Apostolmi 2
2
Pentecost Tsalà lo Aghungú Kimthe Ighi
1Kughou Pentecost#2:1 Hechekulu ghulhu thiu atsala lho apunguu lo Jewmiqo no Ghile Tiqhitini shi chekeu Ipe 34:22; Achine 23:15‑22; Zaki 16:9‑12 tsalà tove keno küpülümi tile akemi kümtsü amqo shi a-a lakhi lo ngoa. 2Zülile no atsütsǘ lono amlhü kuloghi toi asütsa lakhi ighino panongu no iqa akeu ki kümtsü chhitoive. 3Eno ami mili kütüta shikeu toi keu no tile akemi kümtsü shou ngoluve keu panongu no ithulu. 4Panongu kümtsü Aghungú Kimthe no chhitoive eno Aghungú no panongu pelo pilu pe kehu amili kütau no atsa pithuve.
5Tipa ghuloki lo Jewmi Alhou sümsa chekemi aghakhu jeli kümtsü lono ighino Jerusalem lo ngo ae. 6Kughou panongu no amlhü sütsa hu chilu keno, panongu no amqo shi ighino hekütsü pesü ngove püzü akümzaqhiyive, kughengu tile küpülümi akemiqo ye aghakhu jeli lono Jewmi Alhou sümsa chekemi ighi kemi kümtsü tsau no piakeu panongu no chilu ke. 7Panongu no akichiqhiyi iniju: “Timi hipaqo ye Galileemi ke kumo keshea? 8Tishiaye kíshi no ningu ye panongu no nizá tsau no piakeu chilu ani kea? 9Parthiami, Mediami, eno Elamitemi, Mesopotamia lo kungomi, Judeami eno Cappadociami, Pontus eno Asia, 10Phrygia eno Pamphylia, Egypt eno Cyrene phivilo Libya lono ighi kemi; Rome lono xukujumi 11(Jewmi eno Jewmi chineye luve kemi) Cretemi eno Arabmi panongu no Alhou no akümzapu mülà keu tsà piakeu nizá tsà lono ningu no chilue!” 12Akümzaqhiyi eno avehu küghüzü shi panongu lakhi no lakhi vilo, “Hiye kiu kiqi kea?” ipi iniju ae.
13Ikemu khami ye panongu junu ghi pi, “Hipaqo ye aji chilo shove no anie.”
Peter no Aqokitikhi lau Asheshu
14Tisheno Peter no Apostolmi chighiqhaqhi gholo puthugho no asütsa müghachhoi keu lono aqokitikhi lau asheshu, “Aküsàmi Jewmi eno nongu khunoqo Jerusalem lo xü acheni keno, ino hipau vehu nongu vilo hepho-piye nike ino pikeu tsaqüi inijulo. 15Nongu no kümsü aketoi timi hipaqo ye shomzüpusü ngo amoe. Hiye inaqhe ayì tokú he aphie! 16Moe, hiye tungkupu Joel no piqhipüa keu ke:
17“ ‘Alhou no pi, ashekha tsalaqo lo
Ino I Ghungú pesü timi kümtsü shou lepuku nani.
Nongu nu eno angáqo no tungkupu tsà pi nani,
nonguw lhothemiqo no kungunhetsü ithulu nani,
nonguw muchomiqo no asamo jeli pumó nani.
18Tipaqo tsalà lo iqemi kipitimi eno totimi kinikujo,
shou ino I Ghungú lepuku tsü nani,
eno panongu no tungkupu tsà pi nani.
19Ino kunguu atsütsǘ lo akichiqhi kepu shipe piye nani
eno aqhou ayeghi lo amichipu shipe piye nani,
ajì ngò ami eno amichhi phoboi nani.
20Ampeu tsalà shishe kijè eno ajuküvü ighi nike zülo
khetsünhe no zümoive nani
eno aqhi no ajì toi huchuhuyive nani.
21Eno Ampeu jeku kemi
kümtsü xaluve nani.’#2:21 Joel 2:28‑32
22“Aküsàmi Israelmiqo, hi inilo: Nazareth nó ghami#2:22 Mt 2:23 Jisü ye Alhou no akümzapu, akichiqhipu eno amichipuqo vechewo nongu lau kìshe pesü tsüke, tiye nongu no ithi aketoi Alhou no pa vechewo nongu gholo mülà keu ke. 23Alhou no azünatha ghi ithithai püghüpe qhive keu vechewo Jisü pesü nongu u lo phesüve ke. Eno nongu no küsaküghamiqo kukuphu lu püzü kros lo Jisü yeda pìthíve ke. 24Ikemu Alhou no akìthí lono pa xüputhuve no akìthí kushuküqha lono pa kuqhopheve ke, kughengu akìthí ye pa küghape qhipüaveni keu kushokütsüpu shive ke. 25David no Ampeu ghili ishi pi:
“ ‘Ampeu no alhokuthu izüu akeu ino ithulue.
