Marcos 5
5
Yaa'ytyëjjk mati' maynyäxy mëjjku'ujy tyumpë tajtsënaajyë'p
(Mt 8.28-34; Lc 8.26-39)
1Ku jya'atë në'awinm, Gerasa y'itjotm. 2Jäts Jesús wyinajjky kanëw këjxm, jämts nyimiijnë tu'uk yaa'ytyëjjk, mati' y'ijjty mëjjku'ujy tyumpë yyëktsënaajyë'p maj oo'kpëttëjjk yyëknittajjëtë. 3Nippën jä' y'ijjty tkayëkmata'aky, oyë'm jä' pujjxtejpxy jyayëktatsümy. 4Tëj y'ijjty mayyaajjë pujjxtejpxy jyayëktatsümy kyë'këjjxy tyekyëjjxy, jätyë'ts jä' y'ijjty tpojtkexy, najjts nippën tkayëkmata'aky. 5Jaxëëjny jakkoots jä' y'ijjty yyo'ymyiny yyo'yxyepy, yyu'kya'axy kyajtsya'axy tu'ktun'aaw tu'kkojpk'aaw ok maj oo'kpë yëknittajjë, nits mëët kë'm tsaaj nyatyatsükyë nyatyakka'atsyë. 6Kuts nijyakkäm Jesús t'ijxpaajty, jäts pujtp t'anëjkx'ëëy nits nyakyujxtänëtyaajkë Jesús wyinkujjky 7jäts mëjknäxy kyajpxkeejky:
—¡Katij ëjts xmuwa'any Jesús, tsajpjötypyë't Yës Teety y'uu'nk! ¡Yës Teety kyëjxm ëjts may'ajjt n'amatoy, katij ëjts xyëk'ayoy!
8Jakëjxts najj wyaany jä'ku tëj y'ijjty Jesús tnëëjmë jä' ka'oy jyaa'wë'n:
—¡Niwa'ats yë' yaa'ytyëjjk.
9Nits Jesús tnëëjmjaay:
—¿Tij mxëëw?
Jäts jä' jaa'y y'atsooy:
—Legión ëjts nxëëw, jä'ku nimaynyäxy ëëts.
10Nits mëjjku'ujy mëjk tmunuu'kxtaktë Jesús jäts katij jakkäm pyakkexyëtë. 11Jäj y'ijjty winkon tunwiiny nimay kääm wyittit'të, 12nits mëjjku'ujy tnëëjmjäätyë Jesús:
—Nittuk kuppëk jyeexyë nits ëëts kääm ntattëkkëtë't.
13Nits Jesús najj tkuppëjjky, jäts jä' mëjjku'ujy tniwatstë jä' jaa'y nits kääm ttattëjjk'eetyë. Jäm y'ijjty mäjtskmiijljajtpë'n kääm, nits kyäts'appujtkëjxtë jäts mejjyötypy jya'akextë, jäjpts nyëxi'pxkëjxtë.
14Jäts jaa'y mati' y'ijjty kääm t'ijxy'ijt'të'p kyäktakkoykyëjxtë, nits nyëjkxtë matyakpë kajjpjötypy, nitukkë'yë jaa'y twaajnjäätyë pënjäty pyat'të'p kamjoojty, në'aajy tuu'aajy. Jakëjxts nimay jaa'y nyëjkx'oo'ktë jäts ojts t'ijxtë tij y'ijjty tëj tyünyë. 15Kuts jya'atë maj jäjp y'ijjty Jesús, jäjpts tpat'të jä' yaa'ytyëjjk mati' y'ijjty tëj pyitsëë'mxyë nimaynyäxy mëjjku'ujy tyumpë, tsyëënë tëj nyaxyojjxnyë jäts tëj wyijjnë. Nits jä' jaa'y mëjk tsyë'ëjk'eetyë. 16Nits pënjäty t'ijxtë tukkë'yë tij y'ijjty tëj tyünyë, jä'äts tmatyaajkjäätyë myuku'uktëjjk ku Jesús tëj yaa'ytyëjjk mëjjku'ujy tyumpë ttokniwa'atsy jäts ku y'ijjty tëj kääm kyäts'appujtkexy. 17Nits kajjp jaa'y mëjk tnëëjmjäätyë Jesús jäts nyëjkxnë't.
