Luk 8
8
Ñke Atọinwañ
1Ke ado aboiyoke, Yisọs amaasaña ye mme mbed amọ duob mme iba ke mme nsio-nsio abio ye mme idʌñ akwọrọ eti etob abioubọọñ Abasi. 2Usʌk ibaan e-ekekọkkọ udọñọ enyʌñ esịññe mme ndiọi sịbidịd emaenyʌñ esaña ye Yisọs: keed akedo Mmeri e-ekenyʌññọ esikoot (Makdalin), ake dimọn itiaba ekewuọhọ anye ke idem; 3Yoana anwaan Susa, akama ukpọhọde ufọk Herọd, Susana ye uwak ibaan mfen. Mme ibaan ami ekedat inie ammọ enam ñkpọ enọ Yisọs ye mme mbed amọ.
4Ke uwak awo emaeketo nsio-nsio abio ibịne Yisọs, anye amaatop ñke ami anọ ammọ: 5“Atọ inwañ akekaa aditọ ñkpasi. Naña anye asuanna mme ñkpasi ami, ubaak emaeduọññọ ke akpọusʌñ; mme awo emaefiik eboiyo, mme inuen anyọñ emaenyʌñ ekoono eta. 6Ubaak emaeduọññọ ke anyọñ itiad, ammọ emaeyeeme sia mmọọñ ikibaaha inọ ammọ. 7Ubaak ñko emaeduọññọ ke ikọd ñkukịm, ado mme ñkukịm ami emaekọt efuuk ñkpasi se ikitịppe. 8Kpayeado mme ñkpasi mfen emaeduọññọ ke eti isọñ. Emaetịppe, esịññe uwak mfịd, utịm ikie akan naña eketọọhọtọ.”
Anye aketop ñke ami ama, anye amaabenne uyio ke anyọñ abo, “Awo akeedodo a-anieghe utọñ, yak anye akop.”
9Mme mbed amọ emaebịp anye se ñke ado akewuọñọ. 10Anye amaabọọrọ ammọ ate, “Eyaak ifiọk ndedịbe ñkpọ abioubọọñ Abasi inọ ndufo, ado ntañ nnọ mbon mfen ke ñke nọ ato do,
“ ‘ekpekekịt, ammọ ikịtte;
ekpenyʌñ ekokop, inwañake ammọ.’
11 “Ikop se ñke ami awuọñọ mi: Ñkpasi ado ikọ a-atooho Abasi. 12Mbon e-eduọññọke ke akpọusʌñ edoñño mbon e-ekoppo, ado andidiọọk adisio ikọ ado ke esịd ammọ, nọ ato do ammọ ikiinịm, inyʌñ ibọọ adinyaaña. 13Mme ñkpasi e-eduọññọke ke anyọñ itiad edoñño mbon e-ekoppo ikọ ye inemesịd ado inieghe adʌñ. Ammọ enịm ke etək-etək ini, ado idomo amaadi ammọ eduọññọ. 14Ñkpasi ake akeduọhọ ke ufọọd ikọd ñkukịm ada anọ mbon se ikop ikọ ami, ado mfịna, inie ye inem uwem iyakka nọ ammọ enekke ekpon. 15Ado ñkpasi e-eduọññọke ke eti isọñ eda enọ mbon e-enieghe eti esịd, enie ime ye nsọọñọnda, e-ekoppo ikọ emʌm esịn ke esịd, enyʌñ enwịm nti mfịd.
Utuenikañ ke Ñkpọ Udod Utuenikañ
16 “Awo isidomoke utuenikañ iben idịp ke esịd abañ me ke idak ikʌk. Ado esidomo utuenikañ edot ke ñkpọ udod utuenikañ nọ ato do mbon se idʌk idi ekịt unwana. 17Sia ibaaha se idịbe i-imiidiiyaarake, inyʌññọ iba se efʌk awo miidiidiọọñọke me awo mmiidiinamma nọ ana ke eferife. 18Ke ntoro, nekke diọọñọ naña afo akpañ utọñ. Awo akeedodo se inie eyaedian enọ anye, ado anye ake miinieghe, eyaebọ anye etək se anye akap akere ke imọ iminie.”
Eka Yisọs ye Nditọeka Amọ Ideen
19Eka Yisọs ye nditọeka amọ ideen emaedi edikịt anye, ado ammọ ikikanna ikịt anye akeene uwak atu awo se ikiba ye anye. 20Awo amaadọkkọ Yisọs ate, “Eka mfo ye nditọeka mfo ideen mmọdo eda ke esiin eyem edukịt fiin.”
