Apostolmi 3
3
Peter no Apukhu Kinitave Kemi Khukuchumi Shipivi
1Ghulo lakhi Peter ngò John pama ye avelau ayì küthü kihe kighini do ghuloki lo achineki lo iqho che. 2Tile timi lakhi azá po lono apukhu kinitave keu khapesü achineki khagho Jukivi ipikeu-a lo wuche. Pa ye tsalakipetsü xapu ighino achineki khala lo wuche kemi vilo khuchu penike qhiche. 3Kughou pa no Peter ngò John pama no khagho lo iloghi niye akeu ithulu keno pama vilo pisa khu. 4Peter no thüghüi pa ju eno titoi John ghí pa ju. Tisheno Peter no pi, “Nikujo julo!” 5Ikehu timi hu no kiuala pama lau no ithulu nani kepi huqhe ghi amlotsüqhiyi pama ju ae.
6Tisheno Peter no pi, “Ni ye ghükayi momu shuna kiumu kühae, ikemu ino kiu ani keno ti otsüní. Nazareth nó ghami Jisü Khristo je lono alà chelo.” 7Peter no timi u ajeu ikhilu no pa sünheputhu, eno paikhavi no timi tipau pukhu eno alaunhe hu ye mutotoive. 8Pa no ilhethuve no alà chethuve. Tisheno pa ye alà che, ilhe, eno Alhou sheqhe ghi pama gholo achineki khala lo wu. 9Kughou timi kümtsü no pa no alà che no Alhou sheqhe keu ithulu keno, 10panongu no pa ye achineki khagho Jukivi ipikeu-a lo iqa no khuchu chekeu kepi kimchiluve, eno pa lau kiu shive keno ti ithulu pe akichiqhi eno akümza keu no chhitoive.
Peter no Sühope Ju Akemiqo Pütsa
11Timi hu no Peter ngò John pama sünhepe akelo tile timi kümtsü no akichiqhive no Solomon Ki sheqho ipi chekeu-a lo panongu lau posü ighi. 12Kughou Peter no hi ithulu keno pa no panongu vilo pi: “Aküsàmi Israelmiqo, kushiye hino nongu kichiqhive pe ani kea? Kushiye nongu ye ni küká momu ni mikucho lono timi hipau pelo alachelu pe aketoi qheghüi ningu ju ani kea? 13Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive. 14Nongu no Akimtheu eno Achipiumikuchou milive no timi hekiqhiu nongu lau kuqhophe tsülo pi khue. 15Nongu no aküxü mipeu heqhipithíve, ikemu Alhou no akìthí lono pa xüputhuve ke. Ningu ye hipau thopimiqo ke. 16Jisü je lo pülübe keu lono timi khuu nongu no ithulu eno ithi ani keno pa ye mutotoivae. Hiye Jisü je lono eno pa lau aküpülü akeu vechewo nongu no ithulu ake toi, timi hipau ye kupukülai shipivivae.
17“Tishiaye, aküsàmi Israelmiqo, ino ithi anike, nongu ghí now sakiphemiqo toi mütha kelau no shike. 18Ikemu hipau gholau no Alhou no tungkupumiqo kümtsü vechewo azünatha ghi Messiah ye ghichhe-ghime shi nani ipi pipüa keu shikupuvae. 19Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi penike, 20eno tishi keu lono pa no Messiah, khuu nongu ghenguno süküsü shipe püani keno puwu nani—tiye Jisü ke. 21Alhou no khaghi no akimthemi tungkupumiqo vechewo piqhipüa keu toi, Alhou no thowkha athoputhove keu do ighi miphi kutólo pa ye kungugha lo ngo aghí moayesae. 22Kughengu Moses no pivae, ‘Ampeu nongu Lhou no nongu ghenguno tungkupu itoi keu lakhi nonguw timiqo dolo no ipeghi pe nani: nongu ye pa no pikeu kümtsü iní moayesa nani. 23Khukhumu pa tsà inimo keu ye panow timiqo lau no kütüta shive pe nani.’#3:23 Zaki 18:15,18,19
24“Kuchou no, Samuel lono huthu no tungkupumi ashe-azü tsà pikemi kümtsü no hipaqo tsalà ghili pipüakhanie. 25Alhou no tungkupumi vechewo nongu pù-asü lau puloshoqhi shipepüa keu lo nongu ghí küsaje akemi ke. Pa no Abraham vilo ishi pi, ‘Onuli-kughuko vechewo ayeghi lo timi kümtsü mügha nani.’#3:25 Bothu 22:18; 26:4 26Kughou Alhou no pa qeu puwu keno, pa no atüghishi nongu lau puwu keu ye nongu pelo alhoküsa laghi jeliqo lono xaideghive no kükümgha ithulu peniye ke.”
ప్రస్తుతం ఎంపిక చేయబడింది:
Apostolmi 3: STB
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.
