Kalafe 30
30
Azita oyo soza ma e’yosiri
1 #
Kal 1:4, 16; 7:2; Azi 1:13, 17 Musa nga di ’yo ’ba opiru Israeli anziyi ma suru ma drilia ’diyi ma tia, kini, E’yo Yehovani azileri ’di. 2#Azi 23:21-23; Mat 5:33; E’do 28:20; Lev 27:2; Lip 11:30, 35; Zab 56:12; 119:106; O’be 20:25; Ekl 5:4; Lev 5:4; Mat 14:9; ’Yeta 23:14; Yob 22:27; Zab 22:25; 50:14; Nah 1:15’Ba ka e’yo azi oyo sozasi Yehova dri, kani ka oyo so i orindi ombezu e’yo ombezasi, eri ma eza e’yo erini ’yoleri ku; te eri ma ’ye ekile e’yo dria efupi eri ma tiliarile. 3Azini vini zamva ka e’yo azi oyo sozasi Yehova dri, ka i ombe e’yo ombezasi erini de ovuria zamvaru ’dani i ati vile akua, 4eri ati ka e’yo erini azile oyo sozasiri pi eri e’yo ombeza erini i orindi ombezuri be, te ati ka adri erini ciri; ka’dini oyo erini dria nga pa so okporu ’dani, azini vini e’yo ombeza dria erini i orindi ombezuri nga pa so ra indi. 5Te eri ma ati ka ga si, o’du erini eri ma oyo erizurisi, oyo erini aluni ngani pa so ku, azini vini e’yo ombeza erini i orindi ombezuri ma aluni ngani pa so ku indi; Yehovani nga e’yo onzi erini ku ra, eri ma ’atini eri gale sirisi. 6Te eri ka mu agupia, de e’yo erini azile oyo sozasiri ovu eri ma dria ci, kani e’yo efupi eri ma tilia egata kokoru erini ani i orindi ombezuri ka ovu eri ma dria ci, 7agupi ka eri ra, ka adri erini ciri o’du erini e’yo nde erizurisi; ka’dini oyo erini nga pa so ra, azini vini e’yo ombeza erini ani i orindi ombezuri nga pa so ra indio 8#E’do 3:16; 1 Kor 7:4; 14:34; Efe 5:22-24; Kol 3:18; 1 Pet 3:1; 1 Tim 2:11, 12Te agupi erini ka ga si, o’du erini e’yo nde erizurisi, ka’dini eri nga oyo ovupi eri ma driari pi ’ba toko, e’yo efupi eri ma tilia egata kokoru erini ani i orindi ombezuri be; Yehovani nga eri ma e’yo onzi ku ra. 9#Lev 21:7Te oyo awuzini, kani oku drole ’borini, ada e’yo dria erini ani i orindi ombezu ’diyi yi nga pa so eri ma dria ra. 10Te eri ka ndra e’yo azi oyo sozasi i agupi vile akua, kani eri ka ndra i orindi ombe e’yo ombeza oyonirisi, 11te agupi erini ka ndra eri ra, te eri adri erini ciri, ogani ndra eri ku; ka’dini e’yo erini azile oyo sozasiri nga pa so dria ra, azini e’yo ombeza erini ani i orindi ombezuri nga pa so dria ra indi. 12Te agupi ka e’yo nde ga si, ka ’ba toko o’du erini e’yo nde erizurisi, ka’dini e’yo efupi eri ma tilea oyo sozasi, kani e’yo ombeza erini i orindi ombezurisiri ngani pa so ku; agupi erini ’ba yi tokoru ’bo, Yehovani nga e’yo onzi erini ku ra. 13E’yo dria azile oyo sozasi ’diyi pi, oyo okporu ’bani ani yi ma orindi ecandizu ’diyi be, agupi eco yi ’ba pa sozuni, agupi eco vini yi ’bazaru tokoni indio 14Te agupi erini ka adri erini ciri etuzu, ka’dini eri e’yo erini azile oyo sozasi ’diyi pi fe pa sozu, e’yo ombeza ovupi eri ma dria ’diyi pie dria; eri fe yini pa sozu ra ,erini ovule erini ciri o’du erini ’yo nde erizurisirisi. 15Te eri ka e’yo nde ’diyi ga si ’bazu toko, erini e’yo nde erizu ’bori ma vutia, ka’dini eri nga oku erini ma e’yo onzi ’du i dria.
16’Diyi e’yo azitaru Yehovani azile Musa dri e’yo agupi pi ma eselia oku ini beri ma dria, azini e’yo ata pi ma eselia i zi ovupi nga zamvaru i ati vile akuari beri ma dria ’diyi.
ప్రస్తుతం ఎంపిక చేయబడింది:
Kalafe 30: LB66
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Lugbara © United Bible Societies, 1966.