Marcos 9
9
1Jäts mëët Jesús nyëë'mxëtë:
—Ixyam ëjts nnikkäjpxy, jäj yaj nitu'ukë'n pën oo'jkë'n tka'ijxp, kunë'm t'ijxt t'aa'xtukt Yës Teety kyuttujjkë'n mëjk nyaxkita'akt.
Jesús tyikkajtskexy
(Mt 17.1-13; Lc 9.28-36)
2Kyutujjk xëëw Jesús nyijkxy tu'uk mëjj kojpk këjxm, jä'yë tpawaay Pedro, Santiago mëët Juan. Nits jä' wyinkujjkytyë Jesús tyikkajjtsy. 3Jäts wyit jajjp tëë'kxp jyajtkëjjxy, poopnäxy wyit jyajjty nippën najj tkayëkwä'ätst oyë'm në'n tjappujjt. 4Nits t'ijxpat'të Elías mëët Moisés, Jesús tmëëtnakyäjpxyë tmëëtnamyatya'akyë. 5Nits Pedro tnëëjmjaay Jesús:
—Wintsën, ¡oy ku ëëts nyaa'jë! Wä'n ëëts tyëk'oyë tuwëëk ujts'aytyëjjk: Tu'uk mijts mjä', jatu'uk Moisés, jäts jatu'uk Elías jyä'.
6Jä'ku tsë'ëjkë'y'oo'këjxtë'p jä' y'ijjty, jakëjxts Pedro nikoj najj kyajpxwintëëy. 7Nits yoots nyijuu'xëtë, jäjpts yootsjötypy yëkmatooy pën wyaany: «Ëjts yë' n'uu'nk, pën ëjts ntsöjkypy njakyejpypy: Yë' mmumato'otë'p.» 8Ku najj tmatootë nits y'ijxwittijt'të, kä'äts pën t'ok'ijxpatnëtë, jä'yë janityu'uk Jesús.
9Kuts y'ijjty kyitaknëtë nits tuu'aajy Jesús mëjk tyappawaajnëtë jäts kä' pën tmatyaajkëtë't pëntij y'ijjty tëj t'ijxtë, kunë'm naxwiinë'tjaa'y y'Uu'nk jyükypyëkt. 10Jakëjxts najj amöny'aayë tyëknajxtë tukkë'yë, oyë'm y'ijjty amää'tsk nyayëktëyëtë tu'uk janitu'uk, tij jä' tyijjpy ku yä'äny jäts jyükypyëkt. 11Nits tyëktëëtë Jesús:
—¿Tikëjx pawaa'n yëk'ixpëjkpë wya'antë jäts Elías minwamp jawyiin?
12Jäts Jesús y'atsooy:
—Tëyë'm jä', jäts Elías mimp jawyiin, jä'äts tyëkni'oyë'p tyëk'a'oyë'p tukkë'yë. ¿Tits ku jaypyëty myiny jäts mëjk naxwiinë'tjaa'y y'Uu'nk y'ayo'ot jäts ka'ijxyë'm yëk'ijxt? 13Ixyamts ëjts miits nwaajnë jäts tëj Elías y'ajtsminy, nits ntsokattunk jä' t'ijxtë ttuntë, naa'xkë'n jaypyety myiny ntsoj jä' jyatt kyopätt.
Jesús tyëktso'oky tu'uk mëjj una'ajnk mati' mëjjku'ujy tyumpë yyëk'ayoojjë'p
(Mt 17.14-20; Lc 9.37-43)
14Ku jya'atë jäm maj y'ijjty myuku'uktëjjk y'a'ijxtë, jämts tpat'të nimaynyäxy jaa'y tyamükyëtë, mëët nitu'ukë'n pawaa'n yëk'ixpëjkpëttëjjk tmëëtnawyintso'oyëtë. 15Kuts jaa'y t'ijxpat'të Jesús jotkujjk jä' nyajyaa'w'ajjtëtë, nits pütyë t'anëjkx'eetyë jäts tkë'pat'të. 16Nits Jesús tyëktëëy y'ixpëjkpëttëjjk:
—¿Tij miits mnatya'ojjëtë'p mëët yë' jaa'y?