21Yisọs amaabọọrọ ate, “Eka mmi ye nditọeka mmi ideen edoñño mbon e-ekoppo ikọ Abasi enyʌñ eben esịn ke adinam.”
Yisọs Anam Ayobio Adobo
22Usen keed Yisọs amaabo mme mbed amọ ate, “Yak iwọññọ ika edem ibiok uko.” Ndin ammọ emaedọñọ ubom ewat edaaña. 23Ubom akesio, Yisọs amaadaiya. Ayobio amaabịmme ke ibiok ado, ndin ubom akpere adisịp, ndin mme mbed emaekere ke iyaideñ.
24Mme mbed emaeketọi anye ke idab, ete, “Etubom, Etubom, ñnyịn iyaideñ!”
Anye amaadakka ada asua anọ ayobio ye mbufuud akpa; ndin ayobio amaasuuhọ, afịd ñkpọ adobo biai. 25Yisọs amaabịp mme mbed abo, “Mmọ mbuọdidem ndufo?”
Ke ndịk ye ñkpaidem, mme mbed emaebịp emọ-emọ ete, “Anie awo ido ami? Anye anọ ikpan ndin ayobio ye akpa mmọọñ ekop uyio amọ edobo enọ anye.”
Yisọs Akọk Awodeen a-Anieghe Dimọn
26Yisọs ye mme mbed amọ emaewat ekaa abio Kerasin#8:26 Usʌk mme ikpañwed ewet, mbon Kadarin; usʌk ewet mbon Kekesin; se ñko Luk 8:37, a-asakkaiso ase ibiok Kalili. 27Ke ini Yisọs akewuọhọ ke ubom asʌk atọ ñkpad ke esʌk, anye amaasoobo awodeen keed a-aketooho abio ado a-adimọn akesịneke anye ke idem. Awo ami ikisisịneke afọñ, idʌññọ ke ufọk, ado akesidʌñ ke mme udi, itie esibuuhọ mbon awo. 28Anye akekịt Yisọs, anye amaaduọ ke iso amọ, asio ñkpo ate, “Nsoo ke afo ayem anto miin, Yisọs Ayịn Abasi Andikoñ Ñkan? Mbọk, mmukpeiye kuntʌkkọ miin!” 29Sia Yisọs amaanọ idiọọk sịbidịd ado uyio ate awuọ anye ke idem. Akpesʌkado ekesidọññọ anye ñkpọnọ ke ukod ye ke ubọk enyʌñ ekpekpeme anye uwak ini, idiọọk sịbidịd ami amaasidịppe anye atọ, anam anye abʌñ mme ñkpọnọ ado anyʌñ abịn anye akesịn ke anaan.
30Yisọs amaabịp anye ate, “Afo akere die?”
Anye amaabọọrọ ate, “Liyọn,” sia uwak dimọn emaedọñọ anye ke idem. 31Mme dimọn ado emaekaa iso ekpeiye Yisọs ete akiibịn mmimọ asịññe adọñ ke ekamba ukpe nsi-nsi ufen.
32Mme uwak udịm edi ekesʌk edia ñkpọ ke mben etək abod. Ndin mme dimọn ado emaekpeiye Yisọs ete anam mmimọ ikidọñọ ke mme edi ado. Yisọs amaanyịmme. 33Ke ini mme dimọn ado emaekewuọñọ ke idem ete ado, ammọ emaekedọñọ ke idem mme edi ado; ndin udịm edi ado emaekeduọññọ edọñọ ibiok enyʌñ edeñ ekpañña.
34Mme akpeme edi ado ekekịt se ikitịppe ami, ammọ emaefeeñe ekesuan etob ami ke afịd abio ye ke ñkanñkʌk ado, 35ndin mme awo emaewuọñọ ekaa adise se ikitịppe. Ammọ ekekịt Yisọs, ye awodeen ado ake dimọn akewuọhọ ke idem naña atie ye Yisọs, asịne afọn anyʌñ adiọọñọidem nte awo ake iwuod afọnnọ; ndin idem amaanyeñ ammọ. 36Mbon se ikikịt emaedọkkọ mme awo naña ekekọk awo a-mme dimọn akedọñọke ke idem. 37Ndin afịd mbon awo ke ñkanñkʌk Kerasin emaekpeiye Yisọs ete yak anye akpọñ ukañ mmimọ, sia ndịk amaanam ammọ ataa eti-eti. Ke ntak ado, anye amaadʌk ubom anyʌñ anyọñ.