Apostolmi 3
3
Peter no Apukhu Kinitave Kemi Khukuchumi Shipivi
1Ghulo lakhi Peter ngò John pama ye avelau ayì küthü kihe kighini do ghuloki lo achineki lo iqho che. 2Tile timi lakhi azá po lono apukhu kinitave keu khapesü achineki khagho Jukivi ipikeu-a lo wuche. Pa ye tsalakipetsü xapu ighino achineki khala lo wuche kemi vilo khuchu penike qhiche. 3Kughou pa no Peter ngò John pama no khagho lo iloghi niye akeu ithulu keno pama vilo pisa khu. 4Peter no thüghüi pa ju eno titoi John ghí pa ju. Tisheno Peter no pi, “Nikujo julo!” 5Ikehu timi hu no kiuala pama lau no ithulu nani kepi huqhe ghi amlotsüqhiyi pama ju ae.
6Tisheno Peter no pi, “Ni ye ghükayi momu shuna kiumu kühae, ikemu ino kiu ani keno ti otsüní. Nazareth nó ghami Jisü Khristo je lono alà chelo.” 7Peter no timi u ajeu ikhilu no pa sünheputhu, eno paikhavi no timi tipau pukhu eno alaunhe hu ye mutotoive. 8Pa no ilhethuve no alà chethuve. Tisheno pa ye alà che, ilhe, eno Alhou sheqhe ghi pama gholo achineki khala lo wu. 9Kughou timi kümtsü no pa no alà che no Alhou sheqhe keu ithulu keno, 10panongu no pa ye achineki khagho Jukivi ipikeu-a lo iqa no khuchu chekeu kepi kimchiluve, eno pa lau kiu shive keno ti ithulu pe akichiqhi eno akümza keu no chhitoive.
Peter no Sühope Ju Akemiqo Pütsa
11Timi hu no Peter ngò John pama sünhepe akelo tile timi kümtsü no akichiqhive no Solomon Ki sheqho ipi chekeu-a lo panongu lau posü ighi. 12Kughou Peter no hi ithulu keno pa no panongu vilo pi: “Aküsàmi Israelmiqo, kushiye hino nongu kichiqhive pe ani kea? Kushiye nongu ye ni küká momu ni mikucho lono timi hipau pelo alachelu pe aketoi qheghüi ningu ju ani kea? 13Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive. 14Nongu no Akimtheu eno Achipiumikuchou milive no timi hekiqhiu nongu lau kuqhophe tsülo pi khue. 15Nongu no aküxü mipeu heqhipithíve, ikemu Alhou no akìthí lono pa xüputhuve ke. Ningu ye hipau thopimiqo ke. 16Jisü je lo pülübe keu lono timi khuu nongu no ithulu eno ithi ani keno pa ye mutotoivae. Hiye Jisü je lono eno pa lau aküpülü akeu vechewo nongu no ithulu ake toi, timi hipau ye kupukülai shipivivae.
17“Tishiaye, aküsàmi Israelmiqo, ino ithi anike, nongu ghí now sakiphemiqo toi mütha kelau no shike. 18Ikemu hipau gholau no Alhou no tungkupumiqo kümtsü vechewo azünatha ghi Messiah ye ghichhe-ghime shi nani ipi pipüa keu shikupuvae. 19Tishiaye amlo pebideve lo, eno Alhou lau xaide ighilo, tishianguno nongu xinéqo nuxave tsü penike eno aghüthipüxü keu do tipau ye Ampeu lau no ighi penike, 20eno tishi keu lono pa no Messiah, khuu nongu ghenguno süküsü shipe püani keno puwu nani—tiye Jisü ke. 21Alhou no khaghi no akimthemi tungkupumiqo vechewo piqhipüa keu toi, Alhou no thowkha athoputhove keu do ighi miphi kutólo pa ye kungugha lo ngo aghí moayesae. 22Kughengu Moses no pivae, ‘Ampeu nongu Lhou no nongu ghenguno tungkupu itoi keu lakhi nonguw timiqo dolo no ipeghi pe nani: nongu ye pa no pikeu kümtsü iní moayesa nani. 23Khukhumu pa tsà inimo keu ye panow timiqo lau no kütüta shive pe nani.’#3:23 Zaki 18:15,18,19
24“Kuchou no, Samuel lono huthu no tungkupumi ashe-azü tsà pikemi kümtsü no hipaqo tsalà ghili pipüakhanie. 25Alhou no tungkupumi vechewo nongu pù-asü lau puloshoqhi shipepüa keu lo nongu ghí küsaje akemi ke. Pa no Abraham vilo ishi pi, ‘Onuli-kughuko vechewo ayeghi lo timi kümtsü mügha nani.’#3:25 Bothu 22:18; 26:4 26Kughou Alhou no pa qeu puwu keno, pa no atüghishi nongu lau puwu keu ye nongu pelo alhoküsa laghi jeliqo lono xaideghive no kükümgha ithulu peniye ke.”
ప్రస్తుతం ఎంపిక చేయబడింది:
:
హైలైట్
కాపీ
సరిపోల్చండి
షేర్ చేయి
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Sümi Tiqhelimi Bible™| Copyright © 2023, 2026 by Biblica, Inc. |
Used with permission. All rights reserved worldwide.