Luk 13
13
Ikappa Esịd Mbaak Iditak
1Ke ini ado, mme awo emaeba e-ekedidọkkọke Yisọs ebaña ubaak mbon Kalili a-Pailed akedatta iyiib ammọ awuak ke mme ñkpọ uwa. 2Yisọs amaabọọrọ ate, “Ndufo ekere ebo ke mbon Kalili ekebọ ufen ami sia ammọ ekenamma idiọọk ñkpọ ekan afịd mbon Kalili mfen? 3Ami ibo ndufo ke idooho ntoro. Ibọhọke ndufo etua ñkpọfiọk, ndufo ñko eyaetak ntoro. 4Me ndufo ekere ke awo duob mme itiaita a-tọwa Silọm akefiighe awot emaedue ñkpọ ekan afịd awo e-ekedʌññọ ke Yeruselem? 5Ami ibo ndufo ke idooho ntoro. Ado ibọhọke ndufo ekappa esịd, afịd ndufo ñko eyaetak.”
6Akem anye amaatop ñke ami anọ ammọ, ate: “Ete keed akenie eto fik ke inwañ amọ, akema anye amaakaa akese me anwịm mfịd, ado ikịtte mfịd ndomokeed. 7Ndin anye amaabo akpemeinwañ fain ate, ‘Isua ita ado ami, mmesaña ndise me ñyaakịt mfịd ke eto fik ami, ado ñkịtte. Kpịkke anye duọọk. Ntak a-anye akpedaaha ke isọñ ñkaña-a?’
8 “Akpemeinwañ amaabọọrọ ate, ‘Ete, yak anye amaana aba do ke ñkpọ nte isua keed mfen, ndin ami ñyaadọk mben amọ ñkanna ñnyʌñ ndọñ mme ñkpadia. 9Anye akpeñwịm mfịd abem idaha ntom, saana yaak, ado imiinwịmme, kpịkke duọọk.’ ”
Ekọk Mbʌñọ ke Usen Sabad
10Ke usen Sabad, Yisọs akekpeep ñkpọ ke sinakọk, 11ndin awonwaan i-idiọọk sịbidịd akenamma anye adọñọ mbʌñọ ke ñkpọ nte isua duob mme itiaita amaaba do. Udọñọ ami amaanwịn anye tutu ikanna inekke ida. 12Ke ini Yisọs akekịtte anye, amaakoot anye adat, ate yak anye awuọ adi iso, ndin amaabo anye ate, “Awonwaan, u-ukpọk fiin eyaak ke udọñọ mfo.” 13Anye amaadot awonwaan ado ubọk, ndin ke ndo-ndo ado anye amaanekke ada, anyʌñ atooro Abasi.
14Ado andikara sinakọk amaakop iyadesịd ke ntak a-Yisọs akekọkkọ udọñọ ke usen Sabad, ado anam anye amaabo, “Usen itiokeed ana inọ ndufo adinam utom. Mmọdo di nọ edukọk udọñọ ke mme usen ado, idooho ke usen Sabad.”
15Ado Abọọñ amaabọọrọ anye ate, “Ndufo mbon mbubịk! Nte ndufo keedekeed isitatta abaakenañ me dọñki ndufo isio ke abaenañ iben ikinọ mmọọñ ke usen Sabad? 16Ndin ikpinaaha ekpọk awonwaan ami eyaak, ayịn Ebraham, a-Setan akesịnne ke ñkpakọb ke afịd isua duob mme itiaita ami ke usen Sabad?”
17Ke ini anye aketañña ikọ ami, abuud amaanam afịd mme asua amọ, ado uwak awo emaenem esịd ke afịd nti utịppeñkpọ a-anye akenamma.
Ñke Ñkpasi Mọstad ye Yiis
18Ndin Yisọs amaabịp abo, “Nsoo ke abioubọọñ Abasi abit? Ami ndiidat nsoo ndomo ye abioubọọñ Abasi? 19Anye abit ñkpasi mọstad a-atọ inwañ akebenne atọ ke inwañ amọ. Ndin anye amaatịppe, akọt akappa eto, ndin mme inuen anyọñ ekesọrọ ke mme ñkọk amọ.”
