Sailm Dhaibhidh 67
67
Salm 67
1Gun dèanadh Dia mòr thròcair oirnn,
's ar beannachadh a‑ghnàth:
Is togadh e gu gràsmhor oirnn
dealradh a ghnùis' gu bràth.
2Chum fios do shlighe bhith gu fìor
's gach uile thìr air bith:
Is iomradh air do shlàinte chaoimh
measg fhineachan fa leth.
3Moladh am poball thus', a Dhè:
moladh gach poball thu.
4Biodh gàirdeachas air fineachan,
gu h‑ait a' seinn do chliù:
Oir ceart-bhreith bheir thu air an t‑sluagh,
riaghlaidh air thalamh iad.
5Moladh gach poball thus', a Dhè:
moladh iad thu 's gach àit.
6'N sin bheir gach talamh is gach fonn
deagh thoradh trom gu pailt:
Is cuiridh Dia ar Tighearn oirnn
a bheannachadh gun airc.
7Nì Dia ar beannachadh gun cheist,
's bidh 'eagal-san gu fìor
Air gach aon neach a dh'àiticheas
fad iomall crìoch gach tìr'.
Айни замон обунашуда:
Sailm Dhaibhidh 67: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.