Marcos 3
3
Jesús tyëktso'oky tu'uk pa'amjaa'y poo'kxë'nxëëw it
(Mt 12.9-14; Lc 6.6-11)
1Nits jatu'kyaajjë Jesús tyëjjk'ëëy maj jäjp jaa'y ka'amaa'yë'n ttayo'ymyuktë; jäjpts tpaajty tu'uk yaa'ytyëjjk mati' y'ijjty tu'm'aajny tëj kyë' xyujxnë. 2Jäts fariseostëjjk jä'jä' y'ijjty y'ijxtë'p y'aa'xtujktë'p pën yëktsökypy Jesús jä' pa'amjaa'y poo'kxë'nxëëw it, najjts ayuujk tpaat'të't ntsoj tniwampät'të't. 3Nits Jesús tnëëjmjaay jä' pa'amjaa'y:
—Tenkyukkë, jäts tänë yaj itkujjky.
4Jäts Jesús wyaany nitukkë'yë jaa'y wyinkujjky:
—¿Tij xpaajt'ajjtyë'm ntuu'në'm poo'kxë'nxëëw it? ¿Mati' oy ok mati' ka'oy? ¿Nyëknitsoojkë'm tu'uk jüky'ajjt ok nyëkkutakkoo'yë'm?
Jäts nitukkë'yë jaa'y jä'yë amöny'aayë tyankëjxtë. 5Nits ampëjkp Jesús twin'ijxy tu'uk jatu'uk jaa'y mati' jäjp ijt'të, jäts mëët yëk'ayoopë nyajyaa'w'ajjtë ku jä' jaa'y tuta'aky'ajjt tkamëëtëtë y'am jyotm jäts myuku'uk tpa'ayo'otë't. Nits tnëëjmjaay jä' yaa'ytyëjjk mati' y'ijjty tëj kyë' xyujxnë:
—Xajjttëw.
Nits jä' yaa'ytyëjjk xyajtëëy, jäts jätyë kyë' y'oy'ajjty.
6Jäts jä' fariseostëjjk ku jäjp pyitsëmtë, jätyë tmëëtyo'ymyujktë pënjäty y'ijjty Herodes tputtëjjk'eetyë'p, nits tkajpx'oyë'y'axajjtë ntsoj y'ijxë Jesús tyëk'ooktë't.
Maynyäxy Jesús jaa'y tyayo'ymyükyë
7Nits Jesús tmëët'ëëy y'ixpëjkpëttëjjk Galilea mëjjnë'am. Mëët nimay jaa'y yyo'ymyujktë ku tnijaa'w'eetyë tukkë'yë tij y'ijjty Jesús tyümpy. 8Jäm y'ijjty Galilea'tjaa'y, Judea, Jerusalén, Idumea, jäts jaa'y mati' tsoo'ntë'p Jordánkë't në'awinm, mëët mati' tsoo'ntë'p Tiro jäts Sidón y'itjotm. 9Nits Jesús tnëëjmjaay y'ixpëjkpëttëjjk jäts tyëkni'oyëtë't tu'uk kanëw, nits jäm pyätt jäts katij jaa'y nyajtstijjë'y'ookyë. 10Jä'ku tëj y'ijjty nimay jaa'y tyëktso'oky, jakëjxts nitukkë'yë pa'amjaa'y y'ijjty ttsoktë ttaxajjpät'të't Jesús.
11Nits jaa'y pën y'ijjty mëjjku'ujy tyumpë tajtsënaajyë'p, ku t'ijxpat'të Jesús jäts y'ijjty nyakyujxtänëtya'akyëtë nits mëjk kyajpxkä'äktë:
—¡Mijts Yës Teety m'uu'nk'ajjtë'p!
12Jäts Jesús jätyë jä' y'ijjty tyëk'amöny mëjjku'ujy tyumpë, nits katij jaa'y ttoknijawëtë ku Yës Teety y'uu'nk'ätyë.