20Anye amaamaana abịp, “Nsoo ke ami ndiidat ndomo ye abioubọọñ Abasi? 21Anye abit yiis, a-awonwaan akedomoke asịn ke udomo ndomuyo ata#13:21 Me ñkpọ nte kilokram 27 a-akenamma nọ ndomuyo atịt.”
Mfafaha Usʌñ
22Ndin Yisọs amaakpeep ñkpọ ke uwak ñkpoon ye ntək abio naña anye akeboiyoke aka Yeruselem. 23Awo keed amaabịp anye ate, “Abọọñ me nte ibad-ibad awo kpọd ediibọkkọ?”
Yisọs amaabo ammọ ate, 24“Idomo afịd ukeme ndufo adisaña ke mfafaha usʌñ ndʌk, sia ami idọkkọ ndufo, uwak awo eyaedomo ukeme adidʌk ado idiikanna. 25Anie ufọk amaadadakka ada akʌk usʌñ, afo ayaada ke esiin akọñ usʌñ anyʌñ akpeiye abo, ‘Abọọñ beere usʌñ inọ ñnyịn.’
“Ado anye ayaibọọrọ ndufo ate, ‘Ami idiọọñọke ndufo, miidooho anye ayaabo ndufo eto uke edi?’
26 “Ndin ndufo eyaebọọrọ, ‘Ñnyịn ikisidia ndidia inyʌñ inwọñ ñkpọ ye afo; afo amaanyʌñ akpeep ñkpọ ke efaak ñnyịn.’
27 “Ado anye ayaibọọrọ ndufo, ‘Ami idiọọñọke ndufo me nte ndufo eto. Idakka iñkpọñ miin, afịd ndufo mme anam ndiọi!’
28 “Ntuaña ayaaba, ntaeded ayaanyʌñ aba, ke ini ediikịt Ebraham ye Aisik ye Yekọb ye afịd mme prọfed ke abioubọọñ Abasi, ado isịññe ndufo ke idem ndufo etop eduọọñọ. 29Mme awo eyaeto ke usakkautịn ye ke usobutịn, adoro ye usuuk, eyaenyʌñ edidat itie ammọ ke usọrọ abioubọọñ Abasi. 30Ke akpanikọ, mbon e-ekedooho akpatre eyaekappa edo akpa, ndin mbon e-ekedooho akpa, eyaekappa edo akpatre.”
Yisọs Afʌhọ Abaña Yeruselem
31Etək ini akeboiyo, ubaak mme Farisi emaedibo Yisọs, “Kpọñ itie ami kaa itie mfen sia Herọd ayem aduwot fiin.”
32Anye amaabọọrọ ammọ ate, “Kaa kedọkkọ ewaikọd ado bo ke ‘ami ñyaakaa iso mbịn mme dimọn ñnyʌñ ñkọk udọñọ mfịn ye ñkpọñ, ndin ke ayọhọ usen ita, ami ñyaama se ñkeduak adinam.’ 33Ñkọm a-abaaha ntom, ami ñyaasịn ifịk nnam utom mfịn ye ñkpọñ ye ubakñkpọñ, ndin ñyaakaa iso ke isañ mmi, sia ke akpanikọ prọfed ndomokeed inaaha akpa ke itie mfen ke imiibọhọke Yeruselem!