18Kuts Jesús tyëjjk'eenyë kanëwjotm nits jä' yaa'ytyëjjk mati' mëjjku'ujy y'ijjty tëj nyiwa'atsyë tjamunuu'kxtaajky Jesús nits jyeexyë pyawayë. 19Kä'äts Jesús tsojjky, jä'yë nyëë'mxë:
—Nëjkxnë mtëjkëntüjpy, patnë ijxnë mmuku'uktëjjk jäts mmatyaajkë tukkë'yë ntsoj tëj Yës Teety mpa'ayoyë.
20Nits jä' yaa'ytyëjjk nyëjkxnë, jäts tukkë'yë Decápolis it tmatyaajkjaay jaa'y ntsoj Jesús y'ijjty tëj pyuttëk'ätyë; jäts jä' jaa'y attëy'ajat ttattantë jä' käjpxy jä' matya'aky.
Pëjjkëpë to'oxytyëjjk mëët Jairo nyëëx
(Mt 9.18-26; Lc 8.40-56)
21Kuts Jesús jatu'kyaajjë jya'kojmë kyanëwjotm Galilea nyë'am, jääyë në'aajy tyaany jä'ku nimay jaa'y tyayo'ymyujjkë. 22Jämts jya'ajty tu'uk yaa'ytyëjjk mati' txëëw Jairo, jä' y'ijjty tniwintsën'eepy tëjjk maj jäjp jaa'y ka'amaa'yë'n ttayo'ymyuktë. Ku t'ijxpaajty Jesús jäts nyakyujxtänëtyaajkë tyekyë'ëjy, 23nits tnëëjmjaay:
—Ookwännë'p ëjts nnëëx; tunmay'ajjt patsoo'nk ëjts jäts xkë'nixajjt, tso'okp jä' jäts jyükyë't.
24Nits Jesús tpanijkxy Jairo, mëët nimay jaa'y pyanëjkxë jäts Jesús jaa'y y'ijjty nyajtstijjë'y'oo'kexyë tum'aajny jatu'm'aajny. 25Jämts y'ijjty jaa'y'akujkm tu'uk to'oxytyëjjk mati' tëj tmutsënäänyë majkmäjtsk jumëjjt në'ëjpypya'am, 26Tëj y'ijjty kawinaak tsoy'eepyëttëjjk tjappaaty, jäts tëj mëët tyëktunkëjxnë myeeny mëët tukkë'yë myaay pyëjkta'aky, kä'äts y'ijjty tsyo'oky, oo'ktëy jä' myëjk'tak'atë'ëtsy. 27Tëts jä' y'ijjty tmatoy Jesús nyikkäjpxy nyimatya'aky, jakëjxts jä' to'oxytyëjjk y'ijjty nyay'awinmay'ätyë: «Ku ëjts jyeexyë kyujkwop jä'yë ntaxajjpäjjtë, tso'okp ëjts.» 28Jakëjxts t'anëjkx'ajjty winkon tu'kjaa'y'akujjky jäts kyujkwop ttaxajjpäjjtjaay. 29Nits tu'mtsyë në'ëjpy y'attujjky, jäts nyikkëjjx tjaa'w'ajjty tsyoojky. 30Kuts Jesús tjaa'w'ajjty myajaaw pyitsëëmy jäts wya'kwimpijjty nits jaa'y tyëktëëy:
—¿Pën ëjts tëj xtaxajjpety?
31Jäts y'ixpëjkpëttëjjk y'atsootë:
—Yëkxon x'ijxy ku maynyäxy jaa'y mtij'oo'kexyë tum'aajny jatu'm'aajny nits mijts xyëktëy “¿pën ëjts tëj xtaxajjpety?” 32Jäts Jesús jyë'ijxë'y'atetsypy jä' y'ijjty tum'aajny jatum'aajny, tnijawëwya'any pën tëj tyaxajjpetyë. 33Nits jä' to'oxytyëjjk nyijaa'w'eepy jä' y'ijjty jäts tëj tsyo'oky, jakëjxts jawëtsë'ëkë t'anëjkx'ajjty jäts Jesús wyinkujjky nyakyujxtänëtyaajkë, nits tëy wa'ats tmatyakkëjjxjaay. 34Nits Jesús nyëë'mxë:
—Uu'nk, mtëyjyaa'w'ajjt këjxm mijts tëj mtso'oky. Nëjkxnë jotkujjk mëjk majaaw.
