Ezekieli 22
22
1Kandi likuva lya Yahova lya duka ku inze, kuvola, 2Ive mwana womundu, u la kalagira, u la kalagira lidala lya masahi? Kuna ngwa u mu mannye kivihiri kikye kyosi. 3Na u la vola, Mwami Nyasaye a vola ndi: Lidala li tahidzanga masahi hagati halyo, inyinga yalyo i duke kuudza, li lombanga vilwananyi kuhing'ana nomwene, a duke kweyo nonnya 4U gweye nekindu kyelihyolo ku ive mu masahi gogo ga wa tahidza, na u gwiye mudamano mu vifwananyi vivyo vya wa lomba; na u leti amadiku gogo ahimbi, nokuduka ahimbi ku mihiga gyigyo: kigira yaga nda ku kola u nyegwe netsihiri, nevivala yivyo vyosi vi ku kolera ki henyahenye. 5Yivyo vi veye ahimbi, navyo vi veye ihale, vi la ku kolera kihenyahenye, ive mudamano wizula kivihiri.
6Henza avanene va Israeli, sa mulala kuli tsingulu tsitsye tsi veye va li mu ive kutahidza masahi. 7Mu ive wa leganga dada na mama; hagati hoho va koleranga avageni lidambidzwa; mu ive va dambidza avabisa ndu navakunzakali. 8Ive u leganga vindu vyange vitakatifu, na wononnya masabato gange. 9Avetsimbemba va veye mu ive kutahidza masahi; na mu ive va lia vyokulia ku vigulu: hagati hoho va tumekiranga tsiganagani tsindamano. 10Mu ive va vimbulanga kyahonyo kyavadada vavo: mu ive va leganyanga mukali u tsiye mmeweli. 11Kandi mulala u koli agokuvihiriridza nomukali wowakye; nowundi u mali kwononnya mukali womuyai wewe nobuheyi; nowundi mu ive u mali kuleganya mbotso wewe, mukana wa dada wewe. 12Mu ive va vugulanga vikukula kutahidza masahi; ive u vuguye vyambeti nevyamedeka, na u nyoye vyambeti ku ligada avakyo kuvadambidza, na u mali kwivirira inze, Mwami Nyasaye a vola.
13Kunangwa, henza, kigira yaga inze mwene nkong'ondi amakono ku vyambeti vivyo vya wa nyolera ku ga ta li bulungi, noku masahi gogo aga li mu ive. 14Mwoyo gugwo gu nyala kwikudzira, kinga makono gogo ga nyala kuva netsingulu, mu madiku ga ndi ku kolera yaga? Inze Yahova mboye likuva yili, na nda li kola. 15Nda ku salannya hagati hetsihiri, nokukusalannya mu vivala ihale nehale; na nda samba ububi bubwo bu twule ku ive. 16Na ive u lononnywa mu ive mwene, imbiri wetsi moni tsyetsihiri; na u la manya inze mbeye Yahova.
17Likuva lya Yahova lya duka ku inze, kuvola, 18Ive mwana womundu, inyumba ya Israeli i gwiye amandu ku inze: vosi va gwiye mugasa nelibang'a nekivya nelisasi, hagati hekisambiru; va gwiye amandu gefetha. 19Kigira yaga Mwami Nyasaye a vola ndi: Kigira mwinye vosi mu gwiye amandu, kunangwa, henzi, nda mu vungidza hagati ha Yerusalemi. 20Kuli va vungidzanga halala ifetha nomugasa nekivya nelisasi nelibang'a hagati hekisambiru kufwana muliru kuvyo, kuvisalula; ni ndiyo ndi mu vungidza halala mu butima bwange nomu livihirirwa lyange, na ndaalira mwinye, nokumusa lula. 21Yee, nda mu vungidza halala, na nda fwana ku mwinye umuliru gwelivihirirwa lyange, na mu la saluluka hagati homuliru zana. 22Kuli ifetha i salulukanga hagati hekisa mbiru, ni ndiyo mu li salulwa hagati hakyo; na mu la manya inze, Yahova mmali kutsuka ubutima bwange ku mwinye.
23Na likuva lya Yahova lya duka ku inze, kuvola. 24Ive, mwana womundu, u volere kivala yikyo, Ive u veye kivala kya vula kutakaswa kandi imbula si ya kupidzwa ku ive mu lidiku lyelivihirirwa. 25Ha veye nelihambana lyobwebaali lyavaproieti veve hagati hehe, kuli king'ang'a ki fwumanga nokutandula vihimwa: va mali kumira myoyo gyavandu; va vugula akiba nevindu vyobuguli budinyu; va medi livalidzwa lyavakunzakali veve hagati hehe. 26Avasalisi veve va kyaminyi lilaga lyange, no kwononnya vindu vyange vitakatifu: si va vika lyavukannya hagati hevitakatifu na vi tumekirangwa kazozo, kandi si va mannyi avandu lyavukana hagati hevindu vyobubi nevilahi, netsimoni tsyavo tsi visiywi ku masabato gange, na inze ndegannyiywi hagati havo. 27Avanene veve muye va gwiye kuli visalang'ongo vi tandu langa vihimwa, kuduka kutahidza masahi, nokudividza myoyo gyavandu, va duka kunyola vyambeti ku ga ta li bulungi. 28Avaprofeti veve va buuye uhudohi bwa vula kuduvulwa bulahi, kigira yavo, va lolanga malola ga vutswa, nokumannya busegetiri bwobubehi, ni va vola, Mwami Nyasaye a vola ndi na ndi, lwa Yahova ya vula kuvola kindu. 29Avandu vekivala va tumekiranga lidambidza, nelinuula nobululu: yee, va lugutanga avadaka navadambi, nokudambidza ava menya ku ga ta li amalahi. 30Na ndenya nduke kulola mundu musatsa mu avandu yavo, u nyala kweba lugaga, nokusingira ha huduka imbiri wange kigira kivala yikyo, ni nta ki dividza: navutswa si nda nyola kali mulala mba. 31Kigira yaga ntsuki livihirirwa lyange kuvo; mmali kuvasamba nomuliru gwobutima bwange: ndeti inzira yavo avene ku mitwe gyavo, mwami Nyasaye a vola.
ప్రస్తుతం ఎంపిక చేయబడింది:
Ezekieli 22: MBE
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
©Bible Society of Kenya, 1967
