Luk 11
11
Ukpeebñkpọ Yisọs ke Abaña Ubọñ Akam
1Usen keed, ke Yisọs amaakebọñ akam ama, mbed amọ keed amaadibo anye ate, “Abọọñ, ikpeep ñnyịn naña ebọñ akam, ukem naña Yọọn akekpeep mme mbed amọ.”
2Yisọs amaabo ammọ, “Imaibọñ akam, ibo:
“ ‘Ete, # 11:2 Usʌk mme ikpañwed ewet, Ete ñnyịn ke hefịn
ukpono anie anyịñ mfo,
yak abioubọọñ mfo adi. # 11:2 Usʌk mme ikpañwed ewet adi. Yak enam uduak mfo ke isọñ kpa naña enam ke hefịn
3 Inọ ñnyịn se idia ke usen ke usen.
4 Feen inọ ñnyịn ke mme idiọọkñkpọ ñnyịn,
kpa naña ñnyịn ifeen inọọ afịd awo i-idueghe ñnyịn. # 11:4 Ke usem Greek ado afịd awo ake ikamake ñnyịn isʌñ
Kuuyak ñnyịn idʌk ke idomo. # 11:4 Usʌk mme ikpañwed edian idomo ado fak ñnyịn sio ke ubọk andidiọọk ’ ”
5Akema Yisọs amaabo ammọ, “Akpedo anam awo ndufo keed anie ufan, akem ufan ado adi ke ufọọd akonayio adibo ate, ‘Ufan, mbọk ñwọọt ebəho uyo ita, 6ke nnie ufan mmi a-atooho anyan usʌñ isañ adi, ndin nnieghe ñkpọ se nnọ anye.’ 7Akpedo anam ufan amọ asịne ke esịd ufọk abọọrọ, ‘Kumfịna miin. Ñnyịn imaikọkọk usʌñ; ñko ami ye nditọ mmi imidọdʌk idab. Mbooho ñkan ndakka nda ndunọ fiin ñkpọ ndomokeed idahami.’ 8Idọkkọ ndufo ke akpesʌkado a-anye imiididakkake ida ke ntak a-anye adooho ufan amọ, ado ke ntak ufan amọ asʌkkọ asọñ ayịre anye, anye ayaadakka ada akenọ anye se anye ayeyem.
9 “Ke ntak ado, ami ibo ndufo: Ibeeñe ke eyainọ; iyem ke eyaekịt; ikọñ ke eyaebeere usʌñ inọ. 10Sia awo keed akeedodo a-abeeñeke ayaabọ; awo a-ayemme ayaakịt; ñko awo a-akọññọ, eyaebeere usʌñ enọ anye.
11 “Anie ke atu ndufo e-edoññoke mme ete, ke ayịn ndufo akpibeeñe iyak anye aben udʌkikọd anọ? 12Me akpebeeñe ñkwaunen anye aben ikpeyen anọ? 13Adieke ndufo e-edoññoke ndiọi ediọọñọke adinọ nditọ ndufo nti enọ, die ndin ke Ete ndufo ke hefịn imiidiinọọhọ Adisana Sịbidịd esọk mbon e-ebeeñeke anye.”
Yisọs ye Belsibọb
14Ke ini Yisọs akebịnne imuum dimọn asio awo ke idem, imuum ado amaatañ ikọ; ndin idem amaakpa afịd atu awo. 15Ado ubaak ammọ emaebo, “Anye akama Belsibọb, akpan abọọñ mme dimọn, abịn mme dimọn asịññe.” 16Usʌk mbon awo emaedomo anye idomo ke adiyem idiọọñọ a-atooho hefịn.
