Marcos 10
10
Jesús tka'amay ku amäjtsk jaa'y nyajyaywyä'kxyëtë
(Mt 19.1-12; Lc 16.18)
1Nits Jesús tsyoo'jny Capernaúm jäts nyijkxy Judea y'itjotm Jordánkë't në'awinm. Jämts jaa'y jatu'kyaajjë tyamujkpäjjtë, nits Jesús kya'amay'axajjy naa'xkë'n jä' ijtp ttüny. 2Nits nitu'ukë'n fariseostëjjk nikoj y'ijjty Jesús tyëkkajpxpitsëmwa'antë, jäts tyëktëëtë pën oy jä' jäts yaa'ytyëjjk tmëëtnajyaywya'kxët tyo'oxytyëjjk. 3Nits Jesús nyëë'mxëtë:
—¿Ntsoj Moisés pawaa'n tyëktaany?
4Nits fariseostëjjk y'atsootë:
—Nëm Moisés wyaany jäts oy jaa'y tyo'oxytyëjjk tmëëtnawya'kxë't, jawyiints tyëkkojjt tu'uk nöky maj tnikkajpxt nits tëj tmëëtnawyä'kxyë.
5Nits Jesús nyëë'mxëtë:
—Jakëjx Moisés najj pawaa'n tyëktaany, ku miits mkamatowtë jäts ijtp kë'm mkuttujjk xyëktuntë. 6Mnijaa'w'eepy miits, ku Yës Teety it naxwiin tpëëmy tkojjy mëëtts “yaa'ytyëjjk, to'oxytyëjjk tyëk'oy'ajjty. 7Jakëjxts yaa'ytyëjjk, tyeety tyaak tpuwa'kwa'atst nits tmëëtxajjmukt tyo'oxytyëjjk, 8najjts tu'ukyë jyëën tyëjjk tyëktsoo'nta'aktë't”. Kä' y'oknimäjtsk'eenyëtë't tu'kjaa'y jä' wyimpijtnëtë't. 9Nippën naxwiinë'tjaa'y kuttujjk tkajakyepy jäts tnakwyakxë't mati' tëj Yës Teety tyëktu'ukmüky.
10Kuts wyimpijtnëtë maj y'ijjty kyuttëjjkëtë, jäjpts Jesús y'ixpëjkpëttëjjk nyëë'mxë nits tkajpxtë'ët jawääne mati' y'ijjty tëj tkäjpxy. 11Nits Jesús tnëëjmjaay y'ixpëjkpëttëjjk:
—Pënpën tyo'oxytyëjjk tmëëtnajyaywya'kxë'p jäts tmëët'amäjtskëkyojmë jatu'uk, pökytyunë'pts jä'; 12ninyajjmë ku to'oxytyëjjk tmëëtnajyaywyä'kxyë nyiyaa'y jäts tmëët'amäjtskë jatu'uk yaa'ytyëjjk, pökytyunë'pts jä' ninyajj.
Jesús tkunüü'kxy una'ajnktëjjk
(Mt 19.13-15; Lc 18.15-17)
13Nits nitu'ukë'n jaa'y y'uu'nk tta'anëjkx'eetyë Jesús, jäts ttokkunuu'kxtë't; kuts Jesús y'ixpëjkpëttëjjk najj t'ijxtë, nits tkajpxtso'ytyë pënjäty y'ijjty y'uu'nk tta'anëjkx'eetyë'p Jesús. 14Jäts Jesús t'ijxpaajty najj y'ixpëjkpëttëjjk y'atë'ëtstë, nits y'ampëjjky jäts tnëëjmjaay:
—Majtstu'ut'të yë' una'ajnktëjjk wä'n ëjts xnimintë, katij x'akkajpxtuktë, jä'ku yë' tjä'eetyë'p Yës Teety kyuttujktaajk pënjäty najj naa'xkë'n yë' una'ajnktëjjk. 15Ixyam ëjts nnikkäjpxy pënpën tkakkuppëjkp Yës Teety kyuttujjkë'n naa'xkë'n tu'uk una'ajnk, kä' jä' tyëkkë't maj jäm Yës Teety yëkkuttüky.
