Malakai 3
3
1“Ami ñyaadọñ isʌñutom mmi, anye ayaadiọñ usʌñ anịm annọ miin. Ndin ke adiwad ini Abọọñ a-afo ayemmeyem ayaadidʌk tembịd amọ; ndin isʌñutom edioomo a-afo anieghe udọñ abaña, ayaadi,” Abọọñ Andikponñkan atañ.
2Ado anie adiikan ida ke usen adidi amọ? Anie akeme adida ke ini anye abiọññọke? Sia anye adiiba nte ikañ anamusọ me nte atọñ ayedafọñ. 3Anye adiitie nte andinam asana ye andidiọñ silfa; anye ayaanam mbon Lifai esana anyʌñ adiọñ ammọ nte kold ye silfa. Ndin Abọọñ ayaanie mme awo se idiiben enọ idi ke adinenido, 4ñko Abọọñ ayaabọ mme enọ Yuda ye Yeruselem, nte mme usen e-ekeboiyoke, nte mme ñkaan isua.
5“Ke ntoro ami ñyaatọọñọ ikpe ye afo. Ami ñyaasọsọp adinọ ikọ ntiense mbaña mme mbiamfa, mme asịn efịbe ye mme ntiense nsu, mbaña mbon e-ebọọhọ mme anamutom akʌkutom ammọ ke ñwo, mbaña mbon e-efiighe mme ebekpa ye nditọakpa, e-enyʌññọ ebiọọñọ mme isenawo ke atu ndufo unenikpe, ado imfegheke miin anyen,” Abọọñ Andikponñkan atañ.
Adikpe Ayọhọ Mbaak Keed ke Itie Duob
6“Ami Abọọñ ñkpuhoke. Ke ntoro ndufo ubon Yekọb ikịtte nsobo. 7Atọọñọ ke ini mme eteete ndufo, ndufo emaekanna ekpọñ mme ewʌhọ mmi, inyʌññọ inịm ammọ. Itịmme iñkeene miin, ami ñko ñyaatịmme ikeene ndufo,” Abọọñ Andikponñkan atañ.
“Ado ndufo ebịp, ‘Die ke ñnyịn idiitịmme ubịne?’
8“Nte ñkaña awo akeme aditʌk Abasi? Ado ndufo ementʌk miin.
“Ado ndufo ebịp, ‘Die ke ñnyịn utʌk fiin?’
“Ke ayọhọ mbaak keed ke itie duob ye mme enọ. 9Ndufo eba ke idak isuuñọ, afịd idịd ndufo, sia ndufo ementʌk miin. 10Iben afịd ayọhọ mbaak keed ke itie duob idi ke ufọk ubonoñkpọ, nọ ndidia aba ke ufọk mmi. Ikama ami indomo miin ise,” Abọọñ Andikponñkan atañ, “me ami ndiibeereke mme inuaatob anyọñ ñnyʌñ ñnwañña uwak adidiọñ inọ ndufo tutu ufañ ibaaha aba. 11Ami ñyaakpan ndiọi unam adibiat mme ñkpọ inwañ ndufo, ndin mme fain ke inwañ ndufo idiibekkeke mbemiso anye adat,” Abọọñ Andikponñkan atañ. 12“Ndin afịd mme idịd eyaukoot fiin adisana, sia isọñ mfo adiido isọñ inemesịd,” Abọọñ Andikponñkan atañ.
Isrel Etañ Ikọ ye Abasi ke Ñkokkoidem
13“Ndufo emetañ ikọ ke ñkokkoidem ye ami,” Abọọñ atañ.
“Ado ndufo ebịp, ‘Nsoo ke ñnyịn itañ udian fiin?’
14“Ndufo emebo, ‘Ufọn ibaaha adinam ñkpọ nnọọ Abasi. Nsoo udod ke ñnyịn idia ito adinam se anye ayem ndin isaña nte mbon e-etieghe ikpo ke iso Abọọñ Andikponñkan? 15Ado idahami ñnyịn ikoot mbon ñkokkoidem mbon se emaekediọñ. Ke akpanikọ mme anam idiọọkñkpọ eforo, ndin idem ini se ammọ edomo Abasi ese, ñkpọ ndomokeed inamma ammọ.’ ”
Ñyọhọnsʌhọ Mme Anam Akpanikọ
16Akem mbon se ibaak Abọọñ emaetañ ikọ ye emọ-emọ, ndin Abọọñ amaakpañ utọñ anyʌñ akop. Emaewet ñwed ke iso amọ aditoiyo mbaña mbon se ikibaak Abọọñ inyʌñ ikpono anyịñ amọ.
17“Ke usen se ami ndiisio ñkpọ nnam,” Abọọñ Andikponñkan atañ, “ammọ eyaedo ñkpọuto udeeme mmi. Ami ñyaafak ammọ, kpa naña ete anie mbọm abaña anyʌñ afak ayịn a-anamma ñkpọ anọ anye. 18Ndin afo ayaamaana akịt ukpʌhọde a-abaaha ke ufọọd ndinen awo ye mbon ibak, ke ufọọd mbon se inam ñkpọ inọ Abasi ye mbon se imiinamma ñkpọ inọ anye.