17Ado Yisọs amaadiọọñọ akikere ammọ, ndin abo ammọ ate, “Abio ndomokeed a-abakkake ada ke idem amọ ikpọọñ inieghe nsọọñọnda; ufọk u-ubakka abaaha ana aduọ. 18Setan akpenwana ekọñ ye idem amọ, abioubọọñ amọ adiisaña die ida? Ntañ ami sia ndufo ebo ke ami ñkama Belsibọb mbịn mme dimọn nsịññe. 19Akpedo ndat Belsibọb mbịn mme dimọn nsịññe, ke adudu anie ke mme nsaña ndufo edat ebịn ammọ esịññe? Ke ntak ami, ammọ eyaedo mme abiideikpe inọ ndufo. 20Ado akpedo ndat adudu ubọk Abasi mbịn mme dimọn nsịññe, abioubọọñ Abasi a-adisịm ndufo.
21 “Akpọsọñ awo amaakama ñkpọ uko ekọñ amọ akpeme ufọk amọ, inie amọ ana ke emem. 22Ado awo a-asọññọ adudu akan anye amaadinwana ye anye, akan anye ubọk, ayaakoono mme ñkpọ ekọñ a-anye akedotto anyen, anyʌñ abakka ñkpoduoho se anye ama adat.
23 “Awo akeedodo imiidaaha ye ami, anwanwana ye ami, ndin awo akeedodo imiiñkeeneke miin itañ ibək, asuasuan.
Aditịmme Ndi Idiọọk Sịbidịd
24 “Idiọọk sịbidịd amaawuọ awo ke idem, anye asaaña ayọọn ayem itie nte abọ nduọkadudu, ado ikịtte. Ke ini anye imiikịtte itie, anye ate, ‘Ami ñyaatịmme ñnyọñ ufọk añkekpọññọ.’ 25Ndin anye amaato adi, adikịt naña emaekekwọọk itie ado asana, etuum ñkpọ ebono. 26Akem anye akaa akekoono mme sịbidịd itiaba mfen e-ebakka ibak ekan anye, ndin ammọ ekaa ekedʌñọ do. Ndin utịd awo ado akappa adiọọk akan akpa.”
27Ke ini Yisọs akesʌkkọ atañ mme ikọ ami, awonwaan ke atu ado amaabọñ ke akpọsọñ uyio ate, “Afọfọn anọ eka a-akumanna anyʌñ ubọọk fiin.”
28Ado anye amaabọọrọ, “Akap afọfọn anọ mbon e-ekoppo ikọ Abasi enyʌñ enam se ekop.”
Idiọọñọ Yọna
29Ke mme atu awo emaekenekke ewak, Yisọs amaabo, “Emana ami ado ndoom emana. Anye ayem idiọọñọ, ado idiikịtte idiọọñọ mfen ikan anye e-ekenọọhọ Yọna. 30Sia kpa naña Yọna akedo idiọọñọ anọ mbon Ninife, kpa ntoro ke Ayịn Awo adiido inọ emana ami. 31Abọọñanwaan Usuuk ñko ayaadakka ada abiom emana ami ikpe, sia anye amaato ke ataa utịd ederimbod adi adikpañ utọñ ñkop aniọñ Sọlọmọn; idahami, se ikpon ikan Sọlọmọn a-aba ami. 32Mbon Ninife eyaetie ke ikpe ebaña mbon emana ami enyʌñ ebiom ammọ ikpe; sia ammọ emaekappa esịd ato ke ukwọrọikọ Yọna; ndin idahami, se ikpon ikan Yọna mmọ mi.
Utuenikañ Idem Awo
33 “Awo ndomokeed idomoke utuenikañ inịm ke itie se idedịbe, me iben isịn ke usan ikʌp. Ado edomo utuenikañ edot ke ñkpọ udod utuenikañ, nọ mbon se idʌk idi emọọnọ ñkpọ. 34Anyen mfo ado utuenikañ idem mfo. Anyen mfo amaanie nsọñidem,#11:34 Ke usem Greek nsọñidemawuọñọ edifọọn ubọk enọ afịd idem mfo ñko ayọhọ ye unwana. Ado anyen mfo imiinieghe#11:34 Ke usem Greek nsọñidemawuọñọ mfọnido nsọñidem, afịd idem mfo ayọhọ ye ekịm. 35Kpeme, mbaak unwana a-abaaha ke idem mfo adido ekịm. 36Ndin adieke afịd idem mfo ayọhọke ye unwana, inyʌññọ iba itie e-ekịm abaaha, afịd itie ayaayamma kpa naña unwana ikañ ayamma atọ awo.”