17Jätyë tu'uk jaa'y y'atsooy:
—Wintsën, ëjts tëj nmajjnk nwaaminy, mëjjku'ujy yë' yyëk'ayoojjë'p jäts tëj uum yyëktaa'nyë. 18Oyjyunë yë' mëjjku'ujy tyumpë mëjkta'aky tyünyë jäts yyëkkitayë; nits najjyë tukkë'yë yyëkxujxkexyë, tyëëjts t'akka'tsmujk'axajjy jäts öö'pky y'apajk'am pyitsemy. Tëts ëjts m'ixpëjkpëttëjjk njanëëjmë jäts mëjjku'ujy ttokniwa'atstë't, kä'äts tëj myayëtë.
19Nits Jesús y'atsooy:
—¡Kattëyjyaa'w'eepyë jaa'y! ¿Junë xjat'të't jäts xtu'ntë't mati' ëjts ntümpy? Kä' ëjts ijtp yaj nyaa'jë y'itt. Yëkmintë jä' una'ajnk.
20Nits twaamintë jä' una'ajnk Jesús wyinkujjky. Kuts jä' mëjjku'ujy t'ijxpaajty Jesús, jätyë tyëkkitaay jä' una'ajnk jäts tyëktimwittijt'axajjy, nits mëët öö'pky pyitsëëmy y'apajk'am. 21Jäts Jesús tyëktëëjjaay tyeety:
—¿Junë yë' najj jyajt'axajjy?
Nits jä' una'ajnk tyeety y'atsooy:
—Pi'knë'm yë' y'ijjty ku najj tsyoo'ntaajky. 22Tëj yë' mayyaajjë mëjjku'ujy jyënyuu'petyë, nyëyuu'petyë, jäts yyëk'ookwa'anyë. Pën mmaajyë'p jäts xyëktso'okt, tun may'ajjt puttëjjk'eeky ëëts.
23Nits Jesús nyëë'mxë:
—¿Tikku mwa'any “pën mmaajyë'p”? ¡Pënpën tu'k'aaw tu'kjoojt ttëyjyaa'w'eepy, tukkë'yë jä' tyuu'nxë't pëntij y'amatoopy!
24Jätyë jä' una'ajnk tyëëty mëjk kyajpxkeejky:
—Ntëyjyaa'w'eepy ëjts. ¡Puttëjjk'eeky ëjts, jäts ëjts tu'k'aaw tu'kjoojt ntëyjyawë't!
25Kuts Jesús t'ijxpaajty jäts ja'atëtstë'p y'ijjty jaa'y, nits twinku'oj'ajjty jä' mëjjku'ujy tyumpë:
—¡Mijts ka'oy jyaa'wë'n, ku una'ajnk nat jäts uum xyëktanë, niwa'ats yë' ixyam jäts katij junë x'ok'awimpijjt'eenyë!
26Nits mëjk mëjjku'ujy tsyajp'aakeejky jäts una'ajnk jatu'kyaajjë tyëktimwittijt'axajjy mëjknäxy. Nits tniwaajjtsy, ookyë'n jä' t'okkäjxnë, jakëjxts y'ijjty nimay jaa'y wya'antë nits tëë'm jä' una'ajnk y'oo'knë. 27Jäts Jesús jä'yë jä' twijjtsjë'ëjky; nits jä' una'ajnk tyenkyuk'ëëy.
28Nits Jesús nyijkxy tu'uk jaa'y tyëjkëntuujy, Jäjpts nityu'uk aweky y'ixpëjkpëttëjjk yyëktëëjjë:
—¿Tij ku ëëts tëj xkamay jäts una'ajnk mëjjku'ujy ntokniwa'atst?
