Marcos 4
4
Kamtumpëjaa'y y'ijxpäjjt
(Mt 13.1-9; Lc 8.4-8)
1Nits jatu'kyaajjë Jesús yyëk'ixpëjk'axajjy Galilea't në'am. Kuts nimay jaa'y myujjky nits Jesús pyejjty tu'uk kanëw këjxm mati' jäm y'ijjty mejy'am, jäts nitukkë'yë jaa'y në'aajy tyantë. 2Jämts Jesús tsyëënë'y'ixtaajky kanëwjotm, nits ijxpäjjt këjxm y'ijjty jaa'y tyëk'ixpeky.
Jäts tmatyaajky ya'at ijxpäjjt: 3«Mmatowtë yëkxon: Tu'kyaajjë tu'uk kamtumpë nyijkxy kyamjötypy nip'pë. 4Kuts tyëmt twëjwa'kx'axajjy, jämts mati' naxkitaajk tuu'aajy, jä'äts joon pyat'të jäts tpiikëjxnëtë. 5Jämts mati' naxkitaajk tsajoojty, maj naajx may kya'ity, jätyë jä' myujjxy jä'ku kä' jä' këëjk nyaxpaajty. 6Kuts xëë'an myiiny jäts tyëtskëjxnë jä'ku kä' jä' y'ijjty këëjk y'aatstëkkë. 7Jawäänë nyaxkita'aky yo'tspëjotm; kuts jä' yo'tspë yyoony nits nyiyonxëjpkëjjxë, najjts jä' tëmt kyattëëm'ajjty. 8Jämts mati' naxkitaajk oynyaxkëjjxy, jä'äts yyoon jäts yëkxon tyëëm'ajjty; jäm tëmt mati' tëëm'ajjt ii'pxmajjk'am tu'ktëmt, jäm mati' tëëm'ajjt tuki'pxy'am, jämts mati' tëëm'ajjt tu'kmukkö'pxy'am.»
9Nits Jesús jyakwaany: «Pënpën ya'at aaw ayuujk tmatootë'p, winjawëtë yëkxon.»
Tikëjx Jesús myatya'aky ijxpäjjt këjxm
(Mt 13.10-17; Lc 8.9-10)
10Kuts jaa'y tsyoo'nkëjxnëtë nits tyantë jä'yë Jesús y'ixpëjkpëttëjjk mëët nimajkmäjtsk y'apóstoles. Jä'äts tyëktëëtë Jesús ntsoj jä' wyimpitsemy ijxpäjjt mati' y'ijjty tëj tmatya'aky. 11Jäts Jesús y'atsooy: «Tëj miits Yës Teety mtawinjaw'ätyëtë kyuttujjkë'n mati' yu'utsy ijtp; jäts pën ëjts xkappattuu'yo'ypy ijxpäjjt këjxm jä' jä'yë yyëktawinjawëtë. 12Oyë'm jä' yëkxon tja'ijxtë't tja'aa'xtuktë't kä' tij t'ijxpaat'të't, oyë'm yëkxon tjamato'otë't kä' jä' twinjawëtë't, nitnë'm ku tyakkoo'ny t'ijxkaptë't jäts mää'kxë'n Yës Teety t'amato'otë't.»