35Niyam y'ijjty Jesús najj yä'äny, ku jya'atë nitu'ukë'n kukkexy'eepyë jäts Jairo yyëknëëjmjaay:
—Tëj mnëëx y'oo'knë, katij Wintsën x'oknä'mnë.
36Ku Jesús tmatooy najj jaa'y wyantë, jakëjxts tnëëjmjaay Jairo:
—Katij mtsäätsywyimay; tëyjyaa'w'eeky ëjts.
37Nits Jesús kä' tsojjky jäts nimay jaa'y pyanëjkxë't, jä'yë tpawaay Pedro, Santiago mëët Juan, Santiago y'ütsy. 38Ku jya'atë Jairo tyëjkëntüjpy, jäts t'ijxtë jaa'y mëjk tniya'axtë tnitsätsywinmaytyë jä' kiixy'uu'nk, 39nits tnëëjmjaay jä' jaa'y:
—¿Tikku kyoojyë m'atë'ëtstë jäts mjë'ëytyë mya'axtë? Kä' yë' kiixy'uu'nk y'ooky, maap yë' jä'yë.
40Nits jaa'y jä'yë tnixiktë ku Jesús najj wyaany, jäts Jesús tkäjxpitsëmkëjjxy nitukkë'yë jaa'y, jä'yë tmëëttëjjk'ëëy kiixy'uu'nk tyeety tyaak mëët pënjäty myëët'ajjt. 41Nits Jesús tmajjtsy kyë'këjjxy jä' kiixy'uu'nk jäts tnëëjmjaay:
—«Kiixy'uu'nk, mijts nmukäjpxypy, puttë'ëk». (Talitá, cum.)
42Nits jä' kiixy'uu'nk mati' y'ijjty majkmäjtsk jumëjjtnë'm jätyë pyuttë'ëjky; jäts yo'ypy pyitsëëmy. Attëy'ajat nitukkë'yë jaa'y tyankëjxtë. 43Nits Jesús mëjk'ämpy tpawaany jäts katij pën tmatyaajkëtë tij tëj tyünyë, nits tniwaa'n'ëëy jäts kiixy'uu'nk tyëkka'ytyë't.
Айни замон обунашуда:
Marcos 5: YTYA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Marcos 5
5
Yaa'ytyëjjk mati' maynyäxy mëjjku'ujy tyumpë tajtsënaajyë'p
(Mt 8.28-34; Lc 8.26-39)
1Ku jya'atë në'awinm, Gerasa y'itjotm. 2Jäts Jesús wyinajjky kanëw këjxm, jämts nyimiijnë tu'uk yaa'ytyëjjk, mati' y'ijjty mëjjku'ujy tyumpë yyëktsënaajyë'p maj oo'kpëttëjjk yyëknittajjëtë. 3Nippën jä' y'ijjty tkayëkmata'aky, oyë'm jä' pujjxtejpxy jyayëktatsümy. 4Tëj y'ijjty mayyaajjë pujjxtejpxy jyayëktatsümy kyë'këjjxy tyekyëjjxy, jätyë'ts jä' y'ijjty tpojtkexy, najjts nippën tkayëkmata'aky. 5Jaxëëjny jakkoots jä' y'ijjty yyo'ymyiny yyo'yxyepy, yyu'kya'axy kyajtsya'axy tu'ktun'aaw tu'kkojpk'aaw ok maj oo'kpë yëknittajjë, nits mëët kë'm tsaaj nyatyatsükyë nyatyakka'atsyë. 6Kuts nijyakkäm Jesús t'ijxpaajty, jäts pujtp t'anëjkx'ëëy nits nyakyujxtänëtyaajkë Jesús wyinkujjky 7jäts mëjknäxy kyajpxkeejky:
—¡Katij ëjts xmuwa'any Jesús, tsajpjötypyë't Yës Teety y'uu'nk! ¡Yës Teety kyëjxm ëjts may'ajjt n'amatoy, katij ëjts xyëk'ayoy!
8Jakëjxts najj wyaany jä'ku tëj y'ijjty Jesús tnëëjmë jä' ka'oy jyaa'wë'n:
—¡Niwa'ats yë' yaa'ytyëjjk.
9Nits Jesús tnëëjmjaay:
—¿Tij mxëëw?
Jäts jä' jaa'y y'atsooy:
—Legión ëjts nxëëw, jä'ku nimaynyäxy ëëts.
