Apostolmi 1
1
Jisü Kungugha lo Saikuve
1O Theophilus, iw kaku atüghiu lo Jisü no mülà keu eno kütsü keu kümtsü ino yekütsü ke, 2tiye Aghungú Kimthe vechewo pa no apostolmi shipe niye kìsheluve kemiqo lau mijevetsü kethiu kungugha lo saikuve keu tsalà tomo ke kutólo ke. 3Pa kithí ghime thiu, pa no timiqo lau ipeghi piye eno pa ye xü aphi kepi pülükulupu michipuqo kutomo piye ke. Pa no atsala lhobidi kutólo panongu lau ipeghi piye eno Alhou kükaqha ghili pesü pi acheke. 4Ghulo lakhi pa no panongu gholo chuqu-kusho shi akelo pa no azah hipau panongu tsü: “Jerusalem qhikevilo, ikemu I Pù no aghò tsüní ipi piqhipüa keu ngokhelo. Ino aghò tipau ghili piche keu nongu no chiluvea.” 5Kughengu John ye azü lono baptiz shitsü kemu atsala hami thiu nongu ye Aghungú Kimthe lono baptiz shitsü nani.
6Panongu no pa homüxa pe ngo no pa vilo iniju, “Ampeu, no ye atüqhüdo hipau lono Israel kükaqha sachile süghi niye ani keshea?”
7Pa no panongu vilo pi, “Apù no pa küka lono ado momu atsala pekithi pepüa keu ye nongu no ithi moayesa keu kumoe. 8Ikemu kughou Aghungú Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”
9Pa no hi pive kethiu, panongu nhekithe lono pa ye kunguu saikuve, eno khüngküsü amqo lakhi no pa nhaluve püzü panongu ye pa ithumlave.
10Panongu no anhesüküqümo no atsütsǘ lo pa no wuche keu ju akelo ye zülilekhavi lono timi kini aphì kimiyé pepu no panongu phivilo puthugho pe ngove. 11Pama no ishi pi, “Galileemiqo, nongu ye kushiye hile puthugho no atsütsǘ lo ju ani kea? Jisü khuu nongu lau no kungugha lo sawuve akeno pa ye nongu no kungugha lo pa sawuve keu ithulu ketoi akiniù ideighi nani.”
Judas Theli lo Matthias Kìsheluve
12Tithiu Apostolmiqo ye ato lakhi Olive naghuto ipikeu lono Jerusalem lo idechile ighive, tiye aphughi lono mile tüxa#1:12 Momu kilometer 1 toi keu qhalo ke. 13Panongu no ighive kethiu, panongu ye panongu no kunguu ngo chekeu chebo lo ikuve. Tile akemiqo ye:
Peter, John, James, eno Andrew;
Philip eno Thomas;
Bartholomew eno Matthew;
Alphaeus nu James eno azá yeghi kimiye kicheu#1:13 Azá yeghi kimiye kicheu momu zealot ipikeu ye Jewmi azá yeghi kimiye chekemi eno anguka lono Rome yekipe hapheve moayesae ipi chekeqo ke. Simon eno James nu Judas.
14Apostolmiqo ye tamo no totimiqo eno Jisü pazá Mary ngò pa thiküzümiqo gholo kümtsü küqha no inikhu ache.
15Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho 16no pi, “Athiküzümi eno achelimiqo, Kuchoyesü lo pipüa keu shikupu moayesae, tiye khaghi Aghungú Kimthe no David vechewo Judas khuu Jisü küghaluve kemiqo là kichekipiyeu shi keno pa ghili pipüa keu ke. 17Pa ye ningu gholo kihiküsümi lakhi shi no ningu gholo mülà küqha cheke.”
18(Paw küsakügha jume ithulu keu pesü Judas no alu qhü; pa ye akütsü no aqhoshi ikiqi no pa phimpi vepho eno kighinoli kümtsü ashou vele ipeghive ke. 19Jerusalem lo akemi kümtsü no hipau ghili chiluve, tighenguno panongu no alu tipau je pesü pano tsau no Akeldama, ipi kuve tsü, hipau kiqi ye, ajì peleve keu lu.)
20Peter no pi, “Kughengu Leshele kaku lo ishi yèpüani:
“ ‘Pa kungo-a ye pighive pelo;
khuu pelomu tile xüpe kevilo,’#1:20 Leshe 69:25
eno,
“ ‘kütami pelo pa sakiphe-a lo ngove pelo.’#1:20 Leshe 109:8
21Tighenguno ningu dolo khuu no Ampeu Jisü no iqho-iqi keu kümtsü lo ningu gholo kutubo ighi keno timi lakhi kishephe moayesa ani, 22tiye John no baptiz shikeu lono huthu no Jisü ningu lau no saikuve ke kutólo. Hipaqo gholo milakhi ye ningu gholo shi no Jisü no xülethuve keu thopimi lakhi shimoayesae.”
23Ikehu panongu no timi kini je shuphe: Barsabbas ipi chekeu Joseph (aje kütau Justus ghí pi cheni) eno Matthias. 24Tisheno panongu no akighini shi, “Ampeu, nono kümtsü mulo ithi ani, hi pama dolo Judas no apostol kümlàpu qhive no pa kungo-a lo wuve keu lo 25no ye khiu pelo pa theli lo mülà peniye kìsheluvea keno ningu piye tsülo.” 26Panongu no asaqhi kelo Matthias shou qhibelu; ikehu pa pesü apostolmi chighiqhaqhi gholo kihisüluve.