34 “O Yeruselem, O Yeruselem ndufo e-ewotto mme prọfed enyʌñ etọọñ mbon e-enọọhọ isọk ndufo ke itiad, akañ ifañ ke ami ñyem adikoot nditọ ndufo mbok itie keed nte eka unen abok nditọ ke idak mba amọ, ado ndufo inyịmmeke. 35Sese, eyaak ñwuudo ufọk ndufo inọ ndufo. Ami ntañ ami inọ ndufo, ndufo idiñkịtte miin aba tutu ndufo ebo, ‘Afọfọn anọ anye a-adiighe ke anyịñ Abọọñ.’ ”
Айни замон обунашуда:
Luk 13: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 13
13
Ikappa Esịd Mbaak Iditak
1Ke ini ado, mme awo emaeba e-ekedidọkkọke Yisọs ebaña ubaak mbon Kalili a-Pailed akedatta iyiib ammọ awuak ke mme ñkpọ uwa. 2Yisọs amaabọọrọ ate, “Ndufo ekere ebo ke mbon Kalili ekebọ ufen ami sia ammọ ekenamma idiọọk ñkpọ ekan afịd mbon Kalili mfen? 3Ami ibo ndufo ke idooho ntoro. Ibọhọke ndufo etua ñkpọfiọk, ndufo ñko eyaetak ntoro. 4Me ndufo ekere ke awo duob mme itiaita a-tọwa Silọm akefiighe awot emaedue ñkpọ ekan afịd awo e-ekedʌññọ ke Yeruselem? 5Ami ibo ndufo ke idooho ntoro. Ado ibọhọke ndufo ekappa esịd, afịd ndufo ñko eyaetak.”
6Akem anye amaatop ñke ami anọ ammọ, ate: “Ete keed akenie eto fik ke inwañ amọ, akema anye amaakaa akese me anwịm mfịd, ado ikịtte mfịd ndomokeed. 7Ndin anye amaabo akpemeinwañ fain ate, ‘Isua ita ado ami, mmesaña ndise me ñyaakịt mfịd ke eto fik ami, ado ñkịtte. Kpịkke anye duọọk. Ntak a-anye akpedaaha ke isọñ ñkaña-a?’
8 “Akpemeinwañ amaabọọrọ ate, ‘Ete, yak anye amaana aba do ke ñkpọ nte isua keed mfen, ndin ami ñyaadọk mben amọ ñkanna ñnyʌñ ndọñ mme ñkpadia. 9Anye akpeñwịm mfịd abem idaha ntom, saana yaak, ado imiinwịmme, kpịkke duọọk.’ ”
Ekọk Mbʌñọ ke Usen Sabad
10Ke usen Sabad, Yisọs akekpeep ñkpọ ke sinakọk, 11ndin awonwaan i-idiọọk sịbidịd akenamma anye adọñọ mbʌñọ ke ñkpọ nte isua duob mme itiaita amaaba do. Udọñọ ami amaanwịn anye tutu ikanna inekke ida. 12Ke ini Yisọs akekịtte anye, amaakoot anye adat, ate yak anye awuọ adi iso, ndin amaabo anye ate, “Awonwaan, u-ukpọk fiin eyaak ke udọñọ mfo.” 13Anye amaadot awonwaan ado ubọk, ndin ke ndo-ndo ado anye amaanekke ada, anyʌñ atooro Abasi.
14Ado andikara sinakọk amaakop iyadesịd ke ntak a-Yisọs akekọkkọ udọñọ ke usen Sabad, ado anam anye amaabo, “Usen itiokeed ana inọ ndufo adinam utom. Mmọdo di nọ edukọk udọñọ ke mme usen ado, idooho ke usen Sabad.”
15Ado Abọọñ amaabọọrọ anye ate, “Ndufo mbon mbubịk! Nte ndufo keedekeed isitatta abaakenañ me dọñki ndufo isio ke abaenañ iben ikinọ mmọọñ ke usen Sabad? 16Ndin ikpinaaha ekpọk awonwaan ami eyaak, ayịn Ebraham, a-Setan akesịnne ke ñkpakọb ke afịd isua duob mme itiaita ami ke usen Sabad?”
17Ke ini anye aketañña ikọ ami, abuud amaanam afịd mme asua amọ, ado uwak awo emaenem esịd ke afịd nti utịppeñkpọ a-anye akenamma.
Ñke Ñkpasi Mọstad ye Yiis
18Ndin Yisọs amaabịp abo, “Nsoo ke abioubọọñ Abasi abit? Ami ndiidat nsoo ndomo ye abioubọọñ Abasi? 19Anye abit ñkpasi mọstad a-atọ inwañ akebenne atọ ke inwañ amọ. Ndin anye amaatịppe, akọt akappa eto, ndin mme inuen anyọñ ekesọrọ ke mme ñkọk amọ.”
