Malakai 2
2
Etịmme Edʌt Mme Aku Abasi Utọñ
1“Idahami ndin, ndufo mme aku Abasi, ndʌdutọñ ami inie ndufo. 2Adieke ndufo imiikpañña utọñ, ñko adieke ndufo imiibiereke adikpono anyịñ mmi,” Abọọñ Andikponñkan atañ, “ami ñyaadọñ isuuñọ inọ ndufo, ami ñyaanyʌñ nsuuñọ mme adidiọñ ndufo. Ii, ami mmesosuuñọ ammọ, sia ndufo imiibiereke adiñkpono miin.
3“Ke ntak ndufo ami ñyaasua nnọ ubon ndufo, ami ñyaikpenne ndufo uduañ a-atooho mme unam uwa usọrọ ndufo ke iso, ndin eyaiben ndufo esio ye anye. 4Ndufo eyaenyʌñ ediọọñọ ke ami ñkedọñ mme idiọọñọ ami inọọ ndufo nọ ato do edioomo mmi ye Lifai aka iso,” Abọọñ Andikponñkan atañ. 5“Edioomo mmi akedo ye anye, edioomo uwem ye emem, ami mmaanyʌñ nnọ anye uwem ye emem; akena anye añkpono miin, ndin anye amaanyʌñ añkpono miin anyʌñ ateeñe anyịñ mmi. 6Item akpanikọ amaaba ke inua amọ ndin awo ikikịtte nsu ndomokeed ke ñkpọkinua amọ. Anye amaasaña ye ami ke emem ye adinen ido, anyʌñ awọññọ uwak awo akpọñ uwem idiọọkñkpọ.
7“Aku Abasi akpena anie ifiọk, sia anye ado isʌñutom Abọọñ Andikponñkan, ndin mme awo eyem item uwem eto inua amọ. 8Ado afo amewọññọ akpọñ usʌñ ndin ato ke ukpeebñkpọ mfo amenam uwak awo eduọ; afo amebiat edioomo ye Lifai,” Abọọñ Andikponñkan atañ. 9“Ke ntoro ami mmenam nọ afo ado ñkpọ ndọk ye asuenne ke iso mbon awo, sia afo ukeeneke mme usʌñ mmi ado anam ñkpọ anyen awo ke mme ñkpọ e-ebañake mbed.”
Udiañña Ndọ ado Ubiat Edioomo
10Nte afịd ñnyịn inieghe Ete keed? Nte idooho Abasi keed akibot ñnyịn? Nsoo inam nọ ñnyịn isappa edioomo mme eteete ñnyịn ke aditre adinam akpanikọ nnọọ emọ-emọ?
11Yuda a-atre adinam akpanikọ. E-enam ataa mbubiam ñkpọ ke Isrel ye ke Yeruselem: Yuda asappa adisana itie A-Abọọñ amaaha ke adidọ ibaan e-ekponoke asen abasi. 12Amaado awodeen se inam ñkpọ ami, akee awo anye akpedodo, yak Abọọñ asio anye afep ke mme atayad Yekọb, akpesʌkado a-anye abenne enọ asọk Abọọñ Andikponñkan.
13Ñkpọ mfen se afo anam: Afo ameyọhọ akpokoro uwa Abọọñ ye mmọọñayịd. Afo ametua anyʌñ afoho sia anye iseeghe mme enọ mfo aba ye mfọn, inyʌññọ ima adibọ ammọ ke idadesịd nto ubọk mfo. 14Afo amebịp abo, “Ntaha?” Ntak ado ke Abọọñ ado ntiense ke ufọọd mfo ye anwaan uyịn mfo. Afo unamma akpanikọ ye anye, akpesʌkado a-anye adooho nsaña mfo, anwaan ndọ edioomo mfo.
15Nte idooho Abasi keed akibot ndufo? Abasi inie ndufo ke abʌkidem ye ke sịbidịd. Ndin nsoo ke Abasi keed ami ayem? Enọ asañake ye mbaak Abasi. Ke ntoro kpeme idem, kuunyʌñ utre adinam akpanikọ nnọọ anwaan uyịn mfo.
16“Awo se isua inyʌñ isio anwaan amọ ke ndọ,” Abọọñ, Abasi Isrel atañ, “a-anam afai ye anye a-anye akpekpemeke,” Abọọñ Andikponñkan atañ.
Ke ntoro kpeme idem, kuunyʌñ utre adinam akpanikọ nnọọ anwaan uyịn mfo.
Ubiat Edioomo ke Ukwañ Ikpe
17Ndufo emenam esịd abʌññọ Abọọñ ke ntak mme ikọ ndufo.
Ndufo emebịp “Die ke ñnyịn inam esịd abʌññọ anye?”
Ke adibo, “Afịd mbon se inam ndiọiñkpọ e-efọọn ke anyen Abọọñ, anye ñko a-anem esịd ye ammọ” me ke adibo “Mmọ anye Abasi a-adooho akpe unen?”
