Sailm Dhaibhidh 47
47
Salm 47
1Buailibh ur basan, uile shlòigh,
tha chòmhnaidh anns gach àit;
Le guth 's le gàirdeachas do Dhia,
suas togaibh iolach àrd:
2Oir Dia ro‑àrd is uamhann e;
Rìgh mòr os cionn gach tìr'.
3Am poball cuiridh e for smachd,
for cois na slòigh gu lèir.
4Mòrachd Iàcoib don tug e gràdh,
mar oighreachd dhuinne thagh:
5Chaidh Dia le caithreim àrd a‑suas,
le trompaid 's fuaimneach bladh.
6Seinnibh do Dhia, seinn moladh: seinn
dar Rìgh, seinn moladh binn:
7Oir 's Rìgh Dia mòr os cionn gach tìr,
seinn dha gu h‑eòlach grinn.
8Tha Dia na shuidh' na chathair naoimh;
's e 's Rìgh air cinnich ann.
9Prionnsan nan sluagh do chruinnich iad,
poball Dhè Abrahàim;
Airson gur le Iehòbhah mhàin
sgiath dhìdein do gach tìr:
'S e fhèin as àird' 's as urramaich,
's dha dlighear moladh sìor.
Айни замон обунашуда:
Sailm Dhaibhidh 47: SD1992
Лаҳзаҳои махсус
Паҳн кунед
Нусха
Want to have your highlights saved across all your devices? Sign up or sign in
© Comann Bhìoball na h-Alba (Scottish Bible Society) 1992.