Luk 9
9
Yisọs Adọñ Mbed Duob Mme Iba Utom
1Ke ini Yisọs amaakekoot mme mbed duob mme iba abon itie keed, anye amaanọ ammọ adudu ye ukeme adibịn afịd mme dimọn nsio ñnyʌñ ñkọk mme udọñọ. 2Ndin anye amaasio ammọ adọñ ate ekekwọrọ abioubọọñ Abasi enyʌñ ekọk mbon udọñọ. 3Anye amaabo ammọ ate, “Ikiidat ñkpọ ndomokeed ikama ke isañ ndufo, me esañ, ekpad, ndidia, akʌk, me ukpʌhọ afọñ. 4Ufọk keed akeedodo a-ndufo edʌkkọ, iba do tutu ndufo ekpọñ abio ado. 5Adieke mbon awo imiidaarake ndufo, ikpọñ abio ado inyʌñ ikeñ ntan ñkpad ndufo nte ñkpọ ntiense inọ ammọ.” 6Ke ntoro ammọ emaedaaña isañ edʌk ke idʌñ mme idʌñ ekekwọrọ eti etob enyʌñ ekọk mbon awo udọñọ ke afịd itie.
7Ndin Herọd a-akedooho andikara amaakop afịd se ikitịppe. Ke ntak ado akikere amọ amaatịmede sia usʌk awo ekebo ke Yọọn Aduọkmmọọñ akeset ke ñkpa, 8ubaak awo emaebo ke Elaiya aketịmme adi, ñko mbon mfen emaebo ke keed ke atu mme prọfed a-akekpaaha akeset atọọñọ ntak adidu uwem. 9Ado Herọd amaabo, “Ami mmaakpịkke Yọọn iwuod. Anie ndin ke ami ñkop mme ñkpọ ntịppe ami mbaña?” Ndin Herọd amaayem usʌñ naña akpenam akịt anye.
Yisọs Anọ Awo Tọsịn Ition Ndidia
10Ke ini mme abọsịd emaekenyọñ edi, ammọ emaeditañ enọ Yisọs se ammọ ekenañña. Ndin anye amaaben mme mbed amọ awuọ ammọ-ammọ ekaa abio a-akereke Bedsaida, 11ado mme atu awo emaekeyaara ediọọñọ, emaekeene anye. Anye amaadaara ammọ anyʌñ atañ ikọ anọ ammọ abaña abioubọọñ Abasi anyʌñ akọk mbon e-ekedọñọke udọñọ.
12Ayio aketekke, mbed amọ duob mme iba emaedibo anye, “Nọ mme atu awo ami enyọñọ nọ ammọ ekaiya mme esịdidʌñ ye ñkanñkʌk ekeyem ñkpọ se edia ye itie e-ediina sia itie a-ñnyịn ibaaha mi anyọọñ usʌñ akpọñ nte mme awo edʌñọ.”
13Anye amaabọọrọ ammọ abo, “Ndufo inọ ammọ ñkpọ nọ edia.”
Ammọ emaenyʌñ ebọọrọ anye ate, “Ñnyịn inie uyo ition ye iyak iba kpọd, ibọhọke ñnyịn ika esịd idʌñ ikidep ndidia a-adiikem afịd atu awo ami.” 14(Ñkpọ nte tọsịn awo ition (5,000) ekeba do.)
Ado anye amaabo mme mbed, “Inam mme awo ami etie ke eboho aba mme duob aba mme duob.” 15Mme mbed emaenyʌñ enam naña anye akebo enam; afịd awo emaesuuk etie. 16Anye amaaben uyo ition ye iyak iba ado, adịppe anyen ase hefịn, anọ ekọọm anyʌñ abuuñ, ayaak anọ mme mbed amọ ate edeeme enọ mme awo. 17Afịd awo emaeta enyʌñ ekop uyʌkkọ, ndin mme mbed emaetañ ñyọhọnsʌhọ ayọhọ akpasa duob mme iba.
Pita Atañ Anwa-anwa ke Yisọs Ado Krais
18Akem naña Yisọs akesʌkkọ abọñ akam ikpọọñ, mme mbed amọ ekenyʌñ eba ye anye, anye amaabịp ammọ ate, “Mme atu awo ebo ke ami ndo anie?”
19Ammọ emaebọọrọ, “Ubaak awo ebo ke afo ado Yọọn Aduọkmmọọñ; usʌk ebo ke ado Elaiya; usʌk enyʌñ ebo ke ado keed ke atu mme prọfed esed a-atịmmeke adimana.”