Jesús twinway nimajkmäjtsk apóstoles
(Mt 10.1-4; Lc 6.12-16)
13Tu'kyaajjë ku Jesús nyijkxy kojpk këjxm, jäts tpawaay pyattuu'yo'ypyëttëjjk pënjäty tsyojjk. 14Kuts jäm yyo'ymyujkëjxtë nits twin'ijxy twinwaay nimajkmäjtsk jäts myuttuu'attë't nits mëët Yës Teety y'aaw y'ayuujk tmatya'aktë't. Jä'äts kyuxëëw'ajjt apóstoles. 15Nits tmooy mëjk'ajjt jäts mëjjku'ujy myumatowëtë't. 16Ya'at nimajkmäjtsk jaa'y yyëkwinwaatë: Simón pën kyuxëëw'ëëy Pedro; 17Santiago mëët y'ütsy Juan, Zebedeo myajjnktëjjk jä'äts kyuxëëw'ëëy, «Anääw y'uu'nktëjjk» (Boanerges); 18Andrés, Felipe, Bartolomé, Mateo, Tomás, Santiago Alfeo myajjnk; Tadeo, Simón canankë'tjaa'y, 19jäts mëët Judas Iscariote, pën Jesús tkë'yajjk.
Jesús yyëkmëjjku'ujymyuya'axy
(Mt 12.22-32; Lc 11.14-23; 12.10)
20Nits Jesús tyëjjk'ëëy tu'uk tijkypy, jäjpts jatu'kyaajjë jaa'y nimaynyäxy myujkpejjty, najjts y'ijjty kyanippaatë junë kya'ytyë't Jesús mëët y'ixpëjkpëttëjjk. 21Kuts Jesús pyamuku'uktëjjk tnijaa'w'eetyë jäts tëj wyimpity, nits t'anëjkx'eetyë jäts t'ajtswaanë'të't, jä'ku nëm y'ijjty wyinmaytyë nits kä' Jesús y'okwijy'eenyë.
22Ninyaj y'ijjty mëët wya'antë pawaa'n yëk'ixpëjkpëttëjjk mati' mintë'p Jerusalén: «Mëjjku'ujy nyiwintsën yë' mmoojyë'p mëjk'ajjt jäts mëjjku'ujy tyumpë myumatowë't.»
23Nits Jesús tyaajxjaay jaa'y jäts tnëëjmjaay: «¿Ntsoj y'ijxë mëjjku'ujy kë'm nyapyawa'anë't nits jaa'y tniwa'atst? 24Ku tu'uk mëjjkajjp tum'akkë'm nyatsyiptunëtë't, nakkyutakkoyëtë'p jä'; 25jäts maj tu'kjëën tu'ktëjjk jaa'y nyatsyiptünyëtë tum'akkë'm, nawya'kxkëxëtë'pts jä'. 26Jäts ninyajj, ku mëjjku'ujy nyatsyiptunë't kë'm, nakkyutakkoyëtë'p jä', tëj wyä'në kë'm najj nyakkyutakkoyë.
27»Ku pën myäätswä'äny kumajaaw jaa'y tyijkypy; nit ku tkuwëënt jawyiin jä' kuttëjjk, nits myata'akt tmäätst pëntijjäty jäjp tijkypy.
28»Ixyam ëjts nnikkäjpxy jäts myää'kxtukp Yës Teety tukkë'yë jaa'y pyöky, ok pëntsoj tu'kyaajjë jatu'kyaajjë kyajpxtakkoytyë: 29Pënpënts tka'oytyijjp Yës Teety Jyaa'wë'n, nittij mää'kx kya'itt, xëmëkkunäxy jä' pyöky tsëm'it'të't.»
30Jakëjxts Jesús najj wyaany ku jä' jaa'y y'ijjty wya'antë nits mëjjku'ujy myëët y'am jyotm.
Pën Jesús myuku'ukjaa'w'eepy
(Mt 12.46-50; Lc 8.19-21)
31Nits mëët jya'atë Jesús y'ütsytyëjjk mëët tyaak, jäts tëjkwimpy tyantë, jä'yë Jesús tkexynyikkäjjx'eetyë. 32Jäts jaa'y mati' jäjp y'ijjty tëj Jesús tnitsëënëwyittit'të jä'äts tnëëjmjäätyë Jesús:
—Jäjp tëjkwimpy mtaak mëët m'ütsytyëjjk m'ijxta'ayë.
33Nits Jesús y'atsooy:
—¿Pën ëjts ntaak'eepy jäts n'ütsy'eepy?
34Nits twin'ijxy tu'uk jatu'uk pënjäty jäjp y'ijjty tsënäätyë'p niwittity, jäts jyakwan'atëëjtsy:
—Miits ëjts ntaak'eepy, nmuku'uk'eepy. 35—Pënjäty Yës Teety tmumatootë'p jäts tpattuu'yo'oytyë, jä' ëjts ntaak'eepy, n'ütsy'eepy, n'ajjtsy'eepy jäts ntsë'eepy.
Айни замон обунашуда:
Marcos 3: YTYA
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.