16Nits Jesús tmö'kxy tu'uk jatu'uk una'ajnk, jäts tkë'nixajjy najjts tkunüü'kxy.
Tu'uk kumeenyjyaa'y Jesús tmukkäjpxy
(Mt 19.16-30; Lc 18.18-30)
17Ku Jesús y'ijjty tsyoonwanë, nits pujtp nyija'ajtë tu'uk yaa'ytyëjjk, jäts nyakyujxtänëtyaajkë tyekyë'ëjy nits nyëë'mxë:
—Oyjyaa'y Wintsën, ¿tij ëjts ntu'mp jäts npaatt jüky'ajjt mati' Yës Teety y'awaa'n'eepy?
18Nits Jesús y'atsooy:
—¿Tikku ëjts xnëëjmë oyjyaa'y? Nippën oyjyaa'y yaj kya'ity, tu'ukë'm Yës Teety y'oyjyaa'yë. 19Mnijaa'w'eepy tukkë'yë pawaa'n: “Katij myëkjaa'y'ooky, katij wiijnk to'oxytyëjjk xmëëtë, katij mmeetsy, katij pën xniwampety, katij m'ëëny; jäts wintsë'ëkë mteety mtaak.”
20Nits jä' yaa'ytyëjjk y'atsooy:
—Wintsën, nimyutsk'una'ajnk ëjts yë' pawaa'n nkuytyun'axajjy.
21Nits Jesús tsyojkë'nkëjjxm twin'ijxy jä' jaa'y, nits tnëëjmjaay:
—Jatu'uk jä'yë mka'ijjtxyë xtu'nt: Too'këx tukkë'yë tijjäty mëët jäts moykyëx ayoopëttëjjk. Najjts xpaatt oy'ajjt mëjk'ajjt jäm tsajpjotm. Nits mmi'nt jäts ëjts xpattuu'yo'oyty.
22Kuts jä' yaa'ytyëjjk najj tmatooy, yëk'ayoopë nyajyaa'w'ajjtë najjts wyimpijtnë, jä'ku kumeenyäxy jä' y'ijjty.
23Nits Jesús y'ijxwittijjty tu'm'aajny jatu'm'aajny, jäts tnëëjmjaay y'ixpëjkpëttëjjk:
—¡Tsip tsu'ux jyajjtxëtë't kumeenyjyaa'y tpa'ttëkkëtë't Yës Teety kyuttujjkë'n!
24Ku najj wyaany, attëy'ajat jä' y'ixpëjkpëttëjjk tyantë, nits Jesús jyakwaany:
—Uu'nktëjjk, ¡tsip mpa'tëjjk'ëë'yë'n Yës Teety kyuttujjk! 25Kä' yë' tsyippë jäts tu'uk kamellë nyëknajjxë'n winmutsk'akkajj'aajy, yë' tsip jäts tu'uk kumeenyjyaa'y tyëkkë't maj jäm Yës Teety yëkkuttüky.
26Kuts najj y'ixpëjkpëttëjjk tmatootë, oo'ktëy jä' tyantë, nits nyayëktëë'axajjëtë tu'uk janitu'uk:
—¿Pënts nitsoojkë'n tpaatp?
27Nits Jesús twin'ijxy y'ixpëjkpëttëjjk jäts y'atsooy:
—Mati' naxwiinë'tjaa'y kamayë'm jyaa'w'eetyë'p, Yës Teetyts jä' tukkë'yë maykyëjjxë'p.
28Nits Pedro tnëëjmjaay Jesús:
—Tëj ëëts tukkë'yë nmaay npëjkta'aky nnikkäkkexy mëët tijjäty ëëts njakyejpypy, jäts ëëts mijts npattuu'yo'oy.