Yisọs Asueñ mme Farisi ye Nta Akpeeb Mbed
37Yisọs aketañ ikọ ama, Farisi keed amaakoot anye ufọk ate adidia ñkpọ ye imọ, ndin anye amaakaa aketie afekke abere ke akpokoro ndidia. 38Farisi ado akekịt ke anye ikitooho iyie ubọk mbemiso adia ñkpọ (naña ido mme Yuu asido) idem amaakpa anye.
39Ndin Abọọñ amaabo anye ate, “Ndufo mme Farisi eyet edem usan ye edem kọọb asana, ado esịd ndufo ayọhọ ye udọrọitọñ ye ibak. 40Ndufo mme ndisịme! Idooho andikinam edem anam kpa esịd ñko? 41Ado amaado se isịne ndufo ke idem, ifọn ido ye mbon uweene, ndin afịd ñkpọ ayaado adisana inọ ndufo.
42 “Adọdiọọk inọ ndufo mme Farisi, sia ndufo enọ Abasi mbakka keed ke itie duob ke sutọ-sutọ mfañ ñkpọ inwañ, ado ndufo efre unen ye ima Abasi. Ndufo ekpesʌk enọọnọ Abasi ubaak keed ke itie duob enyʌñ edian unen ye ima.
43 “Adọdiọọk inọ ndufo mme Farisi, sia ndufo emaaha ñkpoon itie ke mme sinakọk ye ekọọm ukpono ke mme anwa udua.
44 “Adọdiọọk inọ ndufo, sia ndufo etie nte udi a-awo imiinịmme idiọọñọ, ndin mme awo esaña ke anyọñ ado eboiyo ado idiọọñọke ke udi ke ado.”
45Ataifiọk mbed keed amaabọọrọ Yisọs ate, “Andikpeeb, afo umautañ mme ñkpọ ami, afo amisọñ ñnyịn anyen ñko.”
46Yisọs amaabọọrọ anye ate, “Adọdiọọk inọ ndufo mme ntaifiọk mbed, sia ndufo efiighe mme awo ye mbiomo a-ammọ imiikanna ibiom; ndin ndufo idịppeke nnuun ubọk keed inwam ammọ ke usʌñ ndomokeed.
47 “Adọdiọọk inọ ndufo, sia ndufo emekọọk udi enọ mme prọfed, ado mme eteete ndufo ekewoot ammọ. 48Awuọ ke ndufo emetie ntiense esọọñọ se mme eteete ndufo ekenam; ammọ emaewoot mme prọfed, ndin ndufo edikọkọọk udi enọ mme prọfed ado. 49Ke ntak ami, Abasi ke aniọñ amọ amaabo, ‘Ami ñyaanọ mme prọfed ye mme abọsịd esọk ammọ, ubaak mme prọfed ye mme abọsịd ammọ eyaewoot, usʌk ammọ eyaetʌkkọ.’ 50Ke ntak ado, eyaebịp mbon emana ami ebaña iyiib afịd mme prọfed se ekewowot tọọñọ ke ntọọñọ ederimbod, 51tọọñọ ke iyiib Ebeel tutu awuọ ake Sakaraiya, e-ekewotto ke ufọọd itie uwa ye esịd tembịd. Ii, ke akpanikọ, afịd ñkpọ ami adiidoro emana ami ke iwuod.
52 “Adọdiọọk inọ ndufo mme ntaifiọk mbed, sia ndufo emeben ukpọhọde ifiọk efep. Ndufo ke idem ndufo idʌkkọ, emenyʌñ ebiọọñọ mbon mfen e-ekesʌkkọ edọdʌk.”
53Yisọs akekpọñ itie ado, mme Farisi ye mme akpeeb mbed emaefaaña se anye aketañ enyʌñ ekaa iso etọ anye mme mbuume, 54ebet adimʌm anye ke se anye adiitañ.
