Uluk 16
16
Ityang gbe le ukpulugu ukandi aki angwu a ma yi kpel-kpel-kpel
1Ujeso a mbee de bendi-utung bema le, “Ki ma yi le undi-kingbeb ken angwu a ma yi le ukpulugu ukandi aki. Bendi be ha de undi umen ana le ukpulugu ukandi aki umen i u ban he unde. 2A ko ukpulugu ukandi aki umen ana de-e le, ‘Mi gyo ashi wo shi dii. Tyung mi na wo shi aki agang. Wo tem kwa ha ami i ye.’
3“Ukpulugu ukandi aki angwuna a kung kọng he ahe lityam le, ‘Ukandi ugi u ndu waa mi le he aki. Mi ha ba sha na a? Mi nam utia mbee ye, ishwia i shi-m le kinyọng anyọng-ale. 4Mi ngye ashi mi shi ma. Nyọng mi tem be kwu le aki ye, mi kwa le bedim abe be be kpe-m gye he ishaale ibel.’
5“A ko bendi puu abe be zi ukandi uma ahwọ be he kiteng ken. A bii ukpi-kikwu undi le, a zi ukandi uma lihwọ kibang a?
6“A de-e le a zi-e lihwọ bigbang-gbang behwu asi adyọng.
“Ukpulugu ukandi aki umen ana a de-e le, u kpe kushia kuma kwu ko fee fe ha le a zi-e lihwọ bigbang-gbang behwu asi afee le bi lihwo a.
7“A bii angwel le, ‘Wo zi-e lihwọ kibang a?’
“Angwuna a de-e le a zi-e lihwọ igaa iwit asi adyọng.
“Ukpulugu ukandi aki ana a mbee de-e le u kpe kushia kuma fee le a zi-e lihwọ igaa asi ande a.
8“Undi-kingbeb a pee ukpulugu ukandi aki ubibi na a shi beshu. Bendi abe he igye anyin be bilishi he biwọm abi be nde gbe le bi ke kuhwobel hwo abe be yi he kikung-gboo Unim.” 9Ujeso a gye kushu de be le, “Mi de men ashin. Ma kung bingbeb igye bimen kwu bedim. Gbe wo gbe tyang abi, Unim u kpa amen gya he ahe ushu angwu u ngyọ igye kpam.
10“Undi angwu a kpe le be fe lityam he ahe he kanwaa kiwọm zang, a kpe le be fe lityam he ahe he ashi ki dyam ọ titi. Undi angwu a kpe le be fe lityam he ahe he kanwaa kiwọm zang ye, a kpe le be fe lityam he ahe he ashi ki dyam ọ titi ye. 11Gbe bendi be fe lityam ha awo he kukwo ahwu wo kam bingbeb abi he igye anyin ọ ye, ayang u nya be fe lityam ha awo he bingbeb bigyang abi he lifung-atabe? 12Gbe wo kam ashi undi ususo ngbeb-ngbeb ye, ayang u ka-a ashi kigang?
13“Ubọyi ken u ha ndu fa betyam befee ye. Gbe na a ye, ha u tel angwu ken, ki nyin he le angwel. U ka angwu ken ife, u bia angwel. Wo ha ndu fa Unim ọ, bingbeb ọ, nya kugbe ken ye.”
14Bendi Iferesis be gyo ashin. Be fel nyan Ujeso likọye ki nyin abe le unde. 15Ujeso a kung de be le, “Men na ma shi kuhwo-men le ma kwu benunung he ashi bendi-gye. Unim a ngye atyam amen. Kiwọm ashi undi u gim le ki dyam kaang, ki yi Unim ufe ubel a.
Uhwọ-ale gwaa ipel
16“Iten angi Unim a ma ke Umosis ọ, biwọm abi bitye-ugie kisọm Unim be ma fee ọ, bi ma yi le ikeb kpam be kwọm he kunyọng Ujọn angwu u maa wu bendi umbwo. Kung le ha he kunyọng Ujọn ana, be fel bun kisọm kinunung gba le kiteng kusu Unim. Undi uyang-yang u kaa kaang he u kwu le abwo he kusu kumen ana. 17Ki yi pie-pie le lifung-atabe le igye le bi mbee hwo ashi le likpe ken ọ li waa le he afee Iten.
18“Undi angwu a ndo ungye-ma le kpeb ungye ususo, ha a shi kiban agbele ipel ha undi. Undi angwu a kpeb ungingye angwu ukye-ma a ndo, ha a shi kiban agbele ipel ha undi.”
Undi-kingbeb befe le Ulazọlọs
19Ujeso a mbee kọng le, “Ki ma yi le undi-kingbeb ken. A maa fa bihwọm binunung abi bi kaa kate kaang, u zi lizi linunung he liti liyang-yang. 20Ki ma mbee yi le undi-likaa ken angwu be maa ko le Ulazọlọs. Inyia-hwo ima i ma yi bibaa-bibaa. Be maa ba le he ba ndọ he ungwu-likọng undi-kingbeb, 21he u pan azi angi be wu le hel zi. Ibwọ i maa ba ndeb he bibaa.