29Nits Jesús y'atsooy:
—Tëy ëjts miits nnëëjmëtë, pënjäty ëjts këjxm tëj tnikke'eky tyëjjk, y'ajjtsy, tsyë', y'ütsy, tyeety, tyaak, y'uu'nk, ok kyam, nits tpa'ttëkë't Yës Teety kyuttujjkë'n, 30pyaatp jä' yaj it naxwiin mukkö'pxy'am tëjjk, y'ajjtsy, tsyë', y'ütsy, tyaak, y'uu'nk, jäts kam, oyë'm jaa'y ntsokattunk tyunë't, wyitsë't tsyumë't; pyaatpts jä' mëët jüky'ajjt xëmëkkëjxm mati' Yës teety y'awaa'n'eepy. 31Nimay pën ixyam yyëkmëjj'ijxtë'p yyëkmëjjaa'w'eetyë'p, kä' jä' yyëkmëjj'ijxtë't jäm tsajpjotm; pënts ixyam ka'ijxyë'm yyëk'ijxtë'p yyëktuntë'p jä'äts jäm yyëkmëjj'ijxtë'p yyëkmëjjpë'mtë'p.
Jesús tnikkäjpxy mutuwëëkyaajjë y'oo'jkë'n
(Mt 20.17-19; Lc 18.31-34)
32Jäts jyaktuu'yo'ytyë jäts jya'at'të't Jerusalén, Jesús y'ijjty yyo'ytyuwëjkp. Nits y'ixpëjkpëttëjjk kä' y'ijjty twinjawëtë tij ku Jesús nyëjkxwa'any Jerusalén, jäts jaa'y pënjäty y'ijjty ix'oojk yyo'ytyë'p jawë tsë'ëkë jä' y'ijjty tpanëjkxtë. Nits Jesús tjë'waay nimajkmäjtsk y'apóstoles jäts twaajnjaay tukkë'yë tij y'ijjty tunwaajnë'p: 33«M'ijxtë'p mnijaa'w'eetyë'p ku ixyam nnijkxyë'n Jerusalén, jämts naxwiinë'tjaa'y y'Uu'nk yyëkkë'yakt teety niwintsëntëjjk mëët pawaa'n yëk'ixpëjkpëttëjjk kyë'jë'm, jä'äts tyëknikuttukkëtë'p jäts y'ookt jäts tkëmo'otë't mimpëjaa'y. 34Jä'äts ttaxi'iktë'p, twinkutsujjëtë'p, twoptë'p tkoxtë'p nits tyëk'ooktë't; kyutuwëëk xëëwts jä' jatu'kyaajjë jyükypyëkt.»
Santiago mëët Juan may'ajjt t'amatowtë Jesús
(Mt 20.20-28)
35Nits Santiago mëët Juan, Zebedeo myajjnktëjjk, t'anëjkx'eetyë winkon Jesús jäts tnëëjmjäätyë:
—Wintsën, tuujnjääky ëëts jyeexyë may'ajjt mati' ëëts n'amatowämpy.
36Jäts Jesús yyëktëëjjëtë:
—¿Tij mtsojktë'p ëjts ntu'mp?
37Nits tnëëjmjäätyë:
—Tun may'ajjt moyky ëëts tsëënpyäjjt mijts mpa'am maj myëkkuttukwa'any tsätsymyejj tsätsytyuuj, jäts tu'uk tsyëënë't m'anajjy jatu'uk m'akaa'ny.
38Nits Jesús y'atsoojjëtë:
—Kä' miits xnijawë puttij m'amatootë'p. ¿M'uuktë'p ta'am nëëj mati' ëjts n'uukwämpy, mtsojktë'p m'ooktë't naa'xkë'n ëjts n'ookwa'any?
39Nits y'atsootë Santiago mëët juan:
—Xma'ypy ëëts jä'.