20Anye amaamaana abịp, “Nsoo ke ami ndiidat ndomo ye abioubọọñ Abasi? 21Anye abit yiis, a-awonwaan akedomoke asịn ke udomo ndomuyo ata#13:21 Me ñkpọ nte kilokram 27 a-akenamma nọ ndomuyo atịt.”
Mfafaha Usʌñ
22Ndin Yisọs amaakpeep ñkpọ ke uwak ñkpoon ye ntək abio naña anye akeboiyoke aka Yeruselem. 23Awo keed amaabịp anye ate, “Abọọñ me nte ibad-ibad awo kpọd ediibọkkọ?”
Yisọs amaabo ammọ ate, 24“Idomo afịd ukeme ndufo adisaña ke mfafaha usʌñ ndʌk, sia ami idọkkọ ndufo, uwak awo eyaedomo ukeme adidʌk ado idiikanna. 25Anie ufọk amaadadakka ada akʌk usʌñ, afo ayaada ke esiin akọñ usʌñ anyʌñ akpeiye abo, ‘Abọọñ beere usʌñ inọ ñnyịn.’
“Ado anye ayaibọọrọ ndufo ate, ‘Ami idiọọñọke ndufo, miidooho anye ayaabo ndufo eto uke edi?’
26 “Ndin ndufo eyaebọọrọ, ‘Ñnyịn ikisidia ndidia inyʌñ inwọñ ñkpọ ye afo; afo amaanyʌñ akpeep ñkpọ ke efaak ñnyịn.’
27 “Ado anye ayaibọọrọ ndufo, ‘Ami idiọọñọke ndufo me nte ndufo eto. Idakka iñkpọñ miin, afịd ndufo mme anam ndiọi!’
28 “Ntuaña ayaaba, ntaeded ayaanyʌñ aba, ke ini ediikịt Ebraham ye Aisik ye Yekọb ye afịd mme prọfed ke abioubọọñ Abasi, ado isịññe ndufo ke idem ndufo etop eduọọñọ. 29Mme awo eyaeto ke usakkautịn ye ke usobutịn, adoro ye usuuk, eyaenyʌñ edidat itie ammọ ke usọrọ abioubọọñ Abasi. 30Ke akpanikọ, mbon e-ekedooho akpatre eyaekappa edo akpa, ndin mbon e-ekedooho akpa, eyaekappa edo akpatre.”
Yisọs Afʌhọ Abaña Yeruselem
31Etək ini akeboiyo, ubaak mme Farisi emaedibo Yisọs, “Kpọñ itie ami kaa itie mfen sia Herọd ayem aduwot fiin.”
32Anye amaabọọrọ ammọ ate, “Kaa kedọkkọ ewaikọd ado bo ke ‘ami ñyaakaa iso mbịn mme dimọn ñnyʌñ ñkọk udọñọ mfịn ye ñkpọñ, ndin ke ayọhọ usen ita, ami ñyaama se ñkeduak adinam.’ 33Ñkọm a-abaaha ntom, ami ñyaasịn ifịk nnam utom mfịn ye ñkpọñ ye ubakñkpọñ, ndin ñyaakaa iso ke isañ mmi, sia ke akpanikọ prọfed ndomokeed inaaha akpa ke itie mfen ke imiibọhọke Yeruselem!
34 “O Yeruselem, O Yeruselem ndufo e-ewotto mme prọfed enyʌñ etọọñ mbon e-enọọhọ isọk ndufo ke itiad, akañ ifañ ke ami ñyem adikoot nditọ ndufo mbok itie keed nte eka unen abok nditọ ke idak mba amọ, ado ndufo inyịmmeke. 35Sese, eyaak ñwuudo ufọk ndufo inọ ndufo. Ami ntañ ami inọ ndufo, ndufo idiñkịtte miin aba tutu ndufo ebo, ‘Afọfọn anọ anye a-adiighe ke anyịñ Abọọñ.’ ”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.