Luk 14
14
Yisọs ke Ufọk Farisi
1Ke usen Sabad keed, naña Yisọs akekaaha asen ke ufọk adaaha mme Farisi, uwak awo emaeba do e-ekesakka anyen ese se anye anam. 2Awo ñyọọk keed amaaba ke iso amọ ke itie ado. 3Yisọs amaabịp mme Farisi ye mme ntaifiọk mbed e-ekebaaha do ate, “Anen adikọk awo udọñọ ke usen Sabad me inenne?” 4Afịd ammọ emaedobo, isioho uyio. Ndin Yisọs amaamʌm awo ado akọk udọñọ, anyʌñ anọ anye anyọñ.
5Ndin Yisọs amaabịp ammọ ate, “Adieke awo keed ke atu ndufo a-anieghe ayịn, me abaakenañ, a-aduọhọ adʌk ube mmọọñ ke usen Sabad, nte anye ikpisọppọsọp idem isio anye ke ube ado?” 6Ammọ ikinyʌññọ inie ibọọrọ se enọ.
7Mi ke anye aketop ñke anọ mbon se ekekoot ndidia, ke anye amaakekịt naña ammọ emek mme itie ukpono ke akpokoro ndidia. Yisọs amaabo ammọ ate, 8“Awo akpukoot fiin usọrọ ndọ, kuudọọk ukutie ke ekamba itie; sia awo akponno itie ukan fiin akpedi, 9andinie usọrọ ayaadukoot fiin ate, ‘Kpọñ itie nọ awo ami.’ Ndin afo ayaakpọñ itie ado ke abuud. 10Ado emaukoot fiin usọrọ, kaa ke tie ke akpatre ñkpọitie ke edem tutu anie usọrọ adukoot fiin abo, ‘Ufan dọọk di ekamba itie.’ Idahado, afo ayaanie ukpono ke iso mme awo se iba do. 11Sia awo akeedodo a-akokkoke idem, eyaesuuhọ anye itie; ado awo a-asuuhọke idem eyaebenne anye.”
12Anye ndin amaakanna iso ase andikikoot anye ndidia, ate, “Ke ini afo akoodo awo ndidia uweemeayio, me ake ndubiayio, kuukoot mme ufan mfo, nditọeka mfo, me uyakka, me mme mbọhọidʌñ mfo e-emọinyọke. Ukpunam ntom, ammọ eyaenyʌñ ukoot fiin usiene. 13Ado afo umaunam usọrọ, koot mbon uweene, mme inyọọn ye mbʌñọ ye nnan. 14Ke adinam ntom, afo ayaabọ adidiọñ. Ñkọm a-adooho ammọ ikanna unọ fiin usiene, afo ayaabọ usiene ke adised ke ñkpa ndinen awo.”
Ñke Ekamba Usọrọ
15Awo keed ke itie ndidia akekop mme ikọ ami, anye amaabo Yisọs ate, “Afọfọn anọ awo a-adiidia ndidia ke itie usọrọ ke abioubọọñ Abasi.”
16Yisọs amaabọọrọ anye ate, “Abọọñ keed akenam ekamba usọrọ, akoot uwak-uwak awo. 17Ini usọrọ akekem, anye amaasio ayịnufọk ate asaña adọkkọ mbon se anye akekoot abo, ‘Idi, ke e-enam afịd ndutʌm ema.’
18 “Ado afịd ammọ keedekeed emaetọọñọ adinọ ebeeñe. Akpa awo amaabo, ‘Ami adisʌk ndep ufa inwañ adodo, ndin ana ami ñka ñkese naña aba. Mbọk kuuyat esịd ke ñkanna ndi.’
19 “Ayọhọ awo iba ate, ‘Ami adisʌk ndep mme abaakenañ utọ inwañ ition adodo, ndin ñyem adikidomo ammọ nse naña eba. Mbọk kuuyat esịd ke mmebeeñe; ñkanna ndi.’
20 “Awo mfen amaabo, ‘Ami ndọ ufa anwaan mmi-mmi, ke ntoro ndiikanna ndi.’
21 “Ayịnufọk amaanyọñ aditañ afịd ami anọ eteufọk amọ. Esịd amaayat eteufọk, anam anye amaanọ ayịnufọk uyio abo ‘Sọsọp dʌk ke mme efaak ye mme inuuk abio, ke koot mme uweene, mbʌñọ ye mme inyọọn, ye nnan di.’
22 “Ayịnufọk amaadibo eteufọk, ‘Emaenam se afo akebo enam, ado itie asʌk asọsʌhọ.’