20Anye amaabịp ammọ ate, “Ado ndufo-o? Ebo ke ami ndo anie?”
Pita amaabọọrọ, “Afo ado Krais ake Abasi.”
Yisọs Atañ Abaña Ñkpa Amọ ke Ini Iso
21Yisọs amaadʌt ammọ utọñ ate ke etañ ewọt awo ndomokeed ibaña imọ. 22Anye amaadian do ate, “Ayịn Awo ana abọ nsio-nsio ndutʌhọ, ndin mme ñkpoon aku, mme andikpeeb mbed ye mme ñkpisọñ eyaesịn anye, eyaewot anye, ado ke ayọhọ usen ita anye ayaaset ke ñkpa.”
23Ndin anye amaabo afịd ammọ, “Awo keed akeedodo ayemme ido mbed mmi, ana anye akañ idem amọ anyʌñ aben krọs amọ kwa usen añkeene miin. 24Sia awo akeedodo a-ayemme adinyaaña uwem amọ ayaaduọọk uwem amọ, ado awo akeedodo a-aduọọkkọ uwem amọ ke ntak mmi ayaanyaaña uwem amọ. 25Nsoo ido ufọn awo adinie afịd ederimbod ado aduọọk uwem amọ? 26Adieke awo akoppo abuud ambaña miin ye ikọ mmi, Ayịn Awo ayaakop abuud abaña anye ke ini anye adiidi ke ubọọñ amọ ye ubọọñ Ete ye mme ndisana enyere.
27 “Ke akpanikọ ke ami ntañ inọọ ndufo nte, usʌk mbon e-edaaha mi idiitappa ñkpa tutu ammọ ekịt abioubọọñ Abasi.”
Ukpʌhọ Uduud
28Ñkpọ nte usen itiaita amaakeboiyo nte Yisọs aketañ ikọ ami, anye amaaben Pita, Yems ye Yọọn adọọk anyọñ abod adikibọñ akam. 29Naña anye akesʌkkọ abọñ akam, iso amọ amaakpəho, afọñidem amọ amaakappa asesem nte akebkeb. 30Ideen iba, Moses ye Elaiya, emaebiọññọ ke uyamma ubọọñ, editañ ikọ ye Yisọs. 31Ammọ eketañ ikọ ebaña ñkpa Yisọs ke Yeruselem a-anye adiinam nọ adisu. 32Idab amaayeet Pita ye nsaña amọ eti-eti, ado ammọ eketaat anyen, emaekịt ubọọñ amọ ye awo iba e-ekedaaha ye anye. 33Ke idaha ideen iba ami ekedakkake ekpọñ Yisọs, Pita amaabo anye, “Eteufọk, a-afọn ñnyịn adiba mi. Yak ñnyịn ibọp atayad ita, keed unie fiin, keed anie Moses, keed anie Elaiya.” (Pita ikidiọọñọke se anye aketañ.)
34Naña Pita akesʌkkọ atañ ikọ ami, ntọñanyọñ amaateññe afʌk ammọ, ndin ndịk amaanam ammọ ke adikidʌk ntọñanyọñ ado. 35Ndin uyio amaato ntọñanyọñ ate, “Anye ami ado Ayịn mmi, a-ami mmekke, ikpañ utọñ inọ anye.” 36Ke ini uyio ado akedoppo, ammọ emaekịt ke Yisọs akeda ikpọọñ. Mme mbed emaemʌm ñkpọntịppe ami esịn ke esịd ammọ, ikiinyʌññọ itañ se ammọ ekekịt inọ awo ndomokeed.
Yisọs Akọk Ayịn A-adimọn Akemʌmmọ
37Edem usen ado, ke ammọ emaekesọiyọ ke anyọñ abod edi, eka udịm awo emaedisoobo anye. 38Awo keed ke atu ado amaabọọñ ke akpọsọñ uyio ate, “Andikpeeb, mmuukpeiye fiin, di se ayịn awodeen mmi, sia anye ado ukweeñe ayịn mmi. 39Sịbidịd keed asimʌm anye, anam anye abọọñ ñkpo, anam anye ndiyaañ tutu efuud awuọñọ anye ke inua. Isisọppọ iyaak anye, ndin ayaasobo anye. 40Mmaakpeiye mme mbed mfo nte edibịn idiọọk sịbidịd ami esio, ado ammọ ikikanna.”
