ማቶሳ 7 నుండి ప్రసిద్ధ బైబిల్ శ్లోకాలు

షేర్ చేయి

«ዎሲቴ፤ ሂንቴ ኣካና። ኮዪቴ፤ ሂንቴ ዴማና። ካሪያኮ ዪዴ ፄሲቴ፤ ሂንቴው ፔንጊ ዶዬታና።

ኣዪሲ ጎፔ፥ ዎሲያ ኡባይ ኣካና፤ ኮዪያ ኡራይ ዴማና፤ ቃሲ ካሪያኮ ዪዴ ፄሲያ ኡራው ፔንጊ ዶዬታና።

«ሄዋ ዲራው፥ ሃዋ ታ ቃላ ሲሲዴ ኦያ ኡባይ ሚኖ ዛላ ቦላ ባሬ ጎሊያ ኬፄዳ ዎዛናማ ኣሳ ማላ።

«ሄዋ ዲራው፥ ሃራ ኣሳይ ሂንቴው ኦናው ኮዪያ ኡባባ ሂንቴካ ኣሳው ኦቴ፤ ኣዪሲ ጎፔ፥ ሙሴ ሂጊያ ቢሌይኔ ናባቱ ታማሪሲያዌ ሃዋ።

«ሺን፥ ዴዖ ኣፊያ ፔንጊ ኡንዓ፤ ኦጊካ ፁን። ቃሲ ሄዋ ዴሚያዋንቱካ ጉ።

«ኡንዓ ፔንጊያና ጌሊቴ። ኣዪሲ ጎፔ፥ ባዬው ኣፊያ ፔንጊ ኣኩዋ፤ ኦጊካ ዎጋ። ሄዋና ጌሊያ ኣሳይካ ጮራ።

ሂንቴንቱ ኢታ ጊዲዴ፥ ሂንቴንቱ ናናቱዋሲ ሎዖባ ኢሚያዋ ኤሮፔ፥ ያቲና፥ ሳሉዋን ዴዒያ ሂንቴንቱ ኣዉ ባሬና ዎሲያዋንቱሲ ሎዖባ ዎቲ ዳሪሲ ኢሜኔ!

«ፆሳይ ሂንቴንቱ ቦላ ፒርዴና ማላ፥ ሂንቴካ ሃራቱዋ ቦላ ፒርዶፒቴ። ኣዪሲ ጎፔ፥ ሂንቴንቱ ሃራቱዋ ቦላ ፒርዲያዋዳን፥ ፆሳይ ሂንቴንቱ ቦላ ፒርዳና፤ ቃሲ ሂንቴንቱ ሃራቱዋሲ ኢማናው ማኪያባን ኢ ሂንቴው ማካና።

«ሃዋ ታ ቃላ ሲሲዴ ኦና ኣሳይ ኡባይ፥ ባሬ ጎሊያ ሻፊያ ቦላ ኬፄዳ ቦዛ ኣሳ ማላ።

ኔ ኣይፊያን ዴዒያ ቱሳ ቤዓካ፤ ሺን ኔ ኢሻ ኣይፊያን ዴዒያ ሱላ ኣዪሲ ፄላይ? ዎይ ኔ ኣይፊያን ቱሳይ ዴዒሺን፥ ኔኒ ኔ ኢሻ፥ ‹ታኒ ኔ ኣይፊያፔ ሱላ ኬሶ› ዋናዴ ጋናው ዳንዳያይ?

«ቦላ ባጋና ዶርሳ ማላቲዴ፥ ሂንቴኮ ዪያ ዎርዶ ናባቱዋፔ ናጌቲቴ፤ ሺን ኡንቱንቱ ጋርሳ ባጋና ዋላቱዋ ማላ። ኡንቱንቱ ኣይፊያ ኣይፊያዋን ሂንቴ ኡንቱንታ ኤራና፤ ኣጉንይ ዎዴን ኣይፊያ ኣይፌና፤ ጎሚዖሪካ ኮኪያ ኣይፊያ ኣይፌና።

ሄዋዳንካ፥ ሎዖ ሚ ኡባይ ሎዖ ኣይፊያ ኣይፌ፤ ሺን ኢታ ሚይ ኢታ ኣይፊያ ኣይፌ።

ሎዖ ሚይ ኢታ ኣይፊያ ኣይፋናው ዳንዳዬና፤ ቃሲ ኢታ ሚይካ ሎዖ ኣይፊያ ኣይፋናው ዳንዳዬና።

ሎዖ ኣይፊያ ኣይፌና ሚ ኡባይ ቃንፄቲዴ፥ ታማን ዬጌታና።