Ezekieli 26
26
1Na ga duka ku muhiga gwelikumi na mulala, ku lidiku lyokutanga lyomweli, likuva lya Yahova lya duka ku inze, kuvola, 2Ive, mwana womundu, kigira Turo ya vola ku Yerusalemi, Aha, uyu yononnywa ua li kiribwa kyavandu; u girunkani kuhenza ku inze; inze ndizula du, kigira kalunu uyu u koleywi hatswa: 3kigira yaga Mwami Nyasaye a vola ndi, Henza, mbeye musigu ku ive, O Turo, nda leta tsihiri tsinyingi tsidze kulwana nive, kuli inyanza i gi nganga viguvuli vyayo igulu. 4Na va lononnya madigi ga Turo nokusambula vitaladzi vivye; na nda halagata ulugukyi lwilwe lu twule kuye ligali, nokumukola a ve lwanda lwere. 5Ha la va hokuvagala miluvo gyavaluvi hagati henyanza; kigira inze mmali kuvola likuva yili, Mvami Nyasaye a vola; na a la va vilanye ku tsihiri. 6Na avakana veve ava veye mu mulimi va liitwa nekivavi: na va la manya inze mbeye Yahova.
7Kigira Mwami Nyasaye a vola ndi: Henza, nda leta Nebukadirezaru mwami wa Babuloni, yadze ku Turo uyu mwami wavami, u twulanga ku luvega lwa kasikasini, halala netsiparasi, narnagari gobulwani, navanina ku tsiparasi, nekiduma, navandu vanyingi. 8A liita nekivavi avakana vovo va veye mu mulimi: na a la lomba tsimpinga ku ive, nokulomba kitumi ku ive, nokuginga ingavo ku ive. 9Naye a la vika vindu vivye vyokusambula imbiri welidigi lilyo na a la tigula vitaladzi vivyo netsi mbadzi tsitsye. 10Kigira ubunyingi bwetsiparasi tsitsye ulugukyi lwatsyo lu la ku kunika: amadigi gogo ga la degera kigira umuliviti gwavanina ku tsiparasi, na gwa magari ageviju, na gwa magari agobulwani, lwa yingira mu viribwa vivyo, kuli wa avandu vingiranga mu lidala lya sasugulwa. 11A la duvaga tsinzira tsitsyo tsyosi netsimbagayu tsyetsiparasi tsitsye: a liita vandu vovo nekivavi; na vitaradzi vyetsingulu tsitsyo vi lika hasi. 12Na ubutugi bubwo a la bu kola kuva vilanye, nevyokugulannya vivyo vi la kolwa kuva vyokuhimwa; na va la sambula madigi gogo, netsinyumba tsitsyo tsyokuyanzidza va la tsyononnya; na va la vika magina gogo, na misala gyigyo, nolugukyi lulwo hagati ha madzi manene. 13Na nda heridza myoyo gyetsinyimbu tsitsyo, na myoyo gyobukana bubwo si gyi la hulirwa kandi mba. 14Na nda kola ive u ve ulwanda lwere: u la va hokuvagala miluvo gyavaluvi; si u lombakwa kandi mba: kigira inze Yahova mmali kuvola likuva yili, Mwami Nyasaye a vola.
15Mwami Nyasaye a voleranga Turo likuva yili: Visulu si vi la degera kigira muliviti gweligwa lilyo, lwa yava avatwa tsing'oma va kenya lwa liitwa li la kolwa hagati hoho 16Inyinga yeyo avanene vosi avenyanza va lika ku tsintebe tsyavo tsyobukumi, na va la vika ha haluvega tsinjoho tsyavo na va la navula tsingubo tsyavo tsyobung'olang'ole: va levika lidegera; va likala hasi, nokudegera idagika sa indala, nokuge nyera ive. 17Na va la syomera ive, nokuvola, Ga li ndi ive kwononnywa, ive wa li ubumenyo bwa yavo avenyanza, lidala lyelidzominywa, ive wa li netsingulu mu inyanza, uyu na yavo ava menya mulyo, ava kola litihidza lyavo li ve ku yavo vosi avamenyanga mulyo 18Kalunu visulu vi la degera mu lidiku lyeligwa lilyo: yee visulu vi veye mu inyanza vi la timukwa enkolo ku lyadika lilyo.
19Kigira Mwami Nyasaye a vola ndi: Lwa nda kola ive kuva lidala lya hatswa, kuli madala ga ta menyeywi navandu; lwa ndi leta ululiva ku ive, namadzi manene lwa ga ku kunika; 20hene yaho nda kwikidza hasi halala na yavo avikanga kutsia mbogo, u tsie ku avandu va kale, nda ku kola u menye mugati mwelirova, umu veye umwere kutwula kale, halala na yavo avikanga kutsia mbogo, u vule kumenywa navandu; nda vika ubukumi mu kivala kya yavo ava veye mwoyo. 21Na nda ku kola u ve kyokutihidza, si u la va ho kandi mba: u lenywa, navutswa si u la nyoleka kandi mba, Mwami Nyasaye a vola.
ప్రస్తుతం ఎంపిక చేయబడింది:
Ezekieli 26: MBE
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Bible Society of Kenya, 1967