Kughengu pa ye i-u ajeu ani,
isüküghütha müla nani.
26Hi ghenguno imlou no alokivishi eno itsapi lo alovishelu ke;
iphimpi ghí lajupu akeu lo aloino nani,
27kughengu no ye kithigha lo ikughucho pe qhivemo nani,
No ye ow akimtheu pelo tsümave pemo nani.
28Nono ipelo aküxüpu laqo ithi pe ke,
nono ogizülo no alokivi pe ishepichhi tsüke.’#2:28 Leshe 16:8‑11
29“Aküsàmi Israelmiqo, ino mutotoi nongu vilo pilu akeu ye nisü David ye thive eno qhove, eno pa thigho ye ishi kutólo hile anie. 30Ikemu pa ye tungkupumi lakhi eno Alhou no pa lau tushoqhi pe püakeu toi pa tikughukomi lakhi pelo pa kükalakhü lo iqa pe nani ipi ithi ake. 31Kiu ighi niye kutò ani keno ithulu püzü pa no Messiah xülekuthu ghili pi, tiye pa ye kithigha lo kughuchope qhivemo, momu pa phimpi ye tsümavemo keu ghili ke. 32Alhou no Jisü hipau pe xüputhuvae eno ningu kümtsü tipauw thopimiqo ke. 33Pa süqhe pesü Alhou u ajeu qhi eno Apù lau no tushoqhi püakeu toi Aghungú Kimthe ithulu püzü nongu no itehi ithulu eno chilu akeu toi ningu shou lepuku tsü anike. 34Kughengu David ye kungugha lo ikumoe, eno tishimu pa no ishi pipüani,
“ ‘Ampeu no I Mipeu vilo pi:
“Ino oghümi pesü
35opukhu kibepu shitsümo ke kutólo
i-u ajeu küdau iqalo.” ’#2:35 Leshe 110:1
36“Tighenguno Israelmi kümtsü no hipau mütsüqheilulo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”
37Kughou timiqo no hi chilu keno, panongu mulo itapiniyive püzü Peter ngò apostolmi kütamiqo vilo pi, “Athiküzümiqo, ningu ye kíshive kepu kea?”
38Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluvelo. Eno nongu no Aghungú Kimthe ghò ithulu nani. 39Ashoqhi hu ye oghenguno eno otianuliqo ngò putosü lo akemiqo ghenguno ke—tiye Ampeu ningu Lhou no khunoqo kuni keno tipaqo ghenguno ke.”
40Pa no atsa kütau kutomo pesü panoqo pikichive: eno panoqo qhüiniju ghi pi, “Amikucho kumo tiqheli hipau lau no nongu likhi nongu xalulo.” 41Pa kükütsü tsà ikhilu kemiqo ye baptiz shiluve, eno tipau tsalà lo timi 3,000 qhalo panongu gholo kihiküsü shiluve.
Küpülümiqo Kuposhukulu
42Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie. 43Kümtsü no apostolmiqo no akümzapu eno amichipuqo kümlà kutomo shikeu ithulu püzü akümzaqhiyi keu no chhitoive. 44Küpülümi kümtsü kumqo ngo eno thowkha kümtsü aqǘ shiae. 45Panongu no aki-alu eno kiniküa jeliqo je pesü avehupu shi akemiqo lau küsaje che. 46-47Tsalakipetsü panongu kümtsa achineki khala lo tamo no kusholu ae. Panongu no panongu ki lono asho mülà no amlo kuchou no Alhou sheqhe eno timi kümtsü lopu shilu keu lo alokivishi eno qhaqhilei shi kümtsa asho kijé chue. Eno tsalakipetsü khunoqo xakulu ithulu keno Ampeu no tipaqo pesü panongu muqo lo süküpha tsüae.