Jäts Jesús nyëë'mxëtë:
—Tëyë'm jä', mtanaxtë'p ayoo'n mëët oo'jkë'n mati' ëjts ntanaxwämpy; 40jäts mati' miits m'amatoopy kä' ëjts jä' xpaatë nni'atsowë't, tëj jä' Yës Teety tyëkni'oyë pën jä' myo'wämpy.
41Ku najj janimajjk apóstoles tmatootë jäts tmu'ampëjktë Santiago mëët Juan. 42Nits Jesús tyaajxjaay nitukkë'yë jäts tnëëjmjaay:
—Mnijaa'w'eepy miits, ku yëkkuttujkpëttëjjk yaj it naxwiin nimëjj jä' nyajyaa'w'ätyëtë, tyuntë'p pëntij tsyojktë'p oy jä' t'oytyu'nt ok tka'oytyu'nt kyajjp, nikoj ku tyëknikkä'äjxjë'ëkwa'antë myëjk'ajjt. 43Katits miits ninyajj mwimpit'të. Pënpën nimëjj natsyojjkë'p, wä'n tuta'aky'ajjt tjakyepy jäts myuku'uktëjjk tmuttu'nt, 44pënpën pawa'anwamp wä'n jawyiin myuku'uk tmuttüny. 45Kä' naxwiinë'tjaa'y y'Uu'nk tëj myiny jäts yyëkmuttu'nt, oo'ktëy jä' tëj myiny jäts jaa'y tmuttu'nt, nits y'oo'jkë'n këjxm naxwiinë'tjaa'y tyëknitso'okt.
Jesús tyëktso'oky Bartimeo
46Nits nyajjxtë Jericó. Kuts pyitsëmtë kajjp'am mëët y'ixpëjkpëttëjjk jäts mëët nimay jaa'y mati' y'ijjty pattuu'yo'ojyëtë'p, jämts tpaajty tuu'paa'aajy tsyëënë meeny t'amya'axy tu'uk yaa'ytyëjjk mati' y'ijjty ka'ok'ijxnë'p, mati' txëëw Bartimeo, Timeo myajjnk. 47Kuts jä' yaa'ytyëjjk tmatooy jäts Jesús najxp mati' Nazaret tsoo'mp, nits kyajpxkäk'axajjy:
—¡Jesús, David tsyaan kyoo, pa'ayook ëjts!
48Jäts nimay jaa'y wyinku'ojjë'y'axajjë jäts y'amo'nt, kä'äts jä' y'amoony oo'ktëy jä' jawäänë mëjk kyajpxkäk'atëëjtsy:
—¡David tsyaan kyoo, pa'ayook ëjts!
49Nits Jesús wya'ktaany, jäts wyaany:
—Ajtswaatë't yë' jaa'y.
Jäts nitu'ukë'n ojts twaajjë'ëktë jä' yaa'ytyëjjk jäts tnëëjmjäätyë:
—Katij mtsäätsywyimay, tenkyukkë, mijts myëkyaajxjääpy. 50Nits jä' yaa'ytyëjjk jätyë kyujkwop t'ijxyuu'jpy jäts pujtp t'anëjkx'ëëy Jesús 51Nits Jesús yyëktëëjë:
—¿Tij mtsöjkypy ëjts ntu'mp?
Nits jä' jaa'y y'atsooy:
—Wintsën, yëk'oyëjyääky ëjts nwiin, jäts ëjts n'ijxt jatu'kyaajjë.
52Nits Jesús nyëë'mxë:
—Nëjkxnë, tëj mtso'oky ku tëj tu'k'aaw tu'kjoojt Yës Teety xtëyjyawë.
Najyäm y'ijjty Jesús kyakkajpxkita'aky, ku jä' jaa'y mati' y'ijjty ka'ok'ijxnë'p wyiin y'oy'ajjty, nits tsyoojky, najjts Jesús tpatuu'yo'y'axajjy.