Айни замон обунашуда:
Malakai 2: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Malakai 2
2
Etịmme Edʌt Mme Aku Abasi Utọñ
1“Idahami ndin, ndufo mme aku Abasi, ndʌdutọñ ami inie ndufo. 2Adieke ndufo imiikpañña utọñ, ñko adieke ndufo imiibiereke adikpono anyịñ mmi,” Abọọñ Andikponñkan atañ, “ami ñyaadọñ isuuñọ inọ ndufo, ami ñyaanyʌñ nsuuñọ mme adidiọñ ndufo. Ii, ami mmesosuuñọ ammọ, sia ndufo imiibiereke adiñkpono miin.
3“Ke ntak ndufo ami ñyaasua nnọ ubon ndufo, ami ñyaikpenne ndufo uduañ a-atooho mme unam uwa usọrọ ndufo ke iso, ndin eyaiben ndufo esio ye anye. 4Ndufo eyaenyʌñ ediọọñọ ke ami ñkedọñ mme idiọọñọ ami inọọ ndufo nọ ato do edioomo mmi ye Lifai aka iso,” Abọọñ Andikponñkan atañ. 5“Edioomo mmi akedo ye anye, edioomo uwem ye emem, ami mmaanyʌñ nnọ anye uwem ye emem; akena anye añkpono miin, ndin anye amaanyʌñ añkpono miin anyʌñ ateeñe anyịñ mmi. 6Item akpanikọ amaaba ke inua amọ ndin awo ikikịtte nsu ndomokeed ke ñkpọkinua amọ. Anye amaasaña ye ami ke emem ye adinen ido, anyʌñ awọññọ uwak awo akpọñ uwem idiọọkñkpọ.
7“Aku Abasi akpena anie ifiọk, sia anye ado isʌñutom Abọọñ Andikponñkan, ndin mme awo eyem item uwem eto inua amọ. 8Ado afo amewọññọ akpọñ usʌñ ndin ato ke ukpeebñkpọ mfo amenam uwak awo eduọ; afo amebiat edioomo ye Lifai,” Abọọñ Andikponñkan atañ. 9“Ke ntoro ami mmenam nọ afo ado ñkpọ ndọk ye asuenne ke iso mbon awo, sia afo ukeeneke mme usʌñ mmi ado anam ñkpọ anyen awo ke mme ñkpọ e-ebañake mbed.”
Udiañña Ndọ ado Ubiat Edioomo
10Nte afịd ñnyịn inieghe Ete keed? Nte idooho Abasi keed akibot ñnyịn? Nsoo inam nọ ñnyịn isappa edioomo mme eteete ñnyịn ke aditre adinam akpanikọ nnọọ emọ-emọ?
11Yuda a-atre adinam akpanikọ. E-enam ataa mbubiam ñkpọ ke Isrel ye ke Yeruselem: Yuda asappa adisana itie A-Abọọñ amaaha ke adidọ ibaan e-ekponoke asen abasi. 12Amaado awodeen se inam ñkpọ ami, akee awo anye akpedodo, yak Abọọñ asio anye afep ke mme atayad Yekọb, akpesʌkado a-anye abenne enọ asọk Abọọñ Andikponñkan.
13Ñkpọ mfen se afo anam: Afo ameyọhọ akpokoro uwa Abọọñ ye mmọọñayịd. Afo ametua anyʌñ afoho sia anye iseeghe mme enọ mfo aba ye mfọn, inyʌññọ ima adibọ ammọ ke idadesịd nto ubọk mfo. 14Afo amebịp abo, “Ntaha?” Ntak ado ke Abọọñ ado ntiense ke ufọọd mfo ye anwaan uyịn mfo. Afo unamma akpanikọ ye anye, akpesʌkado a-anye adooho nsaña mfo, anwaan ndọ edioomo mfo.
15Nte idooho Abasi keed akibot ndufo? Abasi inie ndufo ke abʌkidem ye ke sịbidịd. Ndin nsoo ke Abasi keed ami ayem? Enọ asañake ye mbaak Abasi. Ke ntoro kpeme idem, kuunyʌñ utre adinam akpanikọ nnọọ anwaan uyịn mfo.
16“Awo se isua inyʌñ isio anwaan amọ ke ndọ,” Abọọñ, Abasi Isrel atañ, “a-anam afai ye anye a-anye akpekpemeke,” Abọọñ Andikponñkan atañ.
Ke ntoro kpeme idem, kuunyʌñ utre adinam akpanikọ nnọọ anwaan uyịn mfo.
Ubiat Edioomo ke Ukwañ Ikpe
17Ndufo emenam esịd abʌññọ Abọọñ ke ntak mme ikọ ndufo.
Ndufo emebịp “Die ke ñnyịn inam esịd abʌññọ anye?”
Ke adibo, “Afịd mbon se inam ndiọiñkpọ e-efọọn ke anyen Abọọñ, anye ñko a-anem esịd ye ammọ” me ke adibo “Mmọ anye Abasi a-adooho akpe unen?”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.