ప్రస్తుతం ఎంపిక చేయబడింది:
Apostolmi 2: STB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Apostolmi 2
2
Pentecost Tsalà lo Aghungú Kimthe Ighi
1Kughou Pentecost#2:1 Hechekulu ghulhu thiu atsala lho apunguu lo Jewmiqo no Ghile Tiqhitini shi chekeu Ipe 34:22; Achine 23:15‑22; Zaki 16:9‑12 tsalà tove keno küpülümi tile akemi kümtsü amqo shi a-a lakhi lo ngoa. 2Zülile no atsütsǘ lono amlhü kuloghi toi asütsa lakhi ighino panongu no iqa akeu ki kümtsü chhitoive. 3Eno ami mili kütüta shikeu toi keu no tile akemi kümtsü shou ngoluve keu panongu no ithulu. 4Panongu kümtsü Aghungú Kimthe no chhitoive eno Aghungú no panongu pelo pilu pe kehu amili kütau no atsa pithuve.
5Tipa ghuloki lo Jewmi Alhou sümsa chekemi aghakhu jeli kümtsü lono ighino Jerusalem lo ngo ae. 6Kughou panongu no amlhü sütsa hu chilu keno, panongu no amqo shi ighino hekütsü pesü ngove püzü akümzaqhiyive, kughengu tile küpülümi akemiqo ye aghakhu jeli lono Jewmi Alhou sümsa chekemi ighi kemi kümtsü tsau no piakeu panongu no chilu ke. 7Panongu no akichiqhiyi iniju: “Timi hipaqo ye Galileemi ke kumo keshea? 8Tishiaye kíshi no ningu ye panongu no nizá tsau no piakeu chilu ani kea? 9Parthiami, Mediami, eno Elamitemi, Mesopotamia lo kungomi, Judeami eno Cappadociami, Pontus eno Asia, 10Phrygia eno Pamphylia, Egypt eno Cyrene phivilo Libya lono ighi kemi; Rome lono xukujumi 11(Jewmi eno Jewmi chineye luve kemi) Cretemi eno Arabmi panongu no Alhou no akümzapu mülà keu tsà piakeu nizá tsà lono ningu no chilue!” 12Akümzaqhiyi eno avehu küghüzü shi panongu lakhi no lakhi vilo, “Hiye kiu kiqi kea?” ipi iniju ae.
13Ikemu khami ye panongu junu ghi pi, “Hipaqo ye aji chilo shove no anie.”
Peter no Aqokitikhi lau Asheshu
14Tisheno Peter no Apostolmi chighiqhaqhi gholo puthugho no asütsa müghachhoi keu lono aqokitikhi lau asheshu, “Aküsàmi Jewmi eno nongu khunoqo Jerusalem lo xü acheni keno, ino hipau vehu nongu vilo hepho-piye nike ino pikeu tsaqüi inijulo. 15Nongu no kümsü aketoi timi hipaqo ye shomzüpusü ngo amoe. Hiye inaqhe ayì tokú he aphie! 16Moe, hiye tungkupu Joel no piqhipüa keu ke:
17“ ‘Alhou no pi, ashekha tsalaqo lo
Ino I Ghungú pesü timi kümtsü shou lepuku nani.
Nongu nu eno angáqo no tungkupu tsà pi nani,
nonguw lhothemiqo no kungunhetsü ithulu nani,
nonguw muchomiqo no asamo jeli pumó nani.
18Tipaqo tsalà lo iqemi kipitimi eno totimi kinikujo,
shou ino I Ghungú lepuku tsü nani,
eno panongu no tungkupu tsà pi nani.
19Ino kunguu atsütsǘ lo akichiqhi kepu shipe piye nani
eno aqhou ayeghi lo amichipu shipe piye nani,
ajì ngò ami eno amichhi phoboi nani.
20Ampeu tsalà shishe kijè eno ajuküvü ighi nike zülo
khetsünhe no zümoive nani
eno aqhi no ajì toi huchuhuyive nani.
21Eno Ampeu jeku kemi
kümtsü xaluve nani.’#2:21 Joel 2:28‑32
22“Aküsàmi Israelmiqo, hi inilo: Nazareth nó ghami#2:22 Mt 2:23 Jisü ye Alhou no akümzapu, akichiqhipu eno amichipuqo vechewo nongu lau kìshe pesü tsüke, tiye nongu no ithi aketoi Alhou no pa vechewo nongu gholo mülà keu ke. 23Alhou no azünatha ghi ithithai püghüpe qhive keu vechewo Jisü pesü nongu u lo phesüve ke. Eno nongu no küsaküghamiqo kukuphu lu püzü kros lo Jisü yeda pìthíve ke. 24Ikemu Alhou no akìthí lono pa xüputhuve no akìthí kushuküqha lono pa kuqhopheve ke, kughengu akìthí ye pa küghape qhipüaveni keu kushokütsüpu shive ke. 25David no Ampeu ghili ishi pi:
“ ‘Ampeu no alhokuthu izüu akeu ino ithulue.
