Malakai 1
1
1Prọfesi a-atooho Abọọñ e-enọọhọ esọk Isrel a-aboiyoke ke inua Malakai.#1:1 Malakai awuọñọ isʌñutom mmi.
Isrel Ayịk Ima Abasi
2“Ami mmima ndufo,” Abọọñ atañ.
“Ado ndufo e-ebịp, ‘Afo ima ñnyịn die?’
“Nte Isọ ikidooho ayịneka Yekọb?” Abọọñ atañ. “Ado ami mmema Yekọb, 3ado mmesua Isọ, ami mmenyʌñ ñkappa abio anyọñ abod amọ nnam anye aforo mbiara isọñ, ñnyʌñ nsaana udeeme amọ nnọ mme ewaikọd ake akpautatan.”
4Edọm akeme adibo, “Akpesʌkado emaikan ñnyịn, ñnyịn iyaimaana ibọp ñwuudo abio ñnyịn.”
Ado se Abọọñ Andikponñkan atañ ado ami: “Ammọ ekeme adibọp, ado ami ñyaawuut. Eyaekoot ammọ Isọñ Ibak, mbon e-ebaaha ke idak iyadesịd Abọọñ afịd ini. 5Afo ayaakịt anye ke anyen mfo anyʌñ abo, ‘Abọọñ ado akpọsọñ ke Isrel ye ke mme idʌñ e-ewuọhọ ekpọñ mme adaña amọ!’
Ubiat Edioomo ke Mme Anieñe Ndo Uwa
6“Ayịn awodeen akpono ete amọ, afʌn ñko akpono eteufọk amọ. Adieke ami ndooho ete, mmọ ukpono a-adotto ye ami? Adieke ami ndooho eteufọk, mmọ ukpono a-adotto ye ami?” Abọọñ Andikponñkan atañ.
“Ado ndufo mme aku i-inọọhọ anyịñ mmi ukpono.
“Ado ndufo ebịp, ‘Ñnyịn inam die imiinọọhọ anyịñ mfo ukpono?’
7“Ke adinọ ndidia se emaesappa ke akpokoro uwa mmi.
“Ado ndufo ebịp, ‘Ñnyịn inam die usappa fiin?’
“Ke adibo ke akpokoro Abọọñ idotto ukpono. 8Ke ini ndufo enọọhọ mme unam e-edooho nnan nte ñkpọ uwa, nte ado idiọọhọ? Ke ini ndufo ekamake unam se ido mbʌñọ me unam se inie udọñọ enam uwa, nte ado idiọọhọ? Idomo adikama ammọ nnọọ adaukara ndufo! Nte anye ayaanem esịd ye ndufo? Nte anye ayaibọ ndufo?” Abọọñ Andikponñkan atañ.
9“Idahami kpe Abasi ubọk nọ anye anie mbọm ibaña ñnyịn. Ye utọ mme enọ ado ke ubọk ndufo, nte anye ayaibọ ndufo?” Abọọñ Andikponñkan atañ.
10“Sai, die ke keed ke atu ndufo akpebet mme udọk tembịd, mbaak ndufo ididomo mme ikpu-ikpu ikañ ke akpokoro uwa mmi! Ami nnemme esịd ye ndufo,” Abọọñ Andikponñkan atañ, “ami ñko ndiibọọhọ enọ ndomokeed nto ubọk ndufo. 11Anyịñ mmi ayaakpon ke atu mme idịd, tọọñọ ke itie nte utịn asakka tutu asịm itie nte utịn asop. Ke afịd itie eyaeben insensi ye nti ndisana enọ ensọk miin, sia anyịñ mmi ayaakpon ke atu mme idịd,” Abọọñ Andikponñkan atañ.
12“Ado ndufo emesịn anyịñ mmi ke ndek ke adibo, ‘Emesappa akpokoro Abọọñ,’ ñko, ‘Ndidia amọ ado mbubiam.’ 13Ndin ndufo ete, ‘Nsoo utọ mbiomo!’ ndufo enyʌñ enuuno anye emiom-emiom,” Abọọñ Andikponñkan atañ.
“Ndufo emaeben mme unam se inie unọmọ, unam se ido mbʌñọ ye unam se inie udọñọ enọ nte mme ñkpọ uwa, nte a-ado se ami ñkpebọọ ammọ nto ubọk ndufo?” Abọọñ atañ. 14“Adọdiọọk anọ awo utʌk a-anieghe ayaara unam ke atu mme ufene amọ anyʌñ anwọñọ adinọ anye, ado akema anye akama unam a-anieghe ndo anam uwa anọ Abọọñ. Sia ami ndo ekamba adidem,” Abọọñ Andikponñkan atañ, “ndin ana ebaak anyịñ mmi ke atu mme idịd.