22“He liti ken undi-likaa ana a hwo. Idengel Unim i ma be kung he le kwu he ufaa Ebraham he kipi be shi kipam he lifung-atabe. Undi-kingbeb ọ titi a hwo, be ngi-e. 23A ma yi he kutọ kukandi he kusu-behwuu. A bel ashi gye he kusi nde Ebraham le Ulazọlọs he ahe ufaa ha kigbe-kigbe hel. 24A kung Ebraham ko, u de-e le, ‘Atyagi, kusii kwu le beshi ha ami, ha sọm Ulazọlọs le u le tyọ lishi udyọng-bwo he umbwo be nung tim he kabel, gbe mi yi he kutọ kukandi he kinde ashin.’
25“Ebraham a kung de-e le, ‘Unwa-agi, wel le he kunyọng ahwu wo ma so uwum, wo ma yi le binunung bigang puu, Ulazọlọs u kpe bingie puu. Ukpọ kanaa-anaa i ufe u fel za kinunung, wo shi he kutọ. 26Fem ashin tyang, ugbe ukandi angwu a shul lung u yi li he kudyan, le undi u gyọng le he kipi bel li yi gya he kipi ma yi, nyọng undi u gyọng le he kipi ma yi be ha abel nyin ye.’
27“Undi-kingbeb a fan le, ‘Ọ, Atyagi, mi tim-a anung le wo ha sọm Ulazọlọs gye he usha-ale atyagi, 28he kipi mi yi le bebwaa-ndagi be-dyọng. Tyang he, he u le shwa abe kubwo he kutyung kaang he be tem be he kiteng ashi kutọ ku yi nyin ye.’
29“Ebraham a kung de-e le, ‘Umosis le bitye-ugie kisọm Unim be yi ha. Ki yi le bebwaa-naa be gyo ashi abena be kọng.’
30“Undi-kingbeb ana a fan le, ‘Atyagi Ebraham, ashina kife-kife ki kpe ye. Gbe undi a wum le he lihwu, a le de be, be ba sha beshi le he biban, be tyang abi ashele.’
31“Ebraham a de-e le, ‘Gbe be dang kutyung gyo Umosis le bitye-ugie kisọm Unim ye, ha undi u wum le he lihwu ọ, be ha ndu gyo he ye.’ ”
Айни замон обунашуда:
Uluk 16: KUIL
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 16
16
Ityang gbe le ukpulugu ukandi aki angwu a ma yi kpel-kpel-kpel
1Ujeso a mbee de bendi-utung bema le, “Ki ma yi le undi-kingbeb ken angwu a ma yi le ukpulugu ukandi aki. Bendi be ha de undi umen ana le ukpulugu ukandi aki umen i u ban he unde. 2A ko ukpulugu ukandi aki umen ana de-e le, ‘Mi gyo ashi wo shi dii. Tyung mi na wo shi aki agang. Wo tem kwa ha ami i ye.’
3“Ukpulugu ukandi aki angwuna a kung kọng he ahe lityam le, ‘Ukandi ugi u ndu waa mi le he aki. Mi ha ba sha na a? Mi nam utia mbee ye, ishwia i shi-m le kinyọng anyọng-ale. 4Mi ngye ashi mi shi ma. Nyọng mi tem be kwu le aki ye, mi kwa le bedim abe be be kpe-m gye he ishaale ibel.’
5“A ko bendi puu abe be zi ukandi uma ahwọ be he kiteng ken. A bii ukpi-kikwu undi le, a zi ukandi uma lihwọ kibang a?
6“A de-e le a zi-e lihwọ bigbang-gbang behwu asi adyọng.
“Ukpulugu ukandi aki umen ana a de-e le, u kpe kushia kuma kwu ko fee fe ha le a zi-e lihwọ bigbang-gbang behwu asi afee le bi lihwo a.
7“A bii angwel le, ‘Wo zi-e lihwọ kibang a?’
“Angwuna a de-e le a zi-e lihwọ igaa iwit asi adyọng.
“Ukpulugu ukandi aki ana a mbee de-e le u kpe kushia kuma fee le a zi-e lihwọ igaa asi ande a.
8“Undi-kingbeb a pee ukpulugu ukandi aki ubibi na a shi beshu. Bendi abe he igye anyin be bilishi he biwọm abi be nde gbe le bi ke kuhwobel hwo abe be yi he kikung-gboo Unim.” 9Ujeso a gye kushu de be le, “Mi de men ashin. Ma kung bingbeb igye bimen kwu bedim. Gbe wo gbe tyang abi, Unim u kpa amen gya he ahe ushu angwu u ngyọ igye kpam.
10“Undi angwu a kpe le be fe lityam he ahe he kanwaa kiwọm zang, a kpe le be fe lityam he ahe he ashi ki dyam ọ titi. Undi angwu a kpe le be fe lityam he ahe he kanwaa kiwọm zang ye, a kpe le be fe lityam he ahe he ashi ki dyam ọ titi ye. 11Gbe bendi be fe lityam ha awo he kukwo ahwu wo kam bingbeb abi he igye anyin ọ ye, ayang u nya be fe lityam ha awo he bingbeb bigyang abi he lifung-atabe? 12Gbe wo kam ashi undi ususo ngbeb-ngbeb ye, ayang u ka-a ashi kigang?
13“Ubọyi ken u ha ndu fa betyam befee ye. Gbe na a ye, ha u tel angwu ken, ki nyin he le angwel. U ka angwu ken ife, u bia angwel. Wo ha ndu fa Unim ọ, bingbeb ọ, nya kugbe ken ye.”
14Bendi Iferesis be gyo ashin. Be fel nyan Ujeso likọye ki nyin abe le unde. 15Ujeso a kung de be le, “Men na ma shi kuhwo-men le ma kwu benunung he ashi bendi-gye. Unim a ngye atyam amen. Kiwọm ashi undi u gim le ki dyam kaang, ki yi Unim ufe ubel a.
Uhwọ-ale gwaa ipel
16“Iten angi Unim a ma ke Umosis ọ, biwọm abi bitye-ugie kisọm Unim be ma fee ọ, bi ma yi le ikeb kpam be kwọm he kunyọng Ujọn angwu u maa wu bendi umbwo. Kung le ha he kunyọng Ujọn ana, be fel bun kisọm kinunung gba le kiteng kusu Unim. Undi uyang-yang u kaa kaang he u kwu le abwo he kusu kumen ana. 17Ki yi pie-pie le lifung-atabe le igye le bi mbee hwo ashi le likpe ken ọ li waa le he afee Iten.
18“Undi angwu a ndo ungye-ma le kpeb ungye ususo, ha a shi kiban agbele ipel ha undi. Undi angwu a kpeb ungingye angwu ukye-ma a ndo, ha a shi kiban agbele ipel ha undi.”
Undi-kingbeb befe le Ulazọlọs
19Ujeso a mbee kọng le, “Ki ma yi le undi-kingbeb ken. A maa fa bihwọm binunung abi bi kaa kate kaang, u zi lizi linunung he liti liyang-yang. 20Ki ma mbee yi le undi-likaa ken angwu be maa ko le Ulazọlọs. Inyia-hwo ima i ma yi bibaa-bibaa. Be maa ba le he ba ndọ he ungwu-likọng undi-kingbeb, 21he u pan azi angi be wu le hel zi. Ibwọ i maa ba ndeb he bibaa.
22“He liti ken undi-likaa ana a hwo. Idengel Unim i ma be kung he le kwu he ufaa Ebraham he kipi be shi kipam he lifung-atabe. Undi-kingbeb ọ titi a hwo, be ngi-e. 23A ma yi he kutọ kukandi he kusu-behwuu. A bel ashi gye he kusi nde Ebraham le Ulazọlọs he ahe ufaa ha kigbe-kigbe hel. 24A kung Ebraham ko, u de-e le, ‘Atyagi, kusii kwu le beshi ha ami, ha sọm Ulazọlọs le u le tyọ lishi udyọng-bwo he umbwo be nung tim he kabel, gbe mi yi he kutọ kukandi he kinde ashin.’
25“Ebraham a kung de-e le, ‘Unwa-agi, wel le he kunyọng ahwu wo ma so uwum, wo ma yi le binunung bigang puu, Ulazọlọs u kpe bingie puu. Ukpọ kanaa-anaa i ufe u fel za kinunung, wo shi he kutọ. 26Fem ashin tyang, ugbe ukandi angwu a shul lung u yi li he kudyan, le undi u gyọng le he kipi bel li yi gya he kipi ma yi, nyọng undi u gyọng le he kipi ma yi be ha abel nyin ye.’
27“Undi-kingbeb a fan le, ‘Ọ, Atyagi, mi tim-a anung le wo ha sọm Ulazọlọs gye he usha-ale atyagi, 28he kipi mi yi le bebwaa-ndagi be-dyọng. Tyang he, he u le shwa abe kubwo he kutyung kaang he be tem be he kiteng ashi kutọ ku yi nyin ye.’
29“Ebraham a kung de-e le, ‘Umosis le bitye-ugie kisọm Unim be yi ha. Ki yi le bebwaa-naa be gyo ashi abena be kọng.’
30“Undi-kingbeb ana a fan le, ‘Atyagi Ebraham, ashina kife-kife ki kpe ye. Gbe undi a wum le he lihwu, a le de be, be ba sha beshi le he biban, be tyang abi ashele.’
31“Ebraham a de-e le, ‘Gbe be dang kutyung gyo Umosis le bitye-ugie kisọm Unim ye, ha undi u wum le he lihwu ọ, be ha ndu gyo he ye.’ ”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.