41Yisọs amaabọọrọ anye ate, “O ndufo mbon unana mbuọdidem ye ukwañ emana, ami ndiikpeene die ye ndufo ñnyʌñ iyọ ndufo? Ben ayịn akparawa mfo di mi.”
42Naña ayịn ado asañake akpere, dimọn ado amaaduọọk anye ke isọñ anyʌñ anam anye atuatuak ndiyaañ. Ado Yisọs amaasua anọ idiọọk sịbidịd ado, akọk ayịn ado udọñọ anyʌñ ayaak anye anọ ete amọ. 43Idem amaakpa ammọ eti-eti abaña adudu Abasi.
Yisọs Atañ Abaña Ñkpa Amọ Ayọhọ Akañ Iba
Naña afịd awo ekesʌkkọ eba ke ñkpaidem ebaña afịd se Yisọs akenam, anye amaabo mme mbed amọ ate, 44“Inekke ikpañ utọñ ke se ami ñyem aditañ inọọ ndufo: Eyaetap Ayịn Awo enọ mbon awo.” 45Se Yisọs aketañ ikinwañake ammọ. Amaayañña ammọ ifiọk, ado ammọ emaekop ndịk adibịp anye se ado awuọñọ.
46Mfaaña amaaba ke atu mme mbed adidiọọñọ me anie ke atu ammọ ado andikpon ñkan. 47Yisọs amaadiọọñọ akikere ammọ ndin anye amaaben etəkayịn adaaha ke ñkañ amọ. 48Ndin anye amaabo ammọ, “Awo akeedodo a-adaarake etəkayịn ami ke anyịñ mmi andaara miin; ñko awo akeedodo andaarake miin adaara anye a-akendọññọ miin. Sia awo asịppe akan ke atu ndufo, anye ado andikpon ñkan.”
Adidat Anyịñ Yisọs Mbịn Dimon
49Yọọn amaabo Yisọs ate, “Eteufọk, ñnyịn imaikịt awo nte abịn mme dimọn asio ke anyịñ mfo, ndin ñnyịn imainwana adikpan anye sia anye idooho keed ke atu ñnyịn.”
50Yisọs amaabo anye, “Ikiikpan anye, sia awo ndomokeed i-imiibiọọñọke ndufo ada ye ndufo.”
Mbon Sameria Ebiọọñọ Yisọs
51Ke ini amaakekpere adiben Yisọs ñkpọñ isọñ ndọọk ke hefịn, anye amaasak iso ase Yeruselem. 52Anye amaadọñ mme isʌñutom amọ ate ibem imọ iso eka ke esịd idʌñ abio Sameria ekebono ñkpọ ke mbeeñeidem ibet imọ, 53ado mbon abio ado ikidaarake anye sia anye akeduakka adidiboiyo ñkaa Yeruselem. 54Ke ini mme mbed amọ, Yems ye Yọọn ekekịtte ami, ammọ emaebịp Yisọs ete, “Abọọñ, afo ameyem nọ ñnyịn ikoot ikañ nọ ato hefịn asọiyọ adisobo ammọ#9:54 Usʌk mme ikpañwed edian ebo, ammọ, kpa naña Elaiya akenam?” 55Yisọs amaakanna asua anọ ammọ. 56Ndin ammọ emaekappa ekaa abio mfen.
Ekọmudua Adikeene Yisọs
57Naña ammọ ekesañake ke usʌñ, ete keed amaabo anye, “Ami ñyaukeene fiin ñkaa itie nte afo akaaka.”
58Yisọs amaabọọrọ anye ate, “Mme ewaikọd enieñe adu, mme inuen anyọñ enieñe efọk, ado Ayịn Awo inieghe itie nte anye adaak iwuod.”
59Anye amaabo awodeen mfen ate, “Ñkeene miin.”
Ado awo ado amaabọọrọ ate, “Abọọñ, yak ami ñka diin ñkebuuk ete mmi.”
60Yisọs amaabọọrọ anye, “Yak mme akpañkpa ebuuk mme akpañkpa ammọ, ado afo kaa ke kwọrọ abioubọọñ Abasi.”
61Awo mfen amaabo, “Abọọñ, ami ñyaukeene fiin; ado yak ami ñka diin ñkekọọm mbon ufọk mmi unyọñọ.”
62Yisọs amaabọọrọ anye ate, “Ibaaha awo a-asịnne ubọk ke ufʌñisọñ akem akanna anyen ase edem a-adotto adinam utom abioubọọñ Abasi.”
