Uluk 15
15
Ityang gbe le utia angwu a nim
(Mat 18:12-14)
1He liti ken bendi gbam abe be kpe ukpanda le bendi-biban be ma be gyo Ujeso. 2Bendi Iferesis le bitisha Iten be maa fel zim he ungwu fa Ujeso le u kpa bendi-biban fa he liwu, u zi lizi utung ha abe.
3Ujeso a ha bun ityang de be le, 4“Gbe undi he liwu limen u yi le itia asi adyọng, gbe a waa nim ken, u sha na a? U tyang angi asi ande le ngi lihwo le ngi idyọng-inde ha he kipi i zi abia, la shun he kpam u gbe nde-e. 5Gbe a nde-e nde-nde, u kung he pwọm he kigbọng, 6tem le he ba he ushu le igọ. U ko bedimma le bendema da abe le be be gọ utung ahe, likọye a nde utia uma angwu a ma waa nim. 7Mi da amen le kitaa kimen na igọ i be kwu he lifung-atabe kaang he kuhwo undi-kiban ken angwu a shi beshi le he biban bima, u tyang abi ashele hwo bendi benunung abe asi ande le be lihwo le be bedyọng-inde abe be kee le be tyang abwo le he biban ye.”
Ityang gbe le ukobo angwu a nim
8“Ha gbe ungingye ken u yi le ikwudi lihwo, a waa nim ken, u sha na a? U gba kimọ-kinde, tie kipi he afee ushọm shun he mbee kipi tyuo-tyuo-tyuo u gbe nde-e. 9Gbe a nde-e nde-nde, u ko bedimma le bendema da abe le be be gọ utung ahe. A gia ukobo uma angwu a ma waa nim. 10Mi da amen le kitaa kimen na idengel Unim i be yal gọ he kuhwo undi-kiban ken angwu a shi beshi le he biban bima, u tyang abi ashele.”
Ityang gbe le unwaa angwu a nim
11Ujeso a mbee bun ityang isuso le, “Ki ma yi le ungikye ken angwu a ma yi le bebwaa bengikye befee. 12Angwu kisun a le de atyam le u kung biwọm bima hwọ abe he u waa bima ke-e. Atyam a kung biwọm bima hwọ abe.
13“Ki kung zi ati zang, unwaa umen ana a kung biwọm abi atyam a ke-e ndyeb zi, u gbe le he usha-ale atyam gye beke le kigbe kaang. A le zi ban unde uma puu. 14A ma tem yi le kiwọm ye. Ubwaa ukandi a ha kwu ha. 15A le hwaa le undi ken he kubọng kumen ana. Undi umen ana a kung aki ke-e le u nde gbe le ikamgbo. 16Unwaa angwuna a ma kee le u za ako biwọm abi ikamgbo i zi ọ, ki shi le undi angwu a ma ke-e ye.
17“Nyọng unwaa ana a gim gbe le ashi a ma shi, a ma de kuhwo-ma le, ‘bendi aki atyagi abe be shi-e aki be yi le azi be za teng ndọ, fe mi mi yi gbe fe nyin, mi hwa itung. 18A shi ugim fe kuhwo-ma le u ba bo la hwaa le atyam da he le, mi shi kiban ha Unim le wo. 19Mi tem kpe le wo ko mi le unwaa-gang ye, fel kpe-m na undi aki agang angwu wo kpe le be sha-a aki a.’ 20A kung bo kinaa gbe, u la hwaa le atyam.
“He kunyọng ahwu unwaa angwuna a ma so le he agia kukwo, atyam a nde-e u ba le ha. Beshi be ma shi-e le unwaama kaang. A buu le kpee le he gaa he le uko le uko.
21“Unwaama a de-e le, ‘Atyagi, mi shi kiban ha Unim le wo. Mi tem kpe le wo ko mi le unwaa-gang ye.’
22“Ukpọ atyam a ko ibọyi ima, de be le be te akikye le be le bigbọ abi bi ngbeb kunung hwo puu a be shi-e. Be be le unwaa-nde fe-e he udyọng-bwo, be fe-e ikwob he abee. 23Be le kwu ushọm api angwu a dyam hwo ishọm ipi puu, be gwu he be shi kipam gọ fe-e. 24Atyam a mbee de le, ‘Mi maa kọng le unwa-agi a hwo, ukpọ kanaa-anaa i u yi uwum. A ma nim, ukpọ mi tem nde-e.’ Be kpi kipam ashele le igọ.