29Jäts Jesús y'atsooy:
—Jä'ku ya'at mëjjku'ujy, nuu'kxtaajkë'n këjxm yë' jä'yë pyitsemy.
Jesús mumäjtskyaajjë y'oo'jkë'n tnikkäjpxy
(Mt 17.22-23; Lc 9.43-45)
30Ku tsyoo'nëtë jäm, nits nyajjxtë Galilea y'itjotm. Kä'äts y'ijjty Jesús tsöky jaa'y nyijaa'w'attë't ku jä' it wyittity, 31jä'ku y'ixpëjkpëttëjjk y'ijjty jä'yë jyak'yëk'ixpëkwämpy. Nits najj y'ijjty tnëëjmë:
—Yyëkkë'yakwamp naxwiinë'tjaa'y y'Uu'nk myutsip'eepyë kyë'jë'm, jä'äts yyëk'ookë'p, kyutuwëëk xëëwts jatu'kyaajjë jyükypyëkt.
32Nits ixpëjkpëttëjjk kä' jä' y'ijjty twinjawë tij najj Jesús tyijjpy, jäts tsë'ëjk'eetyë'p y'ijjty tyëktë'ëtë't.
¿Pën tnimëjjë'p?
(Mt 18.1-5; Lc 9.46-48)
33Nits nyëjkxtë Capernaúm kyajjpjotm. Kuts jya'atë tëjkëntüjpy, jäjpts Jesús yyëktëëjjëtë:
—¿Tij tëj y'ity mnatya'ojjëtë'p tu'ktuu'aajy?
34Amöny'aayë nitukkë'yë tyankëjxtë, jä'ku wä' y'ijjty kyäjpxy'eetyë'p tuu'aajy, pën nimëjj tta'mp. 35Nits Jesús tsyëënë'y'ixtaajky, jäts tyaajxjaay wä'n nimajkmäjtsk y'apóstoles nits tnëëjmjaay:
—Pënpën nimëjj natsyojjkë'p, wä'n jawyiin naxkëjjxy'ajjt tuta'aky'ajjt tjakyepy, jäts nitukkë'yë myuku'uk tmuttu'nt.
36Nits Jesús tkejjxy tu'uk una'ajnk'uu'nk itkujjky, jäts tmö'kxy, nits tnëëjmjaay y'apóstoles:
37—Pënpën ëjts këjxm tu'uk una'ajnk'uu'nk tkuppëjkp, ëjts jä' na'it xkuppëjkp, pënpënts ëjts xkuppëjkp, mëët jä' tkuppeky nTeety'ajjt pën ëjts xpakkäjxp.
Pënpën xkamutsip'ëë'yë'm xmuku'ukwaa'nyë'm jä'
(Mt 10.42; Lc 9.49-50)
38Nits Juan tnëëjmjaay Jesús:
—Wintsën, tëj ëëts tu'uk jaa'y n'ijxy mëjjku'ujy tyëkpitsemy mijts mxëëw këjxm; tëts ëëts nnëëjmë jäts kä' najj y'atë'ëtst, jä'ku kä' ëëtë'm jä' xmëëtyo'ymyujjkyë'n.
39Nits Jesús y'atsooy:
—Katij x'akkajpxtujjkëtë, jä'ku jaa'y pën tëj mëjjputtëjjk'ëë'ny ttüny ëjts nxëëw këjxm, kä' ëjts jä' xka'oytyijjt. 40Pënpën ëëtë'm xkamutsip'ajjtyë'm, xmuku'ukwaa'nyë'm jä'. 41Oypyënë pën mmoojyëtë'p jaktu'ktsim nëëj jakëjx ku Yëknitsokpë xpattuu'yo'ojyëtë, ixyam ëjts nwa'any nits pyaatp jä' jyuu'ny.