Айни замон обунашуда:
Luk 9: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 9
9
Yisọs Adọñ Mbed Duob Mme Iba Utom
1Ke ini Yisọs amaakekoot mme mbed duob mme iba abon itie keed, anye amaanọ ammọ adudu ye ukeme adibịn afịd mme dimọn nsio ñnyʌñ ñkọk mme udọñọ. 2Ndin anye amaasio ammọ adọñ ate ekekwọrọ abioubọọñ Abasi enyʌñ ekọk mbon udọñọ. 3Anye amaabo ammọ ate, “Ikiidat ñkpọ ndomokeed ikama ke isañ ndufo, me esañ, ekpad, ndidia, akʌk, me ukpʌhọ afọñ. 4Ufọk keed akeedodo a-ndufo edʌkkọ, iba do tutu ndufo ekpọñ abio ado. 5Adieke mbon awo imiidaarake ndufo, ikpọñ abio ado inyʌñ ikeñ ntan ñkpad ndufo nte ñkpọ ntiense inọ ammọ.” 6Ke ntoro ammọ emaedaaña isañ edʌk ke idʌñ mme idʌñ ekekwọrọ eti etob enyʌñ ekọk mbon awo udọñọ ke afịd itie.
7Ndin Herọd a-akedooho andikara amaakop afịd se ikitịppe. Ke ntak ado akikere amọ amaatịmede sia usʌk awo ekebo ke Yọọn Aduọkmmọọñ akeset ke ñkpa, 8ubaak awo emaebo ke Elaiya aketịmme adi, ñko mbon mfen emaebo ke keed ke atu mme prọfed a-akekpaaha akeset atọọñọ ntak adidu uwem. 9Ado Herọd amaabo, “Ami mmaakpịkke Yọọn iwuod. Anie ndin ke ami ñkop mme ñkpọ ntịppe ami mbaña?” Ndin Herọd amaayem usʌñ naña akpenam akịt anye.
Yisọs Anọ Awo Tọsịn Ition Ndidia
10Ke ini mme abọsịd emaekenyọñ edi, ammọ emaeditañ enọ Yisọs se ammọ ekenañña. Ndin anye amaaben mme mbed amọ awuọ ammọ-ammọ ekaa abio a-akereke Bedsaida, 11ado mme atu awo emaekeyaara ediọọñọ, emaekeene anye. Anye amaadaara ammọ anyʌñ atañ ikọ anọ ammọ abaña abioubọọñ Abasi anyʌñ akọk mbon e-ekedọñọke udọñọ.
12Ayio aketekke, mbed amọ duob mme iba emaedibo anye, “Nọ mme atu awo ami enyọñọ nọ ammọ ekaiya mme esịdidʌñ ye ñkanñkʌk ekeyem ñkpọ se edia ye itie e-ediina sia itie a-ñnyịn ibaaha mi anyọọñ usʌñ akpọñ nte mme awo edʌñọ.”
13Anye amaabọọrọ ammọ abo, “Ndufo inọ ammọ ñkpọ nọ edia.”
Ammọ emaenyʌñ ebọọrọ anye ate, “Ñnyịn inie uyo ition ye iyak iba kpọd, ibọhọke ñnyịn ika esịd idʌñ ikidep ndidia a-adiikem afịd atu awo ami.” 14(Ñkpọ nte tọsịn awo ition (5,000) ekeba do.)
Ado anye amaabo mme mbed, “Inam mme awo ami etie ke eboho aba mme duob aba mme duob.” 15Mme mbed emaenyʌñ enam naña anye akebo enam; afịd awo emaesuuk etie. 16Anye amaaben uyo ition ye iyak iba ado, adịppe anyen ase hefịn, anọ ekọọm anyʌñ abuuñ, ayaak anọ mme mbed amọ ate edeeme enọ mme awo. 17Afịd awo emaeta enyʌñ ekop uyʌkkọ, ndin mme mbed emaetañ ñyọhọnsʌhọ ayọhọ akpasa duob mme iba.
Pita Atañ Anwa-anwa ke Yisọs Ado Krais
18Akem naña Yisọs akesʌkkọ abọñ akam ikpọọñ, mme mbed amọ ekenyʌñ eba ye anye, anye amaabịp ammọ ate, “Mme atu awo ebo ke ami ndo anie?”
19Ammọ emaebọọrọ, “Ubaak awo ebo ke afo ado Yọọn Aduọkmmọọñ; usʌk ebo ke ado Elaiya; usʌk enyʌñ ebo ke ado keed ke atu mme prọfed esed a-atịmmeke adimana.”