ప్రస్తుతం ఎంపిక చేయబడింది:
Apostolmi 1: STB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Apostolmi 1
1
Jisü Kungugha lo Saikuve
1O Theophilus, iw kaku atüghiu lo Jisü no mülà keu eno kütsü keu kümtsü ino yekütsü ke, 2tiye Aghungú Kimthe vechewo pa no apostolmi shipe niye kìsheluve kemiqo lau mijevetsü kethiu kungugha lo saikuve keu tsalà tomo ke kutólo ke. 3Pa kithí ghime thiu, pa no timiqo lau ipeghi piye eno pa ye xü aphi kepi pülükulupu michipuqo kutomo piye ke. Pa no atsala lhobidi kutólo panongu lau ipeghi piye eno Alhou kükaqha ghili pesü pi acheke. 4Ghulo lakhi pa no panongu gholo chuqu-kusho shi akelo pa no azah hipau panongu tsü: “Jerusalem qhikevilo, ikemu I Pù no aghò tsüní ipi piqhipüa keu ngokhelo. Ino aghò tipau ghili piche keu nongu no chiluvea.” 5Kughengu John ye azü lono baptiz shitsü kemu atsala hami thiu nongu ye Aghungú Kimthe lono baptiz shitsü nani.
6Panongu no pa homüxa pe ngo no pa vilo iniju, “Ampeu, no ye atüqhüdo hipau lono Israel kükaqha sachile süghi niye ani keshea?”
7Pa no panongu vilo pi, “Apù no pa küka lono ado momu atsala pekithi pepüa keu ye nongu no ithi moayesa keu kumoe. 8Ikemu kughou Aghungú Kimthe nongu shou ikughini keno nongu no aküka ithulu nani; eno nongu ye Jerusalem lo Judea qha kümtsü lo, Samaria lo eno ayeghi shekichi kutólo iw thopimiqo shi nani.”
9Pa no hi pive kethiu, panongu nhekithe lono pa ye kunguu saikuve, eno khüngküsü amqo lakhi no pa nhaluve püzü panongu ye pa ithumlave.
10Panongu no anhesüküqümo no atsütsǘ lo pa no wuche keu ju akelo ye zülilekhavi lono timi kini aphì kimiyé pepu no panongu phivilo puthugho pe ngove. 11Pama no ishi pi, “Galileemiqo, nongu ye kushiye hile puthugho no atsütsǘ lo ju ani kea? Jisü khuu nongu lau no kungugha lo sawuve akeno pa ye nongu no kungugha lo pa sawuve keu ithulu ketoi akiniù ideighi nani.”
Judas Theli lo Matthias Kìsheluve
12Tithiu Apostolmiqo ye ato lakhi Olive naghuto ipikeu lono Jerusalem lo idechile ighive, tiye aphughi lono mile tüxa#1:12 Momu kilometer 1 toi keu qhalo ke. 13Panongu no ighive kethiu, panongu ye panongu no kunguu ngo chekeu chebo lo ikuve. Tile akemiqo ye:
Peter, John, James, eno Andrew;
Philip eno Thomas;
Bartholomew eno Matthew;
Alphaeus nu James eno azá yeghi kimiye kicheu#1:13 Azá yeghi kimiye kicheu momu zealot ipikeu ye Jewmi azá yeghi kimiye chekemi eno anguka lono Rome yekipe hapheve moayesae ipi chekeqo ke. Simon eno James nu Judas.
14Apostolmiqo ye tamo no totimiqo eno Jisü pazá Mary ngò pa thiküzümiqo gholo kümtsü küqha no inikhu ache.
15Tishiwo kushuwa kumo dolo Peter no küpülümiqo (kümtsü küqha kelo panongu aqhe no muku qhemi ake) dolo puthugho 16no pi, “Athiküzümi eno achelimiqo, Kuchoyesü lo pipüa keu shikupu moayesae, tiye khaghi Aghungú Kimthe no David vechewo Judas khuu Jisü küghaluve kemiqo là kichekipiyeu shi keno pa ghili pipüa keu ke. 17Pa ye ningu gholo kihiküsümi lakhi shi no ningu gholo mülà küqha cheke.”
18(Paw küsakügha jume ithulu keu pesü Judas no alu qhü; pa ye akütsü no aqhoshi ikiqi no pa phimpi vepho eno kighinoli kümtsü ashou vele ipeghive ke. 19Jerusalem lo akemi kümtsü no hipau ghili chiluve, tighenguno panongu no alu tipau je pesü pano tsau no Akeldama, ipi kuve tsü, hipau kiqi ye, ajì peleve keu lu.)
20Peter no pi, “Kughengu Leshele kaku lo ishi yèpüani:
“ ‘Pa kungo-a ye pighive pelo;
khuu pelomu tile xüpe kevilo,’#1:20 Leshe 69:25
eno,
“ ‘kütami pelo pa sakiphe-a lo ngove pelo.’#1:20 Leshe 109:8
21Tighenguno ningu dolo khuu no Ampeu Jisü no iqho-iqi keu kümtsü lo ningu gholo kutubo ighi keno timi lakhi kishephe moayesa ani, 22tiye John no baptiz shikeu lono huthu no Jisü ningu lau no saikuve ke kutólo. Hipaqo gholo milakhi ye ningu gholo shi no Jisü no xülethuve keu thopimi lakhi shimoayesae.”
23Ikehu panongu no timi kini je shuphe: Barsabbas ipi chekeu Joseph (aje kütau Justus ghí pi cheni) eno Matthias. 24Tisheno panongu no akighini shi, “Ampeu, nono kümtsü mulo ithi ani, hi pama dolo Judas no apostol kümlàpu qhive no pa kungo-a lo wuve keu lo 25no ye khiu pelo pa theli lo mülà peniye kìsheluvea keno ningu piye tsülo.” 26Panongu no asaqhi kelo Matthias shou qhibelu; ikehu pa pesü apostolmi chighiqhaqhi gholo kihisüluve.
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.