25“He kunyọng kumen ana unwaama angwu gbel u yi he utia. He kunyọng ahwu a tem be fel kpee-kpee he usha-ale, a gyo agyam le angyọ. 26A ko ubọyi atyam ken bii he le be sha kibang a? 27Ubọyi a fan he le, ‘Unwaa-na a tem be he ushu. Atia a kung ushọm api angwu a dyam hwo puu gwu, le gbe a tem be he ushu. U yi uwum, u shi dang.’
28“Unwaa-nam angwu gbel a ma fel he ingyo. A swan le u tem gya he ushu ye. Atyam a gye he kukwo le tim he anung le u gye he ushu. 29A kung de atyam le, ‘He aze gbam mi shi aki ka-a na ufee. Mi bia uten ugang ken ọ ye. Kibang wo be shi ke-m ngye? Wo ke-m ubu ọ le mi gwu shi kipam gọ igọ utung ha bedimgi ye. 30Ukpọ unwaa-gang angwun a zi ban-a biwọm he kuhwo akpla, kanaa-anaa i a tem be, wo gwu-e ushọm api angwu a dyam hwo puu.’
31“Atyam a de-e le, ‘Unwa-agi, wo yi nyin he ushu mbee kunyọng kpam. Kiwọm kiyang-yang ashi mi yi le shi ki yi kigang a. 32Ki ngbeb le li shi kipam gọ igọ, le gbe unwaa-na angwu mi ma kọng le a hwo, u yi uwum. A ma nim, mi tem nde-e.’ ”
Айни замон обунашуда:
Uluk 15: KUIL
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.
Uluk 15
15
Ityang gbe le utia angwu a nim
(Mat 18:12-14)
1He liti ken bendi gbam abe be kpe ukpanda le bendi-biban be ma be gyo Ujeso. 2Bendi Iferesis le bitisha Iten be maa fel zim he ungwu fa Ujeso le u kpa bendi-biban fa he liwu, u zi lizi utung ha abe.
3Ujeso a ha bun ityang de be le, 4“Gbe undi he liwu limen u yi le itia asi adyọng, gbe a waa nim ken, u sha na a? U tyang angi asi ande le ngi lihwo le ngi idyọng-inde ha he kipi i zi abia, la shun he kpam u gbe nde-e. 5Gbe a nde-e nde-nde, u kung he pwọm he kigbọng, 6tem le he ba he ushu le igọ. U ko bedimma le bendema da abe le be be gọ utung ahe, likọye a nde utia uma angwu a ma waa nim. 7Mi da amen le kitaa kimen na igọ i be kwu he lifung-atabe kaang he kuhwo undi-kiban ken angwu a shi beshi le he biban bima, u tyang abi ashele hwo bendi benunung abe asi ande le be lihwo le be bedyọng-inde abe be kee le be tyang abwo le he biban ye.”
Ityang gbe le ukobo angwu a nim
8“Ha gbe ungingye ken u yi le ikwudi lihwo, a waa nim ken, u sha na a? U gba kimọ-kinde, tie kipi he afee ushọm shun he mbee kipi tyuo-tyuo-tyuo u gbe nde-e. 9Gbe a nde-e nde-nde, u ko bedimma le bendema da abe le be be gọ utung ahe. A gia ukobo uma angwu a ma waa nim. 10Mi da amen le kitaa kimen na idengel Unim i be yal gọ he kuhwo undi-kiban ken angwu a shi beshi le he biban bima, u tyang abi ashele.”
Ityang gbe le unwaa angwu a nim
11Ujeso a mbee bun ityang isuso le, “Ki ma yi le ungikye ken angwu a ma yi le bebwaa bengikye befee. 12Angwu kisun a le de atyam le u kung biwọm bima hwọ abe he u waa bima ke-e. Atyam a kung biwọm bima hwọ abe.