38Awo ake dimọn akewuọhọ ke idem amaakpeiye Yisọs ate yak ikeene isaña ye anye, ado Yisọs amaabo anye ate, 39“Tịmme nyọñ ufọk, nyʌñ kaa ke tañ afịd se Abasi anam unọọ fiin.” Ndin anye amaanyʌñ akaa akebʌk afịd se Yisọs akenam anọ anye ke afịd ñkanñkʌk abio ado.
Yisọs Anam Abọikpa Aset anyʌñ Akọk Awonwaan Udọñọ
40Ke Yisọs amaaketo adi, atu awo emaedaara anye eti-eti, sia ammọ eketeetie ebet anye. 41Akekem ete keed a-akekereke Yairọs, keed ke atu mme adaaha ke sinakọk, amaadiduọ Yisọs ke ukod akpeiye ate yak anye adi ufọk imọ 42sia ukweeñe ayịn amọ awonwaan, a-adooho ñkpọ nte isua duob mme iba, amaakpere ñkpa.
Yisọs akedakka adika ufọk Yariọs, etək ayak atu awo ekpaefiik anye iwot. 43Ñko awonwaan keed amaaba do a-akedọñọke udọñọ uwuọiyiib ke isua duob mme iba,#8:43 Uwak mme ikpañwed edian, mme isua ndin anye amaabiat afịd se anye akenie anọ mme mbiaibọk ado ibaaha awo se ikikan ikọk anye. 44Awonwaan ami amaato edem-edem asaña akaa aketuuk mben afọñidem Yisọs, ndin kpa ke ndo-ndo ado, uwuọiyiib ado amaatre.
45Yisọs amaabịp ate, “Anie awo ikiintuuk?”
Ke afịd awo emaekekañ, ke awo mmimọ ndomokeed ikituuhọ anye, Pita amaabo, “Etubom, sese afịd udịm awo ufiighe fiin mi.”
46Ado Yisọs amaabọọrọ ate, “Awo antuuk miin; ami mmediọọñọ ke adudu añwuọ miin ke idem.”
47Ndin awonwaan ado amaakediọọñọ ke imọ ibooho ikan idịbe, anye amaawuọ adi ke ñnyeñidem, adiduọ Yisọs ke ukod. Ke iso afịd uwak awo ado, anye amaatañ ntak ake imọ ikituuhọ Yisọs ye naña imọ ikibọ ukọk ke ndo-ndo ado. 48Yisọs amaabo anye ate, “Yịn awonwaan, mbuọdidem mfo u-ukọk fiin. Nyọñ ke emem.”
49Naña Yisọs akesʌkkọ atañ ikọ do, awo amaato ufọk Yairọs adadusʌñ ke sinakọk, adidọkkọ anye ate, “Ayịn abọikpa mfo akpa. Kuufịna Andikpeeb aba.”
50Yisọs akekop ami, anye amaabo Yairọs ate, “Kuuyak idem unyeñ; kap nịm ke akpanikọ, ndin anye ayaakop nsọñidem.”
51Ke ini anye amaakewuọ ufọk Yairọs, anye ikiyakka awo ndomokeed adʌk ufọk ye anye, ibọhọke Pita, Yọọn ye Yems ye ete ye eka ayịn ado. 52Afịd awo ekesʌk etuaha enyʌñ ebọọñ ñkpo ke ñkpa ayịn ado. Do ke Yisọs akebo ammọ, “Idop ayịd. Ayịn ado ikpaahakpa, adadaiya.”
53Ammọ emaesaha anye, sia afịd awo emaediọọñọ ke ayịn ado amaakpa. 54Ado Yisọs amaamʌm ayịn ado ke ubọk ate, “Yịn mmi, dakka da!” 55Idahado, sịbidịd uwem amaatịmme adʌk ayịn ado idem, anye amaadakka ada ini keed. Yisọs amaabo ammọ enọ anye ñkpọ adia. 56Idem amaakpa ete ye eka ayịn ado eti-eti, ado Yisọs amaawuuk ammọ abo ke etañ se ikitịppe inọọ awo ndomokeed.
