Kalafe 29
29
1 #
Lev 23:24; Zab 89:15; Isa 27:13; Zek 9:14; Mar 16:15; 1 Kor 15:52; Eceza 8:6-13 Emi ma ’ba okuza alatararu mba aziriri ma mbao’du okorisi; emi ma nga azi okporuri aluni ku. Eri ovu emi dri o’du ’bani guka vuzuri’i; 2emi ma fe edeta vezaru afa aji be arikariruriru Yehova dri monio aluduru alu, kabiloago alu, kabiloanzi agoru nyibile kokoru capi eli be alu alu ’diyi aziri; 3edeta yini anyafurasi ’diyi be, anyafura inikiniru osale odusi abaka ma aliari ma esele mudri ’diyi ma azi na monio aludururisi, azini esele mudri ’diyi ma azi iri kabiloagorisi, 4azini esele mudri ’diyi ma azi alu kabiloanzi aziri ’diyi ma alu alu vusi 5ndriago alu edeta e’yo onzi edezuriru, e’yo onzi emini edezu; 6#Kal 28:11; Efu 29:38; Lev 6:9; Kal 28:3; Dan 12:11; Kal 15:11, 12ma ede eri edeta veza mba o’dirusiri pi be tualu edeta erini anyafurasiri be, edeta yini afa mvuzasi ’diyi pie, ekile yi ma azitani ovulerile, eri ma ovu afa aji be arikariru, edeta edele acisi Yehova dririru.
7 #
Lev 16:29-34; 23:27; Ezr 8:21; Zab 35:13; Isa 58:5; Mat 5:4; Luk 13:3, 4; 1 Kor 9:27; 2 Kor 7:9; Yak 4:9 Mba aziriri ma o’du mudririsi emi ma ’ba okuza alatararu, emi ma ecandi emi orindi; emi ma nga azi okporuri aluni ku, 8#Lev 22:20; Kal 28:19; 29:8; Azi 15:21; 17:1te emi ma fe edeta vezaru Yehova dri afa aji be arikariruriru: monio aluduru alu, kabiloago alu, kabiloanzi agoru capi eli be alu alu ’diyi aziri, yi ma ovu emi dri nyibile kokoru; 9edeta yini anyafurasi ’diyi be, anyafura inikiniru osale odusi abaka ma aliari ma esele mudri ’diyi ma azi na monio aludururisi, esele mudri ’diyi ma azi iri kabiloagorisi, 10esele mudri ’diyi ma azi alu kabiloanzi aziri ’diyi ma alu alu vusi; 11#Lev 16:3, 5emi ma fe vini ndriago edeta e’yo onzi edezuriru, ma fe yi edeta e’yo onzi edezuri pi be tualu, edeta veza i depi kuri pie, edeta yini anyafurasi ’diyi pie, edeta yini afa mvuzasi ’diyi pie.
12 #
Lev 23:34; Azi 16:13-15; Efu 23:16; 34:22; Eze 45:25 Mba aziriri ma o’du mudri drini towirisi, emi ma ’ba okuza alatararu; emi ma nga azi okporuri aluni ku, te emi ma mba omu ma ta Yehova dri o’du aziri; 13#Ezr 3:4; Ebra 10:1-18; Dan 9:24; Ebra 7:18; 8:13emi ma fe edeta vezaru edeta edele acisi afa aji be arikariru Yehova driri: monio aluduru ’diyi mudri drini na, kabiloago iri, kabiloanzi agoru capi eli be alu alu ’diyi mudri drini su; yi ma ovu nyibile kokoru 14edeta yini anyafurasiri be, anyafura inikiniru osale odusi abaka ma aliari ma esele mudri ’diyi ma azi na, monio aluduru ’diyi ma alu alu vusi, esele mudri ’diyi ma azi iri kabiloago iri ’diyi ma alu alu vusi, 15esele mudri ’diyi ma azi alu kabiloanzi mudri drini su ’diyi ma alu alu vusi; 16ma fe vini ndriago alu edeta e’yo onzi edezuriru, ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri be.
170’du iririsi emi ma fe edetaru monio aluduru ’diyi mudri drini iri, kabiloago iri, kabiloanzi agoru nyibile kokoru capi eli be alu alu ’diyi mudri drini su, 18#Kal 15:12; 28:7, 14; Lev 2:1edeta yini anyafurasiri pie, edeta yini afa mvuzasi ’diyi be, monio aluduru ’diyi pisi, kabiloago ’diyi pie, kabiloanzi pie, kalafe yini vusi ekile azitani lelerile; 19ma fe vini ndriago alu edeta e’yo onzi edezuriru, ma fe yi edeta veza i depi kuri pi be tualu, edeta erini anyafurasiri pie, edeta yini afa mvuzasi ’diyi pie.