Айни замон обунашуда:
Malakai 3: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Malakai 3
3
1“Ami ñyaadọñ isʌñutom mmi, anye ayaadiọñ usʌñ anịm annọ miin. Ndin ke adiwad ini Abọọñ a-afo ayemmeyem ayaadidʌk tembịd amọ; ndin isʌñutom edioomo a-afo anieghe udọñ abaña, ayaadi,” Abọọñ Andikponñkan atañ.
2Ado anie adiikan ida ke usen adidi amọ? Anie akeme adida ke ini anye abiọññọke? Sia anye adiiba nte ikañ anamusọ me nte atọñ ayedafọñ. 3Anye adiitie nte andinam asana ye andidiọñ silfa; anye ayaanam mbon Lifai esana anyʌñ adiọñ ammọ nte kold ye silfa. Ndin Abọọñ ayaanie mme awo se idiiben enọ idi ke adinenido, 4ñko Abọọñ ayaabọ mme enọ Yuda ye Yeruselem, nte mme usen e-ekeboiyoke, nte mme ñkaan isua.
5“Ke ntoro ami ñyaatọọñọ ikpe ye afo. Ami ñyaasọsọp adinọ ikọ ntiense mbaña mme mbiamfa, mme asịn efịbe ye mme ntiense nsu, mbaña mbon e-ebọọhọ mme anamutom akʌkutom ammọ ke ñwo, mbaña mbon e-efiighe mme ebekpa ye nditọakpa, e-enyʌññọ ebiọọñọ mme isenawo ke atu ndufo unenikpe, ado imfegheke miin anyen,” Abọọñ Andikponñkan atañ.
Adikpe Ayọhọ Mbaak Keed ke Itie Duob
6“Ami Abọọñ ñkpuhoke. Ke ntoro ndufo ubon Yekọb ikịtte nsobo. 7Atọọñọ ke ini mme eteete ndufo, ndufo emaekanna ekpọñ mme ewʌhọ mmi, inyʌññọ inịm ammọ. Itịmme iñkeene miin, ami ñko ñyaatịmme ikeene ndufo,” Abọọñ Andikponñkan atañ.
“Ado ndufo ebịp, ‘Die ke ñnyịn idiitịmme ubịne?’
8“Nte ñkaña awo akeme aditʌk Abasi? Ado ndufo ementʌk miin.
“Ado ndufo ebịp, ‘Die ke ñnyịn utʌk fiin?’
“Ke ayọhọ mbaak keed ke itie duob ye mme enọ. 9Ndufo eba ke idak isuuñọ, afịd idịd ndufo, sia ndufo ementʌk miin. 10Iben afịd ayọhọ mbaak keed ke itie duob idi ke ufọk ubonoñkpọ, nọ ndidia aba ke ufọk mmi. Ikama ami indomo miin ise,” Abọọñ Andikponñkan atañ, “me ami ndiibeereke mme inuaatob anyọñ ñnyʌñ ñnwañña uwak adidiọñ inọ ndufo tutu ufañ ibaaha aba. 11Ami ñyaakpan ndiọi unam adibiat mme ñkpọ inwañ ndufo, ndin mme fain ke inwañ ndufo idiibekkeke mbemiso anye adat,” Abọọñ Andikponñkan atañ. 12“Ndin afịd mme idịd eyaukoot fiin adisana, sia isọñ mfo adiido isọñ inemesịd,” Abọọñ Andikponñkan atañ.
Isrel Etañ Ikọ ye Abasi ke Ñkokkoidem
13“Ndufo emetañ ikọ ke ñkokkoidem ye ami,” Abọọñ atañ.
“Ado ndufo ebịp, ‘Nsoo ke ñnyịn itañ udian fiin?’
14“Ndufo emebo, ‘Ufọn ibaaha adinam ñkpọ nnọọ Abasi. Nsoo udod ke ñnyịn idia ito adinam se anye ayem ndin isaña nte mbon e-etieghe ikpo ke iso Abọọñ Andikponñkan? 15Ado idahami ñnyịn ikoot mbon ñkokkoidem mbon se emaekediọñ. Ke akpanikọ mme anam idiọọkñkpọ eforo, ndin idem ini se ammọ edomo Abasi ese, ñkpọ ndomokeed inamma ammọ.’ ”
Ñyọhọnsʌhọ Mme Anam Akpanikọ
16Akem mbon se ibaak Abọọñ emaetañ ikọ ye emọ-emọ, ndin Abọọñ amaakpañ utọñ anyʌñ akop. Emaewet ñwed ke iso amọ aditoiyo mbaña mbon se ikibaak Abọọñ inyʌñ ikpono anyịñ amọ.
17“Ke usen se ami ndiisio ñkpọ nnam,” Abọọñ Andikponñkan atañ, “ammọ eyaedo ñkpọuto udeeme mmi. Ami ñyaafak ammọ, kpa naña ete anie mbọm abaña anyʌñ afak ayịn a-anamma ñkpọ anọ anye. 18Ndin afo ayaamaana akịt ukpʌhọde a-abaaha ke ufọọd ndinen awo ye mbon ibak, ke ufọọd mbon se inam ñkpọ inọ Abasi ye mbon se imiinamma ñkpọ inọ anye.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.