20Anye amaabịp ammọ ate, “Ado ndufo-o? Ebo ke ami ndo anie?”
Pita amaabọọrọ, “Afo ado Krais ake Abasi.”
Yisọs Atañ Abaña Ñkpa Amọ ke Ini Iso
21Yisọs amaadʌt ammọ utọñ ate ke etañ ewọt awo ndomokeed ibaña imọ. 22Anye amaadian do ate, “Ayịn Awo ana abọ nsio-nsio ndutʌhọ, ndin mme ñkpoon aku, mme andikpeeb mbed ye mme ñkpisọñ eyaesịn anye, eyaewot anye, ado ke ayọhọ usen ita anye ayaaset ke ñkpa.”
23Ndin anye amaabo afịd ammọ, “Awo keed akeedodo ayemme ido mbed mmi, ana anye akañ idem amọ anyʌñ aben krọs amọ kwa usen añkeene miin. 24Sia awo akeedodo a-ayemme adinyaaña uwem amọ ayaaduọọk uwem amọ, ado awo akeedodo a-aduọọkkọ uwem amọ ke ntak mmi ayaanyaaña uwem amọ. 25Nsoo ido ufọn awo adinie afịd ederimbod ado aduọọk uwem amọ? 26Adieke awo akoppo abuud ambaña miin ye ikọ mmi, Ayịn Awo ayaakop abuud abaña anye ke ini anye adiidi ke ubọọñ amọ ye ubọọñ Ete ye mme ndisana enyere.
27 “Ke akpanikọ ke ami ntañ inọọ ndufo nte, usʌk mbon e-edaaha mi idiitappa ñkpa tutu ammọ ekịt abioubọọñ Abasi.”
Ukpʌhọ Uduud
28Ñkpọ nte usen itiaita amaakeboiyo nte Yisọs aketañ ikọ ami, anye amaaben Pita, Yems ye Yọọn adọọk anyọñ abod adikibọñ akam. 29Naña anye akesʌkkọ abọñ akam, iso amọ amaakpəho, afọñidem amọ amaakappa asesem nte akebkeb. 30Ideen iba, Moses ye Elaiya, emaebiọññọ ke uyamma ubọọñ, editañ ikọ ye Yisọs. 31Ammọ eketañ ikọ ebaña ñkpa Yisọs ke Yeruselem a-anye adiinam nọ adisu. 32Idab amaayeet Pita ye nsaña amọ eti-eti, ado ammọ eketaat anyen, emaekịt ubọọñ amọ ye awo iba e-ekedaaha ye anye. 33Ke idaha ideen iba ami ekedakkake ekpọñ Yisọs, Pita amaabo anye, “Eteufọk, a-afọn ñnyịn adiba mi. Yak ñnyịn ibọp atayad ita, keed unie fiin, keed anie Moses, keed anie Elaiya.” (Pita ikidiọọñọke se anye aketañ.)
34Naña Pita akesʌkkọ atañ ikọ ami, ntọñanyọñ amaateññe afʌk ammọ, ndin ndịk amaanam ammọ ke adikidʌk ntọñanyọñ ado. 35Ndin uyio amaato ntọñanyọñ ate, “Anye ami ado Ayịn mmi, a-ami mmekke, ikpañ utọñ inọ anye.” 36Ke ini uyio ado akedoppo, ammọ emaekịt ke Yisọs akeda ikpọọñ. Mme mbed emaemʌm ñkpọntịppe ami esịn ke esịd ammọ, ikiinyʌññọ itañ se ammọ ekekịt inọ awo ndomokeed.
Yisọs Akọk Ayịn A-adimọn Akemʌmmọ
37Edem usen ado, ke ammọ emaekesọiyọ ke anyọñ abod edi, eka udịm awo emaedisoobo anye. 38Awo keed ke atu ado amaabọọñ ke akpọsọñ uyio ate, “Andikpeeb, mmuukpeiye fiin, di se ayịn awodeen mmi, sia anye ado ukweeñe ayịn mmi. 39Sịbidịd keed asimʌm anye, anam anye abọọñ ñkpo, anam anye ndiyaañ tutu efuud awuọñọ anye ke inua. Isisọppọ iyaak anye, ndin ayaasobo anye. 40Mmaakpeiye mme mbed mfo nte edibịn idiọọk sịbidịd ami esio, ado ammọ ikikanna.”