Айни замон обунашуда:
Malakai 1: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Malakai 1
1
1Prọfesi a-atooho Abọọñ e-enọọhọ esọk Isrel a-aboiyoke ke inua Malakai.#1:1 Malakai awuọñọ isʌñutom mmi.
Isrel Ayịk Ima Abasi
2“Ami mmima ndufo,” Abọọñ atañ.
“Ado ndufo e-ebịp, ‘Afo ima ñnyịn die?’
“Nte Isọ ikidooho ayịneka Yekọb?” Abọọñ atañ. “Ado ami mmema Yekọb, 3ado mmesua Isọ, ami mmenyʌñ ñkappa abio anyọñ abod amọ nnam anye aforo mbiara isọñ, ñnyʌñ nsaana udeeme amọ nnọ mme ewaikọd ake akpautatan.”
4Edọm akeme adibo, “Akpesʌkado emaikan ñnyịn, ñnyịn iyaimaana ibọp ñwuudo abio ñnyịn.”
Ado se Abọọñ Andikponñkan atañ ado ami: “Ammọ ekeme adibọp, ado ami ñyaawuut. Eyaekoot ammọ Isọñ Ibak, mbon e-ebaaha ke idak iyadesịd Abọọñ afịd ini. 5Afo ayaakịt anye ke anyen mfo anyʌñ abo, ‘Abọọñ ado akpọsọñ ke Isrel ye ke mme idʌñ e-ewuọhọ ekpọñ mme adaña amọ!’
Ubiat Edioomo ke Mme Anieñe Ndo Uwa
6“Ayịn awodeen akpono ete amọ, afʌn ñko akpono eteufọk amọ. Adieke ami ndooho ete, mmọ ukpono a-adotto ye ami? Adieke ami ndooho eteufọk, mmọ ukpono a-adotto ye ami?” Abọọñ Andikponñkan atañ.
“Ado ndufo mme aku i-inọọhọ anyịñ mmi ukpono.
“Ado ndufo ebịp, ‘Ñnyịn inam die imiinọọhọ anyịñ mfo ukpono?’
7“Ke adinọ ndidia se emaesappa ke akpokoro uwa mmi.
“Ado ndufo ebịp, ‘Ñnyịn inam die usappa fiin?’
“Ke adibo ke akpokoro Abọọñ idotto ukpono. 8Ke ini ndufo enọọhọ mme unam e-edooho nnan nte ñkpọ uwa, nte ado idiọọhọ? Ke ini ndufo ekamake unam se ido mbʌñọ me unam se inie udọñọ enam uwa, nte ado idiọọhọ? Idomo adikama ammọ nnọọ adaukara ndufo! Nte anye ayaanem esịd ye ndufo? Nte anye ayaibọ ndufo?” Abọọñ Andikponñkan atañ.
9“Idahami kpe Abasi ubọk nọ anye anie mbọm ibaña ñnyịn. Ye utọ mme enọ ado ke ubọk ndufo, nte anye ayaibọ ndufo?” Abọọñ Andikponñkan atañ.
10“Sai, die ke keed ke atu ndufo akpebet mme udọk tembịd, mbaak ndufo ididomo mme ikpu-ikpu ikañ ke akpokoro uwa mmi! Ami nnemme esịd ye ndufo,” Abọọñ Andikponñkan atañ, “ami ñko ndiibọọhọ enọ ndomokeed nto ubọk ndufo. 11Anyịñ mmi ayaakpon ke atu mme idịd, tọọñọ ke itie nte utịn asakka tutu asịm itie nte utịn asop. Ke afịd itie eyaeben insensi ye nti ndisana enọ ensọk miin, sia anyịñ mmi ayaakpon ke atu mme idịd,” Abọọñ Andikponñkan atañ.
12“Ado ndufo emesịn anyịñ mmi ke ndek ke adibo, ‘Emesappa akpokoro Abọọñ,’ ñko, ‘Ndidia amọ ado mbubiam.’ 13Ndin ndufo ete, ‘Nsoo utọ mbiomo!’ ndufo enyʌñ enuuno anye emiom-emiom,” Abọọñ Andikponñkan atañ.
“Ndufo emaeben mme unam se inie unọmọ, unam se ido mbʌñọ ye unam se inie udọñọ enọ nte mme ñkpọ uwa, nte a-ado se ami ñkpebọọ ammọ nto ubọk ndufo?” Abọọñ atañ. 14“Adọdiọọk anọ awo utʌk a-anieghe ayaara unam ke atu mme ufene amọ anyʌñ anwọñọ adinọ anye, ado akema anye akama unam a-anieghe ndo anam uwa anọ Abọọñ. Sia ami ndo ekamba adidem,” Abọọñ Andikponñkan atañ, “ndin ana ebaak anyịñ mmi ke atu mme idịd.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.