23 “Akem eteufọk amaatịmme adọñ ayịnufọk amọ ate, ‘Wuọ ka mme akpọusʌñ ye mme ñwaaña usʌñ idʌñ, nyʌñ ke nyịk ammọ, koot nọ edʌk edi, nọ ufọk mmi adiiyọhọ. 24Ami ntañ inọ ndufo, ndomo awo keed se ñketo ñkoot ke akpa ini a-adiidia ndidia mmi ibaaha.’ ”
Ekọmudua Adido Mbed Krais
25Ataa uwak awo emaesaña ye Yisọs, ndin anye amaawọññọ iso abo ammọ ate: 26“Awo akeedodo añkeeneke miin, ndin isuaha ete ye eka, anwaan ye nditọ, nditọeka ideen ye ibaan; ii, kpa ye idem uwem amọ, ikanna ido mbed mmi. 27Ndin awo akeedodo i-imiibenne krọs amọ iñkeene miin, ikemeke adido mbed mmi.
28 “Adieke awo keed ke atu ndufo akpeyemme adibọp tọwa, nte afo ukpubemmeiso usuuk utie ubat se ufọk ado adiikpa, ase me afo amenie akʌk se ikem se uduukama ubọp anye uma? 29Sia adieke afo asịnne itiad idakisọñ amaa, ndin ukanna ubọp anye uma, afịd awo e-ekịtte anye eyaunọ ñnyọ, 30ete, ‘Awo ami amaatọọñọ ibọp ufọk, ndin ikanna ikweeñe.’
31 “Ñko, anie adidem ikpiyem ika ekọñ ye adidem mfen, itieghe ke akpa ifed iduuñọ me iyaikan iben mbon ekọñ tọsịn duob ikinwana ye anye a-anieghe mbon ekọñ tọsịn edịb? 32Anye akpekịt ke idiikanna, ana asio isʌñutom adọñ naña udịmekọñ mbon ñko imiikpereke, akekpeiye abo yak mmimọ inam emem. 33Ukem-ukem ado, awo ndufo akeedodo idiikanna ido mbed mmi anye imiisaanake afịd se anye anie iyaak.
34 “Inʌñ afọn, ado inʌñ imiinieghe inem aba, nsoo ke ediinam nọ anye amaana anem? 35Utọ inʌñ ado ibaaha ufọn inọ isọñ, inyʌññọ iba ufọn inọ itoon mbio; ukweeñe ado aditop anye nduọọk.
“Awo akeedodo a-anieghe utọñ, yak anye akop.”
Айни замон обунашуда:
Luk 14: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 14
14
Yisọs ke Ufọk Farisi
1Ke usen Sabad keed, naña Yisọs akekaaha asen ke ufọk adaaha mme Farisi, uwak awo emaeba do e-ekesakka anyen ese se anye anam. 2Awo ñyọọk keed amaaba ke iso amọ ke itie ado. 3Yisọs amaabịp mme Farisi ye mme ntaifiọk mbed e-ekebaaha do ate, “Anen adikọk awo udọñọ ke usen Sabad me inenne?” 4Afịd ammọ emaedobo, isioho uyio. Ndin Yisọs amaamʌm awo ado akọk udọñọ, anyʌñ anọ anye anyọñ.
5Ndin Yisọs amaabịp ammọ ate, “Adieke awo keed ke atu ndufo a-anieghe ayịn, me abaakenañ, a-aduọhọ adʌk ube mmọọñ ke usen Sabad, nte anye ikpisọppọsọp idem isio anye ke ube ado?” 6Ammọ ikinyʌññọ inie ibọọrọ se enọ.
7Mi ke anye aketop ñke anọ mbon se ekekoot ndidia, ke anye amaakekịt naña ammọ emek mme itie ukpono ke akpokoro ndidia. Yisọs amaabo ammọ ate, 8“Awo akpukoot fiin usọrọ ndọ, kuudọọk ukutie ke ekamba itie; sia awo akponno itie ukan fiin akpedi, 9andinie usọrọ ayaadukoot fiin ate, ‘Kpọñ itie nọ awo ami.’ Ndin afo ayaakpọñ itie ado ke abuud. 10Ado emaukoot fiin usọrọ, kaa ke tie ke akpatre ñkpọitie ke edem tutu anie usọrọ adukoot fiin abo, ‘Ufan dọọk di ekamba itie.’ Idahado, afo ayaanie ukpono ke iso mme awo se iba do. 11Sia awo akeedodo a-akokkoke idem, eyaesuuhọ anye itie; ado awo a-asuuhọke idem eyaebenne anye.”