Айни замон обунашуда:
Luk 8: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 8
8
Ñke Atọinwañ
1Ke ado aboiyoke, Yisọs amaasaña ye mme mbed amọ duob mme iba ke mme nsio-nsio abio ye mme idʌñ akwọrọ eti etob abioubọọñ Abasi. 2Usʌk ibaan e-ekekọkkọ udọñọ enyʌñ esịññe mme ndiọi sịbidịd emaenyʌñ esaña ye Yisọs: keed akedo Mmeri e-ekenyʌññọ esikoot (Makdalin), ake dimọn itiaba ekewuọhọ anye ke idem; 3Yoana anwaan Susa, akama ukpọhọde ufọk Herọd, Susana ye uwak ibaan mfen. Mme ibaan ami ekedat inie ammọ enam ñkpọ enọ Yisọs ye mme mbed amọ.
4Ke uwak awo emaeketo nsio-nsio abio ibịne Yisọs, anye amaatop ñke ami anọ ammọ: 5“Atọ inwañ akekaa aditọ ñkpasi. Naña anye asuanna mme ñkpasi ami, ubaak emaeduọññọ ke akpọusʌñ; mme awo emaefiik eboiyo, mme inuen anyọñ emaenyʌñ ekoono eta. 6Ubaak emaeduọññọ ke anyọñ itiad, ammọ emaeyeeme sia mmọọñ ikibaaha inọ ammọ. 7Ubaak ñko emaeduọññọ ke ikọd ñkukịm, ado mme ñkukịm ami emaekọt efuuk ñkpasi se ikitịppe. 8Kpayeado mme ñkpasi mfen emaeduọññọ ke eti isọñ. Emaetịppe, esịññe uwak mfịd, utịm ikie akan naña eketọọhọtọ.”
Anye aketop ñke ami ama, anye amaabenne uyio ke anyọñ abo, “Awo akeedodo a-anieghe utọñ, yak anye akop.”
9Mme mbed amọ emaebịp anye se ñke ado akewuọñọ. 10Anye amaabọọrọ ammọ ate, “Eyaak ifiọk ndedịbe ñkpọ abioubọọñ Abasi inọ ndufo, ado ntañ nnọ mbon mfen ke ñke nọ ato do,
“ ‘ekpekekịt, ammọ ikịtte;
ekpenyʌñ ekokop, inwañake ammọ.’
11 “Ikop se ñke ami awuọñọ mi: Ñkpasi ado ikọ a-atooho Abasi. 12Mbon e-eduọññọke ke akpọusʌñ edoñño mbon e-ekoppo, ado andidiọọk adisio ikọ ado ke esịd ammọ, nọ ato do ammọ ikiinịm, inyʌñ ibọọ adinyaaña. 13Mme ñkpasi e-eduọññọke ke anyọñ itiad edoñño mbon e-ekoppo ikọ ye inemesịd ado inieghe adʌñ. Ammọ enịm ke etək-etək ini, ado idomo amaadi ammọ eduọññọ. 14Ñkpasi ake akeduọhọ ke ufọọd ikọd ñkukịm ada anọ mbon se ikop ikọ ami, ado mfịna, inie ye inem uwem iyakka nọ ammọ enekke ekpon. 15Ado ñkpasi e-eduọññọke ke eti isọñ eda enọ mbon e-enieghe eti esịd, enie ime ye nsọọñọnda, e-ekoppo ikọ emʌm esịn ke esịd, enyʌñ enwịm nti mfịd.
Utuenikañ ke Ñkpọ Udod Utuenikañ
16 “Awo isidomoke utuenikañ iben idịp ke esịd abañ me ke idak ikʌk. Ado esidomo utuenikañ edot ke ñkpọ udod utuenikañ nọ ato do mbon se idʌk idi ekịt unwana. 17Sia ibaaha se idịbe i-imiidiiyaarake, inyʌññọ iba se efʌk awo miidiidiọọñọke me awo mmiidiinamma nọ ana ke eferife. 18Ke ntoro, nekke diọọñọ naña afo akpañ utọñ. Awo akeedodo se inie eyaedian enọ anye, ado anye ake miinieghe, eyaebọ anye etək se anye akap akere ke imọ iminie.”