Айни замон обунашуда:
Luk 11: ICB
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 11
11
Ukpeebñkpọ Yisọs ke Abaña Ubọñ Akam
1Usen keed, ke Yisọs amaakebọñ akam ama, mbed amọ keed amaadibo anye ate, “Abọọñ, ikpeep ñnyịn naña ebọñ akam, ukem naña Yọọn akekpeep mme mbed amọ.”
2Yisọs amaabo ammọ, “Imaibọñ akam, ibo:
“ ‘Ete, # 11:2 Usʌk mme ikpañwed ewet, Ete ñnyịn ke hefịn
ukpono anie anyịñ mfo,
yak abioubọọñ mfo adi. # 11:2 Usʌk mme ikpañwed ewet adi. Yak enam uduak mfo ke isọñ kpa naña enam ke hefịn
3 Inọ ñnyịn se idia ke usen ke usen.
4 Feen inọ ñnyịn ke mme idiọọkñkpọ ñnyịn,
kpa naña ñnyịn ifeen inọọ afịd awo i-idueghe ñnyịn. # 11:4 Ke usem Greek ado afịd awo ake ikamake ñnyịn isʌñ
Kuuyak ñnyịn idʌk ke idomo. # 11:4 Usʌk mme ikpañwed edian idomo ado fak ñnyịn sio ke ubọk andidiọọk ’ ”
5Akema Yisọs amaabo ammọ, “Akpedo anam awo ndufo keed anie ufan, akem ufan ado adi ke ufọọd akonayio adibo ate, ‘Ufan, mbọk ñwọọt ebəho uyo ita, 6ke nnie ufan mmi a-atooho anyan usʌñ isañ adi, ndin nnieghe ñkpọ se nnọ anye.’ 7Akpedo anam ufan amọ asịne ke esịd ufọk abọọrọ, ‘Kumfịna miin. Ñnyịn imaikọkọk usʌñ; ñko ami ye nditọ mmi imidọdʌk idab. Mbooho ñkan ndakka nda ndunọ fiin ñkpọ ndomokeed idahami.’ 8Idọkkọ ndufo ke akpesʌkado a-anye imiididakkake ida ke ntak a-anye adooho ufan amọ, ado ke ntak ufan amọ asʌkkọ asọñ ayịre anye, anye ayaadakka ada akenọ anye se anye ayeyem.
9 “Ke ntak ado, ami ibo ndufo: Ibeeñe ke eyainọ; iyem ke eyaekịt; ikọñ ke eyaebeere usʌñ inọ. 10Sia awo keed akeedodo a-abeeñeke ayaabọ; awo a-ayemme ayaakịt; ñko awo a-akọññọ, eyaebeere usʌñ enọ anye.
11 “Anie ke atu ndufo e-edoññoke mme ete, ke ayịn ndufo akpibeeñe iyak anye aben udʌkikọd anọ? 12Me akpebeeñe ñkwaunen anye aben ikpeyen anọ? 13Adieke ndufo e-edoññoke ndiọi ediọọñọke adinọ nditọ ndufo nti enọ, die ndin ke Ete ndufo ke hefịn imiidiinọọhọ Adisana Sịbidịd esọk mbon e-ebeeñeke anye.”
Yisọs ye Belsibọb
14Ke ini Yisọs akebịnne imuum dimọn asio awo ke idem, imuum ado amaatañ ikọ; ndin idem amaakpa afịd atu awo. 15Ado ubaak ammọ emaebo, “Anye akama Belsibọb, akpan abọọñ mme dimọn, abịn mme dimọn asịññe.” 16Usʌk mbon awo emaedomo anye idomo ke adiyem idiọọñọ a-atooho hefịn.