Marcos 3
3
Jesús tyëktso'oky tu'uk pa'amjaa'y poo'kxë'nxëëw it
(Mt 12.9-14; Lc 6.6-11)
1Nits jatu'kyaajjë Jesús tyëjjk'ëëy maj jäjp jaa'y ka'amaa'yë'n ttayo'ymyuktë; jäjpts tpaajty tu'uk yaa'ytyëjjk mati' y'ijjty tu'm'aajny tëj kyë' xyujxnë. 2Jäts fariseostëjjk jä'jä' y'ijjty y'ijxtë'p y'aa'xtujktë'p pën yëktsökypy Jesús jä' pa'amjaa'y poo'kxë'nxëëw it, najjts ayuujk tpaat'të't ntsoj tniwampät'të't. 3Nits Jesús tnëëjmjaay jä' pa'amjaa'y:
—Tenkyukkë, jäts tänë yaj itkujjky.
4Jäts Jesús wyaany nitukkë'yë jaa'y wyinkujjky:
—¿Tij xpaajt'ajjtyë'm ntuu'në'm poo'kxë'nxëëw it? ¿Mati' oy ok mati' ka'oy? ¿Nyëknitsoojkë'm tu'uk jüky'ajjt ok nyëkkutakkoo'yë'm?
Jäts nitukkë'yë jaa'y jä'yë amöny'aayë tyankëjxtë. 5Nits ampëjkp Jesús twin'ijxy tu'uk jatu'uk jaa'y mati' jäjp ijt'të, jäts mëët yëk'ayoopë nyajyaa'w'ajjtë ku jä' jaa'y tuta'aky'ajjt tkamëëtëtë y'am jyotm jäts myuku'uk tpa'ayo'otë't. Nits tnëëjmjaay jä' yaa'ytyëjjk mati' y'ijjty tëj kyë' xyujxnë:
—Xajjttëw.
Nits jä' yaa'ytyëjjk xyajtëëy, jäts jätyë kyë' y'oy'ajjty.
6Jäts jä' fariseostëjjk ku jäjp pyitsëmtë, jätyë tmëëtyo'ymyujktë pënjäty y'ijjty Herodes tputtëjjk'eetyë'p, nits tkajpx'oyë'y'axajjtë ntsoj y'ijxë Jesús tyëk'ooktë't.
Maynyäxy Jesús jaa'y tyayo'ymyükyë
7Nits Jesús tmëët'ëëy y'ixpëjkpëttëjjk Galilea mëjjnë'am. Mëët nimay jaa'y yyo'ymyujktë ku tnijaa'w'eetyë tukkë'yë tij y'ijjty Jesús tyümpy. 8Jäm y'ijjty Galilea'tjaa'y, Judea, Jerusalén, Idumea, jäts jaa'y mati' tsoo'ntë'p Jordánkë't në'awinm, mëët mati' tsoo'ntë'p Tiro jäts Sidón y'itjotm. 9Nits Jesús tnëëjmjaay y'ixpëjkpëttëjjk jäts tyëkni'oyëtë't tu'uk kanëw, nits jäm pyätt jäts katij jaa'y nyajtstijjë'y'ookyë. 10Jä'ku tëj y'ijjty nimay jaa'y tyëktso'oky, jakëjxts nitukkë'yë pa'amjaa'y y'ijjty ttsoktë ttaxajjpät'të't Jesús.
11Nits jaa'y pën y'ijjty mëjjku'ujy tyumpë tajtsënaajyë'p, ku t'ijxpat'të Jesús jäts y'ijjty nyakyujxtänëtya'akyëtë nits mëjk kyajpxkä'äktë:
—¡Mijts Yës Teety m'uu'nk'ajjtë'p!
12Jäts Jesús jätyë jä' y'ijjty tyëk'amöny mëjjku'ujy tyumpë, nits katij jaa'y ttoknijawëtë ku Yës Teety y'uu'nk'ätyë.