Айни замон обунашуда:
Marcos 10: YTYA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Marcos 10
10
Jesús tka'amay ku amäjtsk jaa'y nyajyaywyä'kxyëtë
(Mt 19.1-12; Lc 16.18)
1Nits Jesús tsyoo'jny Capernaúm jäts nyijkxy Judea y'itjotm Jordánkë't në'awinm. Jämts jaa'y jatu'kyaajjë tyamujkpäjjtë, nits Jesús kya'amay'axajjy naa'xkë'n jä' ijtp ttüny. 2Nits nitu'ukë'n fariseostëjjk nikoj y'ijjty Jesús tyëkkajpxpitsëmwa'antë, jäts tyëktëëtë pën oy jä' jäts yaa'ytyëjjk tmëëtnajyaywya'kxët tyo'oxytyëjjk. 3Nits Jesús nyëë'mxëtë:
—¿Ntsoj Moisés pawaa'n tyëktaany?
4Nits fariseostëjjk y'atsootë:
—Nëm Moisés wyaany jäts oy jaa'y tyo'oxytyëjjk tmëëtnawya'kxë't, jawyiints tyëkkojjt tu'uk nöky maj tnikkajpxt nits tëj tmëëtnawyä'kxyë.
5Nits Jesús nyëë'mxëtë:
—Jakëjx Moisés najj pawaa'n tyëktaany, ku miits mkamatowtë jäts ijtp kë'm mkuttujjk xyëktuntë. 6Mnijaa'w'eepy miits, ku Yës Teety it naxwiin tpëëmy tkojjy mëëtts “yaa'ytyëjjk, to'oxytyëjjk tyëk'oy'ajjty. 7Jakëjxts yaa'ytyëjjk, tyeety tyaak tpuwa'kwa'atst nits tmëëtxajjmukt tyo'oxytyëjjk, 8najjts tu'ukyë jyëën tyëjjk tyëktsoo'nta'aktë't”. Kä' y'oknimäjtsk'eenyëtë't tu'kjaa'y jä' wyimpijtnëtë't. 9Nippën naxwiinë'tjaa'y kuttujjk tkajakyepy jäts tnakwyakxë't mati' tëj Yës Teety tyëktu'ukmüky.
10Kuts wyimpijtnëtë maj y'ijjty kyuttëjjkëtë, jäjpts Jesús y'ixpëjkpëttëjjk nyëë'mxë nits tkajpxtë'ët jawääne mati' y'ijjty tëj tkäjpxy. 11Nits Jesús tnëëjmjaay y'ixpëjkpëttëjjk:
—Pënpën tyo'oxytyëjjk tmëëtnajyaywya'kxë'p jäts tmëët'amäjtskëkyojmë jatu'uk, pökytyunë'pts jä'; 12ninyajjmë ku to'oxytyëjjk tmëëtnajyaywyä'kxyë nyiyaa'y jäts tmëët'amäjtskë jatu'uk yaa'ytyëjjk, pökytyunë'pts jä' ninyajj.
Jesús tkunüü'kxy una'ajnktëjjk
(Mt 19.13-15; Lc 18.15-17)
13Nits nitu'ukë'n jaa'y y'uu'nk tta'anëjkx'eetyë Jesús, jäts ttokkunuu'kxtë't; kuts Jesús y'ixpëjkpëttëjjk najj t'ijxtë, nits tkajpxtso'ytyë pënjäty y'ijjty y'uu'nk tta'anëjkx'eetyë'p Jesús. 14Jäts Jesús t'ijxpaajty najj y'ixpëjkpëttëjjk y'atë'ëtstë, nits y'ampëjjky jäts tnëëjmjaay:
—Majtstu'ut'të yë' una'ajnktëjjk wä'n ëjts xnimintë, katij x'akkajpxtuktë, jä'ku yë' tjä'eetyë'p Yës Teety kyuttujktaajk pënjäty najj naa'xkë'n yë' una'ajnktëjjk. 15Ixyam ëjts nnikkäjpxy pënpën tkakkuppëjkp Yës Teety kyuttujjkë'n naa'xkë'n tu'uk una'ajnk, kä' jä' tyëkkë't maj jäm Yës Teety yëkkuttüky.