Eka Yisọs ye Nditọeka Amọ Ideen
19Eka Yisọs ye nditọeka amọ ideen emaedi edikịt anye, ado ammọ ikikanna ikịt anye akeene uwak atu awo se ikiba ye anye. 20Awo amaadọkkọ Yisọs ate, “Eka mfo ye nditọeka mfo ideen mmọdo eda ke esiin eyem edukịt fiin.”
21Yisọs amaabọọrọ ate, “Eka mmi ye nditọeka mmi ideen edoñño mbon e-ekoppo ikọ Abasi enyʌñ eben esịn ke adinam.”
Yisọs Anam Ayobio Adobo
22Usen keed Yisọs amaabo mme mbed amọ ate, “Yak iwọññọ ika edem ibiok uko.” Ndin ammọ emaedọñọ ubom ewat edaaña. 23Ubom akesio, Yisọs amaadaiya. Ayobio amaabịmme ke ibiok ado, ndin ubom akpere adisịp, ndin mme mbed emaekere ke iyaideñ.
24Mme mbed emaeketọi anye ke idab, ete, “Etubom, Etubom, ñnyịn iyaideñ!”
Anye amaadakka ada asua anọ ayobio ye mbufuud akpa; ndin ayobio amaasuuhọ, afịd ñkpọ adobo biai. 25Yisọs amaabịp mme mbed abo, “Mmọ mbuọdidem ndufo?”
Ke ndịk ye ñkpaidem, mme mbed emaebịp emọ-emọ ete, “Anie awo ido ami? Anye anọ ikpan ndin ayobio ye akpa mmọọñ ekop uyio amọ edobo enọ anye.”
Yisọs Akọk Awodeen a-Anieghe Dimọn
26Yisọs ye mme mbed amọ emaewat ekaa abio Kerasin#8:26 Usʌk mme ikpañwed ewet, mbon Kadarin; usʌk ewet mbon Kekesin; se ñko Luk 8:37, a-asakkaiso ase ibiok Kalili. 27Ke ini Yisọs akewuọhọ ke ubom asʌk atọ ñkpad ke esʌk, anye amaasoobo awodeen keed a-aketooho abio ado a-adimọn akesịneke anye ke idem. Awo ami ikisisịneke afọñ, idʌññọ ke ufọk, ado akesidʌñ ke mme udi, itie esibuuhọ mbon awo. 28Anye akekịt Yisọs, anye amaaduọ ke iso amọ, asio ñkpo ate, “Nsoo ke afo ayem anto miin, Yisọs Ayịn Abasi Andikoñ Ñkan? Mbọk, mmukpeiye kuntʌkkọ miin!” 29Sia Yisọs amaanọ idiọọk sịbidịd ado uyio ate awuọ anye ke idem. Akpesʌkado ekesidọññọ anye ñkpọnọ ke ukod ye ke ubọk enyʌñ ekpekpeme anye uwak ini, idiọọk sịbidịd ami amaasidịppe anye atọ, anam anye abʌñ mme ñkpọnọ ado anyʌñ abịn anye akesịn ke anaan.
30Yisọs amaabịp anye ate, “Afo akere die?”
Anye amaabọọrọ ate, “Liyọn,” sia uwak dimọn emaedọñọ anye ke idem. 31Mme dimọn ado emaekaa iso ekpeiye Yisọs ete akiibịn mmimọ asịññe adọñ ke ekamba ukpe nsi-nsi ufen.
32Mme uwak udịm edi ekesʌk edia ñkpọ ke mben etək abod. Ndin mme dimọn ado emaekpeiye Yisọs ete anam mmimọ ikidọñọ ke mme edi ado. Yisọs amaanyịmme. 33Ke ini mme dimọn ado emaekewuọñọ ke idem ete ado, ammọ emaekedọñọ ke idem mme edi ado; ndin udịm edi ado emaekeduọññọ edọñọ ibiok enyʌñ edeñ ekpañña.
34Mme akpeme edi ado ekekịt se ikitịppe ami, ammọ emaefeeñe ekesuan etob ami ke afịd abio ye ke ñkanñkʌk ado, 35ndin mme awo emaewuọñọ ekaa adise se ikitịppe. Ammọ ekekịt Yisọs, ye awodeen ado ake dimọn akewuọhọ ke idem naña atie ye Yisọs, asịne afọn anyʌñ adiọọñọidem nte awo ake iwuod afọnnọ; ndin idem amaanyeñ ammọ. 36Mbon se ikikịt emaedọkkọ mme awo naña ekekọk awo a-mme dimọn akedọñọke ke idem. 37Ndin afịd mbon awo ke ñkanñkʌk Kerasin emaekpeiye Yisọs ete yak anye akpọñ ukañ mmimọ, sia ndịk amaanam ammọ ataa eti-eti. Ke ntak ado, anye amaadʌk ubom anyʌñ anyọñ.