Atsë'ëkë yë' ku Yës Teety nmutakkoo'yë'n
(Mt 18.6-9; Lc 17.1-2)
42»Mëjj kajäj tkopätt pënpën ëjts nmutskjäty pattuu'yo'ypyë tyëkpökytyump, kä' jä' në'n wyä'në y'ayoy tu'uk tsappaan yyëktamutsumë't nits maaxynyëjötypy yyëknëyuu'pätt. 43Pën myëkpöky tyuujnë'p yë' mkë', kajtspoot; oy kë'tuk mjatta'nt mpaatpts jüky'ajjt tsajpjotm, ku kamajtstu'utyë'm mkë' xjajawë't, jënjötypts mnëjkxt, jä' jëën mati' ijtp toykyunajxp. [44Maj tsätsy kya'ooky jäts jëën kyappi'itsy.] 45Pën myëkpöky tyuujnë'p yë' mteky, kajtspoot; oy pajktuk mta'nt mpaatpts jüky'ajjt tsajpjotm, ku kamajtstu'utyë'm mteky xjajawë't, jënjötypts mnëjkxt. [46Maj tsätsy kya'ooky jäts jëën kyappi'itsy.] 47Ok myëkpöky tyuujnë'p mwiin, juut jä', oy mijts wintu'uk mtëkkë't maj jäm Yës Teety yyëkkuttüky, ku kamajtstu'utyë'm mwiin xjajawë't, myëkjënyuu'pätp. 48Jënjötypy maj tsätsy junë kya'ooky jäts maj jëën tyoy jaxëëjny jakkoots.
49»Jëën miits myëk'oy'attëtë'p naa'xkë'n kaan tyëk'oyë tyëkxu'ukë takka'any. 50Ka'ijtpë'm yë' kaan; kuts kaan tsyäkt, ¿Tits yë' njakyëkwaa'në'n? Jakëjxts ëjts nwa'any: Tuntë miits naa'xkë'n kaan yaj it naxwiiny, jäts jükyëtë oy jotkujjk tu'uk janitu'uk.
Айни замон обунашуда:
Marcos 9: YTYA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Marcos 9
9
1Jäts mëët Jesús nyëë'mxëtë:
—Ixyam ëjts nnikkäjpxy, jäj yaj nitu'ukë'n pën oo'jkë'n tka'ijxp, kunë'm t'ijxt t'aa'xtukt Yës Teety kyuttujjkë'n mëjk nyaxkita'akt.
Jesús tyikkajtskexy
(Mt 17.1-13; Lc 9.28-36)
2Kyutujjk xëëw Jesús nyijkxy tu'uk mëjj kojpk këjxm, jä'yë tpawaay Pedro, Santiago mëët Juan. Nits jä' wyinkujjkytyë Jesús tyikkajjtsy. 3Jäts wyit jajjp tëë'kxp jyajtkëjjxy, poopnäxy wyit jyajjty nippën najj tkayëkwä'ätst oyë'm në'n tjappujjt. 4Nits t'ijxpat'të Elías mëët Moisés, Jesús tmëëtnakyäjpxyë tmëëtnamyatya'akyë. 5Nits Pedro tnëëjmjaay Jesús:
—Wintsën, ¡oy ku ëëts nyaa'jë! Wä'n ëëts tyëk'oyë tuwëëk ujts'aytyëjjk: Tu'uk mijts mjä', jatu'uk Moisés, jäts jatu'uk Elías jyä'.
6Jä'ku tsë'ëjkë'y'oo'këjxtë'p jä' y'ijjty, jakëjxts Pedro nikoj najj kyajpxwintëëy. 7Nits yoots nyijuu'xëtë, jäjpts yootsjötypy yëkmatooy pën wyaany: «Ëjts yë' n'uu'nk, pën ëjts ntsöjkypy njakyejpypy: Yë' mmumato'otë'p.» 8Ku najj tmatootë nits y'ijxwittijt'të, kä'äts pën t'ok'ijxpatnëtë, jä'yë janityu'uk Jesús.