16Nits Jesús tmö'kxy tu'uk jatu'uk una'ajnk, jäts tkë'nixajjy najjts tkunüü'kxy.
Tu'uk kumeenyjyaa'y Jesús tmukkäjpxy
(Mt 19.16-30; Lc 18.18-30)
17Ku Jesús y'ijjty tsyoonwanë, nits pujtp nyija'ajtë tu'uk yaa'ytyëjjk, jäts nyakyujxtänëtyaajkë tyekyë'ëjy nits nyëë'mxë:
—Oyjyaa'y Wintsën, ¿tij ëjts ntu'mp jäts npaatt jüky'ajjt mati' Yës Teety y'awaa'n'eepy?
18Nits Jesús y'atsooy:
—¿Tikku ëjts xnëëjmë oyjyaa'y? Nippën oyjyaa'y yaj kya'ity, tu'ukë'm Yës Teety y'oyjyaa'yë. 19Mnijaa'w'eepy tukkë'yë pawaa'n: “Katij myëkjaa'y'ooky, katij wiijnk to'oxytyëjjk xmëëtë, katij mmeetsy, katij pën xniwampety, katij m'ëëny; jäts wintsë'ëkë mteety mtaak.”
20Nits jä' yaa'ytyëjjk y'atsooy:
—Wintsën, nimyutsk'una'ajnk ëjts yë' pawaa'n nkuytyun'axajjy.
21Nits Jesús tsyojkë'nkëjjxm twin'ijxy jä' jaa'y, nits tnëëjmjaay:
—Jatu'uk jä'yë mka'ijjtxyë xtu'nt: Too'këx tukkë'yë tijjäty mëët jäts moykyëx ayoopëttëjjk. Najjts xpaatt oy'ajjt mëjk'ajjt jäm tsajpjotm. Nits mmi'nt jäts ëjts xpattuu'yo'oyty.
22Kuts jä' yaa'ytyëjjk najj tmatooy, yëk'ayoopë nyajyaa'w'ajjtë najjts wyimpijtnë, jä'ku kumeenyäxy jä' y'ijjty.
23Nits Jesús y'ijxwittijjty tu'm'aajny jatu'm'aajny, jäts tnëëjmjaay y'ixpëjkpëttëjjk:
—¡Tsip tsu'ux jyajjtxëtë't kumeenyjyaa'y tpa'ttëkkëtë't Yës Teety kyuttujjkë'n!
24Ku najj wyaany, attëy'ajat jä' y'ixpëjkpëttëjjk tyantë, nits Jesús jyakwaany:
—Uu'nktëjjk, ¡tsip mpa'tëjjk'ëë'yë'n Yës Teety kyuttujjk! 25Kä' yë' tsyippë jäts tu'uk kamellë nyëknajjxë'n winmutsk'akkajj'aajy, yë' tsip jäts tu'uk kumeenyjyaa'y tyëkkë't maj jäm Yës Teety yëkkuttüky.
26Kuts najj y'ixpëjkpëttëjjk tmatootë, oo'ktëy jä' tyantë, nits nyayëktëë'axajjëtë tu'uk janitu'uk:
—¿Pënts nitsoojkë'n tpaatp?
27Nits Jesús twin'ijxy y'ixpëjkpëttëjjk jäts y'atsooy:
—Mati' naxwiinë'tjaa'y kamayë'm jyaa'w'eetyë'p, Yës Teetyts jä' tukkë'yë maykyëjjxë'p.
28Nits Pedro tnëëjmjaay Jesús:
—Tëj ëëts tukkë'yë nmaay npëjkta'aky nnikkäkkexy mëët tijjäty ëëts njakyejpypy, jäts ëëts mijts npattuu'yo'oy.
