Uluk 21
21
Kuke ungye-uhwuu
(Mak 12:41-44)
1Ujeso a ma bel ashi nde na bendi-kingbeb be be le beke bebel fe he kigbọ ashi be fe unde he Ushọm Unim. 2A mbee nde ungye-uhwuu angwu u yi likaa-likaa abe le ideli ifee fe ha. 3A ha de le, “Mi de men kigyang, ungye-uhwuu angwu u yi likaa-likaa nyin, a ke hwo bendi abe be teng puu. 4Bendi abe be teng be gia igia be ke, ukpọ undi-likaa angwun a kung kiwọm ashi ki teng le u ndyeb lizi ọ, be ke puu.”
Aban-ale ushọm Unim le bitaa umbee-likel ati
(Mat 24:1-2; Mak 13:1-2)
5Bendi besuso be maa kọng gba le kitaa be tye Ushọm Unim a ngbeb. Be kọng gbe le akọ angi be kung shi-e le beke abe be ke. Ujeso a ha de be le, 6“Kunyọng ku ba le ha ahwu ushọm angwu ma nde i u be gyeb, kukọ ken ọ ku tem be ngyọ pwọm he likwu undema ye. A ba gyeb wa he itang puu.”
7Be bii he le, “Itisha, kunyọng ahwu kung kiwọm ashin ki be shi? Kibang kiwọm ashi ki be shi tyung li le kunyọng ahwu kiwọm ashin ki shi ku fel?”
8Ujeso a de le, “Ma baa teng undi u lam amen. Bebwaa-kisọm gbam be ba ba he lizen ligi, da le be yi Ukristi a, kunyọng ku fel ma. Ma shi pwọm abe ye. 9Ma shel he kunyọng ahwu ma gyo gbe le bekye le anaa ye. Ki yi kpe-kpe le abin bi shi, ukpọ umbee-likel ati igye anyin a wa fel ye.”
10A gye kushu de be le, “Abọng-abọng a ba ndo ha bende, ufam-ufam u be ndo ha bende. 11Isun i ba kwuo mbee bipi, itung i be ndo bendi kaang, angbam angi a gbe undi a ba kwa mbee bipi. Biwọm bibibi le abi bi shi bendi be fel shel bi ba kwa he kusi.
12“Ma ukpọng biwọm abin puu bi ha shi mbee, bendi be ba kwa amen, be ke men kingie. Be ba kung amen ka bekandi he be maa amen ushe he ishọm Unim ibel angi be kwu awu. Be fa amen he igaadye. Be ba ta le men la hwaa le besu le bekandi he kuhwo kugi. 13Ashin ki ba kwa libwo ka amen le ma bun kisọm kinunung de be. 14Igim i kwu amen kpatia, ma fel waa ufung gbe le kitaa ashi ma le maa ushe ye, 15likọye mi ba ka amen igie angi dang he bendi-linaa bemen be be hwo amen ọ, nyọng be swan igie imen ọ ye. 16Betyamen ọ, bendamen ọ, bebwaa-ndamen ọ, behwan-men ọ, bedim-men ọ, be ba kung amen ka le be gwu, be be gwu amen besuso. 17Bendi puu be ba tel amen he kuhwo kugi. 18Ukpọ udal ugil umen ken ọ u waa nim ye. 19Ma ngyọ naa gen he men ma be kwu le likpan kunyọng.”
20Ujeso a mbee kọng le, “He kunyọng ahwu ma be nde ishogya i kaa kel-kel fe Ujeruselem ma ngye le baa be ban he. 21Ha he kunyọng kumen ana bendi abe be yi he kubọng Ujudia be buu gye he ikwel kusi. Bendi abe be yi he Ujeruselem be buu le ha, bendi abe be yi he igye be tem gye he Ujeruselem ye. 22Kunyọng kumen ana ku ba kwa kunyọng kingie a, he abi be fee fe he kushia Unim le-iti bi shi nya ana be fee. 23Ha he kunyọng kumen ana ki ba kwa kibibi ka bengingye azam le abe be yi le bebwaa he abwo. Kingie kikandi ki ba kwa nyin he itang imen, ingyo Unim i ba kwa ha bendi bemen i. 24Bendi-linaa be ba gwa besuso he kukye, be be kwu besuso gye le be he abwo lifee mbee abọng. Bendi abe be bọng ha Unim ye be ba ngwee Ujeruselem kpa kung he kpam kunyọng bendi bemen abe be ngye Unim ye i ku gbe mbee.”