Jesús tkajpxtëy ntsoj wyimpitsemy kamtumpëjaa'y y'ijxpäjjt
(Mt 13.18-23; Lc 8.11-15)
13Nits Jesús tnëëjmjaay y'ixpëjkpëttëjjk: «¿Kä' xwinjawëtë ya'at ijxpäjjt? ¿Ntsots y'ijxë xwinjawëtë't tukkë'yë mati'jäty ëjts nkäjpxypy nmatyäkypy? 14Nits jyakwaany: Jä' kamtumpëjaa'y, jä' jä'ätë pën Yës Teety y'aaw y'ayuujk tka'amaytyë'p. 15Jäts tëmt mati' naxkitaajk tuu'aajy: Jä' jaa'y jä'ätë pën Yës Teety y'aaw y'ayuujk tmatoojjäätyë'p, nits jätyë mëjjku'ujy myiny jäts tyokjaa'tyakkoyëtë ayuujk mati' tëj tjamatowtë. 16Jämts jaa'y naa'xkë'n tëmt mati' naxkitaajk tsajoojty: Ku tmatowtë Yës Teety y'aaw y'ayuujk, oy jotkujjk jä' ttëyjyawëtë, 17kumkä'änë'mts yëkxon twinjawëtë; kuts nyiminyëtë atsijjpë'n atsuujxë'n ok ntsokattunk yyëk'ijxë yyëktuntë jakëjx ku Yës teety y'aaw y'ayuujk tpattujjnëtë, jätyë'ts jä' y'amutskëtë jäts kä' y'oktëyjyaa'w'eenyëtë. 18Jämts jaa'y naa'xkë'n tëmt mati' naxkitaajk yo'tspëjoojty: Ku Yës Teety y'aaw y'ayuujk tjamatowtë, 19nits tyunk tmaytyë ttajjtë jäts tijjäty ka'ijjtxëtë'p, najjts meeny tpanëjkxnëtë nits tsoktë tukkë'yë tmëëtëkyëxtë't yaj it naxwiiny, nits Yës Teety y'aaw y'ayuujk tjaa'tyakkoynyëtë, jakëjxts kä' jyüky'ajjt tyikkatstë. 20Jämts jaa'y naa'xkë'n tëmt mati' naxkitaajk oynyaxkëjjxy, jä' jä'ätë pën Yës Teety y'aaw y'ayuujk tmatoojjäätyë'p jäts tkuytyuntë tu'k'aaw tu'kjoojt, nits tu'ukyë Yës teety tmuttuntë, jä'äts tyunk winkä'x'të'p ii'pxmajjk'am, tuki'pxy'am jäts tu'kmukkö'pxy'am.»
Pujjxjëën y'ijxpäjjt
(Lc 8.16-18)
21Mëët Jesús jatu'uk ijxpäjjt tmatyaajky: «¿Ku tu'uk pujjxjëën xyëktoypyëktë mkukkoo'n'eetyë'mts jä' kajuun pa'tke'py ok maapäjjt pa'tke'py? ¿Kä'ämts jä' oo'ktëy këjxm xpëmtë jäts yëkxon kyuno'okt? 22Ninyajjmë, nittij yu'utsy kya'ijt'ity mati' junë kayëkpaatp, nittij mëët amää'tsk kya'ity mati' junë kayëknijawë'p. 23Pënjäty ya'at aaw ayuujk tmatootë'p, winjawëtë yëkxon.»
24Mëët Jesús jyakwaany: «Winjawëtë yëkxon pëntij m'ijxtë'p mmatootë'p. Pëntsoj miits mmuku'uktëjjk xmo'otë xkijpxëtë, ninyajjts Yës Teety myëkwimpijjtxëtë't, jäts mmo'jëtë'p jä' jawäänë may. 25Pënpën tmatootë'p ëjts n'aaw n'ayuujk yyëkmo'otë'pts jä' winjaa'w'ajjt; pënpënts kamatootë'p yyëkpëjjkë'pts jä' pën nii'xyë'n tjawinjawëtë.»
Tëmt y'ijxpäjjt
26Ninyajj Jesús wyaany: «Najj'ämpy Yës Teety kyuttujjk, naa'xkë'n tu'uk kamtumpëjaa'y ku myoojk tni'ipy: 27Oy jä' xyunaxt tsyunaxt, mya'at kyama'at, ninajjts jä' tka'ijxt ntsoj jä' y'ijxë myoojk myüxy jäts yöny. 28Jä'ku naajx kë'm moojk tyëkyomp, tyëkkojjkë nits tyëktëëmë. 29Tëts ku moojk tyë'ëtsy, nits yyëkwänmujknë.»
Naanëxpajjk y'ijxpäjjt
(Mt 13.31-32; Lc 13.18-19)
30Mëët Jesús jatu'uk ijxpäjjt tmatyaajky: «¿Tu'ktii'n kye'exy Yës Teety kyuttujjk ok tits jä' yi'it ntamu'ijx'ëë'yë'm? 31Najj'ämpy jä' naa'xkë'n tu'uk naanëx pajjk mati' tëj yyëkwëjjy kamjötypy, oyë'mts jä' naanëxpajjk tsüü'kxynyäxy, 32mëjjts jä' yyeeky, napyä'äjnë'p paat joon tu'k'akëjjxkëjjx, kä' tij jatu'uk ujjts mati' në'n yyää'kp.»
Ntsoj Jesús tyëktüny ijxpäjjt mati' myatyäkypy
(Mt 13.34-35)
33Najjts y'ijjty Jesús tmatya'aky Yës Teety y'aaw y'ayuujk, jä'yë tmatya'aky ijxpäjjt, pën nii'xyë'n jaa'y twinjawëtë. 34Ijtp y'ijjty ijxpäjjt jä'yë tmatyaajkë jaa'y, oojknë'mts y'ijjty y'ixpëjkpëttëjjk tkajpxtëëjjë tu'uk jatu'uk ijxpäjjt mati'jäty tëj tmatya'aky.