29Nits Jesús y'atsooy:
—Tëy ëjts miits nnëëjmëtë, pënjäty ëjts këjxm tëj tnikke'eky tyëjjk, y'ajjtsy, tsyë', y'ütsy, tyeety, tyaak, y'uu'nk, ok kyam, nits tpa'ttëkë't Yës Teety kyuttujjkë'n, 30pyaatp jä' yaj it naxwiin mukkö'pxy'am tëjjk, y'ajjtsy, tsyë', y'ütsy, tyaak, y'uu'nk, jäts kam, oyë'm jaa'y ntsokattunk tyunë't, wyitsë't tsyumë't; pyaatpts jä' mëët jüky'ajjt xëmëkkëjxm mati' Yës teety y'awaa'n'eepy. 31Nimay pën ixyam yyëkmëjj'ijxtë'p yyëkmëjjaa'w'eetyë'p, kä' jä' yyëkmëjj'ijxtë't jäm tsajpjotm; pënts ixyam ka'ijxyë'm yyëk'ijxtë'p yyëktuntë'p jä'äts jäm yyëkmëjj'ijxtë'p yyëkmëjjpë'mtë'p.
Jesús tnikkäjpxy mutuwëëkyaajjë y'oo'jkë'n
(Mt 20.17-19; Lc 18.31-34)
32Jäts jyaktuu'yo'ytyë jäts jya'at'të't Jerusalén, Jesús y'ijjty yyo'ytyuwëjkp. Nits y'ixpëjkpëttëjjk kä' y'ijjty twinjawëtë tij ku Jesús nyëjkxwa'any Jerusalén, jäts jaa'y pënjäty y'ijjty ix'oojk yyo'ytyë'p jawë tsë'ëkë jä' y'ijjty tpanëjkxtë. Nits Jesús tjë'waay nimajkmäjtsk y'apóstoles jäts twaajnjaay tukkë'yë tij y'ijjty tunwaajnë'p: 33«M'ijxtë'p mnijaa'w'eetyë'p ku ixyam nnijkxyë'n Jerusalén, jämts naxwiinë'tjaa'y y'Uu'nk yyëkkë'yakt teety niwintsëntëjjk mëët pawaa'n yëk'ixpëjkpëttëjjk kyë'jë'm, jä'äts tyëknikuttukkëtë'p jäts y'ookt jäts tkëmo'otë't mimpëjaa'y. 34Jä'äts ttaxi'iktë'p, twinkutsujjëtë'p, twoptë'p tkoxtë'p nits tyëk'ooktë't; kyutuwëëk xëëwts jä' jatu'kyaajjë jyükypyëkt.»
Santiago mëët Juan may'ajjt t'amatowtë Jesús
(Mt 20.20-28)
35Nits Santiago mëët Juan, Zebedeo myajjnktëjjk, t'anëjkx'eetyë winkon Jesús jäts tnëëjmjäätyë:
—Wintsën, tuujnjääky ëëts jyeexyë may'ajjt mati' ëëts n'amatowämpy.
36Jäts Jesús yyëktëëjjëtë:
—¿Tij mtsojktë'p ëjts ntu'mp?
37Nits tnëëjmjäätyë:
—Tun may'ajjt moyky ëëts tsëënpyäjjt mijts mpa'am maj myëkkuttukwa'any tsätsymyejj tsätsytyuuj, jäts tu'uk tsyëënë't m'anajjy jatu'uk m'akaa'ny.
38Nits Jesús y'atsoojjëtë:
—Kä' miits xnijawë puttij m'amatootë'p. ¿M'uuktë'p ta'am nëëj mati' ëjts n'uukwämpy, mtsojktë'p m'ooktë't naa'xkë'n ëjts n'ookwa'any?
39Nits y'atsootë Santiago mëët juan:
—Xma'ypy ëëts jä'.