25“Bitaa bi ba fem he libwee le kufel le ikpen. Atyam bendi abe he abọng puu he igye i a ba ngyọ abe he kusi-kusi, be be shel kihwee ashi umbwo ukandi u hwee kaang. Be tem ba ngya na be shi ọ ye. 26Kushel ku ba kwun bendi abwo nya ana be kwu nyọng kiwọm ashi ki ndu shi he igye anyin, likọye ikeb angi he kusi paa he abwo. 27Bendi be ba nda-m mi Unwaa undi-gye, mi ba le he kusi le ikeb le ifem. 28He kunyọng ahwu biwọm abin bi keb ashele ma bo kinaa nde ashi gye he kusi likọye kunyọng ahwu Unim u be kpan amen ku fel he abwo.”
29Ujeso a ha de bendi-utung bema ityang le, “Ma gim gbe le Ufig le ikwan angi i teng puu. 30He kunyọng ahwu ma nde ngi i ndu hwaa ashia, ma gya le kifọng ki ndu shul. 31Kitaa a ken, kunyọng ahwu ma nde biwọm abin bi shi, ma ngye le kiteng kusu Unim ki fel kpee-kpee.
32“Mi da amen kigyang a le biwọm abin puu bi ba sha ma ukpọng ugbe bendi abe be yi he igye kunyin i u ha be hwo mbee. 33Lifung-atabe le igye bi ba mbee, ukpọ igie igi ife i ha ndu mbee ye, i kwa ngyọ igye kpam.”
34“Ma baa kuhwo-men, ma tyang bipam, le bingwu-ngwo le biwọm igye anyin bi kpe kung atyam amen ye. Gbe ma baa ye, liti limen ana li ba tya amen imbul na kikpamkpọ. 35Liti limen ana li ba hwaa le bendi puu mbee igye. 36Ma kwu le kakang, ma kọng ha Unim mbee kunyọng he men ma be kwu le ikeb hwo biwọm puu abi bi be shi, ma naa he ashi agi mi Unwaa undi-gye mbee.”
37Ujeso a ma kung ati amen ana hwọ bendi he Ushọm Unim. Nyọng likwu-lukwu li gyeb, u tem gye he ukwel angwu be ko le Olif le ngyọ ha. 38Ashi a taa le-iti-le-iti, bendi be ngyua gya he Ushọm Unim la gyo he.
Айни замон обунашуда:
Uluk 21: KUIL
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 21
21
Kuke ungye-uhwuu
(Mak 12:41-44)
1Ujeso a ma bel ashi nde na bendi-kingbeb be be le beke bebel fe he kigbọ ashi be fe unde he Ushọm Unim. 2A mbee nde ungye-uhwuu angwu u yi likaa-likaa abe le ideli ifee fe ha. 3A ha de le, “Mi de men kigyang, ungye-uhwuu angwu u yi likaa-likaa nyin, a ke hwo bendi abe be teng puu. 4Bendi abe be teng be gia igia be ke, ukpọ undi-likaa angwun a kung kiwọm ashi ki teng le u ndyeb lizi ọ, be ke puu.”
Aban-ale ushọm Unim le bitaa umbee-likel ati
(Mat 24:1-2; Mak 13:1-2)
5Bendi besuso be maa kọng gba le kitaa be tye Ushọm Unim a ngbeb. Be kọng gbe le akọ angi be kung shi-e le beke abe be ke. Ujeso a ha de be le, 6“Kunyọng ku ba le ha ahwu ushọm angwu ma nde i u be gyeb, kukọ ken ọ ku tem be ngyọ pwọm he likwu undema ye. A ba gyeb wa he itang puu.”
7Be bii he le, “Itisha, kunyọng ahwu kung kiwọm ashin ki be shi? Kibang kiwọm ashi ki be shi tyung li le kunyọng ahwu kiwọm ashin ki shi ku fel?”
8Ujeso a de le, “Ma baa teng undi u lam amen. Bebwaa-kisọm gbam be ba ba he lizen ligi, da le be yi Ukristi a, kunyọng ku fel ma. Ma shi pwọm abe ye. 9Ma shel he kunyọng ahwu ma gyo gbe le bekye le anaa ye. Ki yi kpe-kpe le abin bi shi, ukpọ umbee-likel ati igye anyin a wa fel ye.”
10A gye kushu de be le, “Abọng-abọng a ba ndo ha bende, ufam-ufam u be ndo ha bende. 11Isun i ba kwuo mbee bipi, itung i be ndo bendi kaang, angbam angi a gbe undi a ba kwa mbee bipi. Biwọm bibibi le abi bi shi bendi be fel shel bi ba kwa he kusi.