10Nits mëjjku'ujy mëjk tmunuu'kxtaktë Jesús jäts katij jakkäm pyakkexyëtë. 11Jäj y'ijjty winkon tunwiiny nimay kääm wyittit'të, 12nits mëjjku'ujy tnëëjmjäätyë Jesús:
—Nittuk kuppëk jyeexyë nits ëëts kääm ntattëkkëtë't.
13Nits Jesús najj tkuppëjjky, jäts jä' mëjjku'ujy tniwatstë jä' jaa'y nits kääm ttattëjjk'eetyë. Jäm y'ijjty mäjtskmiijljajtpë'n kääm, nits kyäts'appujtkëjxtë jäts mejjyötypy jya'akextë, jäjpts nyëxi'pxkëjxtë.
14Jäts jaa'y mati' y'ijjty kääm t'ijxy'ijt'të'p kyäktakkoykyëjxtë, nits nyëjkxtë matyakpë kajjpjötypy, nitukkë'yë jaa'y twaajnjäätyë pënjäty pyat'të'p kamjoojty, në'aajy tuu'aajy. Jakëjxts nimay jaa'y nyëjkx'oo'ktë jäts ojts t'ijxtë tij y'ijjty tëj tyünyë. 15Kuts jya'atë maj jäjp y'ijjty Jesús, jäjpts tpat'të jä' yaa'ytyëjjk mati' y'ijjty tëj pyitsëë'mxyë nimaynyäxy mëjjku'ujy tyumpë, tsyëënë tëj nyaxyojjxnyë jäts tëj wyijjnë. Nits jä' jaa'y mëjk tsyë'ëjk'eetyë. 16Nits pënjäty t'ijxtë tukkë'yë tij y'ijjty tëj tyünyë, jä'äts tmatyaajkjäätyë myuku'uktëjjk ku Jesús tëj yaa'ytyëjjk mëjjku'ujy tyumpë ttokniwa'atsy jäts ku y'ijjty tëj kääm kyäts'appujtkexy. 17Nits kajjp jaa'y mëjk tnëëjmjäätyë Jesús jäts nyëjkxnë't.
18Kuts Jesús tyëjjk'eenyë kanëwjotm nits jä' yaa'ytyëjjk mati' mëjjku'ujy y'ijjty tëj nyiwa'atsyë tjamunuu'kxtaajky Jesús nits jyeexyë pyawayë. 19Kä'äts Jesús tsojjky, jä'yë nyëë'mxë:
—Nëjkxnë mtëjkëntüjpy, patnë ijxnë mmuku'uktëjjk jäts mmatyaajkë tukkë'yë ntsoj tëj Yës Teety mpa'ayoyë.
20Nits jä' yaa'ytyëjjk nyëjkxnë, jäts tukkë'yë Decápolis it tmatyaajkjaay jaa'y ntsoj Jesús y'ijjty tëj pyuttëk'ätyë; jäts jä' jaa'y attëy'ajat ttattantë jä' käjpxy jä' matya'aky.
Pëjjkëpë to'oxytyëjjk mëët Jairo nyëëx
(Mt 9.18-26; Lc 8.40-56)
21Kuts Jesús jatu'kyaajjë jya'kojmë kyanëwjotm Galilea nyë'am, jääyë në'aajy tyaany jä'ku nimay jaa'y tyayo'ymyujjkë. 22Jämts jya'ajty tu'uk yaa'ytyëjjk mati' txëëw Jairo, jä' y'ijjty tniwintsën'eepy tëjjk maj jäjp jaa'y ka'amaa'yë'n ttayo'ymyuktë. Ku t'ijxpaajty Jesús jäts nyakyujxtänëtyaajkë tyekyë'ëjy, 23nits tnëëjmjaay:
—Ookwännë'p ëjts nnëëx; tunmay'ajjt patsoo'nk ëjts jäts xkë'nixajjt, tso'okp jä' jäts jyükyë't.