Jäts Jesús nyëë'mxëtë:
—Tëyë'm jä', mtanaxtë'p ayoo'n mëët oo'jkë'n mati' ëjts ntanaxwämpy; 40jäts mati' miits m'amatoopy kä' ëjts jä' xpaatë nni'atsowë't, tëj jä' Yës Teety tyëkni'oyë pën jä' myo'wämpy.
41Ku najj janimajjk apóstoles tmatootë jäts tmu'ampëjktë Santiago mëët Juan. 42Nits Jesús tyaajxjaay nitukkë'yë jäts tnëëjmjaay:
—Mnijaa'w'eepy miits, ku yëkkuttujkpëttëjjk yaj it naxwiin nimëjj jä' nyajyaa'w'ätyëtë, tyuntë'p pëntij tsyojktë'p oy jä' t'oytyu'nt ok tka'oytyu'nt kyajjp, nikoj ku tyëknikkä'äjxjë'ëkwa'antë myëjk'ajjt. 43Katits miits ninyajj mwimpit'të. Pënpën nimëjj natsyojjkë'p, wä'n tuta'aky'ajjt tjakyepy jäts myuku'uktëjjk tmuttu'nt, 44pënpën pawa'anwamp wä'n jawyiin myuku'uk tmuttüny. 45Kä' naxwiinë'tjaa'y y'Uu'nk tëj myiny jäts yyëkmuttu'nt, oo'ktëy jä' tëj myiny jäts jaa'y tmuttu'nt, nits y'oo'jkë'n këjxm naxwiinë'tjaa'y tyëknitso'okt.
Jesús tyëktso'oky Bartimeo
46Nits nyajjxtë Jericó. Kuts pyitsëmtë kajjp'am mëët y'ixpëjkpëttëjjk jäts mëët nimay jaa'y mati' y'ijjty pattuu'yo'ojyëtë'p, jämts tpaajty tuu'paa'aajy tsyëënë meeny t'amya'axy tu'uk yaa'ytyëjjk mati' y'ijjty ka'ok'ijxnë'p, mati' txëëw Bartimeo, Timeo myajjnk. 47Kuts jä' yaa'ytyëjjk tmatooy jäts Jesús najxp mati' Nazaret tsoo'mp, nits kyajpxkäk'axajjy:
—¡Jesús, David tsyaan kyoo, pa'ayook ëjts!
48Jäts nimay jaa'y wyinku'ojjë'y'axajjë jäts y'amo'nt, kä'äts jä' y'amoony oo'ktëy jä' jawäänë mëjk kyajpxkäk'atëëjtsy:
—¡David tsyaan kyoo, pa'ayook ëjts!
49Nits Jesús wya'ktaany, jäts wyaany:
—Ajtswaatë't yë' jaa'y.
Jäts nitu'ukë'n ojts twaajjë'ëktë jä' yaa'ytyëjjk jäts tnëëjmjäätyë:
—Katij mtsäätsywyimay, tenkyukkë, mijts myëkyaajxjääpy. 50Nits jä' yaa'ytyëjjk jätyë kyujkwop t'ijxyuu'jpy jäts pujtp t'anëjkx'ëëy Jesús 51Nits Jesús yyëktëëjë:
—¿Tij mtsöjkypy ëjts ntu'mp?
Nits jä' jaa'y y'atsooy:
—Wintsën, yëk'oyëjyääky ëjts nwiin, jäts ëjts n'ijxt jatu'kyaajjë.
52Nits Jesús nyëë'mxë:
—Nëjkxnë, tëj mtso'oky ku tëj tu'k'aaw tu'kjoojt Yës Teety xtëyjyawë.
Najyäm y'ijjty Jesús kyakkajpxkita'aky, ku jä' jaa'y mati' y'ijjty ka'ok'ijxnë'p wyiin y'oy'ajjty, nits tsyoojky, najjts Jesús tpatuu'yo'y'axajjy.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.