Jesús twinway nimajkmäjtsk apóstoles
(Mt 10.1-4; Lc 6.12-16)
13Tu'kyaajjë ku Jesús nyijkxy kojpk këjxm, jäts tpawaay pyattuu'yo'ypyëttëjjk pënjäty tsyojjk. 14Kuts jäm yyo'ymyujkëjxtë nits twin'ijxy twinwaay nimajkmäjtsk jäts myuttuu'attë't nits mëët Yës Teety y'aaw y'ayuujk tmatya'aktë't. Jä'äts kyuxëëw'ajjt apóstoles. 15Nits tmooy mëjk'ajjt jäts mëjjku'ujy myumatowëtë't. 16Ya'at nimajkmäjtsk jaa'y yyëkwinwaatë: Simón pën kyuxëëw'ëëy Pedro; 17Santiago mëët y'ütsy Juan, Zebedeo myajjnktëjjk jä'äts kyuxëëw'ëëy, «Anääw y'uu'nktëjjk» (Boanerges); 18Andrés, Felipe, Bartolomé, Mateo, Tomás, Santiago Alfeo myajjnk; Tadeo, Simón canankë'tjaa'y, 19jäts mëët Judas Iscariote, pën Jesús tkë'yajjk.
Jesús yyëkmëjjku'ujymyuya'axy
(Mt 12.22-32; Lc 11.14-23; 12.10)
20Nits Jesús tyëjjk'ëëy tu'uk tijkypy, jäjpts jatu'kyaajjë jaa'y nimaynyäxy myujkpejjty, najjts y'ijjty kyanippaatë junë kya'ytyë't Jesús mëët y'ixpëjkpëttëjjk. 21Kuts Jesús pyamuku'uktëjjk tnijaa'w'eetyë jäts tëj wyimpity, nits t'anëjkx'eetyë jäts t'ajtswaanë'të't, jä'ku nëm y'ijjty wyinmaytyë nits kä' Jesús y'okwijy'eenyë.
22Ninyaj y'ijjty mëët wya'antë pawaa'n yëk'ixpëjkpëttëjjk mati' mintë'p Jerusalén: «Mëjjku'ujy nyiwintsën yë' mmoojyë'p mëjk'ajjt jäts mëjjku'ujy tyumpë myumatowë't.»
23Nits Jesús tyaajxjaay jaa'y jäts tnëëjmjaay: «¿Ntsoj y'ijxë mëjjku'ujy kë'm nyapyawa'anë't nits jaa'y tniwa'atst? 24Ku tu'uk mëjjkajjp tum'akkë'm nyatsyiptunëtë't, nakkyutakkoyëtë'p jä'; 25jäts maj tu'kjëën tu'ktëjjk jaa'y nyatsyiptünyëtë tum'akkë'm, nawya'kxkëxëtë'pts jä'. 26Jäts ninyajj, ku mëjjku'ujy nyatsyiptunë't kë'm, nakkyutakkoyëtë'p jä', tëj wyä'në kë'm najj nyakkyutakkoyë.
27»Ku pën myäätswä'äny kumajaaw jaa'y tyijkypy; nit ku tkuwëënt jawyiin jä' kuttëjjk, nits myata'akt tmäätst pëntijjäty jäjp tijkypy.
28»Ixyam ëjts nnikkäjpxy jäts myää'kxtukp Yës Teety tukkë'yë jaa'y pyöky, ok pëntsoj tu'kyaajjë jatu'kyaajjë kyajpxtakkoytyë: 29Pënpënts tka'oytyijjp Yës Teety Jyaa'wë'n, nittij mää'kx kya'itt, xëmëkkunäxy jä' pyöky tsëm'it'të't.»
30Jakëjxts Jesús najj wyaany ku jä' jaa'y y'ijjty wya'antë nits mëjjku'ujy myëët y'am jyotm.
Pën Jesús myuku'ukjaa'w'eepy
(Mt 12.46-50; Lc 8.19-21)
31Nits mëët jya'atë Jesús y'ütsytyëjjk mëët tyaak, jäts tëjkwimpy tyantë, jä'yë Jesús tkexynyikkäjjx'eetyë. 32Jäts jaa'y mati' jäjp y'ijjty tëj Jesús tnitsëënëwyittit'të jä'äts tnëëjmjäätyë Jesús:
—Jäjp tëjkwimpy mtaak mëët m'ütsytyëjjk m'ijxta'ayë.
33Nits Jesús y'atsooy:
—¿Pën ëjts ntaak'eepy jäts n'ütsy'eepy?
34Nits twin'ijxy tu'uk jatu'uk pënjäty jäjp y'ijjty tsënäätyë'p niwittity, jäts jyakwan'atëëjtsy:
—Miits ëjts ntaak'eepy, nmuku'uk'eepy. 35—Pënjäty Yës Teety tmumatootë'p jäts tpattuu'yo'oytyë, jä' ëjts ntaak'eepy, n'ütsy'eepy, n'ajjtsy'eepy jäts ntsë'eepy.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Porciones en Mixe de Yalalag, Oaxaca, México © Sociedad Bíblica de México, A.C.