24Nits Jesús tpanijkxy Jairo, mëët nimay jaa'y pyanëjkxë jäts Jesús jaa'y y'ijjty nyajtstijjë'y'oo'kexyë tum'aajny jatu'm'aajny. 25Jämts y'ijjty jaa'y'akujkm tu'uk to'oxytyëjjk mati' tëj tmutsënäänyë majkmäjtsk jumëjjt në'ëjpypya'am, 26Tëj y'ijjty kawinaak tsoy'eepyëttëjjk tjappaaty, jäts tëj mëët tyëktunkëjxnë myeeny mëët tukkë'yë myaay pyëjkta'aky, kä'äts y'ijjty tsyo'oky, oo'ktëy jä' myëjk'tak'atë'ëtsy. 27Tëts jä' y'ijjty tmatoy Jesús nyikkäjpxy nyimatya'aky, jakëjxts jä' to'oxytyëjjk y'ijjty nyay'awinmay'ätyë: «Ku ëjts jyeexyë kyujkwop jä'yë ntaxajjpäjjtë, tso'okp ëjts.» 28Jakëjxts t'anëjkx'ajjty winkon tu'kjaa'y'akujjky jäts kyujkwop ttaxajjpäjjtjaay. 29Nits tu'mtsyë në'ëjpy y'attujjky, jäts nyikkëjjx tjaa'w'ajjty tsyoojky. 30Kuts Jesús tjaa'w'ajjty myajaaw pyitsëëmy jäts wya'kwimpijjty nits jaa'y tyëktëëy:
—¿Pën ëjts tëj xtaxajjpety?
31Jäts y'ixpëjkpëttëjjk y'atsootë:
—Yëkxon x'ijxy ku maynyäxy jaa'y mtij'oo'kexyë tum'aajny jatu'm'aajny nits mijts xyëktëy “¿pën ëjts tëj xtaxajjpety?” 32Jäts Jesús jyë'ijxë'y'atetsypy jä' y'ijjty tum'aajny jatum'aajny, tnijawëwya'any pën tëj tyaxajjpetyë. 33Nits jä' to'oxytyëjjk nyijaa'w'eepy jä' y'ijjty jäts tëj tsyo'oky, jakëjxts jawëtsë'ëkë t'anëjkx'ajjty jäts Jesús wyinkujjky nyakyujxtänëtyaajkë, nits tëy wa'ats tmatyakkëjjxjaay. 34Nits Jesús nyëë'mxë:
—Uu'nk, mtëyjyaa'w'ajjt këjxm mijts tëj mtso'oky. Nëjkxnë jotkujjk mëjk majaaw.
35Niyam y'ijjty Jesús najj yä'äny, ku jya'atë nitu'ukë'n kukkexy'eepyë jäts Jairo yyëknëëjmjaay:
—Tëj mnëëx y'oo'knë, katij Wintsën x'oknä'mnë.
36Ku Jesús tmatooy najj jaa'y wyantë, jakëjxts tnëëjmjaay Jairo:
—Katij mtsäätsywyimay; tëyjyaa'w'eeky ëjts.
37Nits Jesús kä' tsojjky jäts nimay jaa'y pyanëjkxë't, jä'yë tpawaay Pedro, Santiago mëët Juan, Santiago y'ütsy. 38Ku jya'atë Jairo tyëjkëntüjpy, jäts t'ijxtë jaa'y mëjk tniya'axtë tnitsätsywinmaytyë jä' kiixy'uu'nk, 39nits tnëëjmjaay jä' jaa'y:
—¿Tikku kyoojyë m'atë'ëtstë jäts mjë'ëytyë mya'axtë? Kä' yë' kiixy'uu'nk y'ooky, maap yë' jä'yë.
40Nits jaa'y jä'yë tnixiktë ku Jesús najj wyaany, jäts Jesús tkäjxpitsëmkëjjxy nitukkë'yë jaa'y, jä'yë tmëëttëjjk'ëëy kiixy'uu'nk tyeety tyaak mëët pënjäty myëët'ajjt. 41Nits Jesús tmajjtsy kyë'këjjxy jä' kiixy'uu'nk jäts tnëëjmjaay:
—«Kiixy'uu'nk, mijts nmukäjpxypy, puttë'ëk». (Talitá, cum.)
42Nits jä' kiixy'uu'nk mati' y'ijjty majkmäjtsk jumëjjtnë'm jätyë pyuttë'ëjky; jäts yo'ypy pyitsëëmy. Attëy'ajat nitukkë'yë jaa'y tyankëjxtë. 43Nits Jesús mëjk'ämpy tpawaany jäts katij pën tmatyaajkëtë tij tëj tyünyë, nits tniwaa'n'ëëy jäts kiixy'uu'nk tyëkka'ytyë't.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.