Kughengu pa ye i-u ajeu ani,
isüküghütha müla nani.
26Hi ghenguno imlou no alokivishi eno itsapi lo alovishelu ke;
iphimpi ghí lajupu akeu lo aloino nani,
27kughengu no ye kithigha lo ikughucho pe qhivemo nani,
No ye ow akimtheu pelo tsümave pemo nani.
28Nono ipelo aküxüpu laqo ithi pe ke,
nono ogizülo no alokivi pe ishepichhi tsüke.’#2:28 Leshe 16:8‑11
29“Aküsàmi Israelmiqo, ino mutotoi nongu vilo pilu akeu ye nisü David ye thive eno qhove, eno pa thigho ye ishi kutólo hile anie. 30Ikemu pa ye tungkupumi lakhi eno Alhou no pa lau tushoqhi pe püakeu toi pa tikughukomi lakhi pelo pa kükalakhü lo iqa pe nani ipi ithi ake. 31Kiu ighi niye kutò ani keno ithulu püzü pa no Messiah xülekuthu ghili pi, tiye pa ye kithigha lo kughuchope qhivemo, momu pa phimpi ye tsümavemo keu ghili ke. 32Alhou no Jisü hipau pe xüputhuvae eno ningu kümtsü tipauw thopimiqo ke. 33Pa süqhe pesü Alhou u ajeu qhi eno Apù lau no tushoqhi püakeu toi Aghungú Kimthe ithulu püzü nongu no itehi ithulu eno chilu akeu toi ningu shou lepuku tsü anike. 34Kughengu David ye kungugha lo ikumoe, eno tishimu pa no ishi pipüani,
“ ‘Ampeu no I Mipeu vilo pi:
“Ino oghümi pesü
35opukhu kibepu shitsümo ke kutólo
i-u ajeu küdau iqalo.” ’#2:35 Leshe 110:1
36“Tighenguno Israelmi kümtsü no hipau mütsüqheilulo: Jisü khuu nongu no yedave keno, Alhou no pa pesü Ampeu eno Messiah kinikujo shive tsüae.”
37Kughou timiqo no hi chilu keno, panongu mulo itapiniyive püzü Peter ngò apostolmi kütamiqo vilo pi, “Athiküzümiqo, ningu ye kíshive kepu kea?”
38Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluvelo. Eno nongu no Aghungú Kimthe ghò ithulu nani. 39Ashoqhi hu ye oghenguno eno otianuliqo ngò putosü lo akemiqo ghenguno ke—tiye Ampeu ningu Lhou no khunoqo kuni keno tipaqo ghenguno ke.”
40Pa no atsa kütau kutomo pesü panoqo pikichive: eno panoqo qhüiniju ghi pi, “Amikucho kumo tiqheli hipau lau no nongu likhi nongu xalulo.” 41Pa kükütsü tsà ikhilu kemiqo ye baptiz shiluve, eno tipau tsalà lo timi 3,000 qhalo panongu gholo kihiküsü shiluve.
Küpülümiqo Kuposhukulu
42Küpülümiqo no pulopiniyi shi apostolmi no kütsü keu pape, kuposhu, asho süpho kijé chu, eno akighini shie. 43Kümtsü no apostolmiqo no akümzapu eno amichipuqo kümlà kutomo shikeu ithulu püzü akümzaqhiyi keu no chhitoive. 44Küpülümi kümtsü kumqo ngo eno thowkha kümtsü aqǘ shiae. 45Panongu no aki-alu eno kiniküa jeliqo je pesü avehupu shi akemiqo lau küsaje che. 46-47Tsalakipetsü panongu kümtsa achineki khala lo tamo no kusholu ae. Panongu no panongu ki lono asho mülà no amlo kuchou no Alhou sheqhe eno timi kümtsü lopu shilu keu lo alokivishi eno qhaqhilei shi kümtsa asho kijé chue. Eno tsalakipetsü khunoqo xakulu ithulu keno Ampeu no tipaqo pesü panongu muqo lo süküpha tsüae.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.