9Kuts y'ijjty kyitaknëtë nits tuu'aajy Jesús mëjk tyappawaajnëtë jäts kä' pën tmatyaajkëtë't pëntij y'ijjty tëj t'ijxtë, kunë'm naxwiinë'tjaa'y y'Uu'nk jyükypyëkt. 10Jakëjxts najj amöny'aayë tyëknajxtë tukkë'yë, oyë'm y'ijjty amää'tsk nyayëktëyëtë tu'uk janitu'uk, tij jä' tyijjpy ku yä'äny jäts jyükypyëkt. 11Nits tyëktëëtë Jesús:
—¿Tikëjx pawaa'n yëk'ixpëjkpë wya'antë jäts Elías minwamp jawyiin?
12Jäts Jesús y'atsooy:
—Tëyë'm jä', jäts Elías mimp jawyiin, jä'äts tyëkni'oyë'p tyëk'a'oyë'p tukkë'yë. ¿Tits ku jaypyëty myiny jäts mëjk naxwiinë'tjaa'y y'Uu'nk y'ayo'ot jäts ka'ijxyë'm yëk'ijxt? 13Ixyamts ëjts miits nwaajnë jäts tëj Elías y'ajtsminy, nits ntsokattunk jä' t'ijxtë ttuntë, naa'xkë'n jaypyety myiny ntsoj jä' jyatt kyopätt.
Jesús tyëktso'oky tu'uk mëjj una'ajnk mati' mëjjku'ujy tyumpë yyëk'ayoojjë'p
(Mt 17.14-20; Lc 9.37-43)
14Ku jya'atë jäm maj y'ijjty myuku'uktëjjk y'a'ijxtë, jämts tpat'të nimaynyäxy jaa'y tyamükyëtë, mëët nitu'ukë'n pawaa'n yëk'ixpëjkpëttëjjk tmëëtnawyintso'oyëtë. 15Kuts jaa'y t'ijxpat'të Jesús jotkujjk jä' nyajyaa'w'ajjtëtë, nits pütyë t'anëjkx'eetyë jäts tkë'pat'të. 16Nits Jesús tyëktëëy y'ixpëjkpëttëjjk:
—¿Tij miits mnatya'ojjëtë'p mëët yë' jaa'y?
17Jätyë tu'uk jaa'y y'atsooy:
—Wintsën, ëjts tëj nmajjnk nwaaminy, mëjjku'ujy yë' yyëk'ayoojjë'p jäts tëj uum yyëktaa'nyë. 18Oyjyunë yë' mëjjku'ujy tyumpë mëjkta'aky tyünyë jäts yyëkkitayë; nits najjyë tukkë'yë yyëkxujxkexyë, tyëëjts t'akka'tsmujk'axajjy jäts öö'pky y'apajk'am pyitsemy. Tëts ëjts m'ixpëjkpëttëjjk njanëëjmë jäts mëjjku'ujy ttokniwa'atstë't, kä'äts tëj myayëtë.
19Nits Jesús y'atsooy:
—¡Kattëyjyaa'w'eepyë jaa'y! ¿Junë xjat'të't jäts xtu'ntë't mati' ëjts ntümpy? Kä' ëjts ijtp yaj nyaa'jë y'itt. Yëkmintë jä' una'ajnk.
20Nits twaamintë jä' una'ajnk Jesús wyinkujjky. Kuts jä' mëjjku'ujy t'ijxpaajty Jesús, jätyë tyëkkitaay jä' una'ajnk jäts tyëktimwittijt'axajjy, nits mëët öö'pky pyitsëëmy y'apajk'am. 21Jäts Jesús tyëktëëjjaay tyeety:
—¿Junë yë' najj jyajt'axajjy?
Nits jä' una'ajnk tyeety y'atsooy:
—Pi'knë'm yë' y'ijjty ku najj tsyoo'ntaajky. 22Tëj yë' mayyaajjë mëjjku'ujy jyënyuu'petyë, nyëyuu'petyë, jäts yyëk'ookwa'anyë. Pën mmaajyë'p jäts xyëktso'okt, tun may'ajjt puttëjjk'eeky ëëts.