41Yisọs amaabọọrọ anye ate, “O ndufo mbon unana mbuọdidem ye ukwañ emana, ami ndiikpeene die ye ndufo ñnyʌñ iyọ ndufo? Ben ayịn akparawa mfo di mi.”
42Naña ayịn ado asañake akpere, dimọn ado amaaduọọk anye ke isọñ anyʌñ anam anye atuatuak ndiyaañ. Ado Yisọs amaasua anọ idiọọk sịbidịd ado, akọk ayịn ado udọñọ anyʌñ ayaak anye anọ ete amọ. 43Idem amaakpa ammọ eti-eti abaña adudu Abasi.
Yisọs Atañ Abaña Ñkpa Amọ Ayọhọ Akañ Iba
Naña afịd awo ekesʌkkọ eba ke ñkpaidem ebaña afịd se Yisọs akenam, anye amaabo mme mbed amọ ate, 44“Inekke ikpañ utọñ ke se ami ñyem aditañ inọọ ndufo: Eyaetap Ayịn Awo enọ mbon awo.” 45Se Yisọs aketañ ikinwañake ammọ. Amaayañña ammọ ifiọk, ado ammọ emaekop ndịk adibịp anye se ado awuọñọ.
46Mfaaña amaaba ke atu mme mbed adidiọọñọ me anie ke atu ammọ ado andikpon ñkan. 47Yisọs amaadiọọñọ akikere ammọ ndin anye amaaben etəkayịn adaaha ke ñkañ amọ. 48Ndin anye amaabo ammọ, “Awo akeedodo a-adaarake etəkayịn ami ke anyịñ mmi andaara miin; ñko awo akeedodo andaarake miin adaara anye a-akendọññọ miin. Sia awo asịppe akan ke atu ndufo, anye ado andikpon ñkan.”
Adidat Anyịñ Yisọs Mbịn Dimon
49Yọọn amaabo Yisọs ate, “Eteufọk, ñnyịn imaikịt awo nte abịn mme dimọn asio ke anyịñ mfo, ndin ñnyịn imainwana adikpan anye sia anye idooho keed ke atu ñnyịn.”
50Yisọs amaabo anye, “Ikiikpan anye, sia awo ndomokeed i-imiibiọọñọke ndufo ada ye ndufo.”
Mbon Sameria Ebiọọñọ Yisọs
51Ke ini amaakekpere adiben Yisọs ñkpọñ isọñ ndọọk ke hefịn, anye amaasak iso ase Yeruselem. 52Anye amaadọñ mme isʌñutom amọ ate ibem imọ iso eka ke esịd idʌñ abio Sameria ekebono ñkpọ ke mbeeñeidem ibet imọ, 53ado mbon abio ado ikidaarake anye sia anye akeduakka adidiboiyo ñkaa Yeruselem. 54Ke ini mme mbed amọ, Yems ye Yọọn ekekịtte ami, ammọ emaebịp Yisọs ete, “Abọọñ, afo ameyem nọ ñnyịn ikoot ikañ nọ ato hefịn asọiyọ adisobo ammọ#9:54 Usʌk mme ikpañwed edian ebo, ammọ, kpa naña Elaiya akenam?” 55Yisọs amaakanna asua anọ ammọ. 56Ndin ammọ emaekappa ekaa abio mfen.
Ekọmudua Adikeene Yisọs
57Naña ammọ ekesañake ke usʌñ, ete keed amaabo anye, “Ami ñyaukeene fiin ñkaa itie nte afo akaaka.”
58Yisọs amaabọọrọ anye ate, “Mme ewaikọd enieñe adu, mme inuen anyọñ enieñe efọk, ado Ayịn Awo inieghe itie nte anye adaak iwuod.”
59Anye amaabo awodeen mfen ate, “Ñkeene miin.”
Ado awo ado amaabọọrọ ate, “Abọọñ, yak ami ñka diin ñkebuuk ete mmi.”
60Yisọs amaabọọrọ anye, “Yak mme akpañkpa ebuuk mme akpañkpa ammọ, ado afo kaa ke kwọrọ abioubọọñ Abasi.”
61Awo mfen amaabo, “Abọọñ, ami ñyaukeene fiin; ado yak ami ñka diin ñkekọọm mbon ufọk mmi unyọñọ.”
62Yisọs amaabọọrọ anye ate, “Ibaaha awo a-asịnne ubọk ke ufʌñisọñ akem akanna anyen ase edem a-adotto adinam utom abioubọọñ Abasi.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.