12Anye ndin amaakanna iso ase andikikoot anye ndidia, ate, “Ke ini afo akoodo awo ndidia uweemeayio, me ake ndubiayio, kuukoot mme ufan mfo, nditọeka mfo, me uyakka, me mme mbọhọidʌñ mfo e-emọinyọke. Ukpunam ntom, ammọ eyaenyʌñ ukoot fiin usiene. 13Ado afo umaunam usọrọ, koot mbon uweene, mme inyọọn ye mbʌñọ ye nnan. 14Ke adinam ntom, afo ayaabọ adidiọñ. Ñkọm a-adooho ammọ ikanna unọ fiin usiene, afo ayaabọ usiene ke adised ke ñkpa ndinen awo.”
Ñke Ekamba Usọrọ
15Awo keed ke itie ndidia akekop mme ikọ ami, anye amaabo Yisọs ate, “Afọfọn anọ awo a-adiidia ndidia ke itie usọrọ ke abioubọọñ Abasi.”
16Yisọs amaabọọrọ anye ate, “Abọọñ keed akenam ekamba usọrọ, akoot uwak-uwak awo. 17Ini usọrọ akekem, anye amaasio ayịnufọk ate asaña adọkkọ mbon se anye akekoot abo, ‘Idi, ke e-enam afịd ndutʌm ema.’
18 “Ado afịd ammọ keedekeed emaetọọñọ adinọ ebeeñe. Akpa awo amaabo, ‘Ami adisʌk ndep ufa inwañ adodo, ndin ana ami ñka ñkese naña aba. Mbọk kuuyat esịd ke ñkanna ndi.’
19 “Ayọhọ awo iba ate, ‘Ami adisʌk ndep mme abaakenañ utọ inwañ ition adodo, ndin ñyem adikidomo ammọ nse naña eba. Mbọk kuuyat esịd ke mmebeeñe; ñkanna ndi.’
20 “Awo mfen amaabo, ‘Ami ndọ ufa anwaan mmi-mmi, ke ntoro ndiikanna ndi.’
21 “Ayịnufọk amaanyọñ aditañ afịd ami anọ eteufọk amọ. Esịd amaayat eteufọk, anam anye amaanọ ayịnufọk uyio abo ‘Sọsọp dʌk ke mme efaak ye mme inuuk abio, ke koot mme uweene, mbʌñọ ye mme inyọọn, ye nnan di.’
22 “Ayịnufọk amaadibo eteufọk, ‘Emaenam se afo akebo enam, ado itie asʌk asọsʌhọ.’
23 “Akem eteufọk amaatịmme adọñ ayịnufọk amọ ate, ‘Wuọ ka mme akpọusʌñ ye mme ñwaaña usʌñ idʌñ, nyʌñ ke nyịk ammọ, koot nọ edʌk edi, nọ ufọk mmi adiiyọhọ. 24Ami ntañ inọ ndufo, ndomo awo keed se ñketo ñkoot ke akpa ini a-adiidia ndidia mmi ibaaha.’ ”
Ekọmudua Adido Mbed Krais
25Ataa uwak awo emaesaña ye Yisọs, ndin anye amaawọññọ iso abo ammọ ate: 26“Awo akeedodo añkeeneke miin, ndin isuaha ete ye eka, anwaan ye nditọ, nditọeka ideen ye ibaan; ii, kpa ye idem uwem amọ, ikanna ido mbed mmi. 27Ndin awo akeedodo i-imiibenne krọs amọ iñkeene miin, ikemeke adido mbed mmi.
28 “Adieke awo keed ke atu ndufo akpeyemme adibọp tọwa, nte afo ukpubemmeiso usuuk utie ubat se ufọk ado adiikpa, ase me afo amenie akʌk se ikem se uduukama ubọp anye uma? 29Sia adieke afo asịnne itiad idakisọñ amaa, ndin ukanna ubọp anye uma, afịd awo e-ekịtte anye eyaunọ ñnyọ, 30ete, ‘Awo ami amaatọọñọ ibọp ufọk, ndin ikanna ikweeñe.’
31 “Ñko, anie adidem ikpiyem ika ekọñ ye adidem mfen, itieghe ke akpa ifed iduuñọ me iyaikan iben mbon ekọñ tọsịn duob ikinwana ye anye a-anieghe mbon ekọñ tọsịn edịb? 32Anye akpekịt ke idiikanna, ana asio isʌñutom adọñ naña udịmekọñ mbon ñko imiikpereke, akekpeiye abo yak mmimọ inam emem. 33Ukem-ukem ado, awo ndufo akeedodo idiikanna ido mbed mmi anye imiisaanake afịd se anye anie iyaak.
34 “Inʌñ afọn, ado inʌñ imiinieghe inem aba, nsoo ke ediinam nọ anye amaana anem? 35Utọ inʌñ ado ibaaha ufọn inọ isọñ, inyʌññọ iba ufọn inọ itoon mbio; ukweeñe ado aditop anye nduọọk.
“Awo akeedodo a-anieghe utọñ, yak anye akop.”
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.