23Nits Jesús nyëë'mxë:
—¿Tikku mwa'any “pën mmaajyë'p”? ¡Pënpën tu'k'aaw tu'kjoojt ttëyjyaa'w'eepy, tukkë'yë jä' tyuu'nxë't pëntij y'amatoopy!
24Jätyë jä' una'ajnk tyëëty mëjk kyajpxkeejky:
—Ntëyjyaa'w'eepy ëjts. ¡Puttëjjk'eeky ëjts, jäts ëjts tu'k'aaw tu'kjoojt ntëyjyawë't!
25Kuts Jesús t'ijxpaajty jäts ja'atëtstë'p y'ijjty jaa'y, nits twinku'oj'ajjty jä' mëjjku'ujy tyumpë:
—¡Mijts ka'oy jyaa'wë'n, ku una'ajnk nat jäts uum xyëktanë, niwa'ats yë' ixyam jäts katij junë x'ok'awimpijjt'eenyë!
26Nits mëjk mëjjku'ujy tsyajp'aakeejky jäts una'ajnk jatu'kyaajjë tyëktimwittijt'axajjy mëjknäxy. Nits tniwaajjtsy, ookyë'n jä' t'okkäjxnë, jakëjxts y'ijjty nimay jaa'y wya'antë nits tëë'm jä' una'ajnk y'oo'knë. 27Jäts Jesús jä'yë jä' twijjtsjë'ëjky; nits jä' una'ajnk tyenkyuk'ëëy.
28Nits Jesús nyijkxy tu'uk jaa'y tyëjkëntuujy, Jäjpts nityu'uk aweky y'ixpëjkpëttëjjk yyëktëëjjë:
—¿Tij ku ëëts tëj xkamay jäts una'ajnk mëjjku'ujy ntokniwa'atst?
29Jäts Jesús y'atsooy:
—Jä'ku ya'at mëjjku'ujy, nuu'kxtaajkë'n këjxm yë' jä'yë pyitsemy.
Jesús mumäjtskyaajjë y'oo'jkë'n tnikkäjpxy
(Mt 17.22-23; Lc 9.43-45)
30Ku tsyoo'nëtë jäm, nits nyajjxtë Galilea y'itjotm. Kä'äts y'ijjty Jesús tsöky jaa'y nyijaa'w'attë't ku jä' it wyittity, 31jä'ku y'ixpëjkpëttëjjk y'ijjty jä'yë jyak'yëk'ixpëkwämpy. Nits najj y'ijjty tnëëjmë:
—Yyëkkë'yakwamp naxwiinë'tjaa'y y'Uu'nk myutsip'eepyë kyë'jë'm, jä'äts yyëk'ookë'p, kyutuwëëk xëëwts jatu'kyaajjë jyükypyëkt.
32Nits ixpëjkpëttëjjk kä' jä' y'ijjty twinjawë tij najj Jesús tyijjpy, jäts tsë'ëjk'eetyë'p y'ijjty tyëktë'ëtë't.
¿Pën tnimëjjë'p?
(Mt 18.1-5; Lc 9.46-48)
33Nits nyëjkxtë Capernaúm kyajjpjotm. Kuts jya'atë tëjkëntüjpy, jäjpts Jesús yyëktëëjjëtë:
—¿Tij tëj y'ity mnatya'ojjëtë'p tu'ktuu'aajy?
34Amöny'aayë nitukkë'yë tyankëjxtë, jä'ku wä' y'ijjty kyäjpxy'eetyë'p tuu'aajy, pën nimëjj tta'mp. 35Nits Jesús tsyëënë'y'ixtaajky, jäts tyaajxjaay wä'n nimajkmäjtsk y'apóstoles nits tnëëjmjaay:
—Pënpën nimëjj natsyojjkë'p, wä'n jawyiin naxkëjjxy'ajjt tuta'aky'ajjt tjakyepy, jäts nitukkë'yë myuku'uk tmuttu'nt.
