Ezekieli 25
25
1Na likuva lya Yahova lya duka ku inze, kuvola, 2Ivemwana womundu, henzidza mmoni mumwo ku luvega lwa avana va Amon, u profete ku makuva gavo: 3u volere avana va Amon, Mu hulire likuva lyo Mwami Nyasaye: Mwami Nyasaye a vola ndi: Kigira wa vola, Aha, ku hatakatifu hange, lwa hononnywa; noku kivala kya Israeli, lwa kya kolwa hatswa; noku inyumba ya Yuda, lwa ya hilwa nokwadikidzwa: 4kigira yaga, henza, nda haana iva ku avana vevugwe u ve miyandu gyavo, na va la singeridza hokusosa havo mu ive, nokulomba ubumenyo bwavo mu ive; va la lia makuyu gogo, na va la nwa amaveere gogo. 5Na nda kola Raba kuva kego kyetsing'amia, navana va Amon nda va kola kuva hobusosero bwevyayo: na mu la manya inze mbeye Yahova. 6Kigira Mwami Nyasaye a vola: Kigira ive wa kong'onda amakono, nokukupa umuliviti nevirenge vivyo, nokusangala nelilega lyosi lyomwoyo gugwo ku kivala kya Israeli; 7kigira yaga, henza, mmali kunyira mukono gwange ku ive, na nda ku haana kuva vilanyi vyetsihiri; nda ku twulidza mu vandu, na nda ku dividza u vule kuva mu vivala yivyo kandi; nda ku heridza: na u la manya inze mbeye Yahova.
8Mwami Nyasaye a vola ndi: Kigira Moabu na Seiru va vola, Henza, inyumba ya Yuda i veye kuli tsihiri tsyosi; 9kigira yaga, henza, ndigula mbalu mwa Moabu kutwula ku madala, kutwula ku madala gege ga veye ku tsinzako tsitsye, ubukumi bwekivala yikyo, Bethjeshimothu, na Baalmeon, na Kiriathaim, 10ndi gulira avana vevugwe, ra duke kulwa na navana va Amon; na nda va haana va ve miyandu, avana va Amon va vule kwidzulirwa hagati hetsihiri: 11na nda kola likalaga ku Moabuna va la manya inze mbeye Yahova.
12Mwarni Nyasaye a vola ndi: Kigira Edom ya kuhing'ana nenyumba ya Yuda kwevanzira kisalya, nokwingira mu mahyolo ligali, nokwevanzira kisalya kuvo; 13kunangwa Mwami Nyasaye a vola ndi, Nda nyira mukono gwange ku Edom, na nda twulidza mundu na mutugu kukyo; na nda ki kola hatswa kutwula Teman kuduka Dedan va la gwa ku kivavi. 14Na nda vika kisalya kyange ku Edom nomukono gwavandu vange sraeli; na va la kola mu Edom kuli ubutima bwange nelivihirirwa lyange; na va la manya kisalya kyange, Mwami Nyasaye a vola.
15Mwami Nyasaye a vola ndi: Kigira Vafilisiti va kola kwevanzira kisalya, na va mali kwevanzira kisalya nelilega lyemyoyo gyavo, kudividza nobusigu bwa madiku gosi; 16kigira yaga Mwami Nyasaye a vola ndi, Henza, nda nyira mukono gwange ku Vafilisiti, na nda twulidza Vakerethi, nokudividza litigala lyoluvega lwoluginga lwenyanza. 17Na nda vanzira kisalya kinene kuvo kuvagondokera nobululu; navo va la manya inze mbeye Yahova, lwa ndi vi ka kisalya kyange kuvo.
ప్రస్తుతం ఎంపిక చేయబడింది:
Ezekieli 25: MBE
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Bible Society of Kenya, 1967
