A de be le, ‘Mi kee le ma ngye le undi uyang-yang angwu u yi le kiwọm na Unim u mbee be ke-e he u fel le shi ki go, ukpọ undi angwu u yi le kiwọm ye, ake u yi le ke zang ọ, Unim u ba pan kpa kung he ake. 27Bendi-linaa begi abe be ma kee le mi kwu usu ubel ye nyin, befe, ma be le be gwu abe he atọng-shi agi.’ ”
Ujeso a gye he Ujeruselem na usu
(Mat 21:1-11; Mak 11:1-11; Jọn 12:12-19)
28Ujeso a mbee le ashi a maa kọng ha abwo, a ha gbe tyang abe gbe gye he Ujeruselem. 29Nya ana a maa ndu wu he ishokwo Ubefeji le Ubetani he liten ukwel angwu be ko le Olif, a sọm bendi-utung bema, abe befee, gye he kushu. 30A de be le, “Ma gye he kubọng ahwu ku yi he kushu ana. Ma la wa ha, ma nda ushọm kukaa-inyia ahwu undi a wa pwọm ahwu ngye ye, tyuu ha he ungwu-likọng. Ma pel ahwu be le hwu. 31Gbe undi a bii amen atan-lengi angwu ma pel kung ahwu, ma de-e le ki fọng Ada le hwu.”
32Bendi-utung bema bemen befee ana be te le nde kiwọm kiyang-yang nya ana Ujeso a de be. 33Nya ana be maa pel ushọm kukaa-inyia ana, bendi abe be yi le hwu be bii abe le kibang a, be pel kung ahwu?
34Be fan le, “Ki fọng Ada le hwu.”
35Be be le ushọm kizaaki ana ke Ujeso. Bendi-utung Ujeso be kung bihwọm bibel shi ashi he item, be kwu Ujeso abwo mbo kwu ha. 36Bendi be kung bihwọm bibel kie le kukwo le kukwo he Ujeso u pwọm kizaaki gbe ha.
37He kunyọng ahwu Ujeso a ma fel kpee-kpee gye he Ujeruselem he kipi be shul ukwel angwu be ko le Olif nyin, bendi abe be ma tye kwuo pwọm he, be ma keb Unim apee-ale le igọ. Be gaa pee he he biwọm bikandi puu abi be nde. 38Be maa pee le,
“Unim u ke usu kukwun angwu u be he lizen lima ufe Ada Unim.#19:38 Agyam 118:26
Ikwun i kwu he kusi lifung-atabe, ipee i kwu ke Unim.”
39Iferesis isuso le ha he liwu i kung de Ujeso le: “Ukandi, de bendi-utung begang be naa le kihwee.”
40Ujeso a de be le, “Ma ngye le gbe bendi aben be kwun atyung, akọ a kpa abe lishi gaa pee Unim.”
41Ujeso a mbee die fel kpee-kpee gye he Ujeruselem a nde kubọng, u fel kya bendi abe ha, 42de le, “Ayang a kpe le ma ngye kukwo ahwu ma kung shi be le ikwun ọ! Ukpọ ma nda ahwu kanaa-anaa i ye. 43Kunyọng ku ba le ha ahwu bendi-linaa bemen be be kaa kel-kel fe men le ma tem gbe be he igye ye. 44Be be gwu mbee amen puu, be kem ban biwọm puu. Kukọ ken ọ ahwu ma tye ugying, ku ba ngyọ pwọm he likwu undema ye, likọye ma ma ngye kunyọng ahwu Unim a sọm Undi-likpan le he u kpan amen ye.”
Ujeso he afee Ushọm Unim
(Mat 21:12-17; Mak 11:15-19; Jọn 2:13-22)
45Ujeso a gye he afee Ushọm Unim le ndeb le bendi-ushi le ha he Ushọm Unim wu he igye. 46U de be le, be ma fee he kushia Unim le-iti le, Unim a de le be ba ko Ushọm uma le kiteng ushang akele.#19:46 Azaya 56:7 Ukpọ be shi-e a bel kiteng ashi be ndyel zi kazi.#19:46 Ujerimaya 7:11
47Ujeso a maa hwọ bendi he Ushọm Unim mbee ati. Bekandi bishang Unim le bitisha Iten, le bekandi kubọng be kee le be gwa he, 48ukpọ be ma nda kukwo ahwu be gwu-e ye, likọye bendi puu be maa gya kushu gyo he. Be kee le be gyo he teng likpe ken ọ ye.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.