20O’du narisi monio aluduru mudri drini alu, kabiloago iri, kabiloanzi agoru nyibile kokoru capi eli be alu alu ’diyi mudri drini su, 21edeta yini anyafurasiri pie, edeta yini afa mvuzasi ’diyi be, monio aluduru ’diyi pisi, kabiloago ’diyi pie, kabiloanzi pie, kalafe yini vusi ekile azitani lelerile; 22ma fe vini ndriago alu edeta e’yo onzi edezuriru,ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie. 23O’du surisi monio aluduru mudri, kabiloago in, kabiloanzi agoru nyibile kokoru capi eli be alu alu ’diyi mudri drini su, 24edeta yini anyafurasiri pie, edeta yini afa mvuzasi ’diyi be, monio aluduru ’diyi pisi, kabiloago ’diyi pie, kabiloanzi pie, kalafe yini vusi ekile azitani lelerile; 25ma fe vini ndriago alu edeta e’yo onzi edezuriru, ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie. 26#Yoh 1:29; Ebra 7:26; 1 Pet 1:19; Eceza 1:6-14O’du towirisi monio aluduru oromi, kabiloago iri, kabiloanzi agoru nyibile kokoru capi eli be alu alu ’diyi mudri drini su, 27edeta yini anyafurasiri pie, edeta yini afa mvuzasi ’diyi be, monio aluduru ’diyi pisi, kabiloago ’diyi pie, kabiloanzi pie, kalafe yini vusi azitani lelerile; 28ma fe vini ndriago alu edeta e’yo onzi edezuriru; ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie.
29O’du aziarisi monio aluduru aro, kabiloago iri, kabiloanzi agoru nyibileko kokoru capi eli be alu alu ’diyi mudri drini su, 30edeta yini anyafurasiri pie, edeta yini afa mvuzasi ’diyi pie, monio aluduru ’diyi pisi, kabiloago ’diyi pie, kabiloanzi pie, kalafe yini vusi azitani lelerile; 31ma fe vini ndriago alu edeta e’yo onzi edezuriru; ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasi ’diyi pie.
32O’du aziririsi monio aluduru aziri, kabiloago iri, kabiloanzi agoru nyibileko kokoru capi eli be alu alu ’diyi mudri drini su, 33edeta yini anyafurasiri pie, edeta yini afa mvuzasi ’diyi pie, monio aluduru ’diyi pisi, kabiloago ’diyi pie, kabiloanzi pie, kalafe yini vusi azitani lelerile; 34ma fe vini ndriago alu edeta e’yo onzi edezuriru; ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie.
35 #
Lev 23:36; Zab 47:5, 6; Isa 11:10; 54:1; 60:1; Mat 28:1; Yoh 7:37; Ebra 1:3; 4:9; Eceza 7:9-17; 11:15; 21:1; 22:1 O’du arorisi emi ma ’ba okuza inzitaruri: emi ma nga azi okporuri aluni ku, 36te emi ma ede edeta vezaru, edeta edele acisi aji be arikariru Yehova driri: monio aludururi alu, kabiloago alu, kabiloanzi agoru nyibileko kokoru capi eli be alu alu ’diyi aziri, 37edeta yini anyafurasiri pie, edeta yini afa mvuzasi ’diyi pie, monio aludururi pisi, kabiloago pie, kabiloanzi pie, ma ovu yi ma kalafeni ovulerile, azitani lelerile; 38ma fe vini ndriago alu edeta e’yo onzi edezuriru, ma fe yi edeta veza i depi kuri pi be tualu, edeta erini anyafurasiri pie, edeta erini afa mvuzasiri pie.
39 #
Lev 23:2; 1 Sur 23:31; 2 Sur 31:3; Ezr 3:5; Neh 10:33; Isa 1:14; Lev 7:11, 16; 22:21; 23:38; Kal 6:21; 7:21; Azi 12:6; 1 Kor 10:31 Emi ma fe edeta ’diyi Yehova dri omu emini ovupi pezaru azitasi ’diyi vusi, tualu afa fele oyo sozasi ’diyi pi be, afa fele ceni ’diyi pie, edeta emini vezaru ’diyi pisi, edeta emini edele anyafurasi ’diyi pie, edeta emini afa mvuzasi ’diyi pie, edeta emini asi anzuruni ’diyi pie. 40#Efu 24:3; Azi 5:27-31; 33:4; Yoh 1:17; 7:19; ’Yeta 7:37, 38Musa nga e’yo olu anzi Israelini ’diyi ma tia ekile e’yo dria Yehovani azile Musa ma tiarile.
ప్రస్తుతం ఎంపిక చేయబడింది:
Kalafe 29: LB66
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Bible in Lugbara © United Bible Societies, 1966.