17Ado Yisọs amaadiọọñọ akikere ammọ, ndin abo ammọ ate, “Abio ndomokeed a-abakkake ada ke idem amọ ikpọọñ inieghe nsọọñọnda; ufọk u-ubakka abaaha ana aduọ. 18Setan akpenwana ekọñ ye idem amọ, abioubọọñ amọ adiisaña die ida? Ntañ ami sia ndufo ebo ke ami ñkama Belsibọb mbịn mme dimọn nsịññe. 19Akpedo ndat Belsibọb mbịn mme dimọn nsịññe, ke adudu anie ke mme nsaña ndufo edat ebịn ammọ esịññe? Ke ntak ami, ammọ eyaedo mme abiideikpe inọ ndufo. 20Ado akpedo ndat adudu ubọk Abasi mbịn mme dimọn nsịññe, abioubọọñ Abasi a-adisịm ndufo.
21 “Akpọsọñ awo amaakama ñkpọ uko ekọñ amọ akpeme ufọk amọ, inie amọ ana ke emem. 22Ado awo a-asọññọ adudu akan anye amaadinwana ye anye, akan anye ubọk, ayaakoono mme ñkpọ ekọñ a-anye akedotto anyen, anyʌñ abakka ñkpoduoho se anye ama adat.
23 “Awo akeedodo imiidaaha ye ami, anwanwana ye ami, ndin awo akeedodo imiiñkeeneke miin itañ ibək, asuasuan.
Aditịmme Ndi Idiọọk Sịbidịd
24 “Idiọọk sịbidịd amaawuọ awo ke idem, anye asaaña ayọọn ayem itie nte abọ nduọkadudu, ado ikịtte. Ke ini anye imiikịtte itie, anye ate, ‘Ami ñyaatịmme ñnyọñ ufọk añkekpọññọ.’ 25Ndin anye amaato adi, adikịt naña emaekekwọọk itie ado asana, etuum ñkpọ ebono. 26Akem anye akaa akekoono mme sịbidịd itiaba mfen e-ebakka ibak ekan anye, ndin ammọ ekaa ekedʌñọ do. Ndin utịd awo ado akappa adiọọk akan akpa.”
27Ke ini Yisọs akesʌkkọ atañ mme ikọ ami, awonwaan ke atu ado amaabọñ ke akpọsọñ uyio ate, “Afọfọn anọ eka a-akumanna anyʌñ ubọọk fiin.”
28Ado anye amaabọọrọ, “Akap afọfọn anọ mbon e-ekoppo ikọ Abasi enyʌñ enam se ekop.”
Idiọọñọ Yọna
29Ke mme atu awo emaekenekke ewak, Yisọs amaabo, “Emana ami ado ndoom emana. Anye ayem idiọọñọ, ado idiikịtte idiọọñọ mfen ikan anye e-ekenọọhọ Yọna. 30Sia kpa naña Yọna akedo idiọọñọ anọ mbon Ninife, kpa ntoro ke Ayịn Awo adiido inọ emana ami. 31Abọọñanwaan Usuuk ñko ayaadakka ada abiom emana ami ikpe, sia anye amaato ke ataa utịd ederimbod adi adikpañ utọñ ñkop aniọñ Sọlọmọn; idahami, se ikpon ikan Sọlọmọn a-aba ami. 32Mbon Ninife eyaetie ke ikpe ebaña mbon emana ami enyʌñ ebiom ammọ ikpe; sia ammọ emaekappa esịd ato ke ukwọrọikọ Yọna; ndin idahami, se ikpon ikan Yọna mmọ mi.
Utuenikañ Idem Awo
33 “Awo ndomokeed idomoke utuenikañ inịm ke itie se idedịbe, me iben isịn ke usan ikʌp. Ado edomo utuenikañ edot ke ñkpọ udod utuenikañ, nọ mbon se idʌk idi emọọnọ ñkpọ. 34Anyen mfo ado utuenikañ idem mfo. Anyen mfo amaanie nsọñidem,#11:34 Ke usem Greek nsọñidemawuọñọ edifọọn ubọk enọ afịd idem mfo ñko ayọhọ ye unwana. Ado anyen mfo imiinieghe#11:34 Ke usem Greek nsọñidemawuọñọ mfọnido nsọñidem, afịd idem mfo ayọhọ ye ekịm. 35Kpeme, mbaak unwana a-abaaha ke idem mfo adido ekịm. 36Ndin adieke afịd idem mfo ayọhọke ye unwana, inyʌññọ iba itie e-ekịm abaaha, afịd itie ayaayamma kpa naña unwana ikañ ayamma atọ awo.”