38Awo ake dimọn akewuọhọ ke idem amaakpeiye Yisọs ate yak ikeene isaña ye anye, ado Yisọs amaabo anye ate, 39“Tịmme nyọñ ufọk, nyʌñ kaa ke tañ afịd se Abasi anam unọọ fiin.” Ndin anye amaanyʌñ akaa akebʌk afịd se Yisọs akenam anọ anye ke afịd ñkanñkʌk abio ado.
Yisọs Anam Abọikpa Aset anyʌñ Akọk Awonwaan Udọñọ
40Ke Yisọs amaaketo adi, atu awo emaedaara anye eti-eti, sia ammọ eketeetie ebet anye. 41Akekem ete keed a-akekereke Yairọs, keed ke atu mme adaaha ke sinakọk, amaadiduọ Yisọs ke ukod akpeiye ate yak anye adi ufọk imọ 42sia ukweeñe ayịn amọ awonwaan, a-adooho ñkpọ nte isua duob mme iba, amaakpere ñkpa.
Yisọs akedakka adika ufọk Yariọs, etək ayak atu awo ekpaefiik anye iwot. 43Ñko awonwaan keed amaaba do a-akedọñọke udọñọ uwuọiyiib ke isua duob mme iba,#8:43 Uwak mme ikpañwed edian, mme isua ndin anye amaabiat afịd se anye akenie anọ mme mbiaibọk ado ibaaha awo se ikikan ikọk anye. 44Awonwaan ami amaato edem-edem asaña akaa aketuuk mben afọñidem Yisọs, ndin kpa ke ndo-ndo ado, uwuọiyiib ado amaatre.
45Yisọs amaabịp ate, “Anie awo ikiintuuk?”
Ke afịd awo emaekekañ, ke awo mmimọ ndomokeed ikituuhọ anye, Pita amaabo, “Etubom, sese afịd udịm awo ufiighe fiin mi.”
46Ado Yisọs amaabọọrọ ate, “Awo antuuk miin; ami mmediọọñọ ke adudu añwuọ miin ke idem.”
47Ndin awonwaan ado amaakediọọñọ ke imọ ibooho ikan idịbe, anye amaawuọ adi ke ñnyeñidem, adiduọ Yisọs ke ukod. Ke iso afịd uwak awo ado, anye amaatañ ntak ake imọ ikituuhọ Yisọs ye naña imọ ikibọ ukọk ke ndo-ndo ado. 48Yisọs amaabo anye ate, “Yịn awonwaan, mbuọdidem mfo u-ukọk fiin. Nyọñ ke emem.”
49Naña Yisọs akesʌkkọ atañ ikọ do, awo amaato ufọk Yairọs adadusʌñ ke sinakọk, adidọkkọ anye ate, “Ayịn abọikpa mfo akpa. Kuufịna Andikpeeb aba.”
50Yisọs akekop ami, anye amaabo Yairọs ate, “Kuuyak idem unyeñ; kap nịm ke akpanikọ, ndin anye ayaakop nsọñidem.”
51Ke ini anye amaakewuọ ufọk Yairọs, anye ikiyakka awo ndomokeed adʌk ufọk ye anye, ibọhọke Pita, Yọọn ye Yems ye ete ye eka ayịn ado. 52Afịd awo ekesʌk etuaha enyʌñ ebọọñ ñkpo ke ñkpa ayịn ado. Do ke Yisọs akebo ammọ, “Idop ayịd. Ayịn ado ikpaahakpa, adadaiya.”
53Ammọ emaesaha anye, sia afịd awo emaediọọñọ ke ayịn ado amaakpa. 54Ado Yisọs amaamʌm ayịn ado ke ubọk ate, “Yịn mmi, dakka da!” 55Idahado, sịbidịd uwem amaatịmme adʌk ayịn ado idem, anye amaadakka ada ini keed. Yisọs amaabo ammọ enọ anye ñkpọ adia. 56Idem amaakpa ete ye eka ayịn ado eti-eti, ado Yisọs amaawuuk ammọ abo ke etañ se ikitịppe inọọ awo ndomokeed.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.