Jesús tyëk'attëyë tsätsytyuuj tsätsypyojj
(Mt 8.23-27; Lc 8.22-25)
35Ku it tsyuu'ajjty jä' xëëw nits Jesús tnëëjmjaay y'ixpëjkpëttëjjk:
—Wä'n tnënajjxyë'n.
36Jäts jaa'y t'oknikkäkkëjjxnëtë jäm në'am nits kanëwjotm tsyoo'ntë, mëët wiijnkjaa'y pyanëjkxë aweky mäjtsk tuwëëk kanëwjotm. 37Jämts y'ijjty nyënaxtë, ku atsu'ujky myiiny tsätsytyuuj tsätsypyojj, nits kanëwjötypy nëëj tyëjjkë'y'axajjnë. 38Jäts Jesús tëj y'ijjty nyakyukkoy'ätyë myaatakkooy kanëw'ix'äjpy. Nits ojts tyëkniwijjtë, jäts tnëëjmjäätyë:
—¡Wintsën! ¿Ntsoj mwinmay wä'n ëëts tkinkexy?
39Nits Jesús tyenkyuk'ajjty jäts mëjk tmukkäjpxy jä' pojj nits tnëëjmjaay maaxynyëëj:
—¡Amontë! ¡Attëyëtë!
Jätyë jä' tuuj pojj y'attëy'ajjty, jäts tukkë'yë mo'oty tyankëjjxy. 40Nits Jesús tnëëjmjaay y'ixpëjkpëttëjjk:
—¿Tikëjx mtsë'ëkëtë? ¿Kä'änë'm miits yëkxon Yës Teety xtëyjyawëtë?
41Tsë'ëjkë'y'oo'këjxtë'p jä' y'ijjty y'ixpëjkpëttëjjk nits nyayä'änyëtë tu'uk janitu'uk:
—¿Pën jaa'y yë', ntsoj yë' y'ijxë pojj mëët maaxynyëëj myumatoyë?
Айни замон обунашуда:
Marcos 4: YTYA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Marcos 4
4
Kamtumpëjaa'y y'ijxpäjjt
(Mt 13.1-9; Lc 8.4-8)
1Nits jatu'kyaajjë Jesús yyëk'ixpëjk'axajjy Galilea't në'am. Kuts nimay jaa'y myujjky nits Jesús pyejjty tu'uk kanëw këjxm mati' jäm y'ijjty mejy'am, jäts nitukkë'yë jaa'y në'aajy tyantë. 2Jämts Jesús tsyëënë'y'ixtaajky kanëwjotm, nits ijxpäjjt këjxm y'ijjty jaa'y tyëk'ixpeky.
Jäts tmatyaajky ya'at ijxpäjjt: 3«Mmatowtë yëkxon: Tu'kyaajjë tu'uk kamtumpë nyijkxy kyamjötypy nip'pë. 4Kuts tyëmt twëjwa'kx'axajjy, jämts mati' naxkitaajk tuu'aajy, jä'äts joon pyat'të jäts tpiikëjxnëtë. 5Jämts mati' naxkitaajk tsajoojty, maj naajx may kya'ity, jätyë jä' myujjxy jä'ku kä' jä' këëjk nyaxpaajty. 6Kuts xëë'an myiiny jäts tyëtskëjxnë jä'ku kä' jä' y'ijjty këëjk y'aatstëkkë. 7Jawäänë nyaxkita'aky yo'tspëjotm; kuts jä' yo'tspë yyoony nits nyiyonxëjpkëjjxë, najjts jä' tëmt kyattëëm'ajjty. 8Jämts mati' naxkitaajk oynyaxkëjjxy, jä'äts yyoon jäts yëkxon tyëëm'ajjty; jäm tëmt mati' tëëm'ajjt ii'pxmajjk'am tu'ktëmt, jäm mati' tëëm'ajjt tuki'pxy'am, jämts mati' tëëm'ajjt tu'kmukkö'pxy'am.»
9Nits Jesús jyakwaany: «Pënpën ya'at aaw ayuujk tmatootë'p, winjawëtë yëkxon.»