Yisọs Asueñ mme Farisi ye Nta Akpeeb Mbed
37Yisọs aketañ ikọ ama, Farisi keed amaakoot anye ufọk ate adidia ñkpọ ye imọ, ndin anye amaakaa aketie afekke abere ke akpokoro ndidia. 38Farisi ado akekịt ke anye ikitooho iyie ubọk mbemiso adia ñkpọ (naña ido mme Yuu asido) idem amaakpa anye.
39Ndin Abọọñ amaabo anye ate, “Ndufo mme Farisi eyet edem usan ye edem kọọb asana, ado esịd ndufo ayọhọ ye udọrọitọñ ye ibak. 40Ndufo mme ndisịme! Idooho andikinam edem anam kpa esịd ñko? 41Ado amaado se isịne ndufo ke idem, ifọn ido ye mbon uweene, ndin afịd ñkpọ ayaado adisana inọ ndufo.
42 “Adọdiọọk inọ ndufo mme Farisi, sia ndufo enọ Abasi mbakka keed ke itie duob ke sutọ-sutọ mfañ ñkpọ inwañ, ado ndufo efre unen ye ima Abasi. Ndufo ekpesʌk enọọnọ Abasi ubaak keed ke itie duob enyʌñ edian unen ye ima.
43 “Adọdiọọk inọ ndufo mme Farisi, sia ndufo emaaha ñkpoon itie ke mme sinakọk ye ekọọm ukpono ke mme anwa udua.
44 “Adọdiọọk inọ ndufo, sia ndufo etie nte udi a-awo imiinịmme idiọọñọ, ndin mme awo esaña ke anyọñ ado eboiyo ado idiọọñọke ke udi ke ado.”
45Ataifiọk mbed keed amaabọọrọ Yisọs ate, “Andikpeeb, afo umautañ mme ñkpọ ami, afo amisọñ ñnyịn anyen ñko.”
46Yisọs amaabọọrọ anye ate, “Adọdiọọk inọ ndufo mme ntaifiọk mbed, sia ndufo efiighe mme awo ye mbiomo a-ammọ imiikanna ibiom; ndin ndufo idịppeke nnuun ubọk keed inwam ammọ ke usʌñ ndomokeed.
47 “Adọdiọọk inọ ndufo, sia ndufo emekọọk udi enọ mme prọfed, ado mme eteete ndufo ekewoot ammọ. 48Awuọ ke ndufo emetie ntiense esọọñọ se mme eteete ndufo ekenam; ammọ emaewoot mme prọfed, ndin ndufo edikọkọọk udi enọ mme prọfed ado. 49Ke ntak ami, Abasi ke aniọñ amọ amaabo, ‘Ami ñyaanọ mme prọfed ye mme abọsịd esọk ammọ, ubaak mme prọfed ye mme abọsịd ammọ eyaewoot, usʌk ammọ eyaetʌkkọ.’ 50Ke ntak ado, eyaebịp mbon emana ami ebaña iyiib afịd mme prọfed se ekewowot tọọñọ ke ntọọñọ ederimbod, 51tọọñọ ke iyiib Ebeel tutu awuọ ake Sakaraiya, e-ekewotto ke ufọọd itie uwa ye esịd tembịd. Ii, ke akpanikọ, afịd ñkpọ ami adiidoro emana ami ke iwuod.
52 “Adọdiọọk inọ ndufo mme ntaifiọk mbed, sia ndufo emeben ukpọhọde ifiọk efep. Ndufo ke idem ndufo idʌkkọ, emenyʌñ ebiọọñọ mbon mfen e-ekesʌkkọ edọdʌk.”
53Yisọs akekpọñ itie ado, mme Farisi ye mme akpeeb mbed emaefaaña se anye aketañ enyʌñ ekaa iso etọ anye mme mbuume, 54ebet adimʌm anye ke se anye adiitañ.
Айни замон обунашуда:
:
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.