12“Ma ukpọng biwọm abin puu bi ha shi mbee, bendi be ba kwa amen, be ke men kingie. Be ba kung amen ka bekandi he be maa amen ushe he ishọm Unim ibel angi be kwu awu. Be fa amen he igaadye. Be ba ta le men la hwaa le besu le bekandi he kuhwo kugi. 13Ashin ki ba kwa libwo ka amen le ma bun kisọm kinunung de be. 14Igim i kwu amen kpatia, ma fel waa ufung gbe le kitaa ashi ma le maa ushe ye, 15likọye mi ba ka amen igie angi dang he bendi-linaa bemen be be hwo amen ọ, nyọng be swan igie imen ọ ye. 16Betyamen ọ, bendamen ọ, bebwaa-ndamen ọ, behwan-men ọ, bedim-men ọ, be ba kung amen ka le be gwu, be be gwu amen besuso. 17Bendi puu be ba tel amen he kuhwo kugi. 18Ukpọ udal ugil umen ken ọ u waa nim ye. 19Ma ngyọ naa gen he men ma be kwu le likpan kunyọng.”
20Ujeso a mbee kọng le, “He kunyọng ahwu ma be nde ishogya i kaa kel-kel fe Ujeruselem ma ngye le baa be ban he. 21Ha he kunyọng kumen ana bendi abe be yi he kubọng Ujudia be buu gye he ikwel kusi. Bendi abe be yi he Ujeruselem be buu le ha, bendi abe be yi he igye be tem gye he Ujeruselem ye. 22Kunyọng kumen ana ku ba kwa kunyọng kingie a, he abi be fee fe he kushia Unim le-iti bi shi nya ana be fee. 23Ha he kunyọng kumen ana ki ba kwa kibibi ka bengingye azam le abe be yi le bebwaa he abwo. Kingie kikandi ki ba kwa nyin he itang imen, ingyo Unim i ba kwa ha bendi bemen i. 24Bendi-linaa be ba gwa besuso he kukye, be be kwu besuso gye le be he abwo lifee mbee abọng. Bendi abe be bọng ha Unim ye be ba ngwee Ujeruselem kpa kung he kpam kunyọng bendi bemen abe be ngye Unim ye i ku gbe mbee.”
25“Bitaa bi ba fem he libwee le kufel le ikpen. Atyam bendi abe he abọng puu he igye i a ba ngyọ abe he kusi-kusi, be be shel kihwee ashi umbwo ukandi u hwee kaang. Be tem ba ngya na be shi ọ ye. 26Kushel ku ba kwun bendi abwo nya ana be kwu nyọng kiwọm ashi ki ndu shi he igye anyin, likọye ikeb angi he kusi paa he abwo. 27Bendi be ba nda-m mi Unwaa undi-gye, mi ba le he kusi le ikeb le ifem. 28He kunyọng ahwu biwọm abin bi keb ashele ma bo kinaa nde ashi gye he kusi likọye kunyọng ahwu Unim u be kpan amen ku fel he abwo.”
29Ujeso a ha de bendi-utung bema ityang le, “Ma gim gbe le Ufig le ikwan angi i teng puu. 30He kunyọng ahwu ma nde ngi i ndu hwaa ashia, ma gya le kifọng ki ndu shul. 31Kitaa a ken, kunyọng ahwu ma nde biwọm abin bi shi, ma ngye le kiteng kusu Unim ki fel kpee-kpee.
32“Mi da amen kigyang a le biwọm abin puu bi ba sha ma ukpọng ugbe bendi abe be yi he igye kunyin i u ha be hwo mbee. 33Lifung-atabe le igye bi ba mbee, ukpọ igie igi ife i ha ndu mbee ye, i kwa ngyọ igye kpam.”
34“Ma baa kuhwo-men, ma tyang bipam, le bingwu-ngwo le biwọm igye anyin bi kpe kung atyam amen ye. Gbe ma baa ye, liti limen ana li ba tya amen imbul na kikpamkpọ. 35Liti limen ana li ba hwaa le bendi puu mbee igye. 36Ma kwu le kakang, ma kọng ha Unim mbee kunyọng he men ma be kwu le ikeb hwo biwọm puu abi bi be shi, ma naa he ashi agi mi Unwaa undi-gye mbee.”
37Ujeso a ma kung ati amen ana hwọ bendi he Ushọm Unim. Nyọng likwu-lukwu li gyeb, u tem gye he ukwel angwu be ko le Olif le ngyọ ha. 38Ashi a taa le-iti-le-iti, bendi be ngyua gya he Ushọm Unim la gyo he.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.