Tikëjx Jesús myatya'aky ijxpäjjt këjxm
(Mt 13.10-17; Lc 8.9-10)
10Kuts jaa'y tsyoo'nkëjxnëtë nits tyantë jä'yë Jesús y'ixpëjkpëttëjjk mëët nimajkmäjtsk y'apóstoles. Jä'äts tyëktëëtë Jesús ntsoj jä' wyimpitsemy ijxpäjjt mati' y'ijjty tëj tmatya'aky. 11Jäts Jesús y'atsooy: «Tëj miits Yës Teety mtawinjaw'ätyëtë kyuttujjkë'n mati' yu'utsy ijtp; jäts pën ëjts xkappattuu'yo'ypy ijxpäjjt këjxm jä' jä'yë yyëktawinjawëtë. 12Oyë'm jä' yëkxon tja'ijxtë't tja'aa'xtuktë't kä' tij t'ijxpaat'të't, oyë'm yëkxon tjamato'otë't kä' jä' twinjawëtë't, nitnë'm ku tyakkoo'ny t'ijxkaptë't jäts mää'kxë'n Yës Teety t'amato'otë't.»
Jesús tkajpxtëy ntsoj wyimpitsemy kamtumpëjaa'y y'ijxpäjjt
(Mt 13.18-23; Lc 8.11-15)
13Nits Jesús tnëëjmjaay y'ixpëjkpëttëjjk: «¿Kä' xwinjawëtë ya'at ijxpäjjt? ¿Ntsots y'ijxë xwinjawëtë't tukkë'yë mati'jäty ëjts nkäjpxypy nmatyäkypy? 14Nits jyakwaany: Jä' kamtumpëjaa'y, jä' jä'ätë pën Yës Teety y'aaw y'ayuujk tka'amaytyë'p. 15Jäts tëmt mati' naxkitaajk tuu'aajy: Jä' jaa'y jä'ätë pën Yës Teety y'aaw y'ayuujk tmatoojjäätyë'p, nits jätyë mëjjku'ujy myiny jäts tyokjaa'tyakkoyëtë ayuujk mati' tëj tjamatowtë. 16Jämts jaa'y naa'xkë'n tëmt mati' naxkitaajk tsajoojty: Ku tmatowtë Yës Teety y'aaw y'ayuujk, oy jotkujjk jä' ttëyjyawëtë, 17kumkä'änë'mts yëkxon twinjawëtë; kuts nyiminyëtë atsijjpë'n atsuujxë'n ok ntsokattunk yyëk'ijxë yyëktuntë jakëjx ku Yës teety y'aaw y'ayuujk tpattujjnëtë, jätyë'ts jä' y'amutskëtë jäts kä' y'oktëyjyaa'w'eenyëtë. 18Jämts jaa'y naa'xkë'n tëmt mati' naxkitaajk yo'tspëjoojty: Ku Yës Teety y'aaw y'ayuujk tjamatowtë, 19nits tyunk tmaytyë ttajjtë jäts tijjäty ka'ijjtxëtë'p, najjts meeny tpanëjkxnëtë nits tsoktë tukkë'yë tmëëtëkyëxtë't yaj it naxwiiny, nits Yës Teety y'aaw y'ayuujk tjaa'tyakkoynyëtë, jakëjxts kä' jyüky'ajjt tyikkatstë. 20Jämts jaa'y naa'xkë'n tëmt mati' naxkitaajk oynyaxkëjjxy, jä' jä'ätë pën Yës Teety y'aaw y'ayuujk tmatoojjäätyë'p jäts tkuytyuntë tu'k'aaw tu'kjoojt, nits tu'ukyë Yës teety tmuttuntë, jä'äts tyunk winkä'x'të'p ii'pxmajjk'am, tuki'pxy'am jäts tu'kmukkö'pxy'am.»
Pujjxjëën y'ijxpäjjt
(Lc 8.16-18)
21Mëët Jesús jatu'uk ijxpäjjt tmatyaajky: «¿Ku tu'uk pujjxjëën xyëktoypyëktë mkukkoo'n'eetyë'mts jä' kajuun pa'tke'py ok maapäjjt pa'tke'py? ¿Kä'ämts jä' oo'ktëy këjxm xpëmtë jäts yëkxon kyuno'okt? 22Ninyajjmë, nittij yu'utsy kya'ijt'ity mati' junë kayëkpaatp, nittij mëët amää'tsk kya'ity mati' junë kayëknijawë'p. 23Pënjäty ya'at aaw ayuujk tmatootë'p, winjawëtë yëkxon.»