36Nits Jesús tkejjxy tu'uk una'ajnk'uu'nk itkujjky, jäts tmö'kxy, nits tnëëjmjaay y'apóstoles:
37—Pënpën ëjts këjxm tu'uk una'ajnk'uu'nk tkuppëjkp, ëjts jä' na'it xkuppëjkp, pënpënts ëjts xkuppëjkp, mëët jä' tkuppeky nTeety'ajjt pën ëjts xpakkäjxp.
Pënpën xkamutsip'ëë'yë'm xmuku'ukwaa'nyë'm jä'
(Mt 10.42; Lc 9.49-50)
38Nits Juan tnëëjmjaay Jesús:
—Wintsën, tëj ëëts tu'uk jaa'y n'ijxy mëjjku'ujy tyëkpitsemy mijts mxëëw këjxm; tëts ëëts nnëëjmë jäts kä' najj y'atë'ëtst, jä'ku kä' ëëtë'm jä' xmëëtyo'ymyujjkyë'n.
39Nits Jesús y'atsooy:
—Katij x'akkajpxtujjkëtë, jä'ku jaa'y pën tëj mëjjputtëjjk'ëë'ny ttüny ëjts nxëëw këjxm, kä' ëjts jä' xka'oytyijjt. 40Pënpën ëëtë'm xkamutsip'ajjtyë'm, xmuku'ukwaa'nyë'm jä'. 41Oypyënë pën mmoojyëtë'p jaktu'ktsim nëëj jakëjx ku Yëknitsokpë xpattuu'yo'ojyëtë, ixyam ëjts nwa'any nits pyaatp jä' jyuu'ny.
Atsë'ëkë yë' ku Yës Teety nmutakkoo'yë'n
(Mt 18.6-9; Lc 17.1-2)
42»Mëjj kajäj tkopätt pënpën ëjts nmutskjäty pattuu'yo'ypyë tyëkpökytyump, kä' jä' në'n wyä'në y'ayoy tu'uk tsappaan yyëktamutsumë't nits maaxynyëjötypy yyëknëyuu'pätt. 43Pën myëkpöky tyuujnë'p yë' mkë', kajtspoot; oy kë'tuk mjatta'nt mpaatpts jüky'ajjt tsajpjotm, ku kamajtstu'utyë'm mkë' xjajawë't, jënjötypts mnëjkxt, jä' jëën mati' ijtp toykyunajxp. [44Maj tsätsy kya'ooky jäts jëën kyappi'itsy.] 45Pën myëkpöky tyuujnë'p yë' mteky, kajtspoot; oy pajktuk mta'nt mpaatpts jüky'ajjt tsajpjotm, ku kamajtstu'utyë'm mteky xjajawë't, jënjötypts mnëjkxt. [46Maj tsätsy kya'ooky jäts jëën kyappi'itsy.] 47Ok myëkpöky tyuujnë'p mwiin, juut jä', oy mijts wintu'uk mtëkkë't maj jäm Yës Teety yyëkkuttüky, ku kamajtstu'utyë'm mwiin xjajawë't, myëkjënyuu'pätp. 48Jënjötypy maj tsätsy junë kya'ooky jäts maj jëën tyoy jaxëëjny jakkoots.
49»Jëën miits myëk'oy'attëtë'p naa'xkë'n kaan tyëk'oyë tyëkxu'ukë takka'any. 50Ka'ijtpë'm yë' kaan; kuts kaan tsyäkt, ¿Tits yë' njakyëkwaa'në'n? Jakëjxts ëjts nwa'any: Tuntë miits naa'xkë'n kaan yaj it naxwiiny, jäts jükyëtë oy jotkujjk tu'uk janitu'uk.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.