13“Ki kung zi ati zang, unwaa umen ana a kung biwọm abi atyam a ke-e ndyeb zi, u gbe le he usha-ale atyam gye beke le kigbe kaang. A le zi ban unde uma puu. 14A ma tem yi le kiwọm ye. Ubwaa ukandi a ha kwu ha. 15A le hwaa le undi ken he kubọng kumen ana. Undi umen ana a kung aki ke-e le u nde gbe le ikamgbo. 16Unwaa angwuna a ma kee le u za ako biwọm abi ikamgbo i zi ọ, ki shi le undi angwu a ma ke-e ye.
17“Nyọng unwaa ana a gim gbe le ashi a ma shi, a ma de kuhwo-ma le, ‘bendi aki atyagi abe be shi-e aki be yi le azi be za teng ndọ, fe mi mi yi gbe fe nyin, mi hwa itung. 18A shi ugim fe kuhwo-ma le u ba bo la hwaa le atyam da he le, mi shi kiban ha Unim le wo. 19Mi tem kpe le wo ko mi le unwaa-gang ye, fel kpe-m na undi aki agang angwu wo kpe le be sha-a aki a.’ 20A kung bo kinaa gbe, u la hwaa le atyam.
“He kunyọng ahwu unwaa angwuna a ma so le he agia kukwo, atyam a nde-e u ba le ha. Beshi be ma shi-e le unwaama kaang. A buu le kpee le he gaa he le uko le uko.
21“Unwaama a de-e le, ‘Atyagi, mi shi kiban ha Unim le wo. Mi tem kpe le wo ko mi le unwaa-gang ye.’
22“Ukpọ atyam a ko ibọyi ima, de be le be te akikye le be le bigbọ abi bi ngbeb kunung hwo puu a be shi-e. Be be le unwaa-nde fe-e he udyọng-bwo, be fe-e ikwob he abee. 23Be le kwu ushọm api angwu a dyam hwo ishọm ipi puu, be gwu he be shi kipam gọ fe-e. 24Atyam a mbee de le, ‘Mi maa kọng le unwa-agi a hwo, ukpọ kanaa-anaa i u yi uwum. A ma nim, ukpọ mi tem nde-e.’ Be kpi kipam ashele le igọ.
25“He kunyọng kumen ana unwaama angwu gbel u yi he utia. He kunyọng ahwu a tem be fel kpee-kpee he usha-ale, a gyo agyam le angyọ. 26A ko ubọyi atyam ken bii he le be sha kibang a? 27Ubọyi a fan he le, ‘Unwaa-na a tem be he ushu. Atia a kung ushọm api angwu a dyam hwo puu gwu, le gbe a tem be he ushu. U yi uwum, u shi dang.’
28“Unwaa-nam angwu gbel a ma fel he ingyo. A swan le u tem gya he ushu ye. Atyam a gye he kukwo le tim he anung le u gye he ushu. 29A kung de atyam le, ‘He aze gbam mi shi aki ka-a na ufee. Mi bia uten ugang ken ọ ye. Kibang wo be shi ke-m ngye? Wo ke-m ubu ọ le mi gwu shi kipam gọ igọ utung ha bedimgi ye. 30Ukpọ unwaa-gang angwun a zi ban-a biwọm he kuhwo akpla, kanaa-anaa i a tem be, wo gwu-e ushọm api angwu a dyam hwo puu.’
31“Atyam a de-e le, ‘Unwa-agi, wo yi nyin he ushu mbee kunyọng kpam. Kiwọm kiyang-yang ashi mi yi le shi ki yi kigang a. 32Ki ngbeb le li shi kipam gọ igọ, le gbe unwaa-na angwu mi ma kọng le a hwo, u yi uwum. A ma nim, mi tem nde-e.’ ”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Igie Likpan™ Kushia azu Unim afufe
© 1982, 2025 Biblica, Inc.
Be kpe ikeb be ha shi kushia ahwun.
Ikeb puu gbe le kushia ahwun he igye i puu, i yi angi Biblica, Inc. a.
Bette Contemporary Version™ New Testament
Copyright © 1982, 2025 by Biblica, Inc.
Used with permission.
All rights reserved worldwide.