24Mëët Jesús jyakwaany: «Winjawëtë yëkxon pëntij m'ijxtë'p mmatootë'p. Pëntsoj miits mmuku'uktëjjk xmo'otë xkijpxëtë, ninyajjts Yës Teety myëkwimpijjtxëtë't, jäts mmo'jëtë'p jä' jawäänë may. 25Pënpën tmatootë'p ëjts n'aaw n'ayuujk yyëkmo'otë'pts jä' winjaa'w'ajjt; pënpënts kamatootë'p yyëkpëjjkë'pts jä' pën nii'xyë'n tjawinjawëtë.»
Tëmt y'ijxpäjjt
26Ninyajj Jesús wyaany: «Najj'ämpy Yës Teety kyuttujjk, naa'xkë'n tu'uk kamtumpëjaa'y ku myoojk tni'ipy: 27Oy jä' xyunaxt tsyunaxt, mya'at kyama'at, ninajjts jä' tka'ijxt ntsoj jä' y'ijxë myoojk myüxy jäts yöny. 28Jä'ku naajx kë'm moojk tyëkyomp, tyëkkojjkë nits tyëktëëmë. 29Tëts ku moojk tyë'ëtsy, nits yyëkwänmujknë.»
Naanëxpajjk y'ijxpäjjt
(Mt 13.31-32; Lc 13.18-19)
30Mëët Jesús jatu'uk ijxpäjjt tmatyaajky: «¿Tu'ktii'n kye'exy Yës Teety kyuttujjk ok tits jä' yi'it ntamu'ijx'ëë'yë'm? 31Najj'ämpy jä' naa'xkë'n tu'uk naanëx pajjk mati' tëj yyëkwëjjy kamjötypy, oyë'mts jä' naanëxpajjk tsüü'kxynyäxy, 32mëjjts jä' yyeeky, napyä'äjnë'p paat joon tu'k'akëjjxkëjjx, kä' tij jatu'uk ujjts mati' në'n yyää'kp.»
Ntsoj Jesús tyëktüny ijxpäjjt mati' myatyäkypy
(Mt 13.34-35)
33Najjts y'ijjty Jesús tmatya'aky Yës Teety y'aaw y'ayuujk, jä'yë tmatya'aky ijxpäjjt, pën nii'xyë'n jaa'y twinjawëtë. 34Ijtp y'ijjty ijxpäjjt jä'yë tmatyaajkë jaa'y, oojknë'mts y'ijjty y'ixpëjkpëttëjjk tkajpxtëëjjë tu'uk jatu'uk ijxpäjjt mati'jäty tëj tmatya'aky.
Jesús tyëk'attëyë tsätsytyuuj tsätsypyojj
(Mt 8.23-27; Lc 8.22-25)
35Ku it tsyuu'ajjty jä' xëëw nits Jesús tnëëjmjaay y'ixpëjkpëttëjjk:
—Wä'n tnënajjxyë'n.
36Jäts jaa'y t'oknikkäkkëjjxnëtë jäm në'am nits kanëwjotm tsyoo'ntë, mëët wiijnkjaa'y pyanëjkxë aweky mäjtsk tuwëëk kanëwjotm. 37Jämts y'ijjty nyënaxtë, ku atsu'ujky myiiny tsätsytyuuj tsätsypyojj, nits kanëwjötypy nëëj tyëjjkë'y'axajjnë. 38Jäts Jesús tëj y'ijjty nyakyukkoy'ätyë myaatakkooy kanëw'ix'äjpy. Nits ojts tyëkniwijjtë, jäts tnëëjmjäätyë:
—¡Wintsën! ¿Ntsoj mwinmay wä'n ëëts tkinkexy?
39Nits Jesús tyenkyuk'ajjty jäts mëjk tmukkäjpxy jä' pojj nits tnëëjmjaay maaxynyëëj:
—¡Amontë! ¡Attëyëtë!
Jätyë jä' tuuj pojj y'attëy'ajjty, jäts tukkë'yë mo'oty tyankëjjxy. 40Nits Jesús tnëëjmjaay y'ixpëjkpëttëjjk:
—¿Tikëjx mtsë'ëkëtë? ¿Kä'änë'm miits yëkxon Yës Teety xtëyjyawëtë?
41Tsë'ëjkë'y'oo'këjxtë'p jä' y'ijjty y'ixpëjkpëttëjjk nits nyayä'änyëtë tu'uk janitu'uk:
—¿Pën jaa'y yë', ntsoj yë' y'ijxë pojj mëët maaxynyëëj myumatoyë?
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.