Uluk 17
17
Kiban, abọng-ale, aki
(Mat 18:6-7, 21-22; Mak 9:42)
1Ujeso a de bendi-utung bema le, “Ki yi kpe-kpe le igil-ale angi i shi undi u shi kiban i ba, ukpọ ki ba kwa kibibi ka undi angwu a be le ngi. 2Ki ngbeb le be kung kukọ bikuko tye tyuu he he umbel le tye he umbwo ukandi hwo ashi le u shi unwaan ken ọ u shi kiban. 3He ashin ma baa kuhwo-men he ashi ma shi.
“Gbe unwaa-na a shi ban na, wo ben he. Gbe a shi beshi, u tyang abwo le he kiban kima, wo tyang ke-e. 4Ma u shi ban na kugbe kadyọng-ifee he liti ken ọ, gbe a be hwaa le wo kugbe a adyọng-ifee da-a le a shi beshi, ki yi kpe-kpe le wo tyang ke-e.”
5Bebwaa-kisọm Ada Ujeso be de-e le, “Shi abọng-ale utyan ha awo, a kaa.”
6Ada Ujeso a kung de le, “Gbe abọng-ale amen a zen na utọng ukwan umọstad ọ, ma da ukwan ukandi angwun le u wob le idaa le kwan he umbwo ukandi, u ka amen ife.”
7Ujeso a gye kushu kọng le, “Gbe undi ken he liwu limen u yi le ubọyi angwu pisoye u teb he abwọm a, pisoye u kang he itia a, kunyọng ahwu ubọyi ana a wee le ha be he ushu, atyam u da he le u le kwu ko akikye he u zi lizi a? 8U ha ndu da he na ye. Ashi u de ubọyi uma ki yi le u shi lizi kung ndọ he, ufe-gyang u za, u ngwo kingwu-ngwo, saa ubọyi ana u ha zi lima. 9Ubọyi ana a kpe le u kpa ipee le he ashi atyam a de-e le u shi a? 10Kitaa kimen na ki yi le men ọ, gbe ma shi biwọm puu abi be de men le ma shi, ma de le, ‘Li yi ibọyi a, li kee-kee shi ashi ki yi le ibọyi i shi a.’ ”
Ujeso a mbee bendi-akpaa lihwo
11Ujeso a ma gbe he kusu Usameria le Ugalili gye he Ujeruselem. 12Nya ana a maa ndu wu he ushokwo ususo a kpee le bendi-akpaa lihwo. Be naa ha kigbe-kigbe, 13keb akyele fe Ujeso le, “Atya-tyan Ujeso, ha kwu le beshi ha abel.”
14Ujeso a de be le, “Ma te le kuhwo-men he bendi abe be shang Unim be nde men.” Nya ana be te le akwo, akpaa abel a taa.
15Undi ken a nde le a mbee, a tem item le kigegaa he ungwu, u pee Unim. 16A be tim anung he itang he kushu Ujeso pee he. Ungikye umen ana a maa ba le he Usameria a.
17Ujeso a kung bii le, “Mi yi mbee bendi lihwo a ye a? Abe bedyọng-inde be yi kung a? 18Undi ken ọ a tem be ke Unim ipee fem ugaa-ndi angwun ye a?” 19Ujeso a kung de ungikye ana le, “bo kinaa ndu gye, abọng-ale agang a sha-a wo mbee.”
Abele kiteng kusu Unim
(Mat 24:23-28, 37-41)
20Bendi Iferesis be bii Ujeso kunyọng ahwu Unim u be be na Usu. A fan abe le, “Abele kiteng kusu Unim ki yi kitaa undi u nde a ye. 21Undi u ha ndu da le, ‘Ma nde, u yi nyin ọ, nyọng u yi he ana ọ ye!’ Likọye kiteng kusu Unim ki yi ha amen nyin ma.”
22Ujeso a ha kung de bendi-utung bema le, “Kunyọng ku ba le ha ahwu ma fel be bel ibel le hang ma nde-m mi Unwaa undi-gye liti ken ọ, ukpọ ma ba nda-m ye. 23Ki ba kwa le bendi besuso abe be be de men le, ‘Ma nde-e u yi nyin, ma nde-e u yi ana.’ Gbe be be de men na, ma pwọm abe le ma la nda-m ye, 24likọye liti angi mi Unwaa undi-gye mi be be li ba kwa gboo ana kindeb-nwaa ki ndeb he kusi kung le he kigie ashin le wu he kigie ashel a. 25Ki yi kpe-kpe le mi kpe kingie kaang, bendi abe ati anyin be swan mi ma ukpọng liti limen ana li ha be.
26“Nya ana ki ma yi he kunyọng Unuwa, kitaa kimen ki be kwu he kunyọng ahwu mi Unwaa undi-gye mi be be. 27Nya he kunyọng Unuwa bendi be ma za bizizi, be ngwo bingwu-ngwo, bengikye be kpeb bengye, bengingye be gye abee kpam le kwọm he liti angi Unuwa a ma mbo ngwee he afee kinọng lishọ, umbwo a ma be sho gwu abe be teng puu.
28“Ki mbee ba kwa na he kunyọng Ulọt na. Bendi beyang-yang be maa za bizizi, be ngwo bingwu-ngwo, be ndyeb biwọm, be ndyeb biwọm zi, be kwan itia, be tye ishọm. 29He liti angi Ulọt a ma bo le he Usọdọm, Unim a sọm kinde le ubi be le he lifung-atabe be shi gwu mbee abe puu.
30“Kitaa kimen na ki be kwu he kunyọng ahwu mi Unwaa undi-gye mi be be. 31Gbe kimen ana ki be shi fe undi he ahe ushọm kusi, u tem shul gye he afee ushọm le u la kung biwọm bima ye. Kitaa kimen undi angwu u yi he ahe utia, u tem gye he ushu ye. 32Ma wel ashi ki ma shi ha ungye Ulọt! 33Undi angwu u kaa le u kpan lishi lima u ba nim likpan lima, ukpọ angwu u bọng lihwu u be kwu le likpan. 34Ha he kunyọng kumen ana bendi befee be ba nda he ibee-dye ken le kusu. Unim u ba waa kung undi ken, angwu ken u ngyọ. 35Bengingye befee be ba ko biwọm he kiteng ken. Unim u ba waa kung undi ken, angwu ken u ngyọ. [36Bengikye befee be ba kwa he utia. Unim u ba waa kung undi ken, angwu ken u ngyọ.]”
37Bendi-utung bema be ha kung bii he le, “Ada, he kung kimen ashin ki be kwu?”
Ujeso a fan abe he ityang le, “He kipi likwọm li yi, bipul zi abung bi gbọng ba shwa ha.”
Айни замон обунашуда:
Uluk 17: KUIL
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 17
17
Kiban, abọng-ale, aki
(Mat 18:6-7, 21-22; Mak 9:42)
1Ujeso a de bendi-utung bema le, “Ki yi kpe-kpe le igil-ale angi i shi undi u shi kiban i ba, ukpọ ki ba kwa kibibi ka undi angwu a be le ngi. 2Ki ngbeb le be kung kukọ bikuko tye tyuu he he umbel le tye he umbwo ukandi hwo ashi le u shi unwaan ken ọ u shi kiban. 3He ashin ma baa kuhwo-men he ashi ma shi.
“Gbe unwaa-na a shi ban na, wo ben he. Gbe a shi beshi, u tyang abwo le he kiban kima, wo tyang ke-e. 4Ma u shi ban na kugbe kadyọng-ifee he liti ken ọ, gbe a be hwaa le wo kugbe a adyọng-ifee da-a le a shi beshi, ki yi kpe-kpe le wo tyang ke-e.”
5Bebwaa-kisọm Ada Ujeso be de-e le, “Shi abọng-ale utyan ha awo, a kaa.”
6Ada Ujeso a kung de le, “Gbe abọng-ale amen a zen na utọng ukwan umọstad ọ, ma da ukwan ukandi angwun le u wob le idaa le kwan he umbwo ukandi, u ka amen ife.”
7Ujeso a gye kushu kọng le, “Gbe undi ken he liwu limen u yi le ubọyi angwu pisoye u teb he abwọm a, pisoye u kang he itia a, kunyọng ahwu ubọyi ana a wee le ha be he ushu, atyam u da he le u le kwu ko akikye he u zi lizi a? 8U ha ndu da he na ye. Ashi u de ubọyi uma ki yi le u shi lizi kung ndọ he, ufe-gyang u za, u ngwo kingwu-ngwo, saa ubọyi ana u ha zi lima. 9Ubọyi ana a kpe le u kpa ipee le he ashi atyam a de-e le u shi a? 10Kitaa kimen na ki yi le men ọ, gbe ma shi biwọm puu abi be de men le ma shi, ma de le, ‘Li yi ibọyi a, li kee-kee shi ashi ki yi le ibọyi i shi a.’ ”
Ujeso a mbee bendi-akpaa lihwo
11Ujeso a ma gbe he kusu Usameria le Ugalili gye he Ujeruselem. 12Nya ana a maa ndu wu he ushokwo ususo a kpee le bendi-akpaa lihwo. Be naa ha kigbe-kigbe, 13keb akyele fe Ujeso le, “Atya-tyan Ujeso, ha kwu le beshi ha abel.”
14Ujeso a de be le, “Ma te le kuhwo-men he bendi abe be shang Unim be nde men.” Nya ana be te le akwo, akpaa abel a taa.
15Undi ken a nde le a mbee, a tem item le kigegaa he ungwu, u pee Unim. 16A be tim anung he itang he kushu Ujeso pee he. Ungikye umen ana a maa ba le he Usameria a.
17Ujeso a kung bii le, “Mi yi mbee bendi lihwo a ye a? Abe bedyọng-inde be yi kung a? 18Undi ken ọ a tem be ke Unim ipee fem ugaa-ndi angwun ye a?” 19Ujeso a kung de ungikye ana le, “bo kinaa ndu gye, abọng-ale agang a sha-a wo mbee.”
Abele kiteng kusu Unim
(Mat 24:23-28, 37-41)
20Bendi Iferesis be bii Ujeso kunyọng ahwu Unim u be be na Usu. A fan abe le, “Abele kiteng kusu Unim ki yi kitaa undi u nde a ye. 21Undi u ha ndu da le, ‘Ma nde, u yi nyin ọ, nyọng u yi he ana ọ ye!’ Likọye kiteng kusu Unim ki yi ha amen nyin ma.”
22Ujeso a ha kung de bendi-utung bema le, “Kunyọng ku ba le ha ahwu ma fel be bel ibel le hang ma nde-m mi Unwaa undi-gye liti ken ọ, ukpọ ma ba nda-m ye. 23Ki ba kwa le bendi besuso abe be be de men le, ‘Ma nde-e u yi nyin, ma nde-e u yi ana.’ Gbe be be de men na, ma pwọm abe le ma la nda-m ye, 24likọye liti angi mi Unwaa undi-gye mi be be li ba kwa gboo ana kindeb-nwaa ki ndeb he kusi kung le he kigie ashin le wu he kigie ashel a. 25Ki yi kpe-kpe le mi kpe kingie kaang, bendi abe ati anyin be swan mi ma ukpọng liti limen ana li ha be.
26“Nya ana ki ma yi he kunyọng Unuwa, kitaa kimen ki be kwu he kunyọng ahwu mi Unwaa undi-gye mi be be. 27Nya he kunyọng Unuwa bendi be ma za bizizi, be ngwo bingwu-ngwo, bengikye be kpeb bengye, bengingye be gye abee kpam le kwọm he liti angi Unuwa a ma mbo ngwee he afee kinọng lishọ, umbwo a ma be sho gwu abe be teng puu.
28“Ki mbee ba kwa na he kunyọng Ulọt na. Bendi beyang-yang be maa za bizizi, be ngwo bingwu-ngwo, be ndyeb biwọm, be ndyeb biwọm zi, be kwan itia, be tye ishọm. 29He liti angi Ulọt a ma bo le he Usọdọm, Unim a sọm kinde le ubi be le he lifung-atabe be shi gwu mbee abe puu.
30“Kitaa kimen na ki be kwu he kunyọng ahwu mi Unwaa undi-gye mi be be. 31Gbe kimen ana ki be shi fe undi he ahe ushọm kusi, u tem shul gye he afee ushọm le u la kung biwọm bima ye. Kitaa kimen undi angwu u yi he ahe utia, u tem gye he ushu ye. 32Ma wel ashi ki ma shi ha ungye Ulọt! 33Undi angwu u kaa le u kpan lishi lima u ba nim likpan lima, ukpọ angwu u bọng lihwu u be kwu le likpan. 34Ha he kunyọng kumen ana bendi befee be ba nda he ibee-dye ken le kusu. Unim u ba waa kung undi ken, angwu ken u ngyọ. 35Bengingye befee be ba ko biwọm he kiteng ken. Unim u ba waa kung undi ken, angwu ken u ngyọ. [36Bengikye befee be ba kwa he utia. Unim u ba waa kung undi ken, angwu ken u ngyọ.]”
37Bendi-utung bema be ha kung bii he le, “Ada, he kung kimen ashin ki be kwu?”
Ujeso a fan abe he ityang le, “He kipi likwọm li yi, bipul zi